Batumelebi

„ვერ დავადასტურებ ისინი იყვნენ თუ არა უნივერსიტეტის თანამშრომლები, მაგრამ ნამდვილად არ იყვნენ აკადემიური და სამეცნიერო თანამდებობის პირები, [არჩევნებში ხმას აძლევს მხოლოდ აკადემიური და სამეცნიერო პერსონალი], ამიტომ მათ არ მიეცათ ხმის მიცემის საშუალება. ასევე იყო ერთი ადამიანი, რომელსაც არ ჰქონდა პირადობის მოწმობა, მაგრამ უნივერსიტეტის წესდებით გათვალისწინებულია, რომ ასეთ დროს მას შეუძლია ხმა მისცეს ადმიანური რესურსების მიერ გაცემული ცნობის საფუძველზე” – აღნიშნა გიორგი დიასამიძემ.   

რექტორის მოვალეობის შემსრულებლის ერთ-ერთი კანდიდატი რამაზ ხალვაში პირველი იყო დღეს, ვინც არჩევნებზე ხმა მისცა.

„ვფიქრობ, ყველაზე მეტი შანსი მე  მაქვს და მინდა საქმე წავიდეს წაღმა, როგორც არჩევნებზე, ისე უნივერსიტეტში. დარწმუნებული ვარ, უნივერსიტეტი თავისუფალ ნებას  გამოხატავს. დღევანდელი მდგომარეობის სიმბოლოა რექტორის  კაბინეტში გაჩერებული საათი და ვფიქრობ დღეს საღამოს ეს საათი ამოქმედდება და დაიწყება ახალი ერა უნივერსიტეტში“ – განაცხადა რამაზ ხალვაშმა.

„დღეს მნიშვნელოვანი დღეა, მე ხმა მივეცი ევროპულ უნივერსიტეტს, უნივერსიტეტის განვითარებას, თანამედროვე სტანდარტების უზრუნველყოფას უნივერსიტეტში. იმედი მაქვს, ჩემი ყველა კოლეგა შეინარჩუნებს ღირსებას და ხმას მისცემს ყოველგვარი კარნახის გარეშე“ – განაცხადა მალხაზ ნაკაშიძემ.

„უნივერსიტეტის ცხოვრებაში მნიშვნელოვანი დღეა, პიველად ვატარებთ საყოველთაო არჩევნებს. ყველა კანდიდატი ღირსეულია და ჩემი არჩევის შემთხვევაში უნივერსიტეტში დაიწყება ახალი ეტაპი,  რასაც ჰქვია განვითარება, სტაბილურობა და ხარისხი. ვფიქრობ, რომ აკადემიური და სამეცნიერო პერსონალის სიმპათია გადმოიხრება ჩემკენ“ – განაცხადა ირაკლი ბარამიძემ.

საკუთარი არჩევანი დააფიქსირა რექტორის მოვალეობის შემსრულებლის კანდიდატმა ვლადიმერ ბალაძემაც.

„ამ არჩევნებმა შეიძლება უდიდესი როლი ითმაშოს ჩვენი უნივერსიტეტის  ცხოვრებაში და რა თქმა უნდა, ხმა მივეცი კანდიდატურას, ვინც იბრძოლებს ამ დიდი ფუნქციისა და მისიის შესრულებისთვის, რომელიც ქართველმა ერმა დააკისრა ბათუმის უნივერსიტეტს.  მე იმედი მაქვს, რომ გაიმარჯვებს ჯანსღი ძალა, რომელიც იბრძოლებს სწავლებისა და კვლევის ხარისხის ამაღლებაზე, მაღალკვალიფიციური სპეციალისტებისა და სამეცნიერო კადრების მომზადებისთვის.  ეს სჭირდება ჩვენს ქვეყანს და თუ კი გავიმარჯვებ, ვიბრძოლებ ამ მიზნისთვის ჩემს კოლეგებთან ერთად”- განაცხადა ვლადიმერ ბალაძემ.

საარჩევნო კომისიის წევრების თქმით, 13 საათისთვის ამომრჩეველთა მთლიანი ოდენობის  50 პროცენტზე მეტმა, 163-მა ადამიანმა  მისცა უკვე ხმა სასურველ კანდიდატს. იმისთვის, რომ რექტორის მოვალეობის შემსრულებლის არჩევნები შედგეს,  50%ზე მეტმა, ანუ 157-მა ამომრჩეველმა უნდა მისცეს ხმა. 

“არჩევნები მიმდინარეობს ჩვეულ რეჟიმში, ისე როგორც გათვალისწნებულია უნივერსიტეტის საარჩევნო დებულებითა, წესდებთ და 19 მარტის ნომერ 27 დადგენილებით, ხმის მიცემა 17 საათამდე გაგრძელდება და შედეგები დღესვე გამოქვეყნდება უნივერისტეტის საინფორმაციო დაფასა და უნივერსიტეტის ვებგვერდზე“ – ამბობს გიორგი დიასამიძე, საარჩევნო კომისიის თავმჯდომარე, უნივერსიტეტის იურისტი. 

ამ მომენტისათვის ხმა მისცა სამმა კანდიდატმა:  რამაზ ხალვაშმა, ირაკლი ბარამიძემ და მალხაზ ნაკაშიძემ. 

„ვფიქრობ ყველაზე მეტი შანსი მე  მაქვს და მინდა საქმე წავიდეს წაღმა, როგორც არჩევნებზე ისე უნივერსიტეტში. დარწმუნებული ვარ უნივერსიტეტი თავისუფალ ნებას  გამოხატავს. დღევანდელი მდგომარეობის სიმბოლოა რექტორის  კაბინეტში გაჩერებული საათი და ვფიქრობ დღეს საღამოს ეს საათი ამოქმედდება და დაიწყება ახალი ერა უნივერსიტეტში“ – ამბობს რამაზ ხალვაში.

არჩევანი ამ დროისთვის ოცამდე ამომრჩეველმა  დააფიქსირა. ხმის მიცემის პროცედურა 5 საათამდე გაგრძელდება. 

უნივერსიტეტის რექტორის მოვალეობის შემსრულებლის არჩევნებში ხუთი კანდიდატი მონაწილეობს: ირაკლი ბარამიძე, რამაზ ხალვაში, მერაბ ხალვაში, მალხაზ ნაკაშიძე და ვლადიმერ ბალაძე.

ბსუ-ს რექტორის მოვალეობის შემსრულებელს ირჩევს უნივერსიტეტის აკადემიური და სამეცნიერო პერსონალი, რომელთაც აქვთ დოქტორის ან მასთან გათანაბრებული აკადემიური ხარისხი. საარჩევნო კომისიის თავმჯდომარის, გიორგი დიასამიძის თქმით,  საარჩევნო სიის მიხედვით, არჩევნებში მონაწილეობას 312 ამომრჩეველი მიიღებს, უნივერსიტეტის აკადემიური პერსონალი. 

რექტორის მოვალეობის შემსრულებლის არჩევნები ბათუმის შოთა რუსთაველის უნივერსიტეტში მას შემდეგ დაინიშნა, რაც 16 მარტს გამართულ რექტორის არჩევნებზე აკადემიურმა საბჭომ რექტორი ვერ აირჩია.  ყოფილმა რექტორმა, ალიოშა ბაკურიძემ თანამდებობა ვადის ამოწურვამდე, ჯანმრთელობის მდგომარეობის მიზეზით დატოვა. 

ციროზით დაავადებულ 15 წლის გოგონას ღვიძლი საკუთარმა მამიდაშვილმა მისცა. დონორისა და რეციპიენტის ჯანმრთელობის მდგომარეობა ამ დროისათვის გადატანილი რთული ოპერაციის შესაბამისია, პაციენტებმა ინტენსიური თერაპიის განყოფილება დღეს დატოვეს და ორივე მათგანი თავს კარგად გრძნობს.

ბათუმის რეფერალური ჰოსპიტალი საქართველოში პირველი სამედიცინო დაწესებულებაა, სადაც ქართველმა ექიმებმა ღვიძლის გადანერგვის პირველი წარმატებული ოპერაცია განახორციელეს. 2014 წლის 14 დეკემბერს დონორმა ვახტანგ მეგრელიშვილმა ღვიძლის ნაწილი საკუთარ დას, ტატიანა მეგრელიშვილს გადაუნერგა. 4 თვის განმავლობაში,  ბათუმის რეფერალურ ჰოსპიტალში ღვიძლის გადანერგვის სამი ოპერაცია ჩატარდა და სამივე წარმატებით დასრულდა.

საქართველოში ღვიძლის დაავადებებით გამოწვეული სიკვდილიანობა საკმაოდ მაღალია და ყოველწლიურად ტრანსპლანტაცია 30-40 ადამიანს ესაჭიროება, ბათუმის რეფერალურ ჰოსპიტალში ღვიძლის გადანერგვა პაციენტების რიგითობის მიხედვით ხორციელდება და თვეში მინიმუმ ერთი ოპერაცია ჩატარდება.

აღნიშნული სამედიცინო სერვისი საქართველოში ახალი დანერგილია და ამ პროექტისთვის “სამედიცინო კორპორაცია ევექსი” 2 წლის განმავლობაში ემზადებოდა.

ბატონო გიორგი, გაეცანით თუ არა „დემოკრატიის ინსტიტიტის“ განცხადებას?

დიახ, გავეცანით.

არჩევნები ხვალ ჩატარდება?

დიახ, არაფერია არ შეცვლილა, დილის ათი საათიდან 17 საათამდე ჩატარდება არჩევნები.

არჩევის წესზე გამოთქმული შენიშვნები რაზეც არასამთავრობო ორგანიზაცია მიუთითებს?

აკადემიური საბჭოს   დადგენილებით არის გაწერილი პროცედურები, თუ როგორ უნდა ჩატარდეს  რექტორის მოვალეობის შემსრულებლის არჩევნები.

გაწერილია კრიტერიუმები, ვინ აძლევს ხმას, ვინ უნდა წარმოადგინოს სია, რა დოკუმენტაციაა საჭირო და როგორ გამოვლინდება გამარჯვებული. სხვა პრეტენზიებს რაც შეეხება, ის საკითხები რაც არ არის დარეგულირებული აღნიშნული დადგენილებით, დარეგულირებულია უნივერსიტეტის წესდებით. ამ დადგენილებაში არ არის გაწერილი, თუ როდის უნდა დაიწყოს, მაგალითად, არჩევნები, მაგრამ წესდებასა და საარჩევნო დებულებაში წერია, რომ არჩევნები ტარდება დილის ათი საათიდან 17 საათამდე. აქვე დადგენილია გასაჩივრების წესი, პრეტენზიის შემთხვევაში შედეგების გამოცხადებიდან 24 საათის განმავლობაში შესაძლებელია გასაჩივრება. ჩვენ მიგვაჩნია, რომ სამართლებრივი საფუძვლები არჩევნების გადატანის, არ არსებობს.

ხვალ, 3 აპრილს, ბათუმის შოთა რუსთაველის სახელმწიფო უნივერსიტეტში დანიშნულია რექტორის მოვალეობის შემსრულებლის არჩევნები. 

ორგანიზაციის მიერ გავრცელებულ განცხადებაში წერია, რომ წინასწარვე არსებობს არჩევნების შედეგების გაუქმების მაღალი რისკი:

“აკადემიური საბჭო არჩევნების ჩატარებას გეგმავს იმ წესით (რექტორის 2014 წლის 20 ივნისის N01-08/25 ბრძანება), რომელიც საერთოდ არ ეხება რექტორის მოვალეობის შემსრულებლის არჩევნებს და იგი სრულიად სხვა ორგანოების/პირების არჩევნების წესებს ადგენს, რაც ამ შემთხვევაში არ გამოდგება;

 გაურკვეველია კონკრეტულად სად ტარდება რექტორის მოვალეობის შემსრულებლის არჩევნები (ფაკულტეტებზე, რექტორის კაბინეტში, სააქტო დარბაზში და ა.შ.);

 გაურკვეველია საარჩევნო პროცესი (ბიულეტენი, ხმის მიცემის პროცედურა, ფარულობა, და ა.შ.);

 გაურკვეველია რექტორის მოვალეობის არჩევნების პროცესში მონაწილე, საარჩევნო ხმის უფლების მქონე პირთა რეგისტრაციის, დამტკიცების, სიების გამოქვეყნებისა და ამ პროცესის გასაჩივრების წესი;

 არ არსებობს რექტორის მოვალეობის შემსრულებლის არჩევნების ჩატარების განმსაზღვრელი რაიმე ერთიანი პროცედურული დოკუმენტი (დებულება, ინსტრუქცია და ა.შ.), რაც არჩევნების შედეგების ლეგიტიმურობას თავიდანვე საფრთხეს უქმნის.

რადგანაც, ამ ეტაპზე (2 აპრილი, 2015 წელი) შესაძლებელია პროცესის სამართლებრივ, გამჭვირვალე და ობიექტურ პირობებში გაგრძელება, მიგვაჩნია, რომ რექტორის მოვალეობის შემსრულებლის არჩევნების თარიღი უნდა გადავადდეს საარჩევნო პროცედურების დამტკიცებამდე (სურვილის შემთხვევში, ასეთი პროცედურა მიიღება საშუალოდ 2 დღეში, ხოლო კენჭისყრა შეიძლება გაიმართოს ორი კვირის ვადაში) “- წერია განცხადებაში.  

 ორგანიზაცია ასევე მიიჩნევს, რომ უნივერსიტეტის პასუხისმგებელმა პირებმა რამდენიმე თვის წინ, ასევე არასწორად გამოაცხადეს რექტორის არჩევნები (ალიოშა ბაკურიძის განცხადების შემდეგ), რადგანაც კანონმდებლობის მოთხოვნა იყო არა რექტორის არჩევნების გამოცხადება, არამედ თავიდანვე რექტორის მოვალეობის შემსრულებლის არჩევა.

(საქართველოს კანონი ’’უმაღლესი განათლების შესახებ’’, მუხლი 22, პუნქტი 3: საქართველოს კანონმდებლობის შესაბამისად რექტორის უფლებამოსილების ვადამდე შეწყვეტის შემთხვევაში რექტორის მოვალეობის შემსრულებელს ირჩევს საარჩევნო კოლეგია, რომლის შემადგენლობაში შედის უმაღლესი საგანმანათლებლო დაწესებულების აკადემიური ან სამეცნიერო თანამდებობის მქონე ყველა პირი, რომლებსაც აქვთ დოქტორის ან მასთან გათანაბრებული აკადემიური ხარისხი)

 აჭარის განათლების სმინისტროს ინფორმაციით სკოლის რეაბილიტაცია მომავალ წელს იგეგმება.  

სკოლაში 75  მოზარდი სწავლობს. 

სოციალურ ქსელში გამოქვეყნებული პოსტების მიხედვით შეიძლება ვივარაუდოთ, რომ აჭარის საკანონმდებლო ორგანოს პირველ პირს, ავთანდილ ბერიძეს, სამუშაო მაგიდაზე სხვა დოკუმენტებთან ერთად პოეტ ვახტანგ აბულაძის ლექსების კრებულიც უდევს, ან იმ ინტერნეტგვერდს, სადაც მისი ლექსებია გამოქვეყნებული, ყოველდღე ათვალიერებს. უმაღლესი საბჭოს თავმჯდომარეს ის სტროფები აქვს „ფეისბუქის“ საკუთარ გვერდზე გაზიარებული, რომელშიც ღალატისა და იმედგაცრუების თემატიკა სჭარბობს. „პირუთვნელი და არამედროვე, დრო იტყვის ხოლმე, ვინ ვის ღალატობს“, – ამ ფრაზით სრულდება ლექსის პირველი სტროფი, რომელიც ავთანდილ ბერიძემ „ფეისბუქის“ საკუთარ კედელზე 27 მარტს ღამის 12 საათზე გააზიარა.

მის მიერ მანამდე რამდენიმე წუთით ადრე გაზიარებული იმავე ავტორის ლექსი კი ასე იწყება: „ოთახის კატა, გარეთ გასვლა რომ ეკრძალება, უმზერს სარკმლიდან გაფუყული თვისტომებს ქუჩის…“

ავთანდილ ბერიძეს, როგორც ოფიციალურ პირს, „ფეისბუქში“ ცალკე პროფილი არ აქვს და ისევ იმ პროფილით სარგებლობს, რაც უმაღლეს საბჭოში არჩევამდე ჰქონდა. თუმცა ამ გვერდზეც აქვს გამოქვეყნებული ოფიაციალურ შეხვედრებზე გადაღებული ფოტოები. პოსტების ინტენსივობის მიხედვით თუ ვიმსჯელებთ, ავთანდილ ბერიძე „ფეისბუქის“ აქტიური მომხმარებელია. ამბებსა და ფოტოებს ოფიციალური შეხვედრების ან დაგეგმილი ღონისძიებების შესახებ აჭარის უმაღლესი საბჭოს „ფეისბუქგვერდზე“ აქვეყნებს.

„ფეისბუქის“ საძიებო ველში აჭარის მთავრობის თავმჯდომარის სახელისა და გვარის ქართული შრიფტით ჩაწერის შემთხვევაში ოთხი პროფილი იძებნება. მათ შორის ერთ-ერთ გვერდს, რომელიც რეგიონის პირველი პირის ოფიციალური გვერდია, 4 181 მოწონება აქვს. ამ პროფილზე აქვეყნებენ ინფორმაციასა და ფოტოებს ოფიციალური შეხვედრების შესახებ. ეს იმას ნიშნავს, რომ ამდენივე ადამიანი ეცნობა აქ განთავსებულ ინფორმაციას. არჩილ ხაბაძეს ოფიციალური გვერდის მთავარ ფოტოდ რამდენიმე კვირის განმავლობაში ირაკლი ღარიბაშვილთან და სასულიერო პირებთან ერთად გადაღებული ფოტო ჰქონდა გამოქვეყნებული.

„ფეისბუქზე“ იძებნება ასევე პროფილი „არჩილ ხაბაძის მხარდამჭერთა ჯგუფი“. ამ გვერდის ქავერის ფოტოდ ბიძინა ივანიშვილის ფოტოა დაყენებული, შინაარსობრივად ეს გვერდი აჭარის მთავრობის თავმჯდომარის გვერდის ანალოგიურია, ეს გვერდი 2015 წელსაა შექმნილი.
არჩილ ხაბაძის გვერდზე გამოქვეყნებულ ფოტოებზე ტოვებენ კომენტარებს კონკრეტული კითხვებით ან პრეტენზიით, თუმცა არჩილ ხაბაძე „ფეისბუქს“ საზოგადოებასთან საკომუნიკაციოდ არ იყენებს. არჩილ ხაბაძეს ფოტოებზე ხშირად უტოვებენ მაამებელ კომენტარებსაც, აქებენ მას და წარმატებებს უსურვებენ.

„ფეისბუქის“ აქტიური მომხმარებელია ბათუმის საკრებულოს თავმჯდომარე ირაკლი ჭეიშვილი. ის ამბობს, რომ „ფეისბუქი“ მისთვის კომუნიკაციის ერთ-ერთი წყაროა. „ტელეფონში მაქვს ფეისბუქი და როცა მწერენ, მომდის ხოლმე. ეს ერთ-ერთი ეფექტური კომუნიკაციის საშუალებაა მოსახლეობასთან“, – ამბობს ბათუმის საკრებულოს თავმჯდომარე. სხვების მსგავსად ირაკლი ჭეიშვილი „ფეისბუქგვერდზე“ ძირითადად ოფიციალურ ინფორმაციას, საკრებულოში მიღებულ გადაწყვეტილებებსა და მერიის ახალ პროექტებს აზიარებს, თუმცა ხანდახან ის ამ ტრადიციას ღალატობს და, როგორც თავად წერს, „არაკორექტულადაც“ იქცევა. მაგალითად, საკრებულოს თავმჯდომარემ საკუთარ გვერდზე გააზიარა ვიცე-სპიკერ მურმან დუმბაძის ფოტო, სადაც ის ავტომატებითაა. ის ხელში აყვანილი ჰყავთ უმაღლესი საბჭოს წევრებს – მედეა ვასაძესა და ჯემალ ფუტკარაძეს (ფოტო ფოტოშოპითაა დამუშავებული. ის მას შემდეგ გავრცელდა სოციალურ ქსელში, რაც მურმან დუმბაძემ ტელევიზიების თანდასწრებით იარაღი შეიძინა).

„არაკორექტული ვარ ეხლა, მაგრამ რომ არ დამედო, ვერ მოვითმენდი:))))))))) შემთხვევით წავაწყდი და ძალიან ბევრი ვიცინეე:)))))))))))))“, – ასეთი წარწერა წაუმძღვარა ფოტოს ირაკლი ჭეიშვილმა მურმან დუმბაძის ფოტოს. ფოტოს საკრებულოს თავმჯდომარის გვერდზე ვიცე-სპიკერის მიმართ ქილიკი და არაკორექტული კომენტარები მოჰყვა. კომენტარებს ირაკლი ჭეიშვილი არ გამოხმაურებია.

ბათუმის საკრებულოს თავმჯდომარე ერთადერთი თანამდებობის პირია რეგიონში, რომელიც გამონაკლის შემთხვევებში, „ფეისბუქზე“ პოლიტიკური განცხადებების გამოქვეყნებას არ ერიდება, მაგალითად, უმაღლეს საბჭოში მიმდინარე მოვლენების დროს მან საკუთარ გვერდზე დაწერა: „9-საათიან პოსტკრიპტუმს უყურეთ და შემდეგ მითხარით, რომ დუმბაძე და მისი მიმდევრები არ არიან ალიანსში ნაციონალურ მოძრაობასთან:)) მურმან დუმბაძის „ქართული ოცნებიდან“ გარიცხვის შემდეგ კი მის გვერდზე გაჩნდა სტატუსი: „კლოუნო დუმბაძე, ის ტოტი მოჭერი, სადაც იჯექი:))“ – ამ სტატუსს 30-მდე არცთუ ისე კორექტული კომენტარი მოჰყვა.

„ფეისბუქგვერდს“ თავად მართავს აჭარის ფინანსთა და ეკონომიკის მინისტრი დავით ბალაძე. ის, ძირითადად, აქვეყნებს ან აზიარებს ინფორმაციას ოფიციალური შეხვედრებისა და ახალი პროექტების შესახებ, ან ამ შეხვედრების ამსახველ ფოტოებს. „ცოტა დრო მრჩება ფეისბუქით სარგებლობისთვის, თუმცა როდესაც ამის დრო მაქვს, როგორც ყველა, ინფორმაციის მიღებისა და გავრცელების კუთხით ვიყენებ“, – ამბობს დავით ბალაძე. მინისტრის თქმით, სამინისტროს ოფიციალური გვერდიც აქვს. „აღნიშნულ გვერდზე მოქალაქეებიც გვწერენ. წერილების ადრესატი მეც ხშირად ვარ, ამდენად აქტიურად ვეცნობით ხალხის წერილებს, რათა შემდგომ დროულად მოხდეს მათზე რეაგირება“, – ამბობს მინისტრი ბალაძე „ბათუმელებთან“.

თუ გქონიათ კონკრეტულ გზავნილზე კონკრეტული რეაგირება? – მინისტრი ამბობს, რომ სკოლის მოსწავლეებისგან მიღებული ერთ-ერთი წერილის შემდეგ, სამინისტრომ აქცია დაგეგმა: „ვფიქრობ, ფეისბუქი პოზიტიური საქმისთვისაც შეიძლება იქნას გამოყენებული. საზოგადოებამდე საინტერესო და სასარგებლო ინფორმცია რომ მიიტანო, ყველა საშუალება უნდა გამოიყენო. ფეისბუქი კი ამ კუთხით, დღეისთვის ერთ-ერთი ეფექტური გზაა“.

„ფეისბუქით“ აჭარიის ჯანდაცვის, განათლებისა და სოფლის მეურნეობის მინისტრებიც სარგებლობენ და ძირითადად ოფიციალურ ინფორმაციებს აქვეყნებენ.

დღესვე აჭარის ჯანმრთელობისა და სოციალური დაცვის მინისტრის მოადგილე ზურაბ თენეიშვილი და ბათუმის  მერის მოადგილე ბაგრატ მანველიძე აჭარის  საზოგადოებრივი ჯანდაცვის ცენტრის პროგრამის – ,,ავადობის აქტიური გამოვლენა სამიზნე ჯგუფში” – ფარგლებში ხელს მოაწერენ თანამშრომლობის მემორანდუმს.

ქალაქ ბათუმის N7 საბავშვო ბაღში (აღმაშენებლის ქ. N17)

მემორანდუმის მიხედვით ბათუმის ტერიტორიაზე არსებული საბავშვო ბაღების აღსაზრდელთა პროფილაქტიკურ სამედიცინო შემოწმებას ტენდერში გამარჯვებული სს „საზღვაო ჰოსპიტალი“ განახორციელებს  .

აჭარის ჯანდაცვის სამინისტროს პრესსამსახურის ინფორმაციით ბაღის აღსაზრდელებს ჩაუტარდებათ პედიატრის, ოტოლარინგოლოგის, ენდოკრინოლოგისა და ნევროლოგის კონსულტაციები. საჭიროების შემთხვევაში პირველადი დიაგნოზის დაზუსტების მიზნით (მთელი წლის განმავლობაში), განხორციელდება რენტგენოლოგიური, ექოსკოპიური, ფარისებრი ჯირკვლის ჰორმონალური გამოკვლევა, ვიზომეტრია, ავტორეფრაქტომეტრია, ტონომეტრია, აუდიოგრაფია და სხვა.

დიაგნოზის დაზუსტების მიზნით, ასევე ჩატარდება სკრინინგის შემდგომი კონსულტაცია, შეიქმნება მონაცემთა რეგისტრი (ელექტრონული ბაზა), ჩატარდება მონაცემთა სტატისტიკური ანალიზი/ინტერპრეტაცია.

 ბათუმის თვითმმართველობა კი იღებს ვალდებულებას, ბაღების გაერთიანების მეშვეობით ხელი შეუწყოს ღონისძიების შეუფერხებელ მიმდინარეობას და ორგანიზება გაუწიოს ბაღის აღსაზრდელთა მობილიზაციას.

ბაღების გაერთიანების ინფორმაციით, ქალაქის ტერიტორიაზე არსებულ საბავშვო ბაღებში რეგისტრირებულია 6705 აღსაზრდელი.

ჯანმრთელობისა და სოციალური დაცვის სამინისტრო იღებს ვალდებულებას, სამინისტროს კონტროლს დაქვემდებარებული საჯარო სამართლის იურიდიული პირის – აჭარის საზოგადოებრივი ჯანდაცვის ცენტრის მეშვეობით უზრუნველყოს ბენეფიციართა სამედიცინო-პროფილაქტიკური სკრინინგის, სკრინინგის შემდგომი დამატებითი კონსულტაციების, ინსტრუმენტული და ლაბორატორიული გამოკვლევების განხორციელება კვალიფიციური სპეციალისტების მიერ.

 პროგრამა ,,ავადობის აქტიური გამოვლენა სამიზნე ჯგუფში”  2015 წლის განმავლობაში აჭარის ყველა მუნიციპალიტეტში განხორციელდება.  

ბრალდებული გიორგი ვეკუა/ფოტო მანანა ქველიაშვილი

პროკურორმა ირაკლი გაჩეჩილაძემ სასამართლო სხდომის დაწყებისთანავე სწრაფი და ეფექტური გამოძიების მიზნით, საქმეზე სათადარიგო მოსამართლის დანიშვნა ითხოვა: “საქმეში ასზე მეტი დაზარალებულია, ისინი მოწმის სტატუსით უნდა დაიკითხონ. თუ მოსამართლე შეიცვალა საქმეზე, ეს იმას ნიშნავს, რომ სასამართლო გამოძიება თავიდან უნდა დავიწყოთ, რომ არ შეეშალოს ხელი სწრაფი მართლმსაჯულების განხორციელებას. ვითხოვ სათადარიგო მოსამართლის დანიშვნას“.

პროკურორი ირაკლი გაჩეჩილაძე

პროკურორის მოთხოვნამ მოსამართლე დავით მამისეიშვილი გააღიზიანა: “თქვენ, ბატონო პროკურორო, ხომ არ გაქვთ ინფორმაცია ჩემი უფლებამოსილების ვადაზე ადრე შეჩერების ან სადმე გადაყვანის შესახებ? ან რამდენ სათადარიგო მოსამართლის დანიშვნას ითხოვთ, ერთის, ორის, სამის… ვინ წარმოგიდგენიათ სათადარიგო მოსამართლედ? ან იცით როდის მეწურება მოსამართლის უფლებამოსილების ვადა? ეს ვადა მე 2018 წლამდე მაქვს“.

მოსამართლემ პროკურორს უთხრა, რომ “მოსაზრების დაფიქსირება შეუძლია ქუჩაში“ და არც მისი შუამდგომლობა დააკმაყოფილა.
ამის შემდეგ ბრალდებულ ზაზა ჯიქიას ადვოკატმა პაატა ბოლქვაძემ ბრალდებულისთვის პასპორტის დაბრუნება მოითხოვა, მიზეზად კი ის დაასახელა, რომ ბრალდებულს სესხი დოლარში აქვს და ლარში სურს გადატანა, მაგრამ იმის გამო, რომ მას პირადობის დამადასტურებელი დოკუმენტი არ გააჩნია, ამას ვერ ახერხებს. მოსამართლის გადაწყვეტილებით ბრალდებულს პასპორტს დაუბრუნებენ, შინაგან საქმეთა სამინისტროს კი, გაეგზავნება სასამართლოს განკარგულება, რომლის მიხედვითაც ჯიქიას საზღვრის დატოვება აეკრძალება. მოსამართლემ თქვა, რომ თუ ეს გადაწყვეტილება შეუმსუბუქებს მდგომარეობას ბრალდებულს, მით უფრო მაშინ, როცა მხარეები ამაზე თანხმდებიან, სასამართლო სადამსჯელო ორგანო ვერ იქნება.
სასამართლომ ორი დაზარალებული მოწმის სტატუსით გამოკითხა. ერთ-ერთმა დაზარალებულმა გიორგი ვეკუა ვერ ამოიცნო და გვარ- ვეკუას მაგივრად გეკუა დაასახელა.

მოწმე ე.მ-ს ჩვენებიდან: „29 წლის ვარ, 2007 წელს მოვხდი ციხეში. 2009 წელს დაიძაბა მდგომარეობა მე-3 საპყრობილეში. მე თუ დავაშავე, ციხეში ვიჯექი, თუმცა აი ისინი [ხელს ბრალდებულებისკენ უთითებს] მცემდნენ, მაყენებდნენ ფიზიკურ და სიტყვიერ შეურაცხყოფას. ნევროზი დამემართა, მქონდა სხეულზე დაჟეჟილობა. ექიმი ყურადღებას არ მაქცევდა, ვითმენდით ტკივილს. ერთხელ იმიტომ მცემეს, რომ ჩემს საკანში მყოფს კენჭის გავლა ჰქონდა და ექიმი მოვითხოვე. დუბინკები მირტყეს სახეში… ფილტვებში წყალი ჩამიდგა. ანაზღაურებას ვითხოვ, ჩემი ჯანმრთელობა მინდა გამოვიკვლიო… რატომ არიან ესენი გარეთ, ამიხსნით?… რომ გვაწამებდნენ, ამის შესახებ სახალხო დამცველის წარმომადგენელს არ ვეუბნებოდით, არც ადვოკატისთვის მითქვამს არაფერი”.
მოწმე დ.ჩ-ს ჩვენებიდან: „ვხედავ ნათესავები არიან ბრალდებულების დარბაზში, უხერხულია… მე ძალიან მიჭირს ამ თემაზე ლაპარაკი, მე ამ ტკივილის დავიწყებას ვცდილობ. გვცემდნენ, მესმოდა როგორ ყვიროდნენ პატიმრები, როგორ სცემდნენ მათ, მესმოდა, მაგრამ ვერ ვხედავდი“. 

ბრალდებულის ადვოკატი სოსო ჯალაღონია: „რა იცი, რომ პატიმრებს სცემდნენ, ხედავდი?
მოწმე: “აბა, ციხის თანამშრომლები სცემდნენ ერთმანეთს? ყველას, ვინც ციხეში იყო მაგ დროს, შეგიძლიათ ჰკითხოთ”.
სოსო ჯალაღონია: “რით ადასტურებთ, რომ თქვენ გცემდნენ?“
მოწმე: „მოიკითხეთ ყველასთან, ვინც 2009 წლის 30 ნოემბერს კამერა №42-ში იყო, გეტყვიან, როგორი შემიყვანეს საკანში, მე როგორ უნდა დავადასტურო, ნაცემი რომ ვიყავი, მაგის დოკუმენტს მე ციხეში არ მაძლევდნენ“.
სოსო ჯალაღონია: „თქვენი ოჯახის წევრებს უყვებოდით იმის შესახებ, რომ გაწამებდნენ?“
მოწმე: „ჩემ ადგილზე თქვენ მოუყვებოდით დედას, რომ გაწამებდნენ? 75 წლის არის დედაჩემი, მას შეიძლება გული გახეთქოდა”.
სოსო ჯალაღონია: „ცოლისთვისაც არ მოგიყოლიათ? აბა, როგორ დავიჯერო მე, რომ თქვენ გაწამებდნენ, რით ადასტურებთ?“
მოწმე: „ცოლს რა, გული არ აქვს?“
სოსო ჯალაღონია: „ობშიაკები გროვდებოდა ციხეში? პატიმრები თამაშობდნენ აზარტულ თამაშებს ან მაყურებელი გყავდათ?”
მოწმე: “სად ციხეში? არა, რას ბრძანებთ”.
ბრალდებული გიორგი ვეკუა:“თქვენ რა ურთიერთობა გაქვთ ქურდულ სამყაროსთან?”
მოწმე: „მე არც კრიმინალი ვარ და არც კანონიერი ქურდი”.
მხარეებს შორის დიალოგი (საქმის მიხედვით, წამებაში ბრალდებულები, ხოლო მეორე მხრივ, წამების მსხვერპლები), მიუხედავად იმისა, რომ მოწმე ნერვიულად კანკალებდა, ზედმეტი დაბაძულობის გარეშე ჩაიარა.
გამოკითხვის დასრულების შემდეგ პროკურორმა თქვა, რომ გამოძახებული ჰყავდა მესამე მოწმე, რომელიც სასამართლოს ჰოლში მანდატურებმა ვერ იპოვეს, ამიტომაც სხდომა ამჯერად ბრალდების მიზეზით გადაიდო. “ასე, ბატონო პროკურორო, 22 წელიც არ გვეყოფა და 23 დაგვჭირდება ამ საქმის განსახილველად“, – უთხრა მოსამართლემ პროკურორს.

ბრალდებულები ზაზა ჯიქია და გიორგი ვეკუა

მე-3 საპყრობილის ყოფილ ხელმძღვანელს – გიორგი ვეკუასა და მის მოადგილეს ზაზა ჯიქიას სისხლის სამართლის კოდექსის 144.3-ე მუხლის მე-2 ნაწილის ა, ბ, დ და ზ პუნქტებით გათვალისწინებული დანაშაულის ჩადენაში ედებათ ბრალი, რაც კანონში ასეა განმარტებული: „პირის დამცირება ან იძულება, არაადამიანურ, ღირსებისა და პატივის შემლახავ მდგომარეობაში ჩაყენება, რაც მას ძლიერ ფიზიკურ, ფსიქიკურ ტკივილს ან მორალურ ტანჯვას აყენებს… სამსახურებრივი მდგომარეობის გამოყენებით; ისჯება თავისუფლების აღკვეთით ვადით ოთხიდან ექვს წლამდე, ჯარიმით თანამდებობის დაკავების ან საქმიანობის უფლების ჩამორთმევით ვადით ხუთ წლამდე ან უამისოდ”.

პატიმრების წამებაში ბრალდებულები სასამართლო

ბრალდებულები თავს უდანაშაულოდ მიიჩნევენ.

სიუჟეტი მომზადდა „თავისუფალ ჟურნალისტთა სახლის“ პროექტის ფარგლებში – „ახალგაზრდებში დემოკრატიული იდეების პიპულარიზაცია“. პროექტი ხორციელდება „დემოკრატიის მხარდამჭერი ნაციონალური ფონდის“ (NED) მხარდაჭერით; 

„შუახევში, კულტურის ცენტრში, 114 თანამშრომელი გაათავისუფლეს სამსახურიდან. ხელისუფლებასა და მუნიციპალიტეტს მოვუწოდებთ, რომ გამოცდილი კადრები შეინარჩუნონ და თუ ახალ ხალხს ვერ ასაქმებენ, დასაქმებული ადამიანები  მაინც არ გაუშვან სამსახურიდან“, – განაცხადა ასმათ დიასამიძემ,  აჭარის უმაღლესი საბჭოს წევრმა „ერთიანი ნაციონალური მოძრაობიდან „ბათუმელებთან.“ დღეს ასმათ დიასამიძემ ამ თემაზე ნაციონალური მოძრაობის ოფისში ბრიფინგიც გამართა. 

უმაღლესი საბჭოს წევრის განცხადებას დეზინფორმაციას უწოდებს შუახევის კულტურის ცენტრის ხელმძღვანელი.

„ხელშეკრულებით, 31 მარტამდე, აყვანილი იყო 116 ადამიანი, ჩემი ჩათვლით. ხელშეკრულების ვადის გასვლის შემდეგ ყველა ნორმალურ ორგანიზაციაში ხდება ხელშეკრულების გაგრძელება. გვქონდა თათბირი და თანამშრომლებს გავაცანი ის მომავალი გეგმებიც, რაზეც უნდა ვიმუშაოთ. არც არავის ვითხოვ სამსახურიდან და არც არაფერს ვაუქმებ, უბრალოდ ის ადამიანები, რომლებიც ზუსტად იგივე „ნაციონალური მოძრაობის“ დროს, გამგებლობიდან რომ გაუშვებდნენ და მოყავდათ კლუბებში და ბიბლიოთეკებში, რომლებსაც არც სიმღერა არ შეუძლიათ, არც ცეკვა და არც ლექსის თქმა და სახელოვნებო სივრცისათვის არიან ტვირთი და მეტი არაფერი, მსგავსი ადამიანები ბუნებრივია ვერ დასაქმდებიან. რამდენიმე ანსამბლი იქმნება და ამ ანსამბლებში ადამიანები იქნებიან აყვანილი ნიჭისა და შესაძლებლობების მიხედვით. ის, რომ თითქოს 116 ადამიანი ერთი ხელის მოსმით დავითხოვეთ, დეზინფორმაციაა“,  – ამბობს ვახტანგ ბერიძე „ბათუმელებთან.“

მისი თქმით, შუახევში სოფლის კლუბებს ანსამბლები ჩაანაცვლებს, რომლის წევრებსაც აჭარაში ცნობილი პროფესინალები შეარჩევენ ქასთინგის საფუძველზე. კითხვაზე, რამდენ ადამიანს არ გაუგრძელებს კულტურის ცენტრი ხელშეკრულებას, ვახტანგ ბერიძე ამბობს, რომ ამაზე პასუხის გაცემა გაუჭირდება, რადგან  შესაძლოა 116-დან ყველა ადამიანმა დააკმაყოფილოს კულტურის ცენტრის კრიტერიუმები, თუმცა, ცვლილება 43 ადამიანს შეიძლება შეეხოს, რომლებიც სოფლის კლუბებში მუშაობდნენ. 

ვახტანგ ბერიძე  „ბათუმელებთან“ აქვე იმასაც აღნიშნავს, რომ  ძველ ხელისუფლებას შუახევის კულტურის ცენტრში ძალიან გაბერილი ჰქონდა შტატები,  ეს „გაასწორეს და ცივილიზებული“ გახადეს:

„მაგალითად, კულტურის ცენტრს ჰყავდა რეჟისორი, დირექტორი და ღონისძიებების დამგეგმავი მთავარი სპეციალისტი. ეს აბსურდია, რას აკეთებს აბა რეჟისორი, რომელიც დგამს ღონისძიებებს. კულტურის ცენტრს ჰყავდა სტრუქტურულ ერთეულებთან მუშაობის მთავარი სპეციალისტი, რომლის ფუნქციაც ვერ მივხვდი რა არის, იმიტომ რომ კულტურის ცენტრს ჰყავს ადმინისტრაცია.  ასე ქმნიდნენ  [ნაციონალური მოძრაობის]  შტაბიდან გადმოსროლილი ადამიანებისათვის მთავარი სპეციალისტის შტატებს, რომ ეს ადამიანები არ გაენაწყენებინათ. რთული პერიოდი შემხვდა მე, ვწუხვარ,  ვიღაცებს მართლა უწევთ სამსახურის დატოვება“, – ამბობს ვახტანგ ბერიძე. 

ნათელა კეკელიძე სოფელ ნიგაზეულის სოფლის კლუბის გამგეა. იგი კლუბის ერთადერთი თანამშომელია. ნათელა კეკელიძე ამბობს, რომ შუახევის კლუბები ანსამბლების დახმარებით სოფელში მნიშვნელოვან თარიღებს აღნიშნავდნენ, მაგალითად, დედის დღეს და მართავდნენ საახალწლო კონცერტებს.  ნათელა კეკელიძეს ანსამბლების შექნის იდეა მოსწონს, თუმცა ამბობს, რომ სოფელში კლუბის არ არსებობა სოფლისთვის კარგი არ იქნება. 

„ეს სიახლე კი კარგია, მაგრამ გამოყრუვდა სოფელი. კარგი იყო სოფელში კლუბი, დედის დღეა, საახალწლო კარნავალია, სულ სავსე იყო კლუბი, 180 სკამი მაქვს კლუბში და 50 ადამიანი მაინც ფეხზე რჩებოდა იმდენი ხალხი მოდიოდა“, – ამბობს ნათელა კეკელიძე. იგი აპირებს ანსამბლის წევრების შესარჩევ კონკურში მიიღოს მონაწილება. მისი ხელფასი ამ დრომდე 240 ლარი იყო. 

შუახევის კულტურის ცენტრის ბიუჯეტი 397 000 ლარია. 

კულტურის ცენტრის გარდა შპს „საბა-555-მა“ პანდუსები ქედის მუნიციპალიტეტის ექვს სკოლაში: დაბა ქედის, პირველ მაისის, ახოს, გოგიაშვილების, მერისისა და ვაიოს საჯარო სკოლებში მოაწყო, რაზეც ადგილობრივი ბიუჯეტიდან 1905 ლარი დაიხარჯა.

ქედის გამგეობის კომისიამ ობიექტები ისე ჩაიბარა, არ გადაუმოწმებია, რამდენად აკმაყოფილებდა მოთხოვნას პანდუსები. მიღება-ჩაბარებიდან რამდენიმე კვირის შემდეგ კი ახლადმოწყობილი პანდუსების მოსაპირკეთებლად ქედის გამგეობამ 2 330 ლარი გამოყო და ტენდერი ისევ გამოაცხადა. სატენდერო პირობების მიხედვით, გამარჯვებულ კომპანიას საჯარო სკოლებში გაკეთებულ პანდუსებზე ბეტონის ფილები უნდა დაეგო, ქედისა და გოგიაშვილების საჯარო სკოლისა და ქედის კულტურის სახლის პანდუსებზე კი, ლითონის მოაჯირები დაემონტაჟებინა.

22 სექტემბერს გამოცხადებულ ტენდერში ისევ შპს „საბა-555-მა“ გაიმარჯვა და ხელშეკრულება მასთან 1974 ლარზე გაფორმდა. მიუხედავად იმისა, რომ კომპანიას სამუშაოები წლის ბოლომდე უნდა დაესრულებინა, ამ დრომდე არც ბეტონის ფილა დაუგია და არც ლითონის მოაჯირები გაუკეთებია.

ქედის მუნიციპალიტეტის გამგებელი დავით დუმბაძე აცხადებს, რომ, რადგან კომპანიამ ნაკისრი ვალდებულება არ შეასრულა, მას თანხა არ ჩაერიცხა და ქედის გამგეობამ კომპანია შავ სიაში ჩასვა.

„უპატიოსნო აღმოჩნდა მშენებელი, არ შეასრულა ტენდერით გათვალისწინებული სამუშაოები და ეს კომპანია ქედაში სხვა სამუშაოს ვეღარ შეასრულებს – შავ სიაში ირიცხება. გარდა ამისა, აღმოჩნდა, რომ გააკეთა მოსაცდელი და სამუშაოებში თანხა არ გადაუხადა დასაქმებულებს. რაც შეეხება შეზღუდული შესაძლებლობის მქონე პირებისთვის პირობების გაუმჯობესების საკითხს, არ ვაპირებ ვიღაცამ სამუშაოები არ შეასრულა და ეს ასე დავტოვოთ, პანდუსები ისე გაკეთდება, როგორც პროექტითაა გათვლილი. გარდა ამისა, ევროსტანდარტის შესაბამის პანდუსს პარკშიც გავაკეთებთ და გამგეობის შემოსასვლელშიც. მე არ ვამბობ, რომ კულტურის ცენტრის შენობაზე გაკეთებული პანდუსი სტანდარტს აკმაყოფილებს, მაგრამ იმ პირობებში სხვანაირად ვერც გაკეთდებოდა“, – ამბობს გამგებელი.

„ბათუმელებმა“ შესყიდვების სახელმწიფო ვებგვერდის შავ სიაში კომპანია „საბა-555“ ვერ აღმოაჩინა. კომპანიის დირექტორს, ვაჟა ანანიძეს კი, მითითებული ნომერი გამორთული აქვს.

ვეტერან ქალთა – 50 წელს გადაცილებულები და მამაკაცთა – 60 წელს გადაცილებულები,  რეგისტრაცია 4 აპრილს, 11:00 საათიდან დაიწყება. დეპარტამენტის ვებგვერდზე აღნიშნულია, რომ შეჯიბრებაში მონაწილეობის მიღება შეუძლია ნებისმიერ ბათუმელსა და ქალაქის სტუმარს.

საქალაქო პირადი პირველობა დარტსში მიზნად ისახავს აჭარაში ახალი სპორტის სახეობის დანერგვასა და პოპულარიზაციას, ვერეტანებში ჯანსაღი ცხოვრების წესის დამკვიდრებას და მათ კიდევ უფრო დამეგობრებას. 

გამარჯვებული და საპრიზო ადგილზე გასული სპორტსმენები აჭარის სპორტისა და ახალგაზრდობის საქმეთა დეპარტამენტის მიერ სიგელებითა და ფასიანი საჩუქრებით დაჯილდოვდებიან.

აღნიშნული ღონისძიება აჭარაში პირველად იმართება. 

„პროექტი აჭარის რეგიონისთვის ძალიან მნიშვნელოვან თემას – კულტურული ტურიზმის განვითარებას ეხება. წლების განმავლობაში დავდიოდით მაღალმთიანეთში და წავაწყდით ბევრ საინტერესო ლეგენდას. გადავწყვიტეთ, რომ ეს ისტორიები, ლეგენდები შევაგროვოთ სოფლებში მცხოვრები ახალგაზრდების დახმარებით. გვინდა გამოვაცხადოთ კონკურსი, რომელშიც მონაწილეობის მიღება შეეძლებათ მოსწავლეებს, სტუდენტებს და  ყველა მსურველს. გვინდა, ამ ადამიანებმა მოგვითხრონ მათი სოფლის ისტორია და ლეგენდები ნებისმიერი გზით, შეუძლიათ ჩაიწერონ ტექსტი, ვიდეოები, ფოტოები გადაიღონ და ისტორიკოსებისა და ეთნოგრაფების დახმარებით ჩვენ შევარჩევთ ისტორიებს, რომლებსაც კრეატიულად შევფუთავთ და ვებგვერდზე განვათავსებთ“ – აღნიშნა ციალა ქათამიძემ, არასამთავრობო ორგანიზაცია „ბორჯღალის“ აღმასრულებელმა დირექტორმა ჟურნალისტებთან საუბრისას.

მისი თქმით, პროექტის ფარგლებში შეეცდებიან აჭარის ყველა სოფელში დაცული ლეგენდა მოიძიონ და განათავსონ ვებგვერდზე, სადაც ასევე იქნება  განთავსებული ინტერაქტიული რუკა და ყველა მსურველს შეეძლება მისდიოს ლეგენდებს ვებგვერდის დახმარებით. ვებგვერდზევე განთავსდება ფოტო და ვიდეომასალაც. ვებგვერდზე – www.geolegends.ge – განთავსებულ რუკას ასევე ექნება თემატური საძიებო სისტემა და შინაარსობრივი თემატიკით ლეგენდების მოძიებისა და გაცნობის შესაძლებლობასაც შექმნის. თითოეული ლეგენდა წარმოდგენილი იქნება სამ ენაზე – ქართულად, რუსულად და ინგლისურად.

პროექტის პირველ ეტაპზე, სკოლის მოსწავლეებისა და სტუდენტებისათვის ჩატარდება კონკურსი, სახელწოდებით: ,,გააცოცხლე წარსული – მომავლისათვის“, რომელიც შესაძლებლობას მისცემს ახალგაზრდებს გამოიკვლიონ საკუთარი საცხოვრებელი ადგილის ისტორია, მოიძიონ თავიანთ სოფლებში შემორჩენილი თქმულებები, აიღონ ინტერვიუები უხუცესი ადამიანებისგან, მცირე ესეების სახით აღწერონ საინტერესო ლეგენდები, თან დაურთონ მათ მიერ გადაღებული ფოტოები და წყაროების მითითებით გამოაგზავნონ კონკურსში მონაწილეობის მისაღებად.  

ახალგაზრდების მიერ გამოგზავნილ ნამუშევრებს შეაფასებს სპეციალური კომისია, გამარჯვებულ მოსწავლეებსა და სტუდენტებს გადაეცემათ პრიზები.

ისტორიკოსებთან და ეთნოგრაფებთან ერთად დეტალურად იქნება შესწავლილი აღნიშნული თემატიკა და განისაზღვრება „სამიზნე გეოგრაფიული არეალი“ ანუ აჭარის ის კონკრეტული სოფლები, სადაც განხორციელდება საველე გასვლები და მოხდება საინტერესო ხალხური ლეგენდებისა და თქმულებების უკვე დეტალური ფორმით ფიქსირება.

ციალა ქათამაძის თქმით, პროექტი აგვისტოში დასრულდება, ორგანიზაცია კი უკვე იწყებს საინფორმაციო შეხვედრებს უმაღლეს სასწავლებლებში და ინფორმაციის გავრცელებას აჭარის სკოლებსა და ახალგაზრდულ ცენტრებში.  

Mevlana-ს გაცვლითი პროგრამა მიზნად ისახავს სტუდენტებისა და აკადემიური პერსონალის გაცვლას თურქეთის უმაღლეს საგანმანათლებლო დაწესებულებებსა და სხვა ქვეყნების უმაღლეს სასწავლებლებს შორის. Mevlana-ს გაცვლითი პროგრამა ფინანსდება თურქეთის რესპუბლიკის უმაღლესი განათლების აღმასრულებელი საბჭოს მიერ.

სტუდენტებს შეუძლიათ ისწავლონ თურქეთის რესპუბლიკის უმაღლეს საგანმანათლებლო დაწესებულებებში ერთი (მინიმუმ) ან ორი (მაქსიმუმ) სემესტრის განმავლობაში. აკადემიურ პერსონალს შეუძლია ლექციების ჩატარება თურქეთის რესპუბლიკის უმაღლეს საგანმანათლებლო დაწესებულებებში ერთი კვირიდან (მინიმუმ) სამი თვის განმავლობაში (მაქსიმუმ).

იმისათვის, რომ სტუდენტებმა Mevlana – ში  მიიღონ მონაწილეობა, ისინი უნდა იყვნენ ბაკალავრიატის, მაგისტრატურის ან დოქტორანტურის სტუდენტები, უნდა ჰქონდეთ კარგი აკადემიური მოსწრება (ბაკალავრიატის სასწავლო პროგრამის სტუდენტებს, რომელთა მოსწრების საშუალო ქულაა (GPA) მინიმუმ 2,5 და მაგისტრატურისა და დოქტორანტურის საგანმანათლებლო პროგრამის სტუდენტებს, რომელთა მოსწრების საშუალო ქულაა (GPA) მინიმუმ 3 და ფლობდნენ ინგლისურ ან თურქულ ენას. კონკურსში გამარჯვებულ სტუდენტებსა და აკადემიურ პერსონალს თურქეთის რესპუბლიკის უმაღლესი განათლების აღმასრულებელი საბჭო დაუნიშნავს ყოველთვიურ სტიპენდიას.

სტუდენტები, რომლებიც მონაწილეობენ ამ პროგრამაში, არ იხდიან სწავლის გადასახადს მიმღებ უნივერსიტეტში, მაგრამ ისინი ვალდებულნი არიან გადაიხადონ გადასახადი მშობლიურ უნივერსიტეტში, თუ ისინი სწავლობენ ფასიან სექტორზე.

კონკურსში მონაწილეობის მისაღებად სტუდენტებმა უნდა წარმოადგინონ შემდეგი საბუთები:

აპლიკაცია;
პირადობის დამადასტურებელი საბუთის ასლი;
ნიშნების ფურცელი.
ინგლისური ან თურქული ენის ცოდნის დამადასტურებელი დოკუმენტი (ცნობა/სერტიფიკატი)
საბუთების მიღება იწარმოებს 30 მარტიდან – 15 აპრილამდე;

ტესტირება ინგლისურ ენაში ჩატარდება 16 აპრილს. დაინტერესებულმა პირებმა 30 მარტიდან რეგისტრაცია უნდა გაიარონ ბსუ-ს საგარეო ურთიერთობათა და სტრატეგიული განვითარებისა სამსახურში. ინგლისური ენის ინსტიტუციური ტესტის ჩაბარება არ მოუწევთ სტუდენტებს, რომელთაც აქვთ B2 დონის ცოდნის დამადასტურებელი საბუთი.

დეტალური ინფორმაცია იხილეთ ბათუმში შოთა რუსთაველის უნივერსიტეტის ვებგვერდზე. 

სამართლებრივი კულტურის გაკვეთილები შინაგან საქმეთა სამინისტროს, განათლებისა და მეცნიერების სამინისტროს და საერთაშორისო ორგანიზაცია „PH INTERNATIONAL“-ის ერთობლივი პროექტის – „სამართლებრივი განათლების პროგრამა“ ფარგლებში, ბათუმის საჯარო სკოლებში რამდენიმე თვის განმავლობაში, კვირაში ერთხელ ტარდება. გაკვეთილები ინტერაქტიულია, მოიცავს თამაშებს, რაც მოსწავლეებს უადვილებს სამართალდამცველების მიერ მიწოდებული ინფორმაციის სწორ და ეფექტურ აღქმას. შსს-ს წარმომადგენლები, რომლებიც სამართლებრივი კულტურის გაკვეთილებს პერმანენტულად ატარებენ, აღნიშული პროგრამისთვის ტრენინგების მეშვეობით სპეციალურად არიან გადამზადებული.

პროექტი მოსწავლეებში სამართლისა და მართლმსაჯულების სფეროში მათი უფლებების, პასუხისმგებლობის შესახებ ცოდნის ამაღლებას და მოზარდებში დანაშაულის პრევენციას ისახავს მიზნად. სწავლება მეცხრე კლასის მოსწავლეთათვის ტარდება შემდეგ თემებზე: სამართლებრივი კულტურის არსი და მნიშვნელობა; არასრულწლოვანი და კანონი; ძალადობა – ძალადობა ოჯახში, ბულინგი სკოლებში; მავნე ჩვევები და მათი სახიფათო შედეგებისგან თავდაცვა; ორგანიზებული დანაშაული (ტრეფიკინგი, ნარკოტიკებით და იარაღით უკანონო ვაჭრობა); სასამართლო სამართალწარმოება.

აღნიშნული პროექტი აშშ-ს სახელმწიფო დეპარტამენტის ანტინარკოტიკულ და სამართალდამცავ ორგანოებთან თანამშრომლობის საერთაშორისო ბიუროს ფინანსური მხარდაჭერით ხორციელდება. სამართლებრივი კულტურის გაკვეთილები ამ დროისთვის თბილისის, ახალციხის, რუსთავის და ქუთაისის 20 საჯარო სკოლაში ტარდება.