Batumelebi

26 მაისს არაერთი ღონისძიება იყო დაგეგმილი ბათუმში, თუმცა ბევრი ღონისძიება დროში არ დაემთხვა გაწერილ გეგმას და ეს არ არის პირველი შემთხვევა. ასე მოხდა, მაგალითად, „ბათუმობაზეც“ გასულ წელს. როგორ შეაფასებთ ქალაქის მერიისა და შესაბამისი სამსახურების ძალისხმევას, ქალაქში გამართონ ხალხმრავალი, მასშტაბური ღონისძიებები? 

ეს იმაზე მიუთითებს, რომ კოორდინირებულად არ მუშაობენ. სულ მეჩვენება, რომ დამოკიდებულებაა ასეთი – ეს არ არის მნიშვნელოვანი, სერიოზული საქმე. ეს არა მარტო 26 მაისიდან ჩანს, ზოგადად, თუ მოვყვებით ბოლო პერიოდში როგორ ტარდებოდა მსგავსი ღონისძიებები, თუნდაც ორი, სამი და ხუთი წლის წინათ, დამოკიდებულება იყო ერთნაირი _ თითქოს რაღაც კეთდებოდა მოვალეობის მოხდის მიზნით. შარშან ყველაზე მეტად გავბრაზდი, ევროკავშირთან ასოცირების ხელშეკრულება რომ გავაფორმეთ, ბათუმში ერთი დროშაც კი არ გამოფენილა. საჯარო სტრუქტურებზე რომ დროშა აეფრიალებინათ, თუნდაც სიმბოლურად, ესეც კი არ ყოფილა მიუხედავად იმისა, რომ ქვეყნისთვის ძალიან მნიშვნელოვანი მოვლენა ხდებოდა და ზეიმის გარდა, ეს იყო პოლიტიკურად მნიშვნელოვანი საკითხი. ამის მიუხედავად, ქალაქში ისეთი განწყობა იყო, თითქოს არც არაფერი ხდებოდა. სულ მგონია, რომ წინასწარ ნაფიქრი და დაგეგმარებული არ არის მსგავსი ღონისძიებები.

 ეს არის მერიის თუ, ზოგადად, მთავრობის კოორდინაციის პრობლემაა?

 ალბათ ყველაფერი ერთად. პრობლემაა ისიც, რომ არაპროფესიონალები მუშაობენ ამ მიმართულებით. მეორე ის არის, რომ რომც დაგეგმონ საინტერესოდ, ამის პოპულარიზაცია არ ხდება, მასშტაბურობის უზრუნველყოფის პრობლემა აქვთ და არის კოორდინაციის პრობლემაც. როცა ქვეყანაში რაღაც ხდება სინქრონულად, ყველა უწყებას უნდა ჰქონდეს ინფორმაცია ამაზე. მაგალითად, თავდაცვის სამინისტრო რას აკეთებს შეიძლება არ ახსოვდეს მერიას და ა.შ. ეს ჯაჭვური პროცესია, რაც საბოლოო ჯამში აისახება იმ ღონისძიებების ორგანიზებასა და ხარისხზე, რაც იმართება. არ ეტყობა ის, რომ ადამიანების ჯგუფმა სერიოზულად იმუშავა ამაზე და ყველაფერზე გათვლა ჰქონდა. განსაკუთრებით ცუდად ეს ჩანს ახალი წლის დღეებში, როცა ბევრი საზეიმო ღონისძიება იმართება.

 ამ ტიპის ღონისძიებების დაგეგმვაზე მუშაობს მერიის აიპი – კულტურის ცენტრი, განათლებისა და კულტურის განყოფილება მერიაში, ცალკეა ტურიზმის დეპარტამენტი, რომელიც ხშირად ერთვება სხვადასხვა ღონისძიების ორგანიზებაში. ერთი შეხედვით ადამიანური რესურსი არის, მაგრამ საორგანიზაციო საკითხები მაინც ვერ გვარდება სათანადოდ. რატომ?

 ალბათ იმიტომ, რომ ამას აკეთებენ ადამიანები, რომლებმაც არ იციან, როგორ უნდა გააკეთონ მსგავსი ღონისძიებები. ის ფული, რომელიც ამ საქმისთვის არის გამოყოფილი, მნიშვნელოვანია სწორად დაიხარჯოს. ამაშია მთავარი პრობლემა. მე მახსოვს, ახალი წლისთვის რამდენიმე ორგანიზაციამ სცადა პროექტის შეტანა, მაგრამ მერიამ ცოცხალი თავით არ დააფინანსა სხვა იდეები და ინიციატივები. წინასწარ 5-6 თვით კი არ იწყება ღონისძიებების დაგეგმვაზე ფიქრი, არამედ 20 ან 15 დღით ადრე. ზაფხულშიც შეუძლიათ დაიწყონ იმაზე ფიქრი, რომ კერძო კომპანიებმა აიღონ რაღაც ინიციატივები, მაგალითად, ახალი წლისთვის, დაყონ ადგილები სექტორებად, შეიძლება გამარჯვებული იდეები გამოაცხადონ… უბრალოდ, არა აქვთ დამოკიდებულება, რომ ეს ძალიან სერიოზული საქმეა. არადა, ამაში ბიუჯეტის ფულს ხარჯავენ და ქმნიან იმას, რასაც ვხედავთ. დარწმუნებული ვარ, ეს ადამიანები იმ 15 დღეში ძალიან ბევრ ენერგიას ხარჯავენ, მაგრამ 15 დღეში რომ ასეთი ღონისძიებები კეთდებოდეს, ამხელა სამსახურები არ იქნება საჭირო.

ეს ადამიანები, ალბათ, ამ 15 დღეში გიჟებივით დარბიან და ადამიანის სახე არ აქვთ დაღლილობისგან, მაგრამ საბოლოო ჯამში შეფასებასაც კი არავინ აკეთებს: როგორი გამოვიდა, რა ხარვეზები იყო, გაერთო ხალხი ან არ გაერთო, სწორად დაიხარჯა თუ არა თანხა, მომავალ წელს რა უნდა შეიცვალოს, რა სეგმენტზე უნდა გაითვალოს… – ეს არ ხდება. თუნდაც გამოკითხვები რომ იყოს სოციალურ ქსელებში, რაზეც ფული არ დაიხარჯება: რა უნდათ, რითი გაერთობიან ადამიანები, იქნებ გავცდეთ ამ აბაშიძის ქუჩას და გავიდეთ ახალ ბულვარში, ბენზეში. ეს გათვლები არ არის და პრობლემაა როგორც არაპროფესიონალიზმის, ასევე პასუხისმგებლობის. არავინ არ არის მოტივირებული, რომ შეცდომების შემდეგ ისწავლოს. თუ მე მევალება, რომ ხალხისთვის საზეიმო განწყობა შევქმნა ქალაქში, მე უნდა ვიჯდე და მთელი დღეები ამაზე ვფიქრობდე. ამაში უხდიან ადამიანებს ფულს, იხარჯება მატერიალურ-ტექნიკური რესურსი და საბოლო ჯამში, მაინც 20-15 დღით ადრე იწყება მზადება და კეთდება ის, რაც კეთდებოდა 5-10 წლის წინ, ან ახალი არ გამოდის კარგი და ორგანიზებული. თუ ასე უნდა იყოს, მაშინ 15 დღით შევკრიბოთ ეს ადამიანები და რასაც აკეთებენ, ისე გააკეთონ, სამსახურები ამისთვის საჭირო აღარ არის.

ხშირად კრიტიკა არ სცდება სოციალურ ქსელებს. საკრებულოში ყოფილა როდისმე იმ ტიპის შენიშვნები, რომ რაღაც ღონისძიება არ იყო კარგად ორგანიზებული და ვიღაცას პასუხი უნდა მოვთხოვოთ?

გულწრფელად რომ გითხრათ, საკრებულოში ან თუნდაც სამოქალაქო მრჩეველთა საბჭოში ეს არ მომხდარა, რადგან სხვა, უფრო საყოფაცხოვრებო საკითხები განიხილება, ვთქვთ, წყალი სადღაც არ არის უბანში და ა.შ. 

 არის ისეთი მოსაზრებაც, რომ როცა ქვეყანაში ამდენი პრობლემა გვაქვს, რა დროს გართობაა ან ამაში ცოტა თანხა უნდა იხარჯებოდეს. რატომ არის სახალხო ღონისძიებები მნიშვნელოვანი?

 ბევრი სოციალური პრობლემა გვაქვს მოუგვარებელი, მაგრამ არ ვფიქრობ, რომ საერთოდ არ უნდა განიხილებოდეს ამ ტიპის საკითხები. ძალიან მნიშვნელოვანია ასეთი ღონისძიებები – საყოველთაო ზეიმი ადამიანებში ერთსულოვნების, ფასეულობების ჩამოყალიბებას უწყობს ხელს. როცა რაღაც მნიშვნელოვანი ხდება, ხალხმა ეს უნდა იგრძნოს და იზეიმოს, რადგან განწყობა გადამდებია. სახალხო დღესასწაული რაღაც დინამიკის შესაქმნელად აუცილებელია და მის მომზადებას დრო უნდა ეთმობოდეს. თუ ამაში სერიოზული შრომა ჩაიდება, თუკი ამაზე პროფესიონალები იმუშავებენ, ეს აუცილებლად აისახება შედეგზე.

 მსგავსი ღონისძიებების ცალკე ნაწილია ბიუჯეტიდან დაფინანსებული სუფრები, სადაც ძირითადად მთავრობის წევრები ან ის ადამიანები ხვდებიან, რომელთაც საგანგებოდ იწვევენ. ეს რამდენად სწორია?

 ეს არის კრიმინალი. მე ვნახე და ადრე სიუჟეტიც გავაკეთე, როცა შუამთობისთვის ბიუჯეტში იყო ჩადებული თანხა ოთხი თიკანის, ბაქლავის და ა.შ. შესაძენად. ყველა მუნიციპალიტეტს ჰქონდა ბიუჯეტში ეს ჩადებული. მთელი შუახევი იქ ხომ არ იქნება არა?! ეს მაგიდა გათვლილია მაქსიმუმ 200 ადამიანზე და ეს არ არის სახალხო ზეიმი. მსგავსი საკითხებით შესაბამისი ორგანოები უნდა ინტერესდებოდნენ, თუ რატომ იხარჯება ვიღაცის ჭამაში ბიუჯეტი. რატომ უნდა გაიმართოს სუფრა ხალხის ფულით სახალხო დღესასწაულზე? ეს აბსურდია. 

 გამოსავალი რა არის?

თუ ჩვენ ვამბობთ, რომ თვითმმართველობის დონეზე არ გვაქვს, ვთქვათ, ხოსე კარერასის ან სხვა ცნობილი ვარსკვლავის ჩამოყვანის ფინანსები, უფრო მეტი უნდა ვიმუშაოთ, რომ ხარისხი გაუმჯობესდეს, საორგანიზაციო საკითხების მაინც, რომ განწყობა შეიქმნას. ეს უნდა იყოს ერთიანი კულტურის პოლიტიკის ნაწილი. მსგავსი ღონისძიებები მეტყველებს იმაზე, თუ რა დონეზეა ქვეყანა, სახალხო დღესასწაულები გვაგრძნობინებს განვითარების რა ეტაპზე ვართ.

კობა ნაკაიძე პროფესიით ექიმია, 1988 -1993 წწ ის იყო ჩაქვის რაიონული საავადმყოფოს ექიმი პედიატრი, 1993 -1995 წწ – ქობულეთის რაიონის მთავარი ექიმის მოადგილე, 1995 – 2005 წწ – შპს ,,ქობულეთის რაიონული საავადმყოფოს” დირექტორი, 2009 – 2010 წწ – სადაზღვეო კომპანია ,,იმედი L” -ის კონსულტანტი, 2012 წლიდან დღემდე კი სსიპ აჭარის ავტონომიური რესპუბლიკის დასაქმების სააგენტოს დირექტორად მუშაობდა.

დღევანდელ დღესთან დაკავშირებით, ბათუმის გამწვანების სამსახურმა სკვერში ყვავილები დარგო. გამწვანებისა და სანდასუფთავების სამსახურების გარდა, გარემოს დაცვის საერთაშორისო დღეს, მერიის საერთაშორისო და საზოგადოებასთან ურთიერთობის განყოფილებაც შეუერთდა, რომლის თანამშრომლებმაც გამვლელებს ქოთნით ყვავილები აჩუქეს.

ვარდების სკვერში დღეს სამხატვრო სკოლის მოსწავლეებიც გამოვიდნენ, რომლებმაც გარემოს დაცვის თემატიკაზე ნამუშევრები შექმნეს.

 სომხეთის კუთხე.

 საქართველოს კუთხე.

 რუსეთის კუთხე.

 თურქეთის კუთხე.

აზერბაიჯანის კუთხე.

პროექტს “მულტიკულტურული განათლების ასახვა მასწავლებელთა განათლების პროგრამებში” სამოქალაქო ინტეგრაციისა და ეროვნებათშორისი ურთიერთობების ცენტრი ფონდ “ღია საზოგადოება-საქართველოს” ფინანსური მხარდაჭერით ახორციელებს.

ამავე პროექტის ფარგლებში,  25 მაისს ბათუმის სახელმწიფო უნივერსიტეტში ილიას სახელმწიფო უნივერსიტეტის ლექტორმა, „ისტორიის მასწავლებელთა საქართველოს ასოციაციის“ წევრმა, დოქტორმა ოლივერ რაისნერმა ღია ლექცია წაიკითხა თემაზე – „ევროპული გამოცდილება ინტერკულტურულ განათლებაში“.

საქართველოს ფინანსთა სამინისტროს საგამოძიებო სამსახური არჩილ ვანაძეს და მის ყოფილ თანამშრომელს ლაშა ბოლქვაძეს სამსახურებრივ გულგრილობასა და დაკისრებული მოვალეობის არაჯეროვნად შესრულებას ედავება, რის გამოც პროკურორის მტკიცებით, სახელმწიფო დაზარალდა.

„გამომდინარე იქედან, რომ ისინი დასაკითხი მოწმეების ხელმძღვანელები და თანამშრომელბი იყვნენ, მათ შეიძლება გავლენა მოახდინონ მოწმეებზე ან გაანადგურონ, გადამალონ მნიშვნელოვანი ინფორმაცია ან დოკუმენტები. თუმცა რადგან ეს დანაშაული არის გაუფრთხილებლობით გამოწვეული, შესაძლოა გამოყენებული იქნას გირაო 20 000 ლარის ოდენობით“, – განაცხადა პროკურორმა აღკვეთის პროცესზე.

ბრალდებულების ადვოკატების ინფორმაციით, ორივე ბრალდებული აქტიურად თანამშრომლობდა გამოძიებასთან და თავად აწვდიდა საჭირო დოკუმენტებს. მოსამართლემ მათი მოთხოვნა დააკმაყოფილა და გადაწყვეტილების გამოცხადების შემდეგ განმარტა, რომ მიმალვის მცირე საფრთხე ყოველთვის არსებობს, თუმცა სასამართლომ გაითვალისწინა მათი გამოძიებასთან თანამშრომლობის შესახებ ინფორმაცია და გირაოს სახით მათ მხოლოდ 2000-2000 ლარი შეეფარდა.

დღეს სასამართლო სხდომაზე ორივე ბრალდებულმა განაცხადა, რომ უდანაშაულოა და ამას სამართლებრივი გზებით დაამტკიცებს. არჩილ ვანაძე ჯერჯერობით თანამდებობაზე მუშაობას აგრძელებს.

საქმეს მოსამართლე ხვიჩა კიკალიშვილი განიხილავს.

ფინანსთა სამინისტროს საგამოძიებო სამსახურის  მიერ გავრცელებული ინფორმაციით:

ჩატარებული გამოძიებით დადგენილია, რომ ქალაქის მერიამ შპს „ტონი და კომპანიასთან“ გააფორმა ხელშეკრულება, ჟილინის არხის კაპიტალური სარეკონსტრუქციო სამუშაოების შესახებ. შპს-ს მხრიდან საბანკო გარანტიის წარდგენის შემდეგ მერიამ ავანსის სახით კომპანიას ჩაურიცხა 1 289 972 ლარი.

მას შემდეგ, რაც კომპანიამ არაჯეროვნად შეასრულა სამუშაოები და მერიას წარუდგინა მხოლოდ 254 265 ლარის ღირებულების სამუშაოები, ბრალდებულები ნაცვლად იმისა, რომ აემოქმედებინათ სადაზღვევო კომპანია „უნისონი“-ს მიერ გაცემული საბანკო გარანტიით გათვალისწინებული პირობები, გულგრილად მოეკიდნენ დაკისრებულ მოვალეობას და აღნიშნულ საწარმოს კვლავ გადაურიცხეს 236 000 ლარი.

საგამოძიებო უწყების მიერ გავრცელებული ინფორმაციით, არჩილ ვანაძისა და ლაშა ბოლქვაძის აღნიშნულმა (ლაშა ბოლქვაძე ამ დროს მერიის საფინანსო სამსახურის  ბუღალტრული აღრიცხვის განყოფილებას ხელმძღვანელობდა. ) კანონსაწინააღმდეგო ქმედებამ განაპირობა სახელმწიფოს კანონიერი ინტერესის არსებითი დარღვევა და ამასთან, თვითმმართველი ქალაქ ბათუმისთვის განსაკუთრებით დიდი ოდენობით ზიანი გამოიწვია. საქმეზე გრძელდება გამოძიება სისხლის სამართლის კოდექსის 342-ე მუხლის 1 ნაწილით, რაც 3 წლამდე თავისუფლების აღკვეთას ითვალისწინებს.

სასამართლოში უფასო სტაჟირების ვადა 6 (ექვსი) თვე იქნება.

სტაჟიორი, სასამართლოს შესაბამისი სტრუქტურული ქვედანაყოფის ხელმძღვანელის მითითებით და პასუხისმგებელი მოხელის მეთვალყურეობით, ასრულებს კონკრეტულ, ცალკეულ დავალებებს, რომელიც შეიძლება ეხებოდეს სასამართლოს სტრუქტურული ქვედანაყოფის ან ზოგადად სასამართლოს საქმიანობის საკითხებს.

ბათუმის საქალაქო სასამართლოს ცნობით, სტაჟირების წარმატებით გავლის შემთხვევაში სტაჟიორს სტაჟირების სერტიფიკატი გადაეცემა.

სტაჟიორობის კანდიდატს მოეთხოვება კომპიუტერთან მუშაობის და შემდეგი ნორმატიული აქტების ცოდნა:

ა) საქართველოს კონსტიტუცია;

ბ) “საერთო სასამართლოების შესახებ” საქართველოს ორგანული კანონი;

გ) საქართველოს ზოგადი ადმინისტრაციული კოდექსი;

დ) საერთო სასამართლოების შესახებ ნორმატიული აქტები;

ე) საქართველოს სისხლის სამართლისა და სისხლის სამართლის საპროცესო კოდექსები;

ვ) საქართველოს ადმინისტრაციულ სამართალდარღვევათა და ადმინისტრაციული საპროცესო კოდექსები;

ზ) საქართველოს სამოქალაქო და სამოქალაქო საპროცესო კოდექსები.

თ) საქართველოს იუსტიციის უმაღლესი საბჭოს 2009 წლის 9 ოქტომბრის №1/310 გადაწყვეტილებით დამტკიცებული საქართველოს იუსტიციის უმაღლეს საბჭოსა და საქართველოს საერთო სასამართლოებში მოქალაქესთან კომუნიკაციის სტანდარტები.

“ე”, “ვ” და “ზ” ქვეპუნქტებში მითითებული კანონმდებლობის ცოდნა სტაჟიორობის კანდიდატს მოეთხოვება სტაჟირების განაცხადში მითითებული სპეციალიზაციის გათვალისწინებით.

დაინტერესებულმა პირებმა, ბათუმის საქალაქო სასამართლოს სტაჟირების კომისიის სამდივნოშო (მისამართი: ქ. ბათუმი, ს. ზუბალაშვილის ქ. №30) უნდა წარადგინონ:

ა) განაცხადი სტაჟირებაზე (გაიცემა ადგილზე);

ბ) CV;

გ) პირადობის დამადასტურებელი მოწმობის ასლი;

დ) დიპლომის ასლი ან ცნობა უმაღლესი სასწავლებლიდან;

ე) ორი რეკომენდაცია, გაცემული კომპეტენტური პირების მიერ;

ვ) ორი ფერადი ფოტოსურათი (ზომით 3/4);

კონკურსი ჩატარდება გასაუბრების ფორმით, განცხადების გამოქვეყნებიდან არაუადრეს  სამი  კვირისა.

საბუთების წარდგენის ვადაა 2015 წლის 05 ივნისიდან 19 ივნისის ჩათვლით, 10:00 საათიდან – 18:00 საათამდე, შაბათ-კვირის გარდა.

ბატონო სულხან, რისი გაკეთება შეძლო თქვენმა ფრაქციამ ამომრჩევლისთვის ჯერ კოალიციაში მუშაობის დროს და ახლა – ოპოზიციაში?

 ფრაქცია „თავისუფალი დემოკრატების“ პლატფორმის ერთ-ერთი მთავარი თავი ეხებოდა ადამიანის უფლებებს. ამ კუთხით, როგორც ფრაქციის თავმჯდომარე, ამომრჩევლის წინაშე პირნათელი ვარ, რადგან აჭარის უმაღლეს საბჭოში ჩემი ინიციატივით შეიქმნა ადამიანის უფლებათა დაცვის კომისია. მანამდე ეს კომისია არ არსებობდა. ასობით მოქალაქემ მიმართა ამ კომისიას და ბევრი მათგანის უფლებების დაცვის უზრუნველყოფა მოხერხდა. ასეთი კომისიის არარსებობა იყო დიდი შეცდომა და ეს შეცდომა გამოსწორებულია. დარწმუნებული ვარ, უმაღლესი საბჭოს შემდეგ მოწვევებში კომისია მეტ გამოცდილებას მიიღებს და კიდევ უფრო საინტერესო გახდება მისი მუშაობა.

ასევე გამოვყოფდი აჭარის ტელევიზიის საკითხს, რომელსაც ჩვენი ფრაქცია აქტიურად უჭერდა მხარს. დღეს აჭარის ტელევიზია არის საზოგადოებრივი მაუწყებელი, თავისი მრჩეველთა საბჭოთი და დამოუკიდებელი სარედაქციო პოლიტიკით. მრჩეველთა საბჭოში ჩვენი ფრაქციის მიერ მხარდაჭერილი კანდიდატურა ერთ-ერთი ყველაზე კომპეტენტური და ობიექტური ჟურნალისტია, ჩვენ აქ სწორი გადაწყვეტილება მივიღეთ.

ასევე იყო საბიუჯეტო საკითხები, ჩვენ აქტიურად ვლობირებდით მუნიციპალიტეტებისთვის ბიუჯეტის გაზრდას, რადგან ჩვენს მუნიციპალიტეტებში უამრავი პრობლემაა, რაც ფინანსური სახსრების გარეშე ვერ გადაწყდება. 2012 წლიდან, ვიდრე ჩვენ ვიყავით კოალიციაში, ყოველ წელს იზრდებოდა მუნიციპალიტეტების დაფინანსება. როგორც კი ეს მიდგომა შეიცვალა, ჩვენ ბიუჯეტს მხარი აღარ დავუჭირეთ. შემდეგ ჩვენ წავედით ოპოზიციაში და ფრაქცია „თავისუფალი დემოკრატებიც“ დაიშალა.

მუშაობს თუ არა ადამიანის უფლებების კომისია ისე, როგორც გქონდათ წარმოდგენილი, როცა მისი შექმნის ინიციატივით გამოხვედით?

როცა ვქმნიდით ამ კომისიას, ზუსტად ვიცოდი – ეს იქნებოდა ახალი ხილი უმაღლესი საბჭოსთვის, რომელსაც ინსტიტუციად ჩამოყალიბებისთვის წლები დასჭირდება. უამრავმა ადამიანმა ამ კომისიაში კონკრეტული რეკომენდაცია მიიღო.

 რა ინტენსივობით ხვდებით ამომრჩეველს?

მე არ მივეკუთვნები დეპუატატების იმ კატეგორიას, რომლებიც ძირითადად კაბინეტური შრომით არიან დაკავებული. არც ამაშია დასაძრახი არაფერი, უბრალოდ, უპირატებას ვანიჭებ ხალხთან მისვლას – არ მახსენდება არც ერთი შემთხვევა, როცა მე, როგორც დეპუტატს, მომმართეს და შეხვედრაზე უარი ვთქვი. გარდა ამისა, ჩვენ, `თავისუფალ დემოკრატებს~ გვაქვს მოსახლეობასთან შეხვედრის გრაფიკი. შეხვედრების ნაწილი შუქდება მედიით, ბევრგან არც ვეძახით მედიას. პრობლემები, რაზედაც მომმართავენ, არის სხვადასხვა, ნაწილის მოგვარებას პირადად ვახერხებ, ზოგჯერ რეკომენდატორის ან კონსულტანტის ფუნქცია მაქვს. ჩვენი ქვეყნის მოსახლეობა ურთულესი პრობლემების წინაშეა. მუშაობა ადვილი არ არის, მაგრამ პატარა წარმატებაც გახარებს და ენერგიას გძენს.

 კანონშემოქმედებით საქმიანობას გიწუნებენ არასამთავრობო ორგანიზაციები. რას იტყვით ამაზე?

 ამ კუთხით ნამდვილად აქვს უმაღლეს საბჭოს პრობლემა და პრობლემა არ არის მხოლოდ უმაღლესი საბჭოს კომპეტენციის საკითხი. ეს არის კანონმდებლობის საკითხი, რაც არეგულირებს ინიციატივებს. ამ ეტაპზე ჩვენ ვამზადებთ ორ კანონპროექტს პარლამენტში წარსადგენად. მაქსიმალურად ვეცდებით ეს პროექტები ბოლომდე გავიტანოთ. პირველი ეს არის ეკომიგრანტების საკითხი, ხოლო მეორე ჯარიმების ლიბერალიზაციის საკითხს ეხება.

ცოტა ხნის წინ თქვენი კოლეგები საუბრობდნენ იმაზე, რომ უმაღლეს საბჭოში შექმნილი ვითარებიდან გამომდინარე მუშაობა შეუძლებელია…

 კრიზისმა, როცა „ქართულმა ოცნებამ“ დაკარგა უმრავლესობა, ბუნებრივია, თავისი დაღი დაასვა მუშაობას. ამ ეტაპზე შესაძლებელია უმაღლესი საბჭო საკანონმდებლო საქმიანობას დაუბრუნდეს. ჩვენ უკვე გვაქვს კანონპროექტები, რომლებსაც პარლამენტში ლობირებას ფრაქცია „თავისუფალი დემოკრატები“ გაუწევს.

 ათბალიანი სისტემით შეაფასეთ უმაღლესი საბჭოს მუშაობა – რამდენს დაუწერდით?

 ეს უმაღლესი საბჭო აკადემიურობით, პოლიტიკური პროფესიონალიზმით დიდ შეფასებას ვერ იმსახურებს. რაც შეეხება პოლიტიკურ მრავალფეროვნებას, ეს ნამდვილად არის უმაღლეს საბჭოში.

თქვენი ფრაქცია როგორ აფასებს მთავრობის მუშაობას?

 მუშაობის შეფასების კანონით დადგენილი კრიტერიუმები არ არსებობს. ყველაზე კარგი შემფასებელი მოქალაქეა. უმაღლეს საბჭოს დღეს რთული დღეები უდგას. პოლიტკური სიტუაცია დაძაბულია და ეს საკანონმდებლო საქმიანობას ძალიან უშლის ხელს. მაგრამ უმაღლესი საბჭოს ძირითადი ფუნქცია მაინც საბიუჯეტო კონტროლი და მთავრობის საქმიანობის მონიტორინგია, ამიტომ ამ კუთხით აქტიურად ვმუშაობთ. ისეთ სიტუაციაში, როგორიც მთელ ქვეყანაშია, ვინც იტყვის, რომ კმაყოფილია თავისი საქმიანობით, ის პატივმოყვარეა. ჩემს საქმიანობას ზომიერად ვაფასებ.

„ბეთლემი“ 2005 წელს იმედა ფარტენაძისა და ნოდარ კახიძის ხელმძღვანელობით ჩამოყალიბდა, ამ დროისთვის ანსამბლში 22 მოცეკვავეა. ანსამბლის ხელმძღვანელი იმედა ფარტენაძეა, ხოლო ქორეოგრაფი მზია ტუნაძე.

„დაარსებიდან ორი წლის განმავლობაში ენთუზიაზმზე ვმუშაობდით, იმ დროისთვის მხოლოდ უხუცესები იყვნენ ანსამბლში, დროთა განმავლობაში ახალგაზრდები ჩაენაცვლნენ მათ და ანსამბლიც გაახალგაზრდავდა“ – აცხადებს ანსამბლის ხელმძღვანელი იმედა ფარტენაძე.

მზია ტუნაძე ანსამბლის ქორეოგრაფია „ბეთლემის“ დაარსებიდან დღემდე: „ცეკვის ცხრა სახეობას ვასრულებთ. მარტო აჭარულის ხუთი ვარიანტი გვაქვს დამუშავებული. ჩვენს რეპერტუარში არის, როგორც ფოლკლორული, ასევე თანამედროვე ცეკვები. აგრეთვე ადგილობრივი, ქედისთვის დამახასიათებელი ძველი ცეკვა „შრომის ზეიმი“, თუმცა სახელი შევუცვალე და „შემოდგომა ქედაში“ დავარქვი, იქედან გამომდინარე, რომ ვაზი ჩვენთვის ტრადიციული კულტურაა, ცეკვა ვაზის გამოყვანაზე ავაგე“.

ანსამბლს, იუბილე ქედის მუნიციპალიტეტის გამგებლის მოადგილემ გურამ ბერიძემ მიულოცა და ანსამბლის განვითარებაში შეტანილი განსაკუთრებული წვლილისთვის ნოდარ კახიძე, ისრაფილ დიასამიძე, დავით ღოღობერიძე, მზია ტუნაძე და იმედა ფარტენაძე დააჯილდოვა.

„დავლურის“ საცეკვაო ფორმის შეძენას დაჰპირდა ანსამბლს აჭარის განათლების, კულტურისა და სპორტის სამინისტროს, კულტურის დეპარტამენტის უფროსის მოვალეობის შემსრულებელი მადონა თევზაძე: „მინდა გაცნობოთ, რომ სამინისტრო წელს „ფოლკლორის ხელშეწყობის პროგრამის“ ფარგლებში „ბეთლემს“ სასცენო ფორმას შეუძენს. სამინისტროში ყოველწლიურად მოდის მოწვევები საზღვარგარეთიდან, ირჩევა საუკეთესო კოლექტივები, გასულ წელს ქედის ანსამბლი ორჯერ იყო თურქეთის რესპუბლიკაში ფესტივალზე, წელსაც შეუძლიათ მოწვევის შემთხვევაში მიიღონ მონაწილეობა“ .

შორენა კარანაძე, ქედის კულტურის ცენტრის ხელმძღვანელი: „ანსამბლი იმით არის გამორჩეული, რომ ახალგაზრდები ცეკვავენ ფოლკლორს. ფრიდონ სულაბერიძის შეფასებას გავიხსენებ, რომელმაც თქვა – აღტაცებული ვარ, რომ ამ ასაკის ახალგაზრდები ასე შესანიშნავად ცეკვავენ, იხსენებენ მამაპაპისეულ ილეთებს და ასრულებენ“.

საიუბილეო საღამოზე ბეთლემთან ერთად მონაწილეობას სხვადასხვა მუნიციპალიტეტების ანსამბლები ღებულობდნენ.

სამინისტროს მიერ გავრცელებულ ინფორმაციით, ჩატარებული გამოძიებით დადგენილია, რომ ქალაქის მერიამ შპს „ტონი და კომპანიასთან“ გააფორმა ხელშეკრულება, ჟილინის არხის კაპიტალური სარეკონსტრუქციო სამუშაოების შესახებ. შპს-ს მხრიდან საბანკო გარანტიის წარდგენის შემდეგ მერიამ ავანსის სახით კომპანიას ჩაურიცხა 1 289 972 ლარი.

მას შემდეგ, რაც კომპანიამ არაჯეროვნად შეასრულა სამუშაოები და მერიას წარუდგინა მხოლოდ 254 265 ლარის ღირებულების სამუშაოები, ბრალდებულები ნაცვლად იმისა, რომ აემოქმედებინათ სადაზღვევო კომპანია „უნისონი“-ს მიერ გაცემული საბანკო გარანტიით გათვალისწინებული პირობები, გულგრილად მოეკიდნენ დაკისრებულ მოვალეობას და აღნიშნულ საწარმოს კვლავ გადაურიცხეს 236 000 ლარი. 

საგამოძიებო უწყების მიერ გავრცელებული ინფორმაციით, არჩილ ვანაძისა და ლაშა ბოლქვაძის აღნიშნულმა კანონსაწინააღმდეგო ქმედებამ განაპირობა სახელმწიფოს კანონიერი ინტერესის არსებითი დარღვევა და ამასთან, თვითმმართველი ქალაქ ბათუმისთვის განსაკუთრებით დიდი ოდენობით ზიანი გამოიწვია. საქმეზე გრძელდება გამოძიება სისხლის სამართლის კოდექსის 342-ე მუხლის 1 ნაწილით, რაც 3 წლამდე თავისუფლების აღკვეთას ითვალისწინებს.

ბათუმის მერიის პრესსამსახურის ინფორმაციით, არჩილ ვანაძე სამსახურში არ იმყოფება, თუმცა  თანამდებობიდან გათავისუფლებული არ არის. 

ლიტერატურული ფესტივალის მონაწილეები 27 ივლისიდან 2 აგვისტოს ჩათვლით სათითაოდ წიგნის მაღაზიაში დარჩებიან ღამით, სადაც უნდა დაწერონ მოთხრობა, ფენტეზის, სამეცნიერო ფანტასტიკისა და ჰორორის ჟანრში. 

მონაწილეებს “ინსომნიას” ჟიური ფობიოგრაფიების მეშვეობით შეარჩევს. “მოგვწერეთ თქვენი შიშები ელ.მისამართზე fest.insomnia@gmail.com 8-დან 25 ივნისის ჩათვლით და გახდი ინსომნიაკი” – აღნიშნულია “ინსომნიას” ფეისბუქგვერდზე. 

წელს ჟიურის წევრები არიან: ნატო დავითაშვილი, მოლი ბლუმი, სალომე ბენიძე, თევდორე მირიჯანაშვილი და ნიკა სამუშია. 

ფესტივალის დასრულების შემდეგ მონაწილეების მიერ ფესტივალის ფარგლებში დაწერილი მოთხრობების კრებული გამოიცემა. 

სამართალდამცველებმა ბრალდებულები ქობულეთის რაიონის დაბა ჩაქვში, თამარ მეფის ქუჩაზე ღამით იმ დროს დააკავეს, როდესაც მათ სხვადასხვა ინსტრუმენტის გამოყენებით სწრაფი ჩარიცხვის აპარატი დააზიანეს და თანხის შესანახი ყუთი მიითვისეს. დაკავებულების პირადი ჩხრეკისას დანაშაულის ჩადენის ინსტრუმენტები და რეზინის ხელთათმანები ნივთმტკიცებად ამოიღეს.

ილია ო. აღიარებს ჩადენილ დანაშაულს. იგი ასევე მის მიერ მიმდინარე წლის მაისში, ქობულეთში, სხვადასხვა ქუჩაზე, სწრაფი ჩარიცხვის აპარატების გაქურდვის 4 ფაქტსაც აღიარებს.

გამოძიება მიმდინარეობს წინასწარი შეთანხმებით ჯგუფის მიერ ქურდობის ფაქტზე, რამაც მნიშვნელოვანი ზიანი გამოიწვია (საქართველოს სსკ-ს 177-ე მუხლის მე-2 ნაწილის „ა“ ქვეპუნქტით და მე-3 ნაწილის „ა“ ქვეპუნქტით).

სწავლება მიზნად ისახავს ტურიზმის ინდუსტრიის სიახლეების გაცნობასა და გერმანელი კოლეგების გამოცდილების გაზიარებას.

საერთაშორისო საზაფხულო სკოლის 30-მდე მონაწილე ისეთ საკითხებს განიხილავენ, როგორიცაა: ტურიზმის განვითარების ხედვა და სტრატეგია, ტურიზმის ინდუსტრიის განვითარების ტენდენციები,   ტურიზმი და ეკოლოგია და ტურიზმი გლობალურ დონეზე. ქართველი და გერმანელი სტუდენტები პროფესორ-მასწავლებლებთან ერთად მტირალას ეროვნულ პარკში ვორკშოფებს მოაწყობენ და აჭარის მუნიციპალიტეტებში გაემგზავრებიან აგრო, ეთნო და ეკო ტურიზმის პოტენციალის გასაცნობად.

პროკურორი ქეთევან ადამია პატიმრისთვის აღკვეთი ღონისძიების ყველაზე მკაცრი ფორმის – პატიმრობის გამოყენებას იმ არგუმენტით ითხოვდა, რომ თავისუფლებაში მყოფი ბრალდებული შესაძლოა გამოძიებას მოსალოდნელი სასჯელის შიშით მიემალოს ან ხელი შეუშალოს საქმეზე მტკიცებულების მოპოვებას. ბრალდებული საქართველოს მოქალაქეა.
ბრალდებულმა მოსამართლეს უთხრა, რომ აქვს ცხრა კლასის განათლება, არის ქვრივი და ჰყავს ერთი შვილი. მას არ გააჩნია მუდმივი საცხოვრებელი მისამართი, სახლი არ აქვს.

გამოძიების ვერსიით, ბრალდებულმა 25 მაისს თურქეთიდან საქართველოში დიდი ოდენობით ნარკოტიკული ნივთიერება შემოიტანა გასაღების მიზნით. ბრალდებულს პირადი ჩხრეკა, როგორც პროკურორი ამბობს, ოპერატიული ინფორმაციის საფუძველზე ჩაუტარდა.

ადვოკატი ბრალდებულს სახელმწიფომ დაუნიშნა. 45 წლის ქალის ინტერესებს სასამართლოში იურიდიული ბიუროს იურისტი ნუგზარ გრძელიძე იცავს. ადვოკატმა მოსამართლეს უთხრა, რომ პატიმრობა უკიდურესად მძიმე და მკაცრი სასჯელის ზომაა შეზღუდული შესაძლებლობის მქონე პირისთვის. მან ბრალდებულის პატიმრობიდან გათავისუფლება გირაოს – სამი ათასი ლარის სანაცვლოდ მოითხოვა.

მოსამართლემ ბრალდებულს ჰკითხა, როგორ შეძლებდა გირაოს საფასურის გადახდას. პატიმარმა უპასუხა: პენსიით. ადვოკატმა დასძინა, რომ ბრალდებულის შვილი თურქეთში მუშაობს და ის უზრუნველყოფს გირაოს თანხის გადახდას.
მოსამართლის მორიგ კითხვაზე  ვისთან იცხოვრებდა ის? ბრალდებულმა უპასუხა: „სოფელში, დაქალთან“.
მოსამართლემ ადგილზე თათბირით გადაწყვიტა ბრალდებულის დაპატიმრება.

ეს დანაშაული 14 წლამდე თავისუფლების აღკვეთას ითვალისწინებს. ბრალდებული ადრე ნასამართლევი არ არის. მან თქვა, რომ ნარკოტიკული ნივთიერება არ შეუძენია, გამოატანეს.
მოსამართლემ სასამართლო პროცესის დასრულების შემდეგ განმარტა, რომ ბოლო პერიოდში ეს არის მესამე ქალი, ვინც ანალოგიური ბრალდებით დააკავეს.

ბათუმის საქალაქო სასამართლო

მოსამართლე ლაშა თავართქილაძემ არ დააკმაყოფილა ხელვაჩურის საკრებულოს წევრის, ასლან კახიძის სარჩელი, მისი საკრებულოს თავმჯდომარის თანამდებობაზე აღდგენასთან დაკავშირებით: „თავისუფალი დემოკრატები ხაზგასმისთ ვაცხადებთ, რომ ეს არის ყოველგვარ სამართლებრივ საფუძველს მოკლებული გადაწყვეტილება, რადგან ასლან კახიძე თანამდებობიდან პოლიტიკური ნიშნით  გაათავისუფლეს. ჩვენ აუცილებლად გავაგრძელებთ სამართლებრივ ბრძოლას და ბათუმის  საქალაქო სასამართლოს გადაწყვეტილებას გავასაჩივრებთ. ჩვენ არ დავუშვებთ მოქალაქეთა მიმართ დისკრიმინაციას და დევნას პოლიტიკური თუ სხვა ნიშნით და ამ ბრძოლაში ვიქნებით პრინციპულები“-განაცხადა კობა ჩხეიძემ, „თავისუფალი დემოკრატების“ წევრმა.

ბათუმის საქალაქო სასამართლოს გადაწყვეტილების  ქუთაისის სააპელაციო სასამართლოში გასაჩივრებას აპირებს „საერთაშოროს გამჭვირვალობა-საქართველოს“ იურისტი ანა ბერძენიშვილი. სწორედ ეს ორგანიზაცია იცავდა სასამართლოში ასლან კახიძის უფლებებს.

ასლან კახიძე საკრებულოს თავმჯდომარე იყო, მისმა კოლეგებმა კახიძის თანამდებობიდან გადადგომა გასულ წელს მოითხოვეს, მაშინ როცა თავისუფალმა დემოკრატებმა კოალიცია ქართული ოცნება, ანუ უმრავლესობის რიგები დატოვეს: „ამ მოტივით მოითხოვეს მისი თანამდებობიდან გადაყენება,  ამ შემთხვევაში მივიჩნევთ, რომ ეს არის პოლიტიკური ნიშნით გათავისუფლება დისკრიმინაციული, მართალია პროცედურულ დარღვევას ადგილი არ ჰქონია, [საკრებულოს წევრებს უფლება ჰქონდათ მოეთხოვათ საკრებულოს თვამჯდომარის თანამდებობიდან გადაყენება] მაგრამ მისი თანამდებობიდან გადაყენების საფუძველი არის პოლიტიკური ნიშნით გათავისუფლება და პირის დიკრიმინაცია მისი პოლიტიკური მოსაზრებებისა და თავისუფალი  შეხედულებების გამო.  მიუხედავად იმისა რომ გადაწყვეტილების განმარტების დროს მოსამართლემ აღნიშნა რომ ადგილი ჰქონდა პოლიტიკური ნიშნით გათავისუფლებას, განაცხადა, რომ ამას გავლება არ მოუხდენია მის გათავისუფლებაზე“-ამბობს ანა ბერძენიშვილი“ბათუმელებთან“ საუბრისას.

ბულვარის ადმინისტრაციის პრესსამსახურის ინფორმაციით, ბულვარში, პრომინადზე სულ 16 ერთეული შადრევანი განთავსდა.

შადრევანს აქვს ონკანი,  ეკონომიურია და საშუალებას მისცემს ბულვარს წყლის ხარჯი მაქსიმალურად შეამციროს, ასევე ნაკლებ ზიანს მიაყენებს გარემოს.

სასმელი წყლის ახალი შადრევნები ბულვარის ადმინისტრაციამ ელექტრონული ტენდერით, 14 960 ლარად შეისყიდა.

აჭარის ფინანსთა და ეკონომიკის სამინისტროს ახალ ბულვარში შპს „მეტრო ატლას ჯორჯია“ და შპს „ეიარ მერიდიანსი“ არანაკლებ 220-200-ნომრიანი სასტუმროსა და აპარტამენტების მშენებლობას დაიწყებენ. უკვე დასრულებული სასტუმროების ოპერირებას კი მსოფლიოში ცნობილი ბრენდები უზრუნველყოფენ.

ახალ ბულვარში შპს „ეიარ მერიდიანსი“ არანაკლებ 30 000 000 აშშ დოლარის ინვესტიციას განახორციელებს. პროექტის მიხედვით, საინვესტიციო ტერიტორიაზე არანაკლებ 220-ნომრიანი სასტუმო და 600 აპარტამენტი აშენდება. შენობაში ასევე განთავსდება  სამორინე, საკონფერენციო დარბაზები, სპორტულ-გამაჯანსაღებელი ცენტრები, კვების და სხვა ობიექტები. პროექტი ხელშეკრულების გაფორმებიდან 4 წელში უნდა დასრულდეს, ინვესტიციის განხორციელების შემდეგ არანაკლებ 300 ადამიანი დასაქმდეს.

შპს „მეტრო ატლას ჯორჯია“ კი ახალ ბულვარში არანაკლებ 20 მლნ დოლარის ინვესტიციას განახორციელებს. ხელშეკრულების მიხედვით, ინვესტორი არანაკლებ 200-ნომრიან სასტუმროს, ასევე არანაკლებ 250 აპარტამენტის მშენებლობას უზრუნველყოფს. პროექტის მიხედვით, ტერიტორიაზე კაზინო, საკონფერენციო დარბაზები, სპა ცენტრი მოეწყობა. ინვესტიციის განხორციელების შემდეგ არანაკლებ 500 ადამიანი დასაქმდება. სამინისტროსთან დადებული შეთანხმების თანახმად კომპანია 20 მილიონი დოლარიდან 1 მილიონ დოლარს საინვესტიციო ტერიტორიასთან არსებული არხის კეთილმოწყობისთვის დახარჯავს.

პროექტის განხორცილება მიმდინარე წელს დაიწყება. ხელშეკრულების მიხედვით, შპს  „მეტრო ატლას ჯორჯიას“ მშენებლობის დასრულებისთვის 5 წელი ექნება, თუმცა კომპანიის განცხადებით პროექტი დაახლოებით 2017 წელს დასრულდება.

„მეტრო ატლას ჯორჯია“ სააქციო საზოგადოებაა და ის 2012 წერლს თურქეთის მოქალაქეებმა დააფუძნეს. „ეარ მერიდიანსი“ კი 2015 წლის 13 მაისს რუსეთის მოქალაქემ რაფიყ კაიტამბამ დააფუძნა და კომპანიის 100% -ს თავად ფლობს. 

ჯანდაცვის სამინისტროს ინფორმაციით, ჩაქვში სასწრაფო დახმარების 2 ეკიპაჟია მობილიზებული.  წლების განმავლობაში ჩაქვის სასწრაფო სამედიცინო დახმარების რაიონული ცენტრის 24 თანამშრომელი ერთ ოთახში იყო განთავსებული. ახალი, კეთილმოწყობილი 60 კვ. მეტრი შენობა, რომელიც მთლიანად სასწრაფო სამედიცინო დახმარების ჩაქვის რაიონული ცენტრს გადაეცა, ხუთი ოთახისგან შედგება. აქვეა გამოყოფილი მოსასვენებელი ოთახები ექიმის, ექთნისა და მძღოლისთვის. ჩაქვის სასწრაფო სამედიცინო დახმარების რაიონულ ცენტრს ახალი ინვენტარიც გადასცეს, რომლითაც მთლიანად აღიჭურვა ახალი ადმინისტრაციული შენობა.

სასწრაფო სამედიცინო დახმარების ცენტრის წინაშე მდგარ ერთ-ერთ მნიშვნელოვან პრობლემას რაიონული ცენტრების შენობები წარმოადგენს, სადაც არ არის შესაბამისი პირობები მომსახურე პერსონალის განთავსებისა და დასვენებისთვის. სასწრაფო სამედიცინო დახმარების რაიონული ცენტრებისთვის ახალი შენობების გადაცემა მთელი ქვეყნის მასშტაბით ეტაპობრივად მიმდინარეობს. სსდ ცენტრებს ახალი ადმინისტრაციული შენობები უკვე გადასცეს დმანისში, ქუთაისში, თიანეთსა და ყვარელში.