Batumelebi

 

“ძალიან მძიმე დღეები იყო მთელი მსოფლიოსთვის. ჩრდილო კავკასია განსაკუთრებით, ვფიქრობ, არც აქამდე იყო ყველაზე უფრო მშვიდი ადგილი და ის საუბრები, რომელიც დღეს ჩვენ გვესმის ექსპერტების მხრიდან, ბუნებრივია გარდა ამ საუბრებისა არის კონკრეტული ინფორმაციები. დღეისათვის რომ გითხრათ, რაიმე განსაკუთრებული ხდება – არა, თუმცა თავისთავად ის ფაქტი, რომ საქართველოდან, რომ აღარაფერი ვთქვათ ჩრდილო კავკასიაზე, მეომრები მიდიან მათ ძალებში საბრძოლველად, ეს უკვე ძალიან სერიოზული შეშფოთების და წუხილის საგანია, რასაც სჭირდება ადეკვატური, პოზიტიური რეაგირება, როგორც ქართული სახელმწიფოს მხრიდან, ასევე რუსეთის სახელმწიფოს მხრიდან. ცუდი არ იქნება, რომ რუსეთი უფრო მეტად კონცენტრირებული და დაკავებული იყოს სწორედ ჩრდილო კავკასიაში არსებული საფრთხეების ერთის მხრივ შეფასებით და მეორეს მხრივ მათზე რეაგირებით, ნაცვლად იმისა, რომ მეზობელ სახელმწიფოებში საომარ მოქმედებებს აწარმოებდეს. იმიტომ, რომ ეს არის საფრთხე იმ ტიპის, იმ ხარისხის, იმ მასშტაბის, რომელიც თუ მას მიეცა განვითარების საშუალება, შესაძლებელია დამანგრეველი აღმოჩნდეს ნებისმიერი ქვეყნისთვის მისი ზომის მიუხედავად. ამიტომ ყველა ერთობლივი ძალით უნდა ვიყოთ ამ საფრთხესთან ბრძოლაში ჩართული და არა ერთმანეთთან ბრძოლაში ჩართული” – თქვა მან.

 

 

 

 

 

“ჯერჯერობით ჩვენ რა შეფასებებიც მოვისმინეთ უცხოელებისგან თუ ადგილობრივი დაინტერესბეული პირებისგან, მათი უმეტესობა ეფუძნებოდა კანონპროექტის იმ ვერსიას, რომელიც იყო ინიცირებული რამდენიმე კვირის წინ. გუშინ პარლამენტმა კენჭი უყარა მნიშვნელოვნად გაუმჯობესებულ კანონპროექტს, რომელშიც ის ძალიან ბევრი შენიშვნა, მოსაზრება, რომელიც ჰქონდათ ქართველ თუ უცხოელ ექსპერტებს, არის ასახული და პარლამეტმა გამოთქვა მზადყოფნა იმისთვის, რომ პირველ და მეორე მოსმენას შორის კიდევ ერთხელ ყველა დაინტერესებულ პირთან ჩატარდეს კონსულტაციები და ყველა საკითხზე მიღწეულ იქნას კომპრომისი. ვიმეორებ, რომ პირვანდელ სახესა და გუშინდელ ვერსიას შორის, ძალიან სერიოზული განსხვავებაა. ყველა ის ძირითადი პრინციპული საკითხი, რომელზეც იყო დავა –  პროექტში ასე თუ ისე ასახულია, მაგრამ იგი კიდევ უფრო გაუმჯობესდება.  დარწმუნებული ვარ, ეროვნული ბანკის შესახებ კანონპროექტი მიიღებს ისეთ სახეს, რომელიც იქნება სასარგებლო სისტემისთვის და არ იქნება გარკვეული სპეკულაციების საშუალება. ზოგადად, პოლიტიკური პროცესია ნებისმიერი კანონის განხილვა. აქ პოლიტიკურ ვნებათაღელვას ვერ ავცდებით, მაგრამ ჩვენი ამოცანაა, რაც შეიძლება პროფესიული სტანდარტების დონეზე იყოს მსჯელობა და პოლიტიზირება არ იყოს არც ერთი მხრიდან, არც პროექტის მომხრეების და არც მისი მოწინააღმდეგეების მხრიდან” – განაცხადა დავით უსუფაშვილმა.

აღნიშნული განცხადება საქართველოს პარლამენტის თავმჯდომარემ დავით უსუფაშვილმა ბათუმში, შავი ზღვის მე-5 საერთაშორისო კონფერენციაზე, ჟურნალისტებთან საუბრისას გააკეთა.

 

აღნიშნულ კანონპროექტს საქართველოს პარლამენტმა მხარი გუშინ , 78 ხმით 1–ის წინააღმდეგ დაუჭირა და გუშინვე მიიღო აღნიშნული ორგანული კანონპროეტის თანმდევი კანონპროეტებიც.

 

საქართველოს პრეზიდენტის მრჩეველმა გიორგი აბაშიშვილმა გუშინ განაცხადა, რომ გიორგი მარგველაშვილი კანონპროექტს, რომელიც საქართველოს ეროვნული ბანკიდან საბანკო ზედამხედველობის გამოყოფას შეეხება, ვეტოს დაადებს –  “ბუნებრივია, როდესაც ნებისმიერი ტიპის ინიციატივა, რომელიც წინააღმდეგობაში მოვა, გაუარესებას გამოიწვევს ქვეყნის ეკონომიკური მდგომარეობის, მაკროეკონომიკური სტაბილურობის, თავისთავად ცხადია, პრეზიდენტი ამას ვეტოს დაადებს,” – თქვა გიორგი აბაშიშვილმა.

 

 

 

“დიდი ხანია არაფერი დამიწერია და ამას რა თქმა უნდა, თავისი სუბიექტური თუ ობიექტური მიზეზები ჰქონდა, მაგრამ ზოგჯერ დუმილი იმაზე მეტი დარღვევაა, ვიდრე რაიმე მოცემულობის არასწორი კონსტატირება. ის რაც “ყველაზე ობიექტური ტელევიზიის” ერთ-ერთი გადაცემის ანონსში ვნახე, ჩემთვის გახდა მთელი რიგი საკითხების განხილვის საფუძველი. რა თქმა უნდა ფაქტია, რომ მე ვერ გამოვდგები ვინმეს (თუნდაც ჩემი გუნდის წევრის) დამცველად, მაგრამ ჩემი შინაგანი რწმენა არ მომცემს იმის უფლებას, რომ ჩემივე სუბიექტური აზრი არ მოგახსენოთ ზემოაღნიშნულთან დაკავშირებით.

დავიწყოთ მარტივი მსჯელობა იმასთან დაკავშირებით, თუ რა გახდა მიზეზი ზოგადად ამ რეპორტაჟისა და კონკრეტულად მურმან დუმბაძის და მისი დამქაშების ასეთი არაჯანსაღი გააქტიურებისა. საქმე იმაშია, რომ გუშინ და დღეს არ დაწყებულა ეს დამოკიდებულება მურმან დუმბაძისა ირაკლი ჭეიშვილის და ზოგადად „ქართული ოცნებისადმი“. მიზეზი იმ პირველ უარშია, რომელიც უთხრეს “გამოცდილ პოლიტიკოსს” იმ სიმახინჯეებზე, რომლის დანერგვასაც ის ცდილობდა აჭარის პოლიტიკურ თუ ყოფით რეალობაში. სამწუხაროდ მურმანი არის „ქართული ოცნების“ ერთ-ერთი ყველაზე დიდი შეცდომა და ამ შეცდომის შედეგებს დღემდე ვიმკით. რა თქმა უნდა, ურჩევნია “პატივცემულ” მურმანს, როგორც ყველა ანტაგონისტს, დამბრალებლის პოზიციაში იყოს და ეძებოს მარტივი და სულელური გზები თავისი პოლიტიკური უმეცრების მისაჩქმალად, მაგრამ სამწუხაროდ ავიწყდება მას, რომ ჰომეროსიდან – ბეგბედერამდე არც ერთ უარყოფით გმირს არ მოუპოვებია საზოგადოების კეთილგანწყობა. თუმცაღა ბედის ირონია არსებობს ბუნებაში და ამის თვალსაჩინო მაგალითად ისიც საკმარისია, რასაც სტატუსი – ვიცე-სპიკერი ჰქვია. “პატივცემულ” მურმანს კი ავიწყდება, რომ სწორედ იმ ორგანოს წევრია, რომლის სახელთანაც არის დაკავშირებული ცნება – უდანაშაულობის პრეზუმცია. თუმცაღა ამ ცნებას არ შევეხები, რადგან მინდა დაგანახოთ – ვის და რაში სდებენ ბრალს. ირაკლი ჭეიშვილი, 33 წლის ახალგაზრდა და წარმატებული ადამიანია, რომლისთვისაც არათუ ნარკოტიკის არამედ ნიკოტინის და ალკოჰოლის მიღებაც კი არადამახასიათებელია. ამ თემის უფრო ფართოდ განხილვა საჭიროდ არ მიმაჩნია, ვინაიდან მურმანმა თავისი აზროვნება აბსურდის იმ ხარისხზე აიყვანა, რომ ეს ჩემთვის კი არა სემუელ ბეკეტისათვისაც კი მიუღწეველი სიმაღლეა. 

P.S –P.S -ის სიუჟეტზე:
1) ჩემი აზრით ეს კიდევ ერთხელ ცხადყოფს, რომ მურმან დუმბაძე თურქეთში ლევან ვარშალომიძეს მხოლოდ სამხრეთ კორეულ კინემატოგრაფზე არ ესაუბრა და მიიღო კონკრეტული მითითებები, კონკრეტული პიროვნებების წინააღმდეგ.

2) ამ შემთხვევაში ირაკლი ჭეიშვილი არის საკრებულოს და ზოგადად ქართული ოცნების კრებითი სახე და მურმანის ეს გებელსისეული პროპაგანდა მთლიანად გუნდის წინააღმდეგ არის მიმართული, რომელსაც სათანადო სამართლებრივი და პოლიტიკური პასუხი გაეცემა” – წერს თავის ფეისბუქგვერდზე მიქელაძე.

 

 

ერდოღან დაგდევირენს ბრალად ედება გერმანიის სისხლის სამართლის კოდექსის 25-ე მუხლის მე-2 ნაწილით და საგადასახადო კოდექსის 370-ე მუხლის 1-ლი და მე-2 ნაწილებით გათვალისწინებული დანაშაულების ჩადენა, რაც გადასახადებისაგან თავის არიდებას გულისხმობს.

ერდოღან დაგდევირენი 2011 წლის იანვრიდან 2013 წლის მარტამდე ხელმძღვანელობდა კომპანია „კესტელს“ (საფრანგეთი), რომელიც გერმანიაში სხვადასხვა კომპანიიდან დიდი ოდენობით სიგარეტის შესყიდვას ახორციელებდა. მის მიერ გადაუხდელმა გადასახადებმა 5 684 740,31 ევრო შეადგინა.

ამჟამად ერდოღან დაგდევირენის მიმართ კანონით გათვალისწინებული წინასაექსტრადიციო პროცედურები მიმდინარეობს.

 

სამართალდამცველებმა ქობულეთის რაიონის სოფელ კვირიკეში, ბრალდებულის საცხოვრებელი სახლის სათავსოს ჩხრეკისას, 32 კგ ტროტილი, 18 კაფსულ-დეტონატორი და 30 მეტრის სიგრძის ცეცხლგამტარი ზონარი ამოიღეს. დაკავებული აღიარებს ჩადენილ დანაშაულს.

 

გამოძიება საბრძოლო მასალის, ფეთქებადი ნივთიერების და ასაფეთქებელი მოწყობილობის მართლსაწინააღმდეგო შეძენა-შენახვის ფაქტზე მიმდინარეობს (საქართველოს სსკ-ის 236-ე მუხლის 1-ლი ნაწილით).

 

2015 წლის პირველი კვარტალის განმავლობაში ზემოთ ჩამოთვლილი ქვეყნების მაგალითზე უკვე დაკავებულია საქართველოს 342 მოქალაქე.

 

“რაც შეეხება საზღვარგარეთიდან საქართველოს მოქალაქეების დეპორტირების/გამოძევების შემთხვევებს, 2010-2014 წლებში აღნიშნული ქვეყნებიდან სულ დეპორტირებულია 8 610 საქართველოს მოქალაქე. საზღვარგარეთ საქართველოს მოქალაქეების დაკავებების მსგავსად, დეპორტირების შემთხვევაშიც ყველაზე მაღალი მაჩვენებელი 2013 წელს ფიქსირდება – 2 280 პირი. 2014 წელს აღნიშნული მაჩვენებელი განახევრებულია, ხოლო 2015 წლის პირველი კვარტალის განმავლობაში სულ დეპორტირებულია 201 საქართველოს მოქალაქე” – წერია IDFI-ს ანგარიშში.

 

 

 

 

 

ბექა, რატომ გადაწყვიტეთ გამხდარიყავით თვითმმართველობის თავმჯდომარე?

ამ უნივერსიტეტის სტუდენტი ვარ და მინდა კარგი გავაკეთო უნივერსიტეტისთვის. ბევრი ახალი და საინტერესო იდეა მაქვს და მინდა მისი განხორციელება, ამაში კი თვითმმართველობის თავმჯდომარეობა ძალიან დამეხმარება. სტუდენტებმა ნდობა გამომიცხადეს და მაქსიმალურად ვეცდები, რომ გავამართლო. 

რის გაკეთებას აპირებთ?

 პირველ რიგში სამეცნიერო ღონისძიებებს უნდა მივაქციოთ ყურადღება, სტუდენტთა სამეცნიერო ნაშრომების გამოქვეყნებას. ასევე წელს შოთა რუსთაველის სახელმწიფო უნივერსიტეტის 80 წლის იუბილეა. გვინდა გავაკეთოთ საერთაშორისო კონფერენცია. თუ უცხოელებს ვერ მოვიწვევთ, გვინდა, რომ თბილისის უნივერსიტეტები ჩავრთოთ ამ ღონისძიებებში. რეფერატულ ნაშრომებს ამზადებენ სტუდენტები, გვინდა, შემდეგ ეს ნაშრომები სადმე დავბეჭდოთ, გამოვაქვეყნოთ. ეს მათი ერთ-ერთი წინგადადგმული ნაბიჯია სამეცნიერო ცხოვრებაში. სამსახურს რომ დაიწყებენ, გამოადგებათ. 

94 წევრი ვართ სტუდენტურ თვითმმართველობაში. მათაც რამე კარგი აზრი თუ ექნებათ განსახორციელებლად, დავამატებთ და გავაკეთებთ. ასევე გვინდა, მივხედოთ სტუდენტურ ცხოვრებას, სტუდენტური დღეების განხორციელება კარგი იქნება. ადრე რომ ხდებოდა ფაკულტეტებს შორის შეჯიბრებები, უფრო აქტიურს გახდის სტუდენტებს. ასევე სპორტულ ღონისძიებებსაც მივხედავთ, შეჯიბრებებს მოვაწყობთ.

21-ე საუკუნეა, მაგრამ ინფორმაციას, რომელიც სჭირდება სტუდენტს, იღებს სტენდზე გაკრული ფურცლებიდან. ამიტომ გვინდა დიდი ტელევიზორები შევიძინოთ, დავამონტაჟოთ რამდენიმე კუთხეში, სადაც მიღებულ ინფორმაციებს გავაშუქებთ ელექტრონულად. ყოველ სტუდენტს ახალი ინფორმაციის მიღება ელექტრონული ტაბლოს მეშვეობით შეეძლება.

ასევე შემეცნებითი ექსკურსიების ჩატარება გვსურს. როდესაც საქართველოს სხვადასხვა კუთხეში მოგზაურობ, ეცნობი რომელ წელს აშენდა ეკლესია, რომელი მეფის პერიოდში, ეს და განათლების დონესაც ზრდის.

გვინდა მანტიები შევიძინოთ კურსდამთავრებულთათვის, ოღონდ არ ვიცით რამდენად მოგვცემს ბიუჯეტი ამის საშუალებას. უნივერსიტეტს არ აქვს ყველა სტუდენტისთვის საკმარისი მანტია, ამიტომ იცვამს მხოლოდ წარჩინებული სტუდენტი, რაც არ მომწონს. ყველა სტუდენტი, რომელიც უნივერსიტეტს ამთავრებს, ამ დღეს ერთნაირად ელოდება და არ უნდა დაწყდეთ გული. ამ საკითხის მოგვარებას ვფიქრობთ. შევკერავთ იმდენს, რამდენის საშუალებასაც მოგვცემს ბიუჯეტი და ეტაპობრივად ეს პრობლემაც მოგვარდება.

 

როგორც ვიცი, საგამოცდო ბარიერი 21 ქულით არის განსაზღვრული. სტუდენტებს ამასთან დაკავშირებით აქვთ შენიშვნები. თქვენ თუ გაქვთ ინფორმაცია და თუ აპირებთ ამ საკითხით დაინტერესებას?

 მე პირადად ახლა ბარიერთან შეხება არ მქონია. ჩემთვის ბარიერი პრობლემა არ არის, რადგან სტიპენდიაზე გავდივარ და ყოველთვის ვეცდები მაქსიმალური ქულები მივიღო, მაგრამ სტუდენტების უმრავლესობა თუ ჩათვლის, რომ საჭიროა ბარიერის დაწევა, რა თქმა უნდა, მაქსიმალურად გვერდში დავუდგები.

უნივერსიტეტში სწავლის დონესთან დაკავშირებით რას ფიქრობთ, რამდენად კმაყოფილი ხართ არსებული სწავლის ხარისხით?

პირადად მე ჰუმანიტარულზე ვსწავლობ, ახალი მოსული ვარ თვითმმართველობაში და სხვა ფაკულტეტებთან დიდად შეხება არ მქონია. ჰუმანიტარულ ფაკულტეტზე სწავლის ხარისხით უკმაყოფილო არ ვარ. მაქსიმალურად ითხოვენ ლექტორები სტუდენტებისგან და ყოველთვის დატვირთული ვიყავი. 

 რამდენად რეალურია იმის განხორციელება, რა გეგმებიც გაქვთ?

თვითმმართველობაში მარტო მე არ ვარ, აქ არის 94 კაცი. რა თქმა უნდა, მათთან ერთად მაქსიმალურად ვეცდები განვახორციელოთ ისეთი რამ, რაც უნივერსიტეტისთვის იქნება კარგი, რაც მას მოუტანს წარმატებას. 

წინა წლებში იყო ისეთი პრაქტიკა, თვითმმართველობის თავმჯდომარე ვერ გახდებოდა ისე ვერავინ, თუკი მას არ ჰქონდა ხელისუფლების მხარდაჭერა. თქვენი აზრით, უნდა ერეოდეს თუ არა ხელისუფლება ასეთ საკითხებში?

არ უნდა ერეოდეს ხელისუფლება და ვფიქრობ, არც ერევა. სტუდენტები, თვითმმართველობა და პოლიტიკა არ არის ერთმანეთთან კავშირში. სტუდენტებს თავისი საქმე აქვთ – უნივერსიტეტში ამდენი რამაა გასაკეთებელი. 

ახალი სასწავლო წლისთვის რა გეგმები გაქვთ?

სექტემბრისთვის ჩვენი გეგმა არის კონფერენციის ჩატარება უნივერსიტეტის იუბილესთან დაკავშირებით.

 

 

აშშ-ის საზღვაო ძალების გემის ეკიპაჟის დახვედრის ოფიციალური ცერემონიალი ბათუმის პორტში გაიმართა. 

 

„ლაბუნი“ არლეი-ბერკის კლასის მართვადი რაკეტებით აღჭურვილი ნაღმოსანია, რომელიც შეერთებული შტატების საზღვაო ძალების მე-6 ფლოტს ეკუთვნის. 

საქართველოში ყოფნისას, ნაღმოსანი „ლაბუნი“ საქართველოს სანაპირო დაცვის სამსახურთან რუტინულ ერთობლივ მეცადინეობას ჩაატარებს. 

 

„ლაბუნი“ ვირჯინიის შტატის ქალაქ ნორფოლკშია ბაზირებული. ის აშშ-ის მე-6 ფლოტის სამოქმედო არეალში რეგიონული საზღვაო უსაფრთხოების გამტკიცების საქმეში მრავალფუნქციურ როლს თამაშობს. ნაღმოსანი ორმხრივი და მრავალმხრივი საწვრთნელი მისიების მონაწილეა და შავი ზღვის რეგიონში ნატოს ოპერაციებშია ჩართული.

 

აშშ-ის საზღვაო ძალების გემები მონტროს კონვენციისა და საერთაშორისო სამართლის ნორმების შესაბამისად შავ ზღვაში რეგულარულად მოქმედებენ.

 

ცერემონილას საქართველოს პარლამენტის თავმჯდომარე დავით უსუფაშვილი, საქართველოს თავდაცვის მინისტრი თინათინ ხიდაშელი, აჭარის ავტონომიური რესპუბლიკი მთავრობის თავმჯდომარის მოვალეობის შემსრულებელი, აჭარის ავტონომიური რესპუბლიკი ჯანმრთელობისა და სოციალური დაცვის მინისტრი ნუგზარ სურმანიძე, ქ. ბათუმის მერი გიორგი ერმაკოვი, აშშ-ს ელჩი საქართველოში რიჩარდ ნორლანდი, აშშ – ს საზღვაო ძალების ატაშე, ვიცე-პოლკოვნიკი რიჩარდ ბრეიდი და სხვა ოფიციალური პირები ესწრებოდნენ.

 

 

მთავრობის შეფასებით “ლაბუნის“ სტუმრობა აშშ-ის საზღვაო ძალების სხვა წარმომადგენელთა ადრინდელი ვიზიტების გაგრძელებაა და მოკავშირე და პარტნიორ სახელმწიფოებთან შეერთებული შტატების პროფესიული და პერსონალური ურთიერთობების გამტკიცებას ემსახურება. “ამერიკული ნაღმოსნის ვიზიტი კიდევ ერთხელ ადასტურებს შეერთებული შტატების სურვილს, განამტკიცოს ურთიერთობა ნატოელ მოკავშირეებსა და საქართველოს მსგავს პარტნიორებთან შავი ზღვის რეგიონში უსაფრთხოებასა და სტაბილურობასთან დაკავშირებული საერთო ამოცანების გადასაწყვეტად”.

 

 

დახვედრის ცერემონიალზე, ამერიკისა და საქართველოს ჰიმნები ბათუმის სახელმწიფო საზღვაო აკადემიის ორკესტრმა შეასრულა. 

 

 

დახვედრის ცერემონიალის დასრულების შემდეგ აშშ-ის საზღვაო ძალების გემის “ლაგუნი”-ს კაპიტანს კრისტოფერ მაკკალუმს აჭარის მთავრობის თავმჯდომარის მოვალეობის შემსრულებელმა ნუგზარ სურმანიძემ აჭარის მთავრობის სახლში უმასპინძლა. 

შეხვედრას აშშ-ს საზღვაო ძალების ატაშე, ვიცე-პოლკოვნიკი რიჩარდ ბრეიდი და კაპიტნის მოადგილე გარი ჩეისი ესწრებოდნენ. შეხვედრაზე ნუგზარ სუმანიძემ ეკიპაჟის წევრებს რეგიონი გააცნო და ხაზი გაუსვა ჩვენი ქვეყნისთვის ამერიკის მხარდაჭერის მნიშვნელობას.

 

როგორც გარემოს დაცვის სამინისტროს ზედამხედველობის სამსახურში გვითხრეს, მოქალაქის განცხადება ამ თემაზე, მათთან ორი დღის წინ შევიდა და მათი წარმომადგენლები ამოწმებენ ადგილს. “ჩვენი ინფორმაციით ეს არ არის ქვანახშირი, ეს არის ნავთობის კოქსი, რომელიც ჯანმრთელობისთვის საშიში არ არის. პირველადი დათვალიერებით ვერ გეტყვით, რამდენად დაცულია ამ ტვირთის შენახვის ზომები. არსებობს ასეთი ტვირთის შენახვის ზომები, მაგალითად მისი ზედაპირის მორწყვა, რომ არ გაიფანტოს, თუმცა უფრო ზუსტად ამაზე ორშაბათს შევძლებთ პასუხის გაცემას” – ამბობს გარემოს დაცვის სამინისტროს აჭარის ზედამხედველობის სამსახურის ხელმძღვანელი.

 

 

ორგანიზატორების თქმით, ფორუმი მიზნად ისახავს შშმ პირთა თემის მობილიზებასა და ინფორმირებას ქვეყანაში განხორციელებულ და მიმდინარე იმ საკანონმდებლო ცვლილებების შესახებ, რომლებიც შშმ პირთა თემისაკენ არის მიმართული, რათა მათ შეძლონ, სურვილისამებრ,  სრულყოფილად ჩაერთონ ადგილობრივი თვითმმართველობების საქმიანობაში, რაც საბოლოო ჯამში ხელს შეუწყობს პრობლემების მოგვარების მეტად ეფექტური გზების მოძიებას და იქცევა საფუძვლად შშმ პირებისთვის თანაბარი გარემოს შექმნაში.

ფორუმზე განიხილავენ შშმ პირთა უფლებრივი მდგომარეობას; გაეროს შშმ პირთა კონვენციის იმპლემენტაციის პროცესს ცენტრალური ხელისუფლებისა და ადგილობრივი თვითმმართველობების დონეებზე. შშმ პირთათვის თანაბარი შესაძლებლობების უზრუნველყოფის სახელმწიფო პოლიტიკას – სად ვართ და როგორ ვვითარდებით. ასევე, ისაუბრებენ შშმ პირთა თემის როლისა და გამოწვევების, შშმ პირთა უფლებრივი მდგომარეობის და გაეროს შშმ პირთა კონვენციის დაცვის, პოპულარიზაციისა და განხორციელების მონიტორინგის შესახებ.

ფორუმზე, ორგანიზაცია “ხელმისაწვდომი გარემო ყველასთვის” წარმომადგენელმა, გიორგი ალავიძემ აღნიშა, რომ შშმ პირებისთვის თანაბარი შესაძლებლობების უზრუნველსაყოფად, გამოსავალი მაქსიმალურ აქტივობაშია –  “შეიძლება გაგიკვირდეთ, მაგრამ ზუსტად ვიცი რა არის გამოსავალი. შეაწუხეთ ყოველ დღე და იაქტიურეთ, გამოსავალი არის შშმ პირების და მათი წარმომადგენელი ორგანიზაციების აქტივობაში. სხვა შემთხვევაში ამას ვერანაირი მექანიზმები ვერ უშველის, რადგან ჩვენს ქვეყანაში არც ერთი მექანიზმი არ მუშაობს ისე, როგროც საჭიროა. საქმეს აკეთებს ის, ვინც აწუხებს ადამიანებს პირდაპირ” – ამბობს ის.

ორგანიზაცია “ცვლილებები თანაბარი უფლებებისათვის” წარმომადგენელმა თომა კაკაბაძემ აღნიშნა, რომ მიუხედავად იმისა, რომ ბათუმის მერიაში ორი თვეა დანიშულია მრჩეველი შშმ პირთა საკითხებში მერია დღემდე არ რთავს საქმიანობაში და არ იყენებს ამ რესურსს.

ფორუმი ეწყობა პროექტის „რეგიონებში შშმ აქტივისტთა და მათი ორგანიზაციების ხელშეწყობა გაეროს შშმ პირთა უფლებების კონვენციის იმპლემენტაციასა და ადგილობრივი თვითმმართველობების საქმიანობაში ჩასართავად” ფარგლებში.

კონფერენციაზე განხილული იქნება შემდეგი თემები – საკონსტიტუციო სასამართლოების, ადამიანის უფლებათა ევროპული სასამართლოს, გაეროს ადამიანის უფლებათა კომიტეტის მიერ გამოყენებული სტანდარტები და შესაბამისი პრაქტიკა თავისუფლების და უსაფრთხოების უფლებასთან დაკავშირებით; თავისუფლებისა და უსაფრთხოების უფლების დაცვის მექანიზმები და მათი სამართლებრივი და პრაქტიკული შედეგები.

კონფერენციაზე მოწვეული არიან შავი ზღვის რეგიონისა და ბელორუსიის საკონსტიტუციო სასამართლოების თავმჯდომარეები და მოსამართლეები. ასევე, ადამიანის უფლებათა ევროპული სასამართლოს მოსამართლეები და ევროპის საბჭოს ვენეციის კომისიის წევრები; საქართველოს საკონსტიტუციო და უზენაესი სასამართლოების მოსამართლეები; საქართველოს პარლამენტის და მთავრობის წევრები; არასამთავრობო ორგანიზაციებისა და აკადემიური წრეების წარმომადგენლები.

საქართველოს საკონსტიტუციო სასამართლო კონფერენციას მართავს ევროკავშირის პროექტის “საკონსტიტუციო სასამართლოს მხარდაჭერის”, გერმანიის საერთაშორისო თანამშრომლობის ორგანიზაციისა (GIZ) და ევროპის საბჭოს ვენეციის კომისიის მხარდაჭერით.

კონფერენცია ხვალ, 28 ივნისს დასრულდება.

 

კინოსეანსის მასპინძელია რეჟისორი შოთა გუჯაბიძე. 

 

დასწრება თავისუფალი. 

 

დასაწყისი: 18 საათზე. 

 

მისამართი: ზვიად გამსახურდიას ქუჩა 1/5 

 

1. აჭარული ხაჭაპური – აჭარული ხაჭაპური გამოირჩევა როგორც ორიგინალური ფორმით, ისე განსაკუთრებული გემოთი. თუ კლასიკურ ხაჭაპურს სხვა კერძებთან ერთად აგემოვნებენ, აჭარულ ხაჭაპურს როგორც მეტად ნოყიერ კერძს ცალკე შეექცევიან დილის საუზმის ან სადილის დროს. აჭარული ხაჭაპურის შექმნის არაერთი ვერსია არსებობს. ზღვისპირას მცხოვრებ ლაზებს ცომისთვის ნავის ფორმა მიუციათ, კვერცხის გული კი თითქოს ზღვაში ჩამავალ მზეს განასახიერებს. 

 

2. სინორი – მის მოსამზადებლად სპეციალურად გამომცხვარი ცომის ფირფიტები, ნადუღი და ერბო დაგჭირდებათ, რომლებსაც ოსტატურად შეურევთ ერთმანეთს და კეცზე გამოცხობის შემდეგ უგემრიელს კერძს მიიღებთ.

 

3. აჭარული ღვინო – აჭარაში მევენახეობის ისტორიეულ კერად მიჩნეულია ქედის მუნიციპალიტეტი, რომელიც ბათუმიდან 43 კმ-ში მდებარეობს. აჭარაში ყველაზე პოპულარული ღვინის სახეობებია ცოლიკაური (თეთრი) და ჩხავერი (ვარდისფერი).

 

4. ყავა ქვიშაზე და ბაქლავა – ყავის ცხელ ქვიშაზე მოდუღებისას აუცილებელია ქვიშის სასურველი ტემპერატურის დაცვა. ქვიშაზე მომზადებული ყავა შესანიშნავი დესერტია, განსაკუთრებით მაშინ, როცა მას ზღვის პირას მიირთმევთ.  ბაქლავა დესერტებს შორის ერთ-ერთი ყველაზე რთული მომზადების წესით გამოირჩევა. ლანგარზე გადაჭიმულ სამოცზე მეტ სიფრიფანა ცომის ფენას სათითაოდ აწყობენ ერთმანეთზე წვრილად დაფქვილ თხილთან ან ნიგოზთან ერთად. ფენებს შორის ამატებენ ასევე ერბოს. არანაკლებ მნიშვნელოვანია ბაქლავის მოსამზადებლად ცხობის პროცესიც. ღუმელიდან გადმოღებულ, რომბისებურად დაჭრილ ტკბილეულს უხვად ასხამენ სიროფს, როცა კარგად გაუჯდება სიტკბო, მაშინ უკვე ბაქლავაც მზადაა.

 

5. აჩმა – აჩმა ხაჭაპურის ერთ-ერთი ინტერპრეტაციაა. მისი მომზადების ტექნოლოგია საკმაოდ განსხვავებულია კლასიკური ხაჭაპურისგან: იგი თხელი ფენებისაგან შედგება, რომლებშიც ჩამდნარი ყველი და კარაქი ერთდროულად ნოყიერი და ჰაეროვანია. 

 

6. იახნი – იახნის მოყვარულებს აჭარის ყველა რაიონში შეხვდებით, მაგრამ ეს კერძი განსაკუთრებით პოპულარულია ქობულეთში. მას საქონლის მკერდის ნაჭრისგან ამზადებენ. იახნის დასამზადებლად იყენებენ სანელებლების ბევრ ნაირსახეობას, რაც კერძს განსაკუთრებულ გემოს სძენს. იახნი ქობულეთური სუფრის განუყოფელი ნაწილია და მის დამზადებას მხოლოდ გამოცდილ მზარეულებს ანდობენ.

 

7. მალახტო – მალახტო აჭარული სამზარეულოსთვის დამახასითებელი ლობიოს კერძია. მას აუცილებლად ჭყინტი ლობიოსაგან ამზადებენ, რომელსაც მოხარშვის შემდეგ ნიგოზს, სხვადასხვა სანელებლებს და ყველაზე მთავარ ინგრედიენტს – ისრიმის (მკვახე ყურძენი) წვენს ამატებენ, რაც მალახტოს დამახასიათებელ და განსაკუთრებულ გემოს მატებს.

 

8. ბორანო – ბორანო აჭარულ სამზარეულოში გამორჩეული კერძია, იგი ძალიან ნოყიერი და კალორიულია. მისი მომზადებისთვის ძირითადი ინგრედიენტებია ერბო და აჭარული ყველი. არსებობს ბორანოს სხვადასხვა სახეობა, მათგან ყველაზე პოპულარული კვერცხით და სიმინდის ფქვილით დამზადებული ბორანოა. 

 

9. კაიმაღი – კაიმაღი აჭარული სამზარეულოსათვის დამახასიათებელი კერძია, რომელიც დიდი პოპულარობით სარგებლობს რეგიონის მოსახლეობაში. კაიმაღი რძის პროდუქტებისგან მზადდება და გამორჩეულად ნოყიერია. მისი მირთმევა სასურველია ყველთან და მჭადთან ერთად. თუკი ერთხელ მაინც დაგიგემოვნებიათ ეს აჭარული კერძი, მის მირთმევაზე უარს ვერასდროს იტყვით.

 

10. აჭარული ყველი – აჭარაში ყველის ბევრინაირი სახეობაა გავრცეებული, ყველაზე დამახასიათებელი კი აჭარული დაწნული ყველია, რომელსაც ძირითადად მაღალმთიან რეგიონში ამზადებენ. დაწნული ყველის დამზადების განსაკუთრებული ტექნოლოგია, განსხვავებული ფორმა და დამახასიათებელი გემო მიმზიდველია ნებისმიერი გურმანისთვის.

 

 

 

 

 

სპექტაკლის რეჟისორი აჩი გოგუაძე ამბობს, რომ სპექტაკლზე დაახლოებით თვე-ნახევარი მუშაობდნენ. სპექტაკლში ორი პერსონაჟია, რომელთა როლებსაც, ბათუმის ხელოვნების უნივერსიტეტის მე-2 კურსის სტუდენტი ელისაბეტა მხეიძე და თბილისიდან მოწვეული მსახიობი – ივანე ჭელიძე ასრულებდნენ. დრამატურგი – ზურა მელიქიძე, მხატვარი კი გიორგი წულაძეა.

 

 

“სპექტაკლის ჟანრის შესახებ შემიძლია ვთქვა, რომ ეს უფრო აბსურდია, ვიდრე ტრაგედია ან კომედია. პიესა იმ ადამიანზე, რომელიც საკუთარ თავში, საკუთარ ნაჭუჭშია ჩაკეტილი, რომელმაც თავი გაირიყა მთელი სამყაროსგან. მასთან მოდის ქალი, რომელიც ცდილობს მის გამოყვანას ნაჭუჭიდან, მაგრამ კაცი მას მაინც არ უშვებს ბოლომდე ახლოს. ჩვენი მესიჯი ამ სპექტაკლით არის ის, რომ ადამიანი არ უნდა იყოს მარტო თავის თავთან ჩაკეტილი, სულიერი მეგობარი ყველას სჭირდება და ხშირად ხდება ისე, რომ ჩვენთან მოდიან ეს ადამიანები, მაგრამ ჩვენ ვერ ვხვდებით. სწორედ  ეს არის ჩემი გულის ტკივილი, როგორც რეჟისორის, რომ დღევანდელ რეალობაში რთულია სულიერი მეგობრის ნახვა და როცა ის მოდის – აუცილებლად უნდა დავაფასოთ” – ამბობს რეჟისორი.

 

 

აჩი გოგუაძის თქმით, პრემიერამ წარმატებით ჩაიარა – “ნამდვილად კარგი მაყურებელი გვყავდა, დაგვესწრო ბათუმის თეატრალური საზოგადოება, ნახეს და შეგვიფასეს ნამუშევარი, როგორც მე ახალგაზრდა რეჟისორს და ახალგაზრდა მსახიობებს. ისინი დაგვიდგნენ მხარში, რის გამოც დიდი მადლობა მინდა გადავუხადო მათ” – ამბობს ის.

 

 

სპექტაკლის ნახვა მაყურებელს 27, 28 და 29 ივნისსაც, ბათუმის თეატრალურ სარდაფში (ლუკა ასათიანის ქ. #66) შეეძლება. დასაწყისი 20 საათზე, ბილეთის ფასი 5 ლარი.  

 

 

ველო მოყვარულები ტრადიციულად თვის ბოლო პარასკევს, 19:30-ზე ანბანის კოშკთან შეიკრიბნენ და მიუხედავად უამინდობისა, ქალაქის ქუჩებში ჯგუფური მსვლელობა მოაწყეს.

ველო მოყვარულებმა დანიშნული მარშუტის ნელა და ორგანიზებულად პატრულის თანხლებით  გაიარეს, შემდეგ კი ისევ ანბანის კოშკთან დაბრუნდნენ, საიდანაც სოლიდარობის ნიშნად მანათობელი ფრანები გაუშვეს.

 

 

 

 

 

 

 

 

 

 

 

 

 

 

 

 

 

 

 

 

 

 

ირაკლი ანთიძის განმარტებით, საქმე ეხება 17 ივნისს, აჭარის ტელევიზიის ვებგვერდიდან, მოცეკვავეების ვარსკვლავის გახსნის ღონისძიების ამსახველი სიუჟეტის დროებით მოხსნას:

” ის ფაქტი, რომ მან რაღაცის დამალვის გამო, მისივე თქმით მოხსნა სიუჟეტი, მე ვიტყოდი მოიპარა სიუჟეტი, არის შეურაცხმყოფელი. აჭარის ტელევიზიის დირექტორი აღიარებს, რომ მას მიზანი  ჰქონდა დაეფარა ინფორმაცია საზოგადოებისთვის. მისი თანამდებობიდან გამომდინარე ჩემი და ჩემი მეგობრების აზრით, მან ჩაიდინა კრიმინალი. მაუწყებლობის კანონის მიხედვით, მას არ ჰქონდა ასეთი ქმედების ჩადენის უფლება” – განაცხადა ირაკლი ანთიძემ. 

მან ბორდს მოუწოდა გაათავისუფლონ თანამდებობიდან დირექტორი: “თუ ბორდი ამ ადამიანს არ გადააყენებს, მაშინ მივმართავ პარლამენტს რომელმაც დანიშნა ბორდი, იმიტომ რომ გამოდის ბორდია არაკომპეტენტური. წესით ბორდს აქამდეც უნდა გაეთავისუფლებინა იგი თანამდებობიდან და მე, როგორც მოქალაქეს, პოზიციის ამ ფორმით გამოხატვა არ უნდა დამჭირვებოდა” – ამბობს ის.

ირაკლი ანთიძის თქმით, მან აქამდეც მიმართა ბორდს წერილობით, მაგრამ რახან მის განცხადებას რეაქცია არ მოჰყოლია, გადაწყვიტა საჯაროდ მიემართა მათთვის. 

 

მოსარჩელე მიიჩნევს, რომ სადავო ნორმები იძლევა შესაძლებლობას პატიმრობაში მყოფი პირის მიმართ ხელმეორედ გამოიყენონ აღკვეთი ღონისძიება – პატიმრობა. მოსარჩელის შეფასებით, ასევე, სადავო ნორმების მიხედვით,  ბრალდებულისთვის პატიმრობის შეფარდება ხდება არასაკმარისი, არამყარი მტკიცებულებების სტანდარტების გამოყენებით, რაც ასევე ეწინააღმდეგება მისი კონსტიტუციით გარანტირებულ არაერთ უფლებას, მათ შორის თავისუფლების ძირითად უფლებას. თბილისის ყოფილ  მერს,  მიაჩნია, რომ სისხლის სამართლის კოდექსით გათვალისწინებული აღკვეთი ღონისძიების გამოყენების ფორმა პატიმრობაში მყოფი პირისთვის არაკონსტიტუციურია.  საკონსტიტუციო სასამართლოს პლენუმმა გადაწყვიტა, რომ ამ საკითხზე იმსჯელოს.

 

 მოსარჩელე ასევე მიიჩნევს პრობლემად,  სისხლის სამართლის საპროცესო კოდექსში გათვალისწინებული პატიმრობისთვის დასაბუთებული ვარაუდის სტანდარტს. ის თვლის, რომ ეს სტანდარტი არ არის საკმარისი კონსტიტუციით გათვალისწინებული თავისუფლების უფლების დასაცავად, საკონსტიტუციო სასამართლოს პლენუმი ამ საკითხის კონსტიტუციორობაზეც იმსჯელებს.

 

 მესამე ნორმა რაზეც მოსარჩელე ფიქრობს, რომ არაკოსტიტუციურია ეს არის  სისხლის სამართლის საპროცესო კოდექსით პატიმრობის ღონისძიების გადასინჯვა, ახლანდელი კანონით, მტკიცებითი ტვირთი დაცვის მხარეს ეკისრება. ეს მისი აზრით უდანაშაულობის პრეზუმციასთან მოდის წიმნააღმდეგობაში და თბილისის ყოფილ მერს, მიაჩნია, რომ მტკიცების ტვირთი ბრალმდებელის, ანუ სახელმწიფოს უნდა ჰქონდეს და არა ბრალდებულს. ეს მესამე საკიტხია რაზეც ასევე საკონსტიტუციო სასამართლო იმსჯელებს.

გადაწყვეტილება საკონსტიტუციო სასამართლოს პლენუმმა დღეს გამოაცხადა.

 

“მოგეხსენებათ რამდენად მნიშვნელოვანია, ტურისტულ სეზონს ქალაქი მომზადებული შეხვდეს. იმისთვის, რომ ქალაქის ცენტრი გათავისუფლებულიყო ქაოტურად მიმოფანტული უსახური ჯიხურებისგან, გადაწყდა, მათი ერთად განთავსება, რასაც გარე მოვაჭრეებისა და საზოგადოების არცთუ ისე დადებითი შეფასება მოყვა. ჩვენთვის მნიშვნელოვანია ბათუმელებისა და საზოგადოების აზრი. გავითვალისწინეთ გარე მოვაჭრეების მდგომარეობა, რომ მათ გააჩნიათ იპოთეკური სესხები, არიან სოციალურად დაუცველები, მივიღეთ გადაწყვეტილება და წავედით კომპრომისზე რომ, გარემოვაჭრეები დროებით დავაბრუნოთ ძველ ტერიტორიაზე, სადაც მათ მიეცემათ საშუალება, ტურისტული სეზონის განმავლობაში გააგრძელონ სამეწარმეო საქმიანობა. უნდა აღინიშნოს, რომ ეს ერთ-ერთი ის პრობლემაა, რომელიც წინა ხელისუფლებამ დაგვიტოვა და ვერ შეძლო ამის გადაწყვეტა. ახლა კი ჩვენ გვიხდება ამ ყველაფრის მოგვარება. გვინდა საბოლოოდ ისეთი გადაწყვეტილება მივიღოთ, რომელიც ჩვენი ქალაქისა და ბათუმელების ინტერესებს გაითვალისწინებს” – თქვა მან.

შეგახსენებთ, რომ ჭაჭის კოშკის მიმდებარე ტერიტორიაზე, საზღვაო ნავსადგურთან ახლოს,  რკინის ჯიხურების განთავსების თაობაზე ბათუმის მერიამ რამდენიმე დღის წინ მიიღო, გუშინ ღამით ჯიხურების ნაწილი ისევ ძელ ადგილებზე დააბრუნეს.

 

ახალგაზრდებს, რომლებიც უკრავთ სხვადასხვა ინსტრუმენტზე, გაქვთ შანსი თავად ჩამოაყალიბოთ მუსიკალური ჯგუფი და ანაზღაურების სანაცვლოდ მონაწილეობა მიიღოთ მუსიკალურ პერფომანსებში.

 

პროექტი ფინანსდება ქალაქ ბათუმის მერიისა და კაპაროლის მიერ.

 

დამატებითი ინფორმაციის მისაღებად მოგვწერეთ ან დაგვიკავშირდით: ელ-ფოსტა: batumiijh@gmail.com მობ: 591 95 03 95 სალომე

 

“გუშინ დილით განცხადება დავტოვეთ მთავრობაში, მერე ღამის ორ საათზე გავიგეთ, რომ იღებდნენ ამ ჯიხურებს, სად მიჰქონდათ არ ვიცი. დიდი ჩხუბისა და დავის შემდეგ მერიის წარმომადგენლები დაგვთანხმდნენ, რომ ისევ იმავე ადგილებზე დავბრუნებულიყავით ყველა, გვითხრეს რომ მერი დათანხმდა და 30 სექტემბრამდე, სეზონის მილევამდე ისევ ძველ ადგილებს დაუბრუნდითო, მერე კი რაღაც ახალს შეიმუშავებენ, როგორც გვითხრეს” – ამბობს ნინო მეფარიშვილი.

რკინის ჯიხურები აქამდე საბაგირო გზასთან და სხვა ადგილებში იყო განთავსებული. 

მერია ოფიციალურ განცხადებას ამ თემაზე, 13:00 საათზე გააკეთებს.

 

„მოვინახულეთ ხულო, სადაც გამგებელმა ბესიკ ბაუჩაძემ საოცარი „საჯარო ტრანსპორტი“, საბაგირო გზა გვაჩვენა, რომელიც ხეობას კვეთს. დავათვალიერეთ ქალაქის მუზეუმებიც. ხულოში დავრწმუნდით, რომ ქვეყნის შორეულ კუთხეებშიც კი თბილისში მომხდარის გამო ყველა დათრგუნულია.

 

ხულოს გამგებელი საგზაო ინფრასტრუქტურაზე გვესაუბრა და ამ ისტორიულად მნიშვნელოვან რეგიონში ქრისტიანთა და მუსლიმთა ურთიერთობებზე ჩემ შეკითხვებს უპასუხა.

მერიმ და მე მტირალას შესანიშნავი ეროვნული პარკიც ვინახულეთ. აქ, ბათუმის მახლობლად, ქართველებსა და უცხოელ ტურისტებს უნიკალური მიკროკლიმატი ელოდებათ. მათ ძალიან მოეწონებათ ჩანჩქერი, ტბა და ბუნების სხვა ღირსშესანიშნაობები“ – აღნიშნულია რიჩარდ ნორლანდის გზავნილში, რომელიც ფოტოსთან ერთად გამოქვეყნდა საელჩოს ფეისბუქის გვერდზე. 

დღეს, 26 ივნისს, რიჩარდ ნორლანდი აშშ-ის საზღვაო ძალების ნაღმოსან „ლაბუნს“ დახვდება ბათუმის პორტში. 

 

აჭარის ჯანდაცვის სამინისტროს ინფორმაციით, წარმოდგენილი იქნება უფროსკლასელთა პრეზენტაცია – ,,არა ნარკოტიკს“.  ბათუმის ინფექციური პათოლოგიის, შიდსისა და ტუბერკულოზის რეგიონული ცენტრის დირექტორი ჯემალ დუმბაძე ისაუბრებს ნარკოტიკების მავნე ზემოქმედებისა და მისი მოხმარებით გავრცელებული ინფექციების შესახებ.

აჭარის ნარკოლოგიური ცენტრის დირექტორი ლია ჯინჭარაძე ისაუბრებს ნარკოდამოკიდებულთა მკურნალობასა და ამ მხრივ აჭარაში არსებული მდგომარეობის შესახებ. კავშირი ,,იმედი” გამართავს პრეზენტაციას ცენტრის მუშაობისა და საქართველოში არსებული ქუჩის ნარკოტესტირების მანკიერი პრაქტიკის შესახებ. მოხენებების დასრულების შემდეგ გაიმართბა დისკუსია.

შეხვედრას დაესწრებიან აჭარის ჯანმრთელობისა და სოციალური დაცვის სამინისტროს, განათლების სამინისტროს, აჭარის ახლგაზრდა იურისტთა ასოციაციისა და პრობაციის ბიუროს წარმომადგენლები, ასევე, საჯარო სკოლების მოსწავლეები, სტუდენტები, სპორტსმენები, შიდსით დაავადებულთა დახმარების ფონდის და ,,თანადგომა“-ს წევრები.

26 ივნისი, ნარკომანიასთან ბრძოლის საერთაშორისო დღედ გამოცხადდა, 1987 წელს, გაერთიანებული ერების გენერალური ასამბლეის მიერ, მას შემდეგ ის ყოველწლიურად აღინიშნება. ამ დღის მიზანია მოსახლეობისთვის ნარკოტიკების შესახებ ცნობიერების ამაღლება და ნარკოტიკებისაგან თავისუფალი გარემოს ხელშეწობაა. ნარკომანია რჩება 21 საუკუნის ერთ-ერთ მნიშვნელოვან გამოწვევად, რომელიც სერიოზულ საფრთხეს უქმნის მოსახლეობის, განსაკუთრებით კი, ახალგაზრდების ჯანმრთელობას.

 

 

შეგახსენებთ, რომ ბათუმის მერიის გადაწყვეტილებით გარემოვაჭრეებმა ბათუმში, პორტის  მიმდებარე ტერიტორიაზე განათავსეს რკინის ჯიხურები. მერიის ამ გადაწყვეტილებას სოციალურ ქსელებში კრიტიკა მოჰყვა, მოქალაქეები აპროტესტებდნენ ბათუმის ცენტრში რკინის ჯიხურების განთავსებას. 

25 ივნისს ბათუმის მერიამ საგანგებო განცხადებაც გაავრცელა, სადაც აღნიშნული იყო, რომ მერიამ ეს გადაწყვეტილება მიიღო უსახური, თვითნებურად ჩადგმული ჯიხურების ერთად განთავსების მიზნით და საამისოდ გოგებაშვილის ქუჩა შეარჩია. მერიის განცხადებაში ასევე აღნიშნული იყო, რომ ჯიხურები მოიხატებოდა და ქალაქის იერ-სახესთან შესაბამისობაში მოვიდოდა, თუმცა როგორც ჩანს, საზოგადოების პროტესტის შედეგად ბათუმის მერიამ ჯიხურების აღების გადაწყვეტილება მიიღო.