სიახლეები

ამერიკის ელჩმა აჭარაში თაგო და მტირალას პარკი დაათვალიერა

26.06.2015 • 1667
ამერიკის ელჩმა აჭარაში თაგო და მტირალას პარკი დაათვალიერა

 

რიჩარდ ნორლანდი სოფელ თაგოს საბაგირო გზაზე
რიჩარდ ნორლანდი სოფელ თაგოს საბაგირო გზაზე

„მოვინახულეთ ხულო, სადაც გამგებელმა ბესიკ ბაუჩაძემ საოცარი „საჯარო ტრანსპორტი“, საბაგირო გზა გვაჩვენა, რომელიც ხეობას კვეთს. დავათვალიერეთ ქალაქის მუზეუმებიც. ხულოში დავრწმუნდით, რომ ქვეყნის შორეულ კუთხეებშიც კი თბილისში მომხდარის გამო ყველა დათრგუნულია.

 

ხულოს გამგებელი საგზაო ინფრასტრუქტურაზე გვესაუბრა და ამ ისტორიულად მნიშვნელოვან რეგიონში ქრისტიანთა და მუსლიმთა ურთიერთობებზე ჩემ შეკითხვებს უპასუხა.

მერიმ და მე მტირალას შესანიშნავი ეროვნული პარკიც ვინახულეთ. აქ, ბათუმის მახლობლად, ქართველებსა და უცხოელ ტურისტებს უნიკალური მიკროკლიმატი ელოდებათ. მათ ძალიან მოეწონებათ ჩანჩქერი, ტბა და ბუნების სხვა ღირსშესანიშნაობები“ – აღნიშნულია რიჩარდ ნორლანდის გზავნილში, რომელიც ფოტოსთან ერთად გამოქვეყნდა საელჩოს ფეისბუქის გვერდზე. 


დღეს, 26 ივნისს, რიჩარდ ნორლანდი აშშ-ის საზღვაო ძალების ნაღმოსან „ლაბუნს“ დახვდება ბათუმის პორტში. 

გადაბეჭდვის წესი