სტუმრებმა ახალ აშენებული კულტურის სახლის სარეპეტიციო, საგამოფენო, საკონფერენციო და ადმინისტრაციული ოთახები დაათვალიერეს, ასევე მოინახულეს 400 მაყურებელზე გათვლილი, თანამედროვე სტანდარტების შესაბამისად აღჭურვილი სცენა, სადაც მესამე საბავშვო ბაღის აღსაზრდელებმა სასცენო ნომერი შეასრულეს.
კულტურის სახლის არ არსებობა წლების განმავლობაში მუნიციპალიტეტის უმნიშვნელოვანეს პრობლემას წარმოადგენდა. კულტურული ობიექტის მშენებლობისთვის ადგილობრივი ბიუჯეტიდან 2 300 000 ლარი დაიხარჯა.
კულტურის სახლის გახსნას მუნიციპალიტეტის ხელმძღვანელები და აჭარის განათლების მინისტრი ესწრებოდა.
