ნეტგაზეთი • RU

საკრებულოს თავმჯდომარე ირაკლი ჭეიშვილი ვიცე-სპიკერ მურმან დუმბაძეს უჩივლებს

 

ბათუმის საკრებულოს თავმჯდომარე ირაკლი ჭეიშვილი საკუთარი ფეისბუკის გვერდზე  წერს, რომ ის აპირებს საქართველოს პარლამენტის ვიცე-სპიკერის მურმან დუმბაძის წინააღმდეგ სასამართლოს მიმართოს.  დავის საგანი ტელეკომპანია „რუსთავი 2“-ის გადაცემა „PS“ გასული  სიუჟეტია, სადაც ვიცე-სპიკერი მურმან დუმბაძე, საკრებულოს თავმჯდომარეს ირაკლი ჭეიშვილს სარფის საბაჟოზე, ავტომანქანით ნარკოტიკების შემატანაში ადანაშაულებს. 

 

 

ირაკლი ჭეიშვილი

 

„მე მივაწოდე ინფორმაცია ბიძინა ივანიშვილს, რომ ნარკოტიკები რომელიც შემოვიდა სარფიდან, იდო ჭეიშვილის მანქანაში“-განაცხადა მურმან დუმბაძემ „PS-თან“ საუბარში.

 

ირაკლი ჭეიშვილის ფეისბუკის გვერდზე წერს, რომ ის ამ განცხადების გამო ვიცე-სპიკერს სასამართლოში უჩივლებს:

 

„სიუჟეტის ანონსი და მთლიანად სიუჯეტის სტრუქტურა აგებულია ისე, რომ დააეჭვოს მაყურებელი თითქოს ამ სისაძაგლეში რაიმე წვლილი ხომ არ მიმიძღვის. სრული პასუხისმგებლობით ვაცხადებ ეს არის ერთ ქალზე ამოფარებული (მედეა ვასაძეს ვგულისხმობ) ვითომ პოლიტიკოსის სინამდვილეში პოლიტიკით მოვაჭრე მურმან დუმბაძის პათოლოგიური ავანტიურა რომლითაც დაკავებულია იგი უკანასკნელი წლები. 

 

პირადად ჩემი, ჩემი ოჯახის, ქალაქის საკრებულოს იმ გუნდის ღირსებას რომელსაც წარმოვადგენ ჩემთვის ყველაზე ძვირფასია და ამიტომ აუცილებლად მივმართავ სასამართლოს, რადგან გაიგოს მოქალაქეებმა ვინ არის მურმან დუმბაძე და რა ინტერესი ამოძრავებს მის გაუმაძღარ კლანს. უფრო დეტალურად მოგვიანებით მოგახსენებთ!“- წერს საკრებულოს თავმჯდომარე ფეისბუკში. 

 

მურმან დუმბაძე

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე