უკვე რამდენიმე თვეა, პორტის ტერიტორიაზე ნავთობის კოქსის დიდი რაოდენობა ყრია, რომელიც ორგანიზაცია “საქართველო კორუფციასთან ბრძოლის” საინფორმაციო ცენტრის ხელმძღვანელი მერაბ ღოღობერიძის თქმით, ჰარერთი იფანტება და გარემოს აბინძურებს.
როგორც გარემოს დაცვის სამინისტროს ზედამხედველობის სამსახურში გვითხრეს, მოქალაქის განცხადება ამ თემაზე, მათთან ორი დღის წინ შევიდა და მათი წარმომადგენლები ამოწმებენ ადგილს. “ჩვენი ინფორმაციით ეს არ არის ქვანახშირი, ეს არის ნავთობის კოქსი, რომელიც ჯანმრთელობისთვის საშიში არ არის. პირველადი დათვალიერებით ვერ გეტყვით, რამდენად დაცულია ამ ტვირთის შენახვის ზომები. არსებობს ასეთი ტვირთის შენახვის ზომები, მაგალითად მისი ზედაპირის მორწყვა, რომ არ გაიფანტოს, თუმცა უფრო ზუსტად ამაზე ორშაბათს შევძლებთ პასუხის გაცემას” – ამბობს გარემოს დაცვის სამინისტროს აჭარის ზედამხედველობის სამსახურის ხელმძღვანელი.
