მეწყერსაწინააღმდეგო ღონისძიებები ქედის სოფლებში

სატენდერო განაცხადის მიხედვით, ტენდერში მონაწილე პრეტენდენტს 2012 წლის 01 იანვრიდან 2014 წლის 31 დეკემბრამდე შესრულებული უნდა ჰქონდეს ტენდერით გათვალისწინებული ანალოგიური ხასიათის, სირთულისა და შინაარსის (გზების და საგზაო ნაგებობების, სანიაღვრე არხების მშენებლობა, რეკონსტრუქცია, რეაბილიტაცია)  სამუშაოები საერთო ღირებულებით არანაკლებ 100 000 ლარის ოდენობით;

სამუშაოების  წარმოება  უნდა  განხორციელდეს  მიმწოდებლის  მიერ  სატენდერო წინადადებით   წარმოდგენილი   გეგმა-გრაფიკის   მიხედვით   განსაზღვრულ   ვადაში,    ხელშეკრულების  გაფორმებიდან  90 კალენდარულ დღეში.

შესასრულებელი სამუშაოებია:

სოფელ  დანდალოში  საჯარო  სკოლის  მიმდებარედ  წყალშემკრები მეწყერსაწინააღმდეგო  არხის  მოწყობა, სავარაუდო ღირებულება 4585 ლარი;

სოფელ  ტაკიძეებში  გიორგი  ბერიძის  საცხოვრებელ  სახლთან  საწრეტი არხის მოწყობა, სავარაუდო ღირებულება 1195 ლარი;

სოფელ  გოგიაშვილებში  ალიშანიძეების  უბანში  მეწყერსაწინააღმდეგო არხის მოწყობა, სავარაუდო ღირებულება 7869 ლარი;

სოფელ  ბალაძეებში  ტარიელ  ბალაძის  საცხოვრებელ  სახლთან წყალშემკრები  არხის  მოწყობა, სავარაუდო ღირებულება 1185 ლარი;

სოფელ  ცხმორისში  სასაფლაოების  ტერიტორიაზე  ღია  არხის  მოწყობა, სავარაუდო ღირებულება 7230 ლარი;

სოფელ  კოკოტაურში  ძანაძეების  უბანში  ღია  სანიაღვრე  არხის  მოწყობა, სავარაუდო ღირებულება 6436 ლარი;

სოფელ  გეგელიძეებში  საჯარო  სკოლის  ეზოსთან  და  ნური  კეკელიძის სახლთან  სანიაღვრე  არხების  მოწყობა, სავარაუდო ღირებულება 8517 ლარი;

სოფელ  ახოში  ჭაკლაურის  ტერიტორიაზე  საფრთხის  შემცველი  ქვის ლოდების გამაგრება, სავარაუდო ღირებულება 3573 ლარი;

სოფელ  აბუქეთაში  სირმა  ბერიძის საცხოვრებელ  სახლთან  სანიაღვრე  არხის მოწყობა, სავარაუდო ღირებულება 7389 ლარი;

სოფელ  აბუქეთაში  თედორაძეების  უბანში  სანიაღვრე  არხების  მოწყობა, სავარაუდო ღირებულება 4247 ლარი;

სოფელ  წონიარისში  წალკოტის  ტერიტორიაზე  წყლის  საწრეტი  არხების მოწყობა, სავარაუდო ღირებულება 8137 ლარი.

ელექტრონულ ტენდერში წინადადებების მირება 9 ივლისს დაიწყება და 14 ივლისს დასრულდება. შესყიდვის სავარაუდო თანხა ჯამში 60 363 ლარია.

აჭარაში არაერთი მეწყერსაშიში ზონაა. სად არის აჭარაში “ცხელი წერტილები”, რამდენად ინფორმირებულია ამ პროცესების შესახებ ხელისუფლება? – “ბათუმელები” აჭარის გარემოს დაცვის სამმართველოს გეოლოგიური სამსახურის უფროსს ტარიელ ტუსკიას ესაუბრა.