ნეტგაზეთი • RU

დისკუსია ნარკომანიის პრობლემის და ნარკოტესტირების მანკიერი პრაქტიკის შესახებ

 

დღეს, 26 ივნისს, ნარკომანიასთან ბრძოლის საერთაშორისო დღესთან დაკავშირებით, 13:30 საათზე, “დემოკრატიული ჩართულობის ცენტრში” აჭარის საზოგადოებრივი ჯანდაცვის ცენტრი, სპორტისა და ახალგაზრდობის საქმეთა დეპარტამენტი და კავშირი ,,იმედი“ გამართავს საინფორმაციო შეხვედრას. შეხვედრაზე აჭარის საზოგადოებრივი ჯანდაცვის ცენტრის წარმომადგენლები ისაუბრებენ ჯანსაღი ცხოვრების წესის ხელშიწყობის მიზნით გაწეული სამუშაოს შესახებ.

 

აჭარის ჯანდაცვის სამინისტროს ინფორმაციით, წარმოდგენილი იქნება უფროსკლასელთა პრეზენტაცია – ,,არა ნარკოტიკს“.  ბათუმის ინფექციური პათოლოგიის, შიდსისა და ტუბერკულოზის რეგიონული ცენტრის დირექტორი ჯემალ დუმბაძე ისაუბრებს ნარკოტიკების მავნე ზემოქმედებისა და მისი მოხმარებით გავრცელებული ინფექციების შესახებ.

აჭარის ნარკოლოგიური ცენტრის დირექტორი ლია ჯინჭარაძე ისაუბრებს ნარკოდამოკიდებულთა მკურნალობასა და ამ მხრივ აჭარაში არსებული მდგომარეობის შესახებ. კავშირი ,,იმედი” გამართავს პრეზენტაციას ცენტრის მუშაობისა და საქართველოში არსებული ქუჩის ნარკოტესტირების მანკიერი პრაქტიკის შესახებ. მოხენებების დასრულების შემდეგ გაიმართბა დისკუსია.

შეხვედრას დაესწრებიან აჭარის ჯანმრთელობისა და სოციალური დაცვის სამინისტროს, განათლების სამინისტროს, აჭარის ახლგაზრდა იურისტთა ასოციაციისა და პრობაციის ბიუროს წარმომადგენლები, ასევე, საჯარო სკოლების მოსწავლეები, სტუდენტები, სპორტსმენები, შიდსით დაავადებულთა დახმარების ფონდის და ,,თანადგომა“-ს წევრები.

26 ივნისი, ნარკომანიასთან ბრძოლის საერთაშორისო დღედ გამოცხადდა, 1987 წელს, გაერთიანებული ერების გენერალური ასამბლეის მიერ, მას შემდეგ ის ყოველწლიურად აღინიშნება. ამ დღის მიზანია მოსახლეობისთვის ნარკოტიკების შესახებ ცნობიერების ამაღლება და ნარკოტიკებისაგან თავისუფალი გარემოს ხელშეწობაა. ნარკომანია რჩება 21 საუკუნის ერთ-ერთ მნიშვნელოვან გამოწვევად, რომელიც სერიოზულ საფრთხეს უქმნის მოსახლეობის, განსაკუთრებით კი, ახალგაზრდების ჯანმრთელობას.

 

ნეტგაზეთის მასალების სხვა გამოცემებში გადაბეჭდვის წესი
" ბათუმელები"