Batumelebi

 

ღონისძიებაზე მუსიკალურ ნაწილში შემსრულებლები არიან: კახა აფხაზავა, მზიკო ფარტენაძე, გიორგი ბერიძე, ნიკო ბერიძე, Malibu & Nika, The wall და Strawberry Fields.

 

გარდა ამისა, საღამოზე მოეწყობა ფოტოგამოფენა, რომლის თემაც არის – არაადაპტირებული ბათუმი.

 

შეხვედრაზე  PRI-სა და ბათუმის პრობაციის ბიუროს წარმომადგენლებმა, სამხრეთ კავკასიაში, პატიმრობის ალტერნატიული სანქციების გამოყენების ხელშეწყობის შესახებ ისაუბრეს.

სასჯელაღსრულების სისტემის რეფორმის შესახებ, მოხსენება გააკეთა ბათუმის პრობაციის ბიუროს უფროსმა როინ თურმანიძემ, რომელმაც აღნიშნა, რომ საზოგადოებისთვის სასარგებლო შრომაზე, როგორც პატირმრობის ალტერნატიულ სასჯელზე თავიდანვე უარს მხოლოდ 3% ამბობს, ამის მიზეზად მან მსჯავრდებულთა მენტალიტეტი დაასახელა: ”იმის გამო, რომ იმ მომენტში დააღწიონ თავი პატიმრობას, თავიდან ისინი თანხმდებიან სასამართლოს გადაწყვეტილებას საზოგადოებისთვის სასარგებლო შრომის შესრულებათან დაკავშირებით, მაგრამ მოგვიანებით როცა უკვე ჩვენთან მოდიან აღარ უნდათ სამუშაოს შესრულება, ძირიტადად იმიტომ რომ ეთაკილებათ. მათ იციან, რომ სამუშაოს არ შესრულებაზე სასამართლო მათ ჯარიმას აკისრებს და ურცევნიათ ეს ჯარიმა გადაიხადონ” – ამბობს ის.

იმ შემთხვევაში, როცა მსჯავრებული არ ასრულებს დაკისრებულ სამუშაოს როინ თურმანიძის თქმით, პრობაციის ბიურო მიმართავს სასამართლოს, რომ ამ კონკრეტულ პირს საზოგადოებისთვის სასარგებლო შრომა, სხვა სახის სასჯელით შეუცვალოს.

ბათუმში ამჟამად 22 მსჯავრდებული ასრულებს საზოგადოებისთვის სასარგებლო სამსახურს. როინ თურმანიძის თქმით, ბათუმში ერთდოულად 30 პირობითი მსჯავრდებულის დასაქმებაა შესაძლებელი, თუმცა აუცილებლობის შემთხვევაში შესაძლოა სამუშაო ადგილები ხელვაჩაურში, ქობულეთსა და სხვა მუნიციპალიტეტებშიც გამოიძებნოს.

საქართველოს ადვოკატთა ასოციაციის წარმომადგენელმა, ლელა ბჟალავამ თქვა, რომ საზოგადოებისთვის სასარგებლო სამუშაოები ძირითადად ფიზიკურ სამუშაოსთან ასოცირდება, რასაც ზოგიერთი პატიმარი, რომელთაც აქვთ კარგი განათლება და გონებრივი რესურსი (მაგ. ზოგიერთი პოლიტ-პატიმარი) მძიმედ განიცდიან.

არასამთავრობო ორგანიზაცია ,,ციხის საერთაშორისო რეფორმის“ წარმომადგენელმა მირანდა მერკვილაძემ აღნიშნა, რომ საქართველოში ჩატარებული გამოკითხვის შედეგად საზოგადოების 77%-ს ჰქონდა ინფორმაცია პატიმრობის ალტერნატიული სანქციების შესახებ, 13%-ს ჰქონდა ზოგადი წარმოდგენა. მათი უმრავლესობა ემხრობოდა ამ სანქციების გამოყენებას, თუმცა ძალიან მსუბუქ დანაშაულებზე – ”ძირითადად ნარკოტიკების მოხმარებასა და ქურდობაზე”.

ღონისძიების მეორე ნაწილი საჯარო დებატებს დაეთმობა, რომელზეც არასრულწლოვანთა მართლმსაჯულების კოდექსის შესახებ ისაუბრებენ . დებატებზე მოხსენებას გააკეთებს ორგანიზაციის „ინიციატივა მოწყვლადი ჯგუფებისათვის“ წარმომადგენელი. მასში მონაწილეობას მიიღებენ სამოქალაქო საზოგადოებრივი ორგანიზაციების წარმომადგენლები, სკოლის მოსწავლეები და სტუდენტები.

ღონისძიებები ტარდება პროექტის „სისხლის სამართლის რეფორმების ხელშეწყობა საქართველოში სამოქალაქო საზოგადოების ჩართულობით“ ფარგლებში, რომელიც 2013 წლის ოქტომბრიდან, ევროკავშირის დაფინანსებით ხორციელდება.  პროექტის ძირითადი მიზანია გაიზარდოს საქართველოში, სომხეთსა და აზერბაიჯანში ალტერნატიული ღონისძიებების და სასჯელების გამოყენება. 

იხილეთ პროექტის ფარგლებში მომზადებული ვიდეორგოლი: არის კი საპატიმრო სასჯელი ყოველთვის გამოსავალი?

 

ლელა ბორჩხაძე პირველი საჯარო სკოლის სამოქალაქო განათლების მასწავლებელია. მისი აზრით, პირველი მიზეზი, რის გამოც მშობლები სასკოლო ცხოვრებაში აქტიურად ჩართვას ვერ ახერხებენ, სოციალური ფონია. „მშობლები, ძირითადად, ოჯახის მატერიალურად უზრუნველყოფაზე არიან გადართული და განათლების მხარე ნაკლებად აინტერესებთ. „არ მისწავლია, მაგრამ რაღაცას ხომ მივაღწიე“, – ხშირად მსმენია მშობლებისგან. მშობელიც, თავის მხრივ ფიქრობს, რომ არ სჭირდება სკოლასთან დახარჯოს მეტი ენერგია, რადგან შვილს ისედაც მოამზადებს. აი ეს არის პრობლემა. მაგრამ თუკი მშობელს დავინახავთ სკოლაში, ამით მოსწავლესთან ურთიერთობას უფრო კარგად მოვაგვარებთ“.

 

პედაგოგის აზრით, რეპეტიტორთა გაძლიერებას ხშირად სტერეოტიპული დამოკიდებულებაც უწყობს ხელს: „პირადად მე მყავს კარგი მოსწავლე, მაგრამ რადგან ყველა ემზადებოდა კლასში, თვითონაც მოსთხოვა მშობლებს, რომ ცალკე მოემზადებინათ. არის მიბაძვის მომენტიც. ფაქტობრივად, მე-12 კლასელები მასობრივად ემზადებიან. ეს მოსწავლეები კლასში მხოლოდ მაშინ სხედან, როცა შემოწმებები მიმდინარეობს: „არა“ რომ არ დაეწეროთ, ამისთვის დადიან.“

 

ლელა ბორჩხაძის თქმით, არის შემთხვევები, როცა მშობელი პედაგოგთან შეხვედრაზე უარს მხოლოდ იმის გამო ამბობს, რომ ფიქრობს, პედაგოგი მას რეპეტიტორად აყვანას აიძულებს. „რადგან ითქვა, ალბათ იყო პრეცედენტიც“, – ამბობს ის.

 

პედაგოგის აზრით, კვირაში ან თვეში ერთხელ მშობლის სკოლაში გამოჩენა მნიშვნელოვანია. „განათლების სამინისტრო, სკოლა, ოჯახი _ უნდა მოვიფიქროთ მექანიზმი, რაც თანამშრომლობას გაზრდის. ეს მექანიზმები არ უნდა იყოს შიშზე დაფუძნებული“.

 

პედაგოგის თქმით, სკოლებში ჯეროვნად არ იყენებენ ეროვნული სასწავლო გეგმით გათვალისწინებულ აბიტურის საათებს – ამ დროს აბიტურიენტები რეპეტიტორებთან სხედან.

 

მშობლისა და სკოლის ურთიერთობაში პრობლემას ხედავს მე-2 სკოლის პედაგოგი მზევინარ იმედაშვილიც. მისი აზრით, მშობლის აქტივობა და ინტერესი სასკოლო პროცესების მიმართ, ბავშვის ზრდასთან ერთად კლებულობს:

 

„განათლების მიმართ ინტერესი შენარჩუნებულია, თუმცა მშობელს ურჩევნია ინფორმაცია მიიღოს არა უშუალოდ პედაგოგისგან, არამედ დამრიგებლისგან. ადრე მეგონა, რომ მათ არ აინტერესებდათ სასკოლო საკითხები, თუმცა, ახლა ვხვდები, რომ მშობლების დიდი ნაწილი მართლაც დაკავებულია“.

 

პედაგოგი ამბობს, რომ მშობლები სკოლაში ხშირ შემთხვევაში მაშინ მიდიან, როცა კონფლიქტია ან ნიშნები არ აკმაყოფილებთ.
„ჩვენი სკოლა ცდილობს, რომ სკოლასა და ოჯახს შორის არსებული დისტანცია როგორმე შეამციროს. ორჯერ გავაკეთეთ მშობელთა კონფერენცია, სადაც ისეთი თემები განვიხილეთ, რაც მათ აინტერესებდათ. ბოლო კონფერენციაზე შვილებისა და მშობლების ურთიერთობებზე გვქონდა საუბარი. მშობლებს შევთავაზეთ სპეციალისტის დახმარებაც, თუკი სჭირდებოდათ შვილებთან უკეთ ურთიერთობისთვის“ –  გვეუბნება მზევინარ იმედაშვილი.

 

პედაგოგის თქმით, თუკი დააინტერესებ მშობელს, ისიც აქტიურდება: „აკაკის იუბილე გვქონდა, ყველა კლასს საკუთარი კუთხე უნდა მოეწყო. უნდა გენახათ, როგორ აქტიურობდნენ მშობლები, შვილებს ეხმარებოდნენ. სტიმულს თუ მისცემ, აქტიურდებიან~.
26-ე საჯარო სკოლის დირექტორი დონარი კაკაბაძე კი მიიჩნევს, რომ სკოლას მშობლის გააქტიურების ბერკეტი დღეს ნაკლებად აქვს.
„ორი მოსწავლე მყავს, მე-6 და მე-7 კლასელები. ბავშვები რადგან არ დადიოდნენ სკოლაში, ორივეს სტატუსი შევუჩერეთ. მთელი წელი ვცდილობთ მშობლებთან დაკავშირებას და ვერაფერს გავხდით. ბოლოს საკრებულო ჩავრიეთ და ერთის მშობელს ისე მივაწვდინეთ ხმა“, – ამბობს დონარი კაკაბაძე.

 

დირექტორის აზრით, მშობლების დიდი ნაწილი სამუშაოდ უცხო ქვეყანაშია წასული და სკოლისთვის არ სცალიათ.

 

კოლეგების აზრს 29-ე საჯარო სკოლის დირექტორი ნური ჯაფარიძეც იზიარებს. მისი გამოცდილებით, მშობლების უმეტესობა საკუთარი სურვილით სკოლაში თითქმის არასდროს მიდის: „თუ დაიბარებ, მაშინ მოვა.“

„რა თქმა უნდა, არიან აქტიური მშობლებიც და აინტერესებთ რა ნიშნებს იღებს შვილი, მაგრამ ეს იმ შემთხვევაში, თუკი ბავშვი სწავლის გაგრძელებას აპირებს“ – დასძენს სკოლის დირექტორი. 

სკოლაში, სადაც 160 მოსწავლე სწავლობს, გაკვეთილების ხშირი გაცდენების გამო ორმა მე-12კლასელმა გამოცდები ექსტერნად ჩააბარა, ოთხ მოსწავლეს კი გამოცდები ჩასაბარებელი აქვს.

 

დირექტორი ამბობს, რომ თუკი მშობელს სკოლა უფრო მეტად აუხსნის განათლების მნიშვნელობას, მშობლის აქტიურობა სასკოლო ცხოვრებაში გაიზრდება.

 

 

„სხვა ფაკულტეტებთან შედარებით იურიდიულ ფაკულტეტზე უფრო კარგი სიტუაციაა, მაგრამ არის ერთი პრობლემა – სამოქალაქო სამართლის კუთხით არ გვაქვს მაგისტრატურა. სტუდენტები იძულებულები არიან სხვა უნივერსიტეტებში გადავიდნენ. ასევე ზოგიერთ ლექტორს უწევს რამდენიმე საგნის წაკითხვა იმის გამო, რომ პროფესორების რაოდენობა არ არის საკმარისი. რამდენიმე ლექტორი განსაკუთრებულადაა დატვირთული, რაც მის სამეცნიერო მუშაობაზეც ახდენს გავლენას. საჭიროა სასწავლო პროგრამა გადაიხედოს. ზოგი ისეთი საგანი ისწავლება ბალაკავრიატში, რომ დიდი პოპულარობით არ სარგებლობს სტუდენტებში – მიიჩნევენ, რომ დროის დაკარგვაა მისი სწავლა. არის საგნები, რომლებიც უნდა ისწავლებოდეს ბაკალავრიატზე, მაგრამ არ ისწავლება, მაგალითად, სამოსამართლო უნარ-ჩვევები ისწავლება მხოლოდ მაგისტრატურაზე, ბაკალავრიატს არ ეძლევა საშუალება. კარგი იქნება, თუ მოწვეული პროფესორების რიცხვი გაიზრდება“, – ამბობს რამინ მაჭარაშვილი, ბსუ-ს სამართლის ფაკულტეტის მესამე კურსის სტუდენტი. 

 

რამინი ერთადერთი არ არის, ვინც უნივერსიტეტში, სამართლის ფაკულტეტზე არსებულ სწავლის ხარისხზე საუბრობს. მაგისტრატურის კურსდამთავრებულებიც ამბობენ, რომ მაგისტრატურაში ბაკალავრიატის პროგრამის გამეორება უწევთ.

 

ბსუ-ს იურიდიულ ფაკულტეტს 25-წლიანი ისტორია აქვს. სამართალმცოდნეობის ფაკულტეტის დეკანი ადამ მახარაძე „ბათუმელებთან“ სწორედ ამ ფაქტორს უსვამს ხაზს და ამბობს, რომ „მოკლე ისტორიის მიუხედავად“ სასწავლო პროგრამამ განვითარება შეძლო.

 

„როდესაც ამ უნივერსიტეტში მე სამართალმცოდნეობის სწავლა დავიწყე, სულ ორი კაცი მასწავლიდა. იმათაც ცოტა დატვირთვა ჰქონდათ – სხვა საქმით იყვნენ დაკავებულები. დღეს ამ კუთხით საკმაოდ დიდი წინსვლაა“, – ამბობს ადამ მახარაძე და ამტკიცებს, რომ ბსუ-ს იურიდიულ ფაკულტეტზე, თუ სტუდენტს სურს, კარგ განათლებას მიიღებს. ამის საილუსტრაციოდ მას კურსდამთავრებულთა დასაქმების სტატისტიკა მოჰყავს:

 

„ჩვენი ფაკულტეტის დამთავრების შემდგომ სტუდენტთა დასაქმება მერყეობს 75-დან 85%-მდე. ეს საკმაოდ მაღალი პარამეტრია იმისათვის, რომ ვთქვათ აქედან გაშვებული კადრი ფლობს იმ უნარ-ჩვევებს, რომლის საფუძველზეც ის კონკურენტუნარიანია ბაზარზე. ვფიქრობთ, ჩვენთან განათლების ხარისხი საკმაოდ მაღალია“.

 

ადამ მახარაძე აკადემიური პერსონალის ნაკლებობაზე საუბრისას: „25 წელი არ არის საკმარისი იმისათვის, რომ კადრებით იყოს დახუნძლული. ამ პერიოდისათვის ფაკულტეტზე უკვე არის 14 პროფესორი. მათგან 11-ს ხარისხი აქვს დაცული და ეს უკვე საკმაოდ ბევრს მეტყველებს“.

 

კითხვაზე, რამდენი მოწვეული ლექტორი მუშაობს უნივერსიტეტში, ადამ მახარაძე პასუხობს, რომ მათი რიცხვი 15-დან 20-მდეა.

 

„ჩვენთან ლექციებს კითხულობენ როგორც თეორეტიკოსები, ასევე პრაქტიკოსი, გამოცდილი იურისტები. ვცდილობთ სასამართლოებიდანაც მოვიწვიოთ იურისტები. ასევე ჩვენთან თანამშრომლობენ სხვადასხვა მოსამართლეები, რომლებიც კითხულობენ ლექციებს. მოწვეული გვყავს თბილისიდან ოთხი პროფესორი მაგისტრატურაში. ისინი რეგულარულად ჩამოდიან. მგონი ჩვენი ფაკულტეტი ლექტორების დეფიციტს არ განიცდის. საკონსტიტუციო სასამართლოდან მუშაობდა ბაკურ ლილუაშვილი, რომელიც თბილისში გადავიდა. ამჟამად მუშაობს ზურაბ კვირკველია, რომელიც ასისტენტ-პროფესორია. მოლაპარაკებას ვაწარმოებთ მერაბ ტურავასთან. შესაძლებელია მან მაგისტრატურაში წაიკითხოს ახალი საგანი – სამოსამართლეო სამართალი“.

 

თავის მხრივ, მერაბ ტურავა ამბობს, რომ ჯერ არ იცის დათანხმდება თუ არა შეთავაზებას: „სხვა უნივერსიტეტში ვარ პროფესორი. სანამ გავხდებოდი საკონსტიტუციო სასამართლოს მოსამართლე, რობაქიძის უნივერსიტეტის პროფესორი ვიყავი. როდესაც ამირჩიეს მოსამართლედ, ვფიქრობდი, რომ ამ უნივერსიტეტის ფილიალთან ბათუმში მქონოდა თანამშრომლობა. ამ შემთხვევაში ჩემთვის ძნელია იმის თქმა, დავთანხმდები თუ არა. მე ვიქნები თუ არა ბათუმის რუსთაველის უნივერსიტეტის პერსონალი, დამოკიდებულია იმაზე, თუ როგორ აეწყობა სასწავლო პროცესში ჩემი მონაწილეობის საკითხი, დრო რამდენად მექნება“.

 

მერაბ ტურავა რეგიონში საკონსტიტუციო სასამართლოს არსებობის მნიშვნელობას უსვამს ხაზს და ამბობს, რომ ბათუმი, როგორც საკონსტიტუციო სასამართლოს მდებარეობის ადგილი, ასევე შესაძლებელია იყოს იურიდიული სამართლებრივი განათლების და განვითარების კარგი კერა:
„საქართველოს საკონსტიტუციო სასამართლო არის რეგიონში, ეს არის კარგი შესაძლებლობა იმისა, რომ უნივერსიტეტს, ახალგაზრდებს ჰქონდეთ ურთიერთობა ამ ინსტიტუციასთან. ეს კარგი საშუალებაა ბათუმი იყოს არამარტო საკონსტიტუციო სასამართლოს ადგილმდებარეობის ადგილი, არამედ ასევე ეს იყოს ცენტრი იმისთვის, რომ იურისტებმა მიიღონ კარგი განათლება, დამატებითი გამოცდილება სამართლის სფეროში“.

 

საკონსტიტუციო სასამართლოს თავმჯდომარის მოადგილე კოტე ვარძელაშვილი ასევე სასამართლოს როლზე საუბრობს საგანმანათლებლო პროცესში:

 

„საკონსტიტუციო სასამართლოს ბათუმში ყოფნა შესაძლებლობას აძლევს ბათუმის ბსუ-ს სტუდენტებს დაესწრონ სასამართლოში მიმდინარე პროცესებს და უკეთესად გაეცნონ საკონსტიტუციო სამართალწარმოებას. სასამართლოს გეოგრაფიული ადგილმდებარეობა პრივილეგირებულ მდგომარეობაში აყენებს ბათუმელ სტუდენტებს სხვა უნივერსიტეტებთან შედარებით“.

 

კოტე ვარძელაშვილის თქმით, სასამართლოს თავმჯდომარე, ისევე როგორც სხვა მოსამართლეები, ხშირად ატარებენ საჯარო ლექციებს საქართველოს სხვადასხვა უნივერსიტეტში, მათ შორის ბათუმშიც:

 

„გარდა ამისა, სასამართლოს იურიდიული დეპარტამენტის თანამშრომლებს საათებიც აქვთ აღებული. სხვათა შორის, გასულ წელს სასამართლოს ოლიმპიადაში ბათუმის გუნდი სასამართლოს რჩეული გახდა და სასამართლომ მათ ანაზღაურებადი ექვსთვიანი სტაჟირება შესთავაზა. ასევე აღსანიშნავია, რომ საკონსტიტუციო სასამართლოს და ბსუ-ს შორის თანამშრომლობის მემორანდუმია გაფორმებული“.

 

 

ევროპის რეგიონთა ასამბლეის კონგრესის სესიებზე განიხილება ასამბლეის წევრ რეგიონებში არსებული პოლიტიკური და სოციალურ-ეკონომიკური საკითხები, მათ შორის სავალუტო კრიზისი და კლიმატის ცვლილება. შეხვედრაზე დამტკიცდება ევროპის რეგიონთა ასამბლეის პრიორიტეტები და სამოქმედო გეგმა.

 

„ევროპის რეგიონთა ასამბლეა წარმოადგენს რეგიონთაშორის თანამშრომლობის ფორუმს და ლობირებას უწევს რეგიონულ ინტერესებს ევროპულ დონეზე. მსგავსი შეხვედრები მნიშვნელოვანია ევროპასთან დაახლოების გზაზე ჩვენ წინაშე არსებული გამოწვევების დასაძლევად. 

ასამბლეას ესწრება წევრი რეგიონების წარმომადგენლები, რაც შესაძლებლობას გვაძლევს გავიზიაროთ ევროპული გამოცდილება და დავამყაროთ ახალი კონტაქტები. ყოველ წელს გლობალური გამოწვევების შესაბამისად ერა ახალ პროგრამებს გვთავაზობს, შესაბამისად კარგი იქნება ამ პროგრამებში მონაწილეობა ჩვენი რეგიონის საკეთილდღეოდ“ – აღნიშნა არჩილ ხაბაძემ.

 

ასამბლეის საიუბილეო კონგრესს ესწრებიან ბელგიის სამეფო პრინცი ლავრენტი, ვესტრა-გეტალანდის რეგიონული საბჭოს პრეზიდენტი, ადგილობრივ და რეგიონულ ხელისუფლებათა კონგრესის პრეზიდენტი, ევროპის რეგიონთა საკანონმდებლო ასამბლეის პრეზიდენტი და დელეგაციები წევრი რეგიონებიდან. 

 

 

ვიზიტის ფარგლებში არჩილ ხაბაძე და გია თავამაიშვილი ევროპის რეგიონთა ასამბლეის პრეზიდენტს ჰანდე იზსან ბოზათლის შეხვდებიან.

 

1985 წელს დაარსებული ევროპის რეგიონთა ასამბლეა (AER) უმსხვილესი დამოუკიდებელი რეგიონულ ხელისუფლებათა ქსელია ევროპაში, რომელშიც გაერთიანებულია 35 სახელმწიფოს 200-ზე მეტი რეგიონული ხელისუფლება და 15 რეგიონთაშორისი ორგანიზაცია.

12 ივნისს არჩილ ხაბაძე შეხვდება გოტებურგის მერს ქალბატონ ლენა მალმს, რომელზეც ბათუმსა და გოტებურგის ქალაქებს შორის სამომავლო თანამშრომლობაზე ისაუბრებენ.

 

რაც შეეხება იმას თუ რამ გამოიწვია სკოლის ექვსი მოსწავლის ჯანმრთელობის ერთდროულად გაუარესება ამას უახლოეს მომავალში ლაბორატორიული კვლევა დაადგენს.

დღეს,  11 ივნისს,  ხელვაჩაურის მუნიციპალიტეტის სოფელ სალიბაურის N2 საჯარო სკოლაში  სასწრაფო სამედიცინო დახმარების ბრიგადა დაახლოებით 10:00 საათზე გამოიძახეს. ადგილზე მისულ ექიმებს სკოლის  ექვსი მოსწავლე  შეუძლოდ დახვდათ.

რვიდან თორმეტ წლამდე ასაკის  ექვსი მოსწავლე მუცლის ჭვალის დიაგნოზით ბათუმის დედათა და ბავშვთა რეგიონულ ცენტრში გადაიყვანეს.

 

უნივერსიტეტის მშენებლობა 2013 წელს დაიწყო. ამ დროისათვის დასაქმებულია 100-მდე ადამიანი. სულ კლინიკისა და უნივერსიტეტის მშენებლობაზე დაიხარჯა 45 მილიონი აშშ დოლარი. „ბაუ“-ს სტუდენტებს შესაძლებლობა ექნებათ მიიღონ მონაწილეობა გაცვლით პროგრამებში Bau Global-ის ქსელში არსებულ უნივერსიტეტებში.

უნივერსიტეტს გააჩნია კლინიკური ბაზა – ბათუმის საერთაშორისო საუნივერსიტეტო ჰოსპიტალი, რომელიც მდებარეობს უნივერსიტეტის შენობაში, სადაც სტუდენტებს შეეძლებათ პრაქტიკული მეცადიონეობების გავლა. სამედიცინო ფაკულტეტი პირველ ეტაპზე გათვლილია 50 სტუდენტზე.

———————————————–

ვრცლად ამ თემაზე წაიკითხეთ:  როგორ იმუშავებს საუნივერსიტეტო კლინიკა და ახალი უნივერსიტეტი ბათუმში

 

აჭარის ჯანდაცვის სამინისტროს პრესსამსახურის ინფორმაციით, რვიდან თორმეტ წლამდე ასაკის  ექვსი მოსწავლე მუცლის ჭვალის დიაგნოზით ბათუმის დედათა და ბავშვთა რეგიონულ ცენტრში გადაიყვანეს.

ამ დროისათვის ბავშვების ჯანმრთელობის მდგომარეობა დამაკმაყოფილებელია, მათ უტარდებათ შესაბამისი სამედიცინო დახმარება.

კლინიკაში იმყოფება აჭარის აჯანდაცვის მინისტრის მოადგილე ზურაბ თენიეშვილი.

ამ წუთებში სალიბაურის N2 საჯარო სკოლაში ვითარების ადგილზე გაცნობის მიზნით იმყოფებიან აჭარის ჯანდაცვის მინიტრის პირველი მოადგილე ლევან გორგილაძე და აჭარის  განათლების, კულტურისა და სპორტის მინისტრის პირველი მოადგილე სულიკო თებიძე, ინფექციონისტი და აჭარის საზოგადოებრივი ჯანდაცვის ცენტრის წარმომადგენლები.

სპეციალისტები ამბობენ, რომ სხვა ბავშვებს რაიმე დაავადების დამახასიათებელი კლინიკური ნიშნები არ აღენიშნებათ.

დამატებით ინფორმაციას „ბათუმელები“ მოგვიანებით გამოაქვეყნებს.

 

ფინანსთა სამინისტროს საგამოძიებო სამსახურის მიერ გავრცელებული ინფორმაციით, გამოძიებით დადგინდა, რომ შპს „ტონი და კომპანიამ“ ბათუმში ჟილინის არხის კაპიტალური სარეკონსტრუქციო სამუშაოების ჩატარებაზე 2013 წელს გაფორმებული ხელშეკრულების პირობები დაარღვია. მანამდე შპს-ს მხრიდან საბანკო გარანტიის წარდგენის შემდეგ, ბათუმის მერიამ „ტონი და კომპანიას“ ავანსის სახით 1 289 972 ლარი ჩაურიცხა. თანხის მიღების შემდეგ კომპანიამ არაჯეროვნად შეასრულა სამუშაოები და მერიას მხოლოდ 254 265 ლარის ღირებულების სამუშაოები წარუდგინა.

ბრალდებულებმა ნაცვლად იმისა, რომ აემოქმედებინათ სადაზღვევო კომპანია „უნისონის“ მიერ გაცემული საბანკო გარანტიით გათვალისწინებული პირობები, გულგრილად მოეკიდნენ დაკისრებულ მოვალეობას და აღნიშნულ საწარმოს კვლავ გადაურიცხეს 236 000 ლარი.

საგამოძიებო უწყების მიერ გავრცელებული ინფორმაციით, მერიის საფინანსო-საბიუჯეტო სამსახურის უფროსის მოადგილის არჩილ ვანაძისა და ხულოს მუნიციპალიტეტის გამგებლის მოადგილის ლაშა ბოლქვაძის მიერ ჩადენილმა ამ კანონსაწინააღმდეგო ქმედებამ თვითმმართველ ქალაქ ბათუმს განსაკუთრებით დიდი ოდენობით ზიანი მიაყენა. ლაშა ბოლქვაძე მაშინ ბათუმის მერიის საფინანსო სამსახურის ბუღალტრული აღრიცხვის განყოფილებას ხელმძღვანელობდა.

ბათუმის მერიასა და შპს „ტონი და კომპანიას“ შორის ხელშეკრულება ჟილინის არხის სარეკონსტრუქციო სამუშაოების შესრულებაზე 2013 წლის 22 მარტს გაფორმდა. მაშინ არჩილ ვანაძე მერიის საფინანსო-საბიუჯეტო სამსახურის ხელმძღვანელის მოვალეობას ასრულებდა.
ბათუმის მერის მოვალეობის შემსრულებელი ჯემალ ანანიძე, ხოლო საკრებულოს თავმჯდომარე, რომლის ხელმოწერაც დოკუმენტებზე ფიქსირდება, ახლანდელი საკრებულოს თავმჯდომარის მოადგილე ირაკლი ჩავლეიშვილი იყო.

 

მერიამ მაშინ ჟილინის არხის სარეკონსტრუქციო სამუშაოებისთვის 6 მილიონ 108 000 ლარი გამოყო. შპს „ტონი და კომპანიამ“ ელექტრონულ ვაჭრობაზე ეს თანხა 5 მილიონ ლარამდე დაწია და ექვს კონკურენტს მოუგო.

 

ხელშეკრულების პირობებში წერია, რომ შემსყიდველს საკუთარი შეხედულებისამებრ ნებისმიერ დროს შეეძლო შეემოწმებინა მიმდინარე სამუშაოები. გარდა ამისა, სამუშაოებზე ზედამხედველობა მერიასთან დადებული ხელშეკრულების თანახმად შპს „გზამშენპროექტსაც“ ევალებოდა. რითვისაც მერიაამ ამ კომპანიას 61 000 ლარის ღირებულების კონტრაქტი გაუფორმა. ხელშეკრულებაში ასევე ნათქვამია, რომ მხარეები სამუშაოების მიმდინარეობის წინასწარ შეთანხმებულ გრაფიკთან შესაბამისობას ყოველთვიურად შეამოწმებდნენ.
რაც შეეხება ხელშეკრულების დაზღვევასა და გარანტიას, რაც სისხლის სამართლის საქმის აღძვრის საფუძველი და დავის ძირითადი საგანია:

 

ხელშეკრულება უშვებდა არაუმეტეს 30%-ის საავანსო ანგარიშსწორებას, მიმწოდებლის მიერ წარდგენილი საბანკო გარანტიის საფუძველზე. საბანკო გარანტიის მოქმედების ვადა კი შეიძლება განსაზღვრულიყო 90 დღით, არაუმეტეს ხელშეკრულებით გათვალისწინებული ვადებისა. ანგარიშსწორება კი უნდა განხორციელებულიყო მიღება-ჩაბარების აქტის გაფორმებისა და ანგარიშფაქტურის წარდგენის შემდეგ.
ნაკისრი ვალდებულებების დარღვევის შემთხვევაში ყოველი გადაცილებული დღისთვის შემსრულებელს ჯარიმის სახით ხელშეკრულების 1% დაერიცხებოდა. იმ შემთხვევაში, თუ ჯარიმა ხელშეკრულების ღირებულების 3%-ს მიაღწევდა, შემსყიდველი ხელშეკრულების შეწყვეტის უფლებას იტოვებდა.

 

ხელშეკრულებაში ასევე ნათქვამია, რომ რისკების თავიდან ასაცილებლად შემსყიდველი წარმოადგენდა საბანკო გარანტიას ხელშეკრულების ღირებულების ხუთი პროცენტის ოდენობით. ნაკისრი ვალდებულებების დარღვევის შემთხვევაში კი მას ეს თანხა არ დაუბრუნდებოდა. ასეთი გარანტია „ტონი და კომპანიას“ სადაზღვევო კომპანია „უნისონისგან“ ჰქონდა. აქვე წერია ისიც, რომ გარანტია 2015 წლის თებერვლამდე რჩებოდა ძალაში. ანუ ამ დრომდე შეეძლო მერიის საფინანსო სამსახურს სადაზღვევო პირობების ამოქმედება.
საფინანსო პოლიციის მტკიცებით, მას შემდეგ, რაც დადასტურდა, რომ ხელშეკრულებით ნაკისრი ვალდებულებები დაირღვა, მერიას სადაზღვევო კომპანიისთვის არ მიუმართავს. ბრალდებულებმა კი ნაცვლად იმისა, რომ აემოქმედებინათ სადაზღვევო კომპანია „უნისონის“ მიერ გაცემული საბანკო გარანტიით გათვალისწინებული პირობები, გულგრილად მოეკიდნენ დაკისრებულ მოვალეობას და აღნიშნულ საწარმოს კვლავ გადაურიცხეს 236 000 ლარი.

 

რატომ გადარიცხა ავანსი მერიამ მეორედ და რატომ არ ჩართეს საქმეში სადაზღვევო კომპანია? – კითხვაზე ბათუმის მერიის აპარატის უფროსი ნუკრი დეკანაძე პასუხობს, რომ კითხვა სწორად არ არის ფორმულირებული, რადგან: „სადაზღვევო კომპანია თანხას არ რიცხავს. ის მხოლოდ გარანტიას იძლევა. ასეთ შემთხვევაში იწყება ადმინისტრაციული წარმოება ხელშეკრულებიდან გამომდინარე. ბათუმის მერიამ ხელშეკრულებით გათვალისწინებული ყველა ღონისძიება გაატარა. შეწყვეტილ იქნა კონტრაქტი, დაჯარიმდა კომპანია. გამოყენებული იყო საბანკო გარანტიით გათვალისწინებული ზომები. იმას კი – ამაზე მეტი რა ზომები უნდა გამოყენებულიყო და იყო თუ არა საჭირო დამატებით თანხის გადარიცხვა, შეაფასებს სასამართლო. ამის შეფასების უფლებამოსილება ჩვენ არ გვაქვს, რადგან გამოძიება მიმდინარეობს“.

 

მერიის მიერ გატარებული ღონისძიებების ამსახველი დოკუმენტები „ბათუმელებმა“ გასულ პარასკევს მოითხოვა. ნუკრი დეკანაძის თქმით, მათი მოწოდება უქმეების გამო ვერ მოხერხდებოდა, ამიტომ მათ სამუშაო დღეებში მივიღებთ.

 

საქართველოს შესყიდვების სააგენტოს ვებგვერდზე არც „ტონი და კომპანიასთან“ ხელშეკრულების შეწყვეტის შესახებ ინფორმაციაა განთავსებული და არც „გზამშენპროექტის“ განხორციელებული ზედამხედველობის შესახებ დოკუმენტი.

 

კითხვებზე პასუხები არ აქვს საკრებულოს თავმჯდომარის მოადგილეს ირაკლი ჩავლეიშვილსაც. ის ამბობს, რომ მართალია, ხელშეკრულებას ხელი მან მოაწერა, თუმცა საქმის დეტალებს არც მაშინ იცნობდა და არც ახლა იცნობს:

 

„ეჭვი არ მეპარება არჩილ ვანაძის პატიოსნებაში, ის ბევრს შრომობს. არ ვიცი, რატომ ხდება ეს ყველაფერი და ვერც იმას ვხვდები, რა ხდება“.

 

„ტონი და კომპანიასთან შეწყვეტილი კონტრაქტისა და კომპანიასთან სამართლებრივი დავის წამოწყების შემდეგ „ჟილინის არხის“ რეკონსტრუქციის მიზნით მერიამ ხელშეკრულება, ამჯერადაც ელექტრონული ტენდერის საშუალებით, კომპანია „ჰიდროსთან“ გააფორმა. მერიამ ახლა არხის რეკოსტრუქციისთვის 5 მილიონი ლარი გაითვალისწინა, თუმცა საქმე ამჯერადაც ვერ დასრულდა. მერიამ კომპანია სამუშაოების გეგმა-გრაფიკზე ჩამორჩენის გამო ჯერ 250 000 ლარით დააჯარიმა, შემდეგ კი, ხელშეკრულება შეუწყვიტა. ამ შემთხვევაში ბიუჯეტი არ დაზარალებულა, რადგან 2014 წელს სამუშაოების შესრულებისთვის, პრემიერის გადაწყვეტილების თანახმად, ტენდერი საავანსო პოლიტიკას აღარ ითვალისწინებს.

 

ამის შემდეგ „ჟილინის არხის“ რეკონსტრუქციისთვის მერიამ, ამჯერად გამარტივებული ტენდერით, კიდევ ერთი კომპანია – „მშენებელი 80“ შეარჩია. შეთანხმებაში 6 მილიონ 322 000 ლარი ჩაიწერა.

 

რაც შეეხება არჩილ ვანაძისა და ლაშა ბოლქვაძის სისხლის სამართლის საქმეს, გამოძიება 132-ე მუხლის პირველი ნაწილით მიმდინარეობს. პარასკევს პროკურორმა ორივე ბრალდებულისთვის 20 000 ლარი გირაოს შეფარდება მოითხოვა. მოსამართლემ მოთხოვნა მხოლოდ ნაწილობრივ დააკმაყოფილა.

 

საქმის განხილვა სასამართლოში 15 ივნისს დაიწყება.

 

სათვალთვალო კამერით გადაღებულ კადრებზე ჩანს, სამი, სახეზე ნიღაბაფარებული ადამიანი თუ როგორ აკრავს ოფისზე პლაკატებს და წარწერებს აკეთებს. ჩანაწერი დაახლოებით 25 წუთს გრძელდება. „ნაციონალური მოძრაობის“ ბათუმის ოფისში ამბობენ,  რომ ამ ადამიანებს, სავარაუდოდ, ხელშეუხებლობის გარანტია ჰქონდათ, წინააღმდეგ შემთხვევაში დილის 5 საათზე ქალაქის მთავარ ქუჩაზე, [ნაციონალური მოძრაობის ოფისი ბათუმში, აბაშიძის ქუჩაზე მდებარეობს] ასე „აუღელვებლად, ნიღბებით“ წარწერების გაკეთებას ვერ გაბედავდნენ. „ერთიანი ნაციონალური მოძრაობის“ და ბათუმის საკრებულოს წევრი, გიორგი კირთაძე ამბობს, რომ ეს მთავრობის დაკვეთით მოხდა და კონკრეტულ პირებს ასახელებს:

„ადამიანები, რომლებმაც ჩვენი პარტიის ოფისი დააზიანეს, ნიღბებით იყვნენ,  მოქმედებდნენ ძალიან აუღელვებლად, ეს ყველაფერი გრძელდებოდა დაახლოებით 25 წუთის განმავლობაში, ქალაქის ცენტრალურ ქუჩაზე. ეს  ცხადყოფს იმას, რომ მათ ჰქონდათ დავალებები მიღებული აჭარის მთავრობისგან. კადრებში ჩვენ ამოვიცანით ჭეიშვილის [ბათუმის საკრებულოს თავმჯდომარე] ცნობილი ზონდერი მერაბ ღოღობერიძე, მასთან ერთად გახლავთ მერიის თანამშრომელი დავით ლორია. ცალსახაა, რომ მათ დავალება ჰქონდათ მიღებული ხაბაძისგან და მასზე ზედამხედველობას ახორციელებდნენ ჭეიშვილი და ერმაკოვი“ – ამბობს გიორგი კირთაძე.

„ნაციონალური მოძრაობის“ მიერ „ამოცნობილი“ მერაბ ღოღობერიძე ენმ-ის ბრალდებას უარყოფს. იგი ამბობს, რომ ამ საქმეში მას მონაწილეობა არ მიუღია, თუმცა მიიჩნევს, რომ ის, რაც მოხდა, დანაშაული არ არის და ამბობს, რომ ამ ქმედებაზე პასუხისმგებლობის აღებაც შეუძლია:

„მე არ ვმონაწილეობდი აღნიშნულ ქმედებაში, მაგრამ  მე ვერ ვხედავ ვერანაირ დანაშაულს. პლაკატებმა შეახსენა საზოგადოებას დამნაშავე ნაციონალური მოძრაობის რეჟიმი რას აკეთებდა. მიუხედავად იმისა, რომ მე ეს არ გამიკეთებია, მე ვიღებ პასუხისმგებლობას ჩემს თავზე. თუ სასამართლო ჩათვლის, რომ ეს არის დანაშაული, მაშინ მე ჩამიდენია – მე ვიღებ საკუთარ თავზე, როგორც „ალ ქაიდა“, სიტყვაზე… მათ ჩემი ჩრდილი იცნეს ღამის საათებში? ხვალ რომ მომიწიოს ამის გაკეთება, ჩავიდენ, მე ვფიქრობ არ არის დანაშაული პლაკატების მიკვრა“ –  ამბობს მერაბ ღოღობერიძე. 

მერაბ ღოღობერიძე ბათუმის მერიის ავტოსატრანსპორტო მონიტორინგის სამსახურის ყოფილი თანამშრომელია. მან თანამდებობა საკუთარი განცხადების საფუძველზე მას შემდეგ დატოვა,  რაც ბათუმში, „დემოკრატიული ჩართულობის ცენტრში“ უმაღლესი საბჭოს დეპუტატ ენმ-ის წევრ პეტრე ზამბახიძისათვის კვერცხების დაშენაში მიიღო მონაწილეობა.

დავით ლორია, რომელიც ბათუმის მერიის „აიპის“ თანამშრომელია, ამბობს, რომ იგი „ნაციონალური მოძრაობის“ ოფისთან მომხდარ ინციდენტში არ მონაწილეობდა:

„ეს რომ ჩემი იდეა ყოფილიყო, ამას საჯაროდ და ღიად, აქციის სახით გავაკეთებდი, ტელევიზიებს მოვიწვევდი და ისე. რა არის დასამალი, ის, რომ წლების განმავლობაში ადამიანებს აწამდნენ, ეს ყველასავთის ცნობილია. ამას ღამით და ფარულად არ გავაკეთებდი. ის ბრალდება, რომ გია ერმაკოვის სახელი კიდევ გაისმა დღეს, ძალიან არასერიოზულია, მათ პრინციპში არაფერი დარჩენიათ, არ იციან რა გააკეთონ, რა თქვან. ალბათ ერთგვარი სიურპრიზი მოაწყო ვინმემ, სხვა დანაშაულებრივ ქმედებას მე ვერ ვხედავ. მე მიკვირს, რატომ გაასაჯაროვეს ეს, რატომ მოიწვიეს ტელევიზიები. მე მათ ადგილას ამას ჩუმად ჩამოვწმენდდი და ამ კადრებს კიდევ ერთხელ არ ვაჩვენებდი ადამიანებს“ – ამბობს დავით ლორია. 

 

შინაგან საქმეთა სამინისტროს ინფორმაციით, „ერთიანი ნაციონალური მოძრაობის“ ოფისზე გაკეთებული წარწერების გამო ბათუმის მესამე გამყოფილებამ მოკვლევა უკვე დაიწყო, ადმინისტრაციული სამართალდადღვევის კოდექსის 150-ე მუხლით – თვითმმართველი ერთეულის იერსახის თვითნებური შეცვლა – რაც იწვევს დაჯარიმებას 200 ლარის ოდენობით.

 

 „ნაციონალურ მოძრაობაში“ კი არ აქვთ იმედი, რომ საქმე გამოძიებული იქნება. 

 

ეს პირველი შემთხვევა არ არის ბათუმში, რომცა „ენმ“-ის ოფისთან ან პარტიის წევრების მიმართ სხვადასხვა სახის ინციდენტი ხდება.

 

2014 წლის 21 ივნისს ბათუმში, ვაჟა-ფშაველას ქუჩაზე ნაციონალური მოძრაობის აქტივისტს, ლევან ტეტემაძეს სცემეს.  ენმ-ის განცხადებით საქმე ამ დრომდე გამოუძიებელია.  

 

2015 წლის 14 მარტს ბათუმში, დემოკრატიული ჩართულობის ცენტრში, „ერთიანი ნაციონალური მოძრაობის“ წევრსა და აჭარის უმაღლესი საბჭოს დეპუტატს, პეტრე ზამბახიძეს კვერცხები ესროლეს.  ინციდენტში მონაწილე გიორგი თუშმელაშვილი აღნიშნული ფაქტის გამო ბათუმის საქალაქო სასამართლომ 100 ლარით დააჯარიმა. თუშმელაშვილი ბათუმის მერიის ავტოტრანსპორტის მონიტორინგის სამსახურის უფროსია. 

 

საინფორმაციო ტური, რომელშიც  დაბა ქედის, პირველი მაისისა და მერისის საჯარო სკოლების 16 მოსწავლე მონაწილეობდა, სოფელ წონიარისში ჯაიმელას ისტორიული ხიდის მონახულებით დაიწყო. პარალელურად ახალგაზრდებმა, საჯარო მოხელეებთან ერთად, ხიდის მიმდებარე ტერიტორია დაასუფთავეს. მოსწავლეებმა შემდეგ სოფელ ვაიოში ლადო შავიშვილის ღვინის მარანი და სოფელ ზვარეში წმინდა გიორგის ეკლესია დაათვალიერეს.

 

„გამგეობის მიზანია ადგილობრივი ღირსშესანიშნავი ადგილების პოპულარიზაცია  და ახალგაზრდა თაობისთვის ისტორიულ და ღირშესანიშნავ ადგილებზე ინფორმაციის მიწოდება. დღევანდელი ტურიც ბავშვებში ცნობიერების ამაღლებას ემსახურებოდა, საინფორმაციო ტურის მსვლელობისას ქედის ისტორიული მუზეუმის დირექტორი ვაჟა ფარტენაძე ახალგაზრდებს ისტორიას აცნობდა. მსგავსი საინფორმაციო ტიპის პროგრამა წლის განმავლობაში სხვადასხვა მიმართულებით გაგრძელდება და მასში სხვადასხვა  სკოლის მოსწავლეები ჩაერთვებიან“ –  აღნიშნა ქედის მუნიციპალიტეტის გამგეობის საზოგადოებასთან ურთიერთობის სამსახურის უფროსმა სოფიო ხაბაზმა.

 

საინფორმაციო ტური მოსწავლეებისთვის ქედის მუნიციპალიტეტის გამგეობის განათლების, კულტურის, სპორტის, ტურიზმის, ახალგაზრდულ საქმეთა და ძეგლთა დაცვის სამსახურის მიზნობრივი პროგრამის ფარგლებში გაიმართა. 

 

 

კონკურსი სულ 10 პოზიციაზე გამოცხადდა. მუნიციპალიტეტის გამგეობაში ვაკანტურია პოზიციები   – აუდიტის სამსახურის მთავარი სპეციალისტი და  გამგებლის თანაშემწე გენდერულ საკითხებში. რაც შეეხება ადმინისტრაციულ ერთეულებს, ვაკანსია ქედის ყველა ადმინისტრაციულ ერთეულში (დაბა ქედის, დანდალოს, პირველი მაისის, ზვარეს, მახუნცეთის, ოქტომბრის, მერისის, ცხმორისისა და წონიარისის) არის გამოცხადებული.

 

კონკურსი სამ ეტაპად ჩატარდება. პირველი ეტაპი შესული განცხადებების გადარჩევას, მეორე – ტესტირებას, ხოლო მესამე ეტაპი გასაუბრებას ითვალისწინებს.

 

ქედის მუნიციპალიტეტის საკრებულოს აპარატისა და გამგეობის საჯარო მოხელეთა საკონკურსო-საატესტაციო კომისიის სხდომა  9 ივნისს გაიმართა. სხდომაზე, რომელსაც კომისიის ხუთი წევრიდან ორი არ ესწრებოდა, კომისიის წევრებმა კონკურსანტების შესაფასებლად კრიტერიუმები დაადგინეს.

 

კომისიის სხდომის ოქმის მიხედვით კონკურსის მეორე ეტაპი 2015 წლის 25 ივნისამდე ჩატარდება და ამ ეტაპის საბოლოო შეფასებად კონკურსატის მიერ ნაჩვენები დადებითი შედეგის (ტესტირებისას მიღებული ქულების) მეათედი ნაწილი მიიჩნევა.

 

რაც შეეხება კონკურსის ბოლო – მესამე ეტაპს, გასაუბრებისას კონკურსანტები 10-ბალიანი ქულათა სისტემით შეფასდებიან. გასაუბრებაზე კონკურსანტმა მინიმუმ 5.1 ქულა უნდა დააგროვოს, ხოლო ერთ კონკრეტულ თანამდებობაზე კონკურსანტთა მიერ თანაბარი უმაღლესი საერთო ქულის დაგროვების შემთხვევაში გამარჯვებულ კონკურსანტს კომისია  ღია კენჭისყრით გამოავლენს.

 

კონკურსანტების ცოდნას ქედაში კომისიის ხუთი წევრი შეაფასებს, კომისიის თავმჯდომარე ქედის მუნიციპალიტეტის გამგებელი დავით დუმბაძეა.

 

10 ვაკანტურ პოზიციაზე შეტანილი განცხადებების მიხედვით ყველაზე დიდი მოთხოვნა გამგებლის თანაშემწის გენდერული თანასწორობის საკითხებზე გამოცხდებულ პოზიციაზეა, ამ თანამდებობის დასაკავებლად ქედაში 27 კონკურსანტი იბრძოლებს.

 

 

კონკურსი ორ ეტაპად ჩატარდა, კლუბის წევრები 2016 სასწავლო წლის დასრულებამდე საგანმანათლებლო, შემეცნებითი და საზოგადოებრივი მიმართულებით განახორციელებენ სხვადასხვა აქტივობას.

 

აჭარის ავტონომიური რესპუბლიკის განათლების, კულტურისა და სპორტის სამინისტრო „სასკოლო კლუბების ხელშეწყობის ქვეპროგრამას“ 2011 წლიდან   ახორციელებს, რომლის მიზანია აჭარის ავტონომიური რესპუბლიკის ადმინისტრაციულ ტერიტორიაზე არსებულ ზოგადსაგანმანათლებლო დაწესებულებებში სასკოლო კლუბების განვითარების ხელშეწყობა. ამ მიზნით  სამინისტრო აფინანსებს სასკოლო კლუბების ინიციატივებს 3 000  ლარის ოდენობით.

გასულ წელს სულ 11 კლუბი დაფინანსდა. აქედან 3 სასკოლო კლუბი ბათუმში (პირველი, მეორე და მერვე საჯარო სკოლა), ორი – ხელვაჩაურში, ორი – ქედაში, ორი – შუახევში, თითო-თითო სასკოლო კლუბი კი – ხულოსა და ქობულეთში.

 

თბილისის ყოფილი მერის გიგი უგულავას უფლებებს საკონსტიტუციო სასამართლოში ბექა ბასილაია იცავს: “ჩვენ ვასაჩივრებთ იმ მახინჯ პრაქტიკას, რაც უკავშირდება პირის გამამტყუნებელი განაჩენის გარეშე ცხრა  თვეზე მეტ ხანს პატიმრობაში ყოფნას.  დღეს მოქმედი სასამართლო პრაქტიკის მიხედვით, ნორმა განიმარტება ისე, რომ თითქოს სასამართლოსა და სამართალდამცავებს აქვთ იმის უფლებამოსილება, რომ ადამიანი მიუხედავად იმისა, იარსებებს თუ არა მის მიმართ გამამტყუნებელი განაჩენი, ცხრა თვეზე მეტ ხანს ამყოფოს ციხეში. ეს არის ცალსახად არაკონსტიტუციური, რადგანაც კონსტიტუციის მე-18 მუხლში წერია, რომ პირის წინასწარ პატიმრობაში ყოფნის ვადა არ უნდა აღემატებოდეს ცხრა თვეს”.

 

საკონსტიტუციო სასამართლო გამწესრიგებელი სხდომა ვალდებულია ცხრა თვის განმავლობაში გადაწყვიტოს მიიღებს თუ არა ამ სარჩელს განსახილველად.

 

გიგი უგულავა სასამართლოში საქართველოს პარლამენტს უჩივის. „დავის საგანი არის სისხლის სამართლის კოდექსის მთელი რიგი ნორმები, რომელიც არეგულირებს ბრალდებულისთვის  აღკვეთი ღონისძიების სახით პატიმრობის გამოყენების წესებს. მოსარჩელე მიიჩნევს, რომ სადავო ნორმები იძლევა შესაძლებლობას პატიმრობაში მყოფი პირის მიმართ ხელმეორედ გამოიყენონ აღკვეთი ღონისძიება – პატიმრობა. მოსარჩელის შეფასებით, ასევე, სადავო ნორმების მიხედვით,  ბრალდებულისთვის პატიმრობის შეფარდება ხდება არასაკმარისი, არამყარი მტკიცებულებების სტანდარტების გამოყენებით, რაც ასევე ეწინააღმდეგება მისი კონსტიტუციით გარანტირებულ არაერთ უფლებას, მათ შორის თავისუფლების ძირითად უფლებას”, – განმარტა საკონსტიტუციო სასამართლოში მრჩეველმა გიორგი სულხანიშვილმა. 

პროგრამის მიზანია შეზღუდული შესაძლებლობის მქონე და ხანდაზმულ პირთა ცხოვრების ხარისხის და სოციალური ინტეგრაციის გაუმჯობესება. პროგრამა, ასევე ითვალისწინებს სავარძელ-ეტლის გამოყენებასთან დაკავშირებული სარეკომენდაციო – საკონსულტაციო და ტექნიკურ მომსახურებას და საგარანტიო მომსახურებას ერთი წლის ვადით.

2014 წელს  სამინისტრომ აღნიშნული პროგრამის ფარგლებში სავარძელ-ეტლი 300 შშმ პირს და ხანდაზმულს გადასცა.

სამინისტრო, შშმ პირებისა და ხანდაზმულების სავარძელ-ეტლებით უზრუნველყოფის პარალელურად, დამხმარე საშუალებებს უსინათლო მოქალაქეებსაც გადასცემს. ამ მიზნით წელს პირველად ამოქმედდა პროგრამა – „უსინათლო მოქალაქეების უზრუნველყოფა უსინათლოთა თეთრი ხელჯოხებით. პროგრამის ფარგლებში დაგეგმილია 100 ერთეული ხელჯოხის გაცემა. პროგრამებში ჩასართავად ბენეფიციარმა სამინისტროში უნდა წარადგინონ: – ცნობა ჯანმრთელობის მდგომარეობის შესახებ – ფორმა №IV-100/ა, სადაც მითითებული უნდა იყოს სავარძელ-ეტლის ან ხელჯოხის საჭიროება; – პირადობის დამადასტურებელი მოწმობის ასლი, ან სხვა დოკუმენტი, რომლითაც შესაძლებელია პირის იდენტიფიკაცია;  სავარძელ-ეტლის ან ხელჯოხის ღირებულების წინასწარი ანგარიშფაქტურა და შეზღუდული შესაძლებლობის სტატუსის დამადასტურებელი ცნობის ასლი (არსებობის შემთხვევაში).

 

ქედის საკრებულოს თავმჯდომარე ამირან ცინცაძე აცხადებს, რომ სადეპუტატო უფლებამოსილების ხარჯები ქედის საკრებულოში ამ ეტაპზე არ გაიზრდება. „საკითხის განხილვას უახლოეს საკრებულოს სხდომაზე ვფიქრობთ. მე თანახმა ვარ, რომ მოხდეს მატება, თუმცა თანხა რომ დაემატოს, ამისთვის საჭიროა ფინანსური რესურსი. ამ ეტაპზე ეს არ გვაქვს“, – ამბობს ამირან ცინცაძე.

 

სადეპუტატო უფლებამოსილების შესასრულებლად ანაზღაურება 400 ლარით, 950 ლარამდე გაეზარდათ შუახევის მუნიციპალიტეტის საკრებულოს წევრებს, საპრემიო ფონდის გაუქმების ხარჯზე, თუმცა ერთი კვირით. სადეპუტატო უფლებამოსილების შესრულებისთვის ხელფასის გაზრდის მოთხოვნით ინიცირება შუახევის საკრებულოში დამოუკიდებელმა დეპუტატმა გელა აბაშიძემ შეიტანა. საკითხი, რომელიც რიგითი წევრების, ფრაქციებისა და კომიტეტების თავმჯდომარეებისთვის ხელფასის ზრდასა და საპრემიო ფონდის გაუქმებას ითვალისწინებდა, საკრებულომ მარტის ბოლოს განიხილა, სხდომაზე დამსწრე 20 დეპუტატიდან უმრავლესობამ ხელფასების მატებასა და პრემიის გაუქმების საკითხს მხარი დაუჭირა. დეპუტატებმა გაზრდილი ხელფასიც კი აიღეს, თუმცა რამდენიმე დღის შემდეგ საკრებულომ რიგგარეშე სხდომა გამართა და ხმების უმრავლესობით გადაწყდა, რომ დეპუტატებს 950 ლარის ნაცვლად ისევ 550 ლარი აეღოთ. ასევე, თანამდებობის პირებისთვის ძალაში დარჩენილიყო დანამატი.

 

საკრებულოს წევრი „ნაციონალური მოძრაობიდან“  და ფრაქციის თავმჯდომარე სოსლან ზოიძე აცხადებს, რომ გაუქმებული პრემიის აღსადგენად და გაზრდილი ხელფასის შესამცირებლად წარმოდგენილი საკითხის მხარდასაჭერად საკრებულოს დიდი ძალისხმევა დასჭირდა.

 

„მოვითხოვდით რიგითი დეპუტატის ხელფასი 400 ლარით, ხოლო თანამდებობის პირების ხელფასი 200 ლარით გაზრდილიყო. თანამდებობის პირებიდან ხელფასი არ ეზრდებოდა მხოლოდ საკრებულოს თავმჯდომარეს, რადგან ის მაქსიმალურ თანხას – 2650 ლარს იღებს და მეტი ზრდა კანონით არ შეიძლებოდა. პრემიაზე საკრებულოში 100 000 ლარამდე თანხა იხარჯება და თანამდებობის პირები იღებენ, რიგითი დეპუტატები კი – არა. წარმოდგენილ საკითხს საკრებულოს უმრავლესობამ დაუჭირა მხარი, თუმცა იქედან გამომდინარე, რომ ამ გადაწყვეტილებით თანამდებობის პირები ზარალდებოდნენ – პრემიას ვერ აიღებდნენ, ყველა ღონე იხმარეს, რომ გაზრდილი ხელფასები ისევ შემცირებულიყო და პრემიები აეღოთ“, – ამბობს სოსლან ზოიძე.

 

შუახევის საკრებულოს თავმჯდომარე ნოდარ ქარცივაძე კი ამბობს, რომ ხელფასების გაზრდით კანონი დაირღვა:

 

„იმ მომენტში, როდესაც ინიცირება შემოიტანა დეპუტატთა გარკვეულმა ნაწილმა, ჩვენ უმცირესობაში აღმოვჩნდით, არ იყვნენ იმ დღეს ჩვენი მხარდამჭერები და საკითხი გავიდა. ბიუჯეტში ცვლილების გარეშე ხელფასის ზრდა არ შეიძლება, ამდენად მომდევნო სხდომაზე, როცა ჩვენ ვიყავით უმრავლესობა, ისევ განვიხილეთ საკითხი და ანაზღაურება უცვლელი დარჩა.

 

ხელფასი რომ გაიზარდოს, ამისთვის ბიუჯეტში ცვლილება უნდა შევიდეს, რისთვისაც გამგებლის წერილი უნდა იყოს. ასეთი წერილი კი არ არსებობდა. არის მუნიციპალიტეტები, სადაც უფლებამოსილების შესრულებისთვის რიგითი დეპუტატები 150-200 ლარს იღებენ, ქვეყნის მასშტაბით რიგითი დეპუტატების ანაზღაურება შუახევსა და, ზოგადად, აჭარის მაღალმთიანეთში საკმარისია, უფლებამოსილება რომ შეასრულონ – 450 ლარს იღებენ ხელზე. ეს საჯარო მოხელის სპეციალისტის ხელფასს უტოლდება“.