ნეტგაზეთი • RU

”ხელისუფლებამ თვალნათლივ დაინახა თავისი გაკოტრების რეალური სურათი”

 

22 ოქტომბერს ერთიანი ნაციონალური მოძრაობის ბათუმის ოფისთან განცხადება გააკეთა მიხეილ მახარაძემ, საქართველოს პარლამენტის წევრმა, აჭარის უმაღლესი საბჭოს ყოფილმა თავმჯდომარემ. 

მიხეილ მახარაძის თქმით, ხელისუფლების ქმედებები NDI-ის კვლევებს უკავშირდება. „ხელისუფლებამ თვალნათლივ დაინახა თავისი გაკოტრების რეალური სურათი. მე დღეს მთავრობის სხდომაზე მოვუსმინე ჩვენი არაფორმალური მმართველის მიერ დანიშნული ფორმალური მმართველის გამოსვლას – შეშინებული, ამავე დროს ფარისევლური, წამქეზებლური. აი, ამ შავ-ბნელ ძალებს აქეზებს საზოგადოების მოერე ნაწილზე, თანაც  ბოლოს იტყვის, ჩვენ კანონის ფარგლებშიო, მაგრამ წინადადება ვერ თქვა, რომ არ დაეყოლებინა „მაგრამ“ და ის „მაგრამ“ არის სწორედ წაქეზება. მე მინდა მივმართო ხელისუფლებას, რომ ეს ძალიან ძვირად დაუჯდება, ხელისუფლებას რომ ძვირად დაუჯდება, ეს დიდად არ მაღელვებს, ქვეყანას დაუჯდება ძვირად,“ – განაცხადა მიხეილ მახარაძემ. 

ნეტგაზეთის მასალების სხვა გამოცემებში გადაბეჭდვის წესი
"ბათუმელები”