Batumelebi

დღესვე  ქედის მუნიციპალიტეტის 3 სოფელში გეგელიძეებში, კოკოტაურსა და ცხმორისში მიწის მასისგან გზების გაწმენდა მიმდინარეობდა.

„სტიქიის შემდეგ აღდგენითი სამუშოები დოლოგნიდან დავიწყეთ. ქედაში სტიქიის შედეგად მოყენებული ზარალი 100 000 ლარის ფარგლებშია. ჩვენ ასევე დავითვალეთ დოლოგანში 5 ოჯახისათვის მიყენებული ზიანი. აქ სტიქიამ ადგილობრივებს კარტოფილისა და სიმინდის ნარგავები გაუნადგურა, დაზარალებული ოჯახები თანხას უახლოეს დღეებში მიიღებენ“,–აღნიშნა ქედის მუნიციპალიტეტის გამგებელმა დავით დუმბაძემ.

გამოფენაზე წარმოდგენილი იქნება ვიტალი კოხანის ინსტალაციის  “ორპირი”, ჰამლეტ ზინკოვსკის  “დღიური 2013”, რომან მინინის ნამუშევრები სახელწოდებით “ჯილდო სიჩუმისათვის”.  ჯგუფი შილო  წარმოადგენს ფოტოგამოფენას “ევრომაიდანი”.

“უკრაინა, ევროპასა და რუსეთის ორპირს შორის აღმოჩნდა. ხარკოვი გზის გასაყარზე მყოფი ქალაქია, აქაური ხელოვანები შეეჩვივნენ სასაზღვრო სიტუაციას. 

ჰაერის  პატარა  ძვრებზეც კი რეაგირებს  ვიტალი კოხანის  ინსტალიაცია „ორპირი“, რომელიც განთავსებულია „ჯგუფი შილო“ დოკუმენტურ ფოტო სერიის „მეიდანი“ გვერდით.  რომან მინინის „ჯილდო სიჩუმისათვის“  და ჰამლეტ ზინკოვსკის „დღიური 2013“ რეაგირებს და ასახავს დღევანდელ ტურბულენტურ სიტუაციას ხარკოვსა და მთელ უკრაინაში,” – ნათქვამია  ბათუმის თანამედროვე ხელოვნების სივრცის მიერ გავრცელებულ პრესრელიზში. 

პროექტის ფარგლებში  6 ოქტომბერს 18:00 საათზე გამოფენის კურატორი იაროსლავა ბონდარჩუკი წაიკითხავს ლექციას „დაიჭირე დრო”. 

პარკი „შავი ზღვის ფლორისა და ფაუნის შემსწავლელი სამეცნიერო–კვლევითი ცენტრის“  დაქვემდებარებაშია. როგორც ცენტრის დირექტორი ნატალია ზოიძე „ბათუმელებთან“ საუბარში ამბობს ელექტროსისტემის რეაბილიტაცია ეტაპობრივად მიმდინარეობს.

„ზაფხულზე მოქალაქეებისთვის რომ დისკომფორტი არ შეგვექმნა ფრთხილად განვაახლეთ დაახლოებით ერთ კილომეტრიანი მონაკვეთი. მიწისქვეშა კომუნიკაციები უკვე გამოცვლილია. ამ გამოცვლას  მოჰყვა ის რომ პერიოდულად პარკში არის მონაკვეთები, რომელიც ჩაბნელებულია. 

მეორე ეტაპია ბოძებზე არსებული სანათების გამოცვლა, იმიტომ რომ მოძველებულია ესენიც. სარემონტო სამუშაოებს ნელ-ნელა მივყვებით,“ – ამბობს ნატალია ზოიძე.  

მისი თქმით 6 მაისის პარკში განათების სისტემის სრული რეაბილიტაცია  წლის ბოლომდე დასრულდება.

შეხვედრა კონსტიტუციური მართლმსაჯულების მსოფლიო კონფერენციის მე-3 კონგრესის ფარგლებში გაიმართა, რომელსაც საქართველოს საკონსტიტუციო სასამართლოს თავმჯდომარე გიორგი პაპუაშვილიც ესწრებოდა. კონგრესი 28 სექტემბრიდან 1 ოქტომბრის ჩათვლით სეულში, სამხრეთ კორეის რესპუბლიკაში მიმდინარეობდა.

 კონსტიტუციური მართლმსაჯულების მსოფლიო კონფერენცია  საქართველოს საკონსტიტუციო სასამართლოსთან ერთად აერთიანებს 71  ქვეყნის საკონსტიტუციო სასამართლოებს და რელევანტურ ინსტიტუტებს ევროპის, სამხრეთ და ჩრდილოეთ ამერიკის, აზიის და აფრიკის კონტინენტებიდან. ევროპის საბჭოს ვენეციის კომისიის  მხარდაჭერით, მსოფლიო კონფერენცია ჩამოყალიბდა როგორც მუდმივი ორგანო. მსოფლიო კონფერენციის მიზანია კონსტიტუციური მართლმსაჯულების და ადამიანის უფლებების განვითარების ხელშეწყობა, საკონსტიტუციო სასამართლოების მოსამართლეებს შორის სამართლებრივი დიალოგის გაღრმავება.

მაგულისა და მაყვალას ძმა ბებიისა და შვილიშვილის მკვლელობაშია ბრალდებული და პატიმრობაში იმყოფება. ბრალდებულის დები და მათი მცირეწლოვანი ბავშვები სოფლიდან დაზარალებულების ოჯახის წევრებმა და ნათესავებმა გამოასახლეს. დაახლოებით ერთი  თვის შემდეგ მათ  სოფელში დაბრუნება პოლიციის თანხლებით შეძლეს.

რამდენმე დღის წინ დააპატიმრეს მოკლული ბავშვის ბაბუა წვრილმანი ხულიგნობისა და პოლიციელებისთვის წინააღმდეგობის გაწევის გამო (ადმინისტრაცული სამართალ დარღვევათა კოდექსის 166-ე და 173-ე მუხლები). კოდექსში წერია, რომ 166-ე მუხლის დრღვევსთვის პირი დაჯარიმდება 100 ლარის ოდენობით ან, 90 დღემდე ადმინისტრაციულ პატიმრობით.

გარდაცვლილის ბაბუა ასი  ლარით დაჯარიმეს.

მაგული იაკობაძე “ბათუმელებთან” ამბობს, რომ გარდაცვლილი ბავშვის ბაბუამ მას სიტყვერი შეურაცხყოფა პოლციელების თანდასწრებით მიაყენა.

„იგივე იგივე“ ორ პლატფორმიანი გამოფენაა, სადაც საგალერეო სივრცეში წარმოდგენილი ინსტალაცია დაკავშირებულია ღია ცის ქვეშ სივრცესთან, კერძოდ ანაკლიის ზღვისპირა ზოლთან, სადაც ტეტრაპოდის სტრუქტურები ადგილზე მუშავდება.

საგამოფენო დარბაზიდან ანაკლიაში ყოველდღიურად გავა ავტობუსი, რომელიც მსურველს ღია ცის ქვეშ ინსტალაციის სანახავად წაიყვანს.

მთავრობის წარმომადგენლებმა სოფელ ქობულეთში და დაბა ჩაქვში სტიქიის შედეგად დაზარალებული გოგმაჩაძეებისა და მიქელაძეების ოჯახები მოინახულეს. ასევე დაათვალიერეს დაზიანებული სანაპირო ზოლი. 

„ქობულეთის მუნიციპალიტეტში მდგომარეობა სტაბილურია, დაზიანებული გზების ძირითადი ნაწილი ჩამოშლილი მიწის მასებისგან გაწმენდილია და გზებზე მოძრაობა აღდგენილია. უნდა აღინიშნოს, რომ ქობულეთში სალიკვიდაციო სამუშაოების პირველი რიგის ღონისძიებები უკვე გატარდა, ამის შემდეგ დაიწყება დაზიანებული მონაკვეთების სრული აღდგენა და სახლებთან ჩამოწოლილი მეწყერების გაწმენდა“ – აღნიშნა ნუგზარ სურმანიძემ. 

ხვალ, საგანგებო შტაბის ხელმძღვანელი სალიკვიდაციო სამუშაოებს ხელვაჩაურის მუნიციპალიტეტში გაეცნობა.

კონფერენციას საქართველოს, აზერბაიჯანისა და სომხეთის ქალაქების მერები დაესწრებიან.
კონფერენციის თემაა ურბანული განვითარება და ინფრასტრუქტურა გერმანიასა და ევროპაში, ასევე – სამხრეთ კავკასიაში. განიხილება კლიმატის ცვლილებების საკითხიც. 

კონფერენციის მონაწილეები გაეცნობიან წყლისა და ჩამდინარე წყლების, ასევე, მყარი ნარჩენების მუნიციპალური მართვის სისტემებს. კონფერენციის შემაჯამებელი თემაა წყლის, დასუფთავებისა და ნარჩენების მართვის მიმართულებით არსებული გამოწვევები და პრობელემების გადაჭრის გზები. 

გარდა ამისა, გიორგი ერმაკოვი KFW-ს სათავე ოფისსაც ეწვევა, სადაც შედგება შეხვედრა ბათუმის კომუნალური ინფრასტრუქტურის რეაბილიტაციის III ფაზის ფარგლებში შესასრულებელი სამუშაოების თემაზე. III ფაზის ფარგლებში განსახორციელებელი წყლისა და საკანალიზაციო სისტემების რეაბილიტაციასთან ერთად, პროექტის ფარგლებში, დამატებით, სანიაღვრე სისტემების რეაბილიტაციაზეც იმსჯელებენ.
  ვიზიტი  ბერლინში 2 ოქტომბრამდე გაგრძელდება. ინფორმაცია ამის შესახებ ბათუმის მერის, გიორგი ერმაკოვის ოფიციალურ გვერდზეა განთავებული.

ნუგზარ კეკელიძის თქმით, მან იცოდა, რომ გაათავისუფლებდნენ: „ამის მოლოდინი მქონდა იმ დროიდან, როცა დაიწყეს რეორგანიზაცია, გააუქმეს ადმინისტრაციის უფროსის თანამდებობა და მე კაბინეტის უროსის თანამდებობაბაზე გადამიყვანეს. ცოტა ხნით ასე შემინარჩუნეს. ახლა კი კაბინეტის უფროსის თანამდებობაც გააუქმეს“.

ნუგზარ კეკელიძემ მთავრობას სახელმწიფოს კუთვნილი მანქანა და სხვა ნივთები გუშინ ჩააბარა და მთავრობის აპარატი  დატოვა.

ნუგზარ კეკელიძე აჭარის მთავრობაში ყოველთვის მოიაზრებოდა როგორც საქართველოს პარლამენტის ვიცე-სპიკერის, მურმან დუმბაძის გუნდის წევრი. ამას ნუგზარ კეკელიძე გარკვეულწილად ადასტურებს კიდეც: „შეიძლება მასეც ითქვას, ეს იყო ბრძოლა ჩვენი ჯგუფის წინააღმდეგ და ბოლო ადამიანი ვიყავი მთავრობაში ამ ჯგუფიდან დარჩენილი და მეც გამათავისუფლეს“. 

ნუგზარ კეკელიძის თქმით, აჭარის მთავრობის მუშაობის შესახებ ის აქტიურად აწვდიდიდა ინფრომაციას, როგორც პრემიერ-მინისტრის აპარატს, შეხვედრები ჰქონდა უშიშროებასთანაც, რაც, სავარაუდოდ, მისი გათავისუფლების მიზეზი შეიძლება გამხდარიყო.

არჩილ ხაბაძემ ბოლო ორი თვის განმავლობაში აჭარის მთავრობაში არაერთი საკადრო ცვლილება განახორციელა, რამაც ხელისუფლებებს შორის დაპირისპირება გამოიწვია. უმაღლესმა საბჭომ განაცხადა, რომ ეს იყო ბრძოლა მურმან დუმბაძის გუნდის წინააღმდეგ და საპასუხოდ აჭარის მთავრობის მიმართ უნდობლობის გამოცხადების პროცედურა დაიწყო. საქმეში ჩაერთო საქართველოს უმაღლესი ხელისუფლება და პარტია „ქართული ოცნების“ პოლიტსაბჭომ მურმან დუმბაძე პარტიიდან გარიცხა. თავად მურმან დუმბაძემ კი განაცხადა, რომ სახელისუფო პარტია თავად დატოვა.

ტურისტები საბაგირო გზის გონდოლიდან პარაშუტით გადმოხტნენ. სანახაობას დაესწრო ადგილობრივი მოსახლეობა დაესწრო. 

12 სექტემბერს აჭარის უმაღლესი საბჭოს ფრაქცია „ქართული ოცნების“ წევრმა, ადამიანის უფლებათა დაცვის საკითხთა კომისიის თავმჯდომარე მედეა ვასაძემ იმ საუბრის ფარული აუდიოჩანაწერი გაასაჯაროვა, რომელიც მასსა და აჭარის მთავრობის აპარატის უმაღლეს საბჭოსთან ურთიერთობის დეპარტამენტის ხელმძღვანელს, პარმენ ჯალაღონიას შორის შედგა. აუდიოჩანაწერის მიხედვით, პარმენ ჯალაღონია მედეა ვასაძეს აჭარის მთავრობის თავმჯდომარის არჩილ ხაბაძის დანაბარებს გადასცემს და ნავთობგადამამუშავებელი ქარხნის გათავისუფლებული დირექტორის ლევან ჯინჭარაძის, რომელიც მედეა ვასაძის მაზლია, მაღალანაზღაურებად სამსახურში დასაქმების პირობას იძლევა. 

„აუდიოჩანაწერის გავრცელების შემდეგ ჩვენი წარმომადგენელი დაუკავშირდა პარმენ ჯალაღონიას. მას ჩანაწერის ავთენტურობა ეჭვქვეშ არ დაუყენებია. „საერთაშორისო გამჭვირვალობა – საქართველოს“ წარმომადგენელთან საუბარში, ჯალაღონია განმარტავს, რომ ეს იყო კერძო საუბარი და შეხვედრა შედგა ბათუმში ნინოშვილის ქუჩაზე, ინტურისტთან ახლოს კაფეში. მისი განმარტებით შეხვედრა მხოლოდ და მხოლოდ მას და მედეა ვასაძის შორის შედგა და საუბარს სხვა პირი არ ესწრებოდა.

ჩვენთან საუბარში ვასაძე ადასტურებს, რომ დროდადრო მიმართავს პირადი საუბრების ჩაწერის პრაქტიკას, შემდგომში გაუგებრობების თავიდან აცილების მიზნით. მითუმეტეს, როდესაც შეხვედრის ინიციატივა აჭარის მთავრობიდან მოდის. მისი თქმით, ამ საუბრებს მისი ნდობით აღჭურვილი პირი იწერს. თუმცა, როგორც ვასაძე აღნიშნავს, მისთვის არ იყო ცნობილი, რომ ჯალაღონიასთან მისი საუბრის ჩანაწერი გაკეთდა.

რადგან, მედეა ვასაძის განცხადებით, აუდიოჩაწერას ის თავად არ ახორციელებს, ჯალაღონია კი აცხადებს, რომ შეხვედრაზე მხოლოდ მედეა ვასაძესთან ერთად იმყოფებოდა, გარემოებები დამატებით შესწავლას საჭიროებს, რადგან შესაძლოა, სახეზე იყოს სისხლის სამართლის კოდექსის 158-ე მუხლით გათვალისწინებული დანაშაული, კერძო კომუნიკაციის საიდუმლოების ხელყოფა.“ – აღნიშნულია ორგანიზაციის განცხადებაში. 

„საერთაშორისო გამჭვირვალობა საქართველოს“ შეფასებით „აჭარის მთავრობა არ უნდა ცდილობდეს უმაღლეს საბჭოსთან არსებული კონფლიქტის კანონის გვერდის ავლით, ცალკეულ პირებთან დადებული გარიგებების მეშვეობით მოგვარებას. აღმაშფოთებელია, ასევე, მედეა ვასაძის მიერ კერძო საუბრის გავრცელების ფაქტი. დღეს არსებული ვითარება აჭარის ხელისუფლებაში არსებული ორი ჯგუფის აშკარა დაპირისპირების გამოვლინებაა. ყოველივე ეს კი უარყოფითად აისახება მაღალი თანამდებობის პირების მიმართ საზოგადოების ნდობაზე და საფრთხეს უქმნის ავტონომიური რესპუბლიკის ხელისუფლების ორგანოების ეფექტურ მუშაობას.“ 

ადგილზე ამ წუთებში სამაშველო სამსახური და სამართალდამცავები მუშაობენ.

როგორც სოფლის მაცხოვრებლები ამბობენ, გარდაცვლილს მდინარის პირას ნაკვეთი ჰქონდა. 

სამინისტროს ინფორმაციით, სამართალდამცველებმა დაკავებულის პირადი ჩხრეკისას 6,61 გრ ნარკოტიკული ნივთიერება ამოიღეს, რომელიც ექსპერტიზის დასკვნით 1,127 გრ ჰეროინს შეიცავს. ნარკოლოგიური შემოწმებით, ბრალდებულს „ოპიუმი“-ს ჯგუფის ნარკოტიკული საშუალების მოხმარების ფაქტი დაუდგინდა. დაკავებული აღიარებს ჩადენილ დანაშაულს.

გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის და საქართველოში განსაკუთრებით დიდი ოდენობით ნარკოტიკული საშუალების უკანონოდ შემოტანის ფაქტზე მიმდინარეობს (საქართველოს სსკ-ის 260-ე მუხლის 3-ე ნაწილის „ა“ ქვეპუნქტით და 262-ე მუხლის 4 ნაწილის „ა“ ქვეპუნქტით).

ბატონო ნიკა, თუ შეისწავლეთ ზარალი, რა ინფორმაციაა ამ დროისთვის ცნობილი?   

კომისია მუშაობს, თუმცა შედეგები ჯერ არ არის ცნობილი. ვიცით, რომ ზოგან გზები გადაკეტეს, ზოგან ინფრასტრუქტურა დაზიანდა. ორი ხიდი დაზიანდა ხელვაჩაურში, სტიქიის პერიოდში მოხდა 19 ოჯახის ევაკუირება და დროებით თავშესაფარში გადაყვანა. აქედან რვა ოჯახი იყო ხელვაჩაურში და ორი ქობულეთში.

ამ ოჯახებს რა ტიპის დახმარებას გაუწევს მთავრობა, შეძლებენ სახლში დაბრუნებას, თუ ახალი საცხოვრებელი ესაჭიროებათ?

მათი სახლები დანგრეული არ არის, ევაკუაცია იმიტომ განხორციელდა, რომ იმ ეტაპზე საფრთხე ემუქრებოდათ.

მოქალაქეებმა, ვინც თავს მიიჩნევს დაზარალებულად, ვის უნდა მიმართონ კომპენსაციის თაობაზე და რა მეთოდით დაითვლით ზარალს?

ზარალს კანონის შესაბამისად შევისწავლით, შესწავლას ახორციელებს სპეციალური კომისია, რომელიც როგორც აჭარის მთავრობის, ასევე მუნიციპალიტეტების დონეზე მუშაობს.

მოქალაქემ თვითონ უნდა მიმართოს კომისიას, თუ როგორ აპირებთ ინფორმაციის შეგროვებას?

მოქალაქესაც შეუძლია მიმართოს კომისიას. შემდეგ კი, კომისია მიიღებს გადაწყვეტილებას, გასცეს თუ არა კომპენსაცია. 

კანონი იმ პირების კომპენსირებას თუ ითვალისწინებს, ვისაც სავაჭრო ცენტრებში გასაყიდი ელექტროსაქონელი დაუზიანდა? როგორც ვიცით, ასეთი ბევრი შემთხვევა დაფიქსირდა ქალაქში.

ყველა მიმართულებით და ყველა შემთხვევასთან დაკავშირებით კომისია იხელმძღვანელებს კანონით, მე ნუ მომთხოვთ კანონის განმარტებას, რადგან იურისტი არ ვარ. კომპენსაცია რომ გაიცეს, ზარალი განსაკუთრებული მნიშვნელობის უნდა იყოს. ასეთია, მაგალითად, საცხოვრებელი სახლის გაუვარგისება, ან ჭერის ჩამონგრება იმ დონეზე, რომ საფრთხე შეიძლება შეუქმნას ადამიანის სიცოცხლესა და ჯანმრთელობას, ასეთ ზარალზე პირველ რიგში იქნება ყურადღება. ეჭვი მეპარება, რომ კონკრეტულ ერთეული ტექნიკის კომპენსირებაზე იყოს საუბარი. 

გასაგებია, რომ სრული ანგარიში არ აქვს მთავრობას ამ ეტაპზე, მაგრამ წინასწარი შეფასებით როგორი სურათი იკვეთება, გაწვდება აჭარის ბიუჯეტი სტიქიის შედეგების კომპენსირებას, თუ დასჭირდება ცენტრალური ბიუჯეტიდან დახმარება?

გამიჭირდება თქმა. პირველ რიგში, აჭარის ბიუჯეტზე იქნება საუბარი, რადგან მათი კომპეტენციაა ამ პრობლემების მოგვარება, მაგრამ თუ გაჩნდება დახმარების საჭიროება, შესაბამისი პროდეცურები განხორციელდება.

როდის უნდა წარმოადგინოს კომისიამ საბოლოო ანგარიში?

რთული პროცესია, ამიტომ დროს და ვადას ვერ გეტყვით, ბევრი მეწყრული ზონაა და შესწავლა სჭირდება. პირველივე დღეებში ასობით განაცხადი შევიდა კომისიაში და ყველა საჭიროებს შესწავლას.

სინოპტიკოსებთან თუ მიდის მუშაობა, ამინდის გრძელვადიანი პროგნოზის შესწავლის თაობაზე  და თუ მიიღებს მოსახლეობა დროულად ინფორმაციას მსგავსი სტიქიური პროცესების განმეორების შემთხვევაში?  

რა თქმა უნდა. სინოპტიკოსებთან და სხვა სამსახურის წარმომადგენლებთანაც არის მუდმივი კოორდინაცია. საფრთხის გაჩენის შემთხვევაში ყველა სამსახური მზად იქნება.   

უანგარო დონაციის აქციაში ქედისა და ხელვაჩაურის მუნიციპალიტეტების გამგეობების, საკრებულოების და აღნიშნულ უწყებებს გაქვემდებარებული სხვადასხვა სამსახურების თანამშრომლები ჩაერთვებიან. სისხლი, ჯანმრთელობის ცენტრ „მედინას“ სისხლის ბანკისთვის და ბათუმის რეფერალური საავადმყოფოს სისხლის ბანკისთვის შეგროვდება.

სტატისტიკური მონაცემების თანახმად, საქართველოში 18 წლის ზემოთ მოსახლეობაში უამრავი დაავადება ფიქსირდება, რომლის დროსაც საჭირო ხდება სისხლის გადასხმა (მათ შორის ავტოავარიების დროს, ძუძუს კიბოთი დაავადებულთათვის, მშობიარეებისათვის და ა.შ.)

მსგავსი აქციები ხელს უწყობს სისხლის ბანკებში მარაგის შევსებას და გართულებების თავიდან აცილებს. დონაციის შემდგომ, ხდება სისხლის განახლება, რაც დადებითად მოქმედებს დონორის ჯანმრთელობაზე. ასევე, მას უფასოდ უტარდება ძვირადღირებული გამოკვლევა რამდენიმე ვირუსზე (B და C ჰეპატიტი, შიდსი, სიფილისი. ასევე დაუდგინდება სისხლის ჯგუფი და რეზუსი და ჰემოგლობინი), რის შემდეგაც ის ფლობს ინფორმაციას თავისი ჯანმრთელობის მდგომარეობის შესახებ.

სამინისტროს ინიციატივით არაერთი მსგავსი აქცია ჩატარდა, როგორც ადგილობრივი სისხლის ბანკების შესავსებად, ასევე ლეიკემიით დაავდებული ბავშვების დასახმარებლად.

ბანაობა ზღვაში შტორმის დროს 29|09|2014

შეხვედრის მიზანია მემკვიდრეობის პოლიტიკის დოკუმენტის ძირითადი მიმართულებების გაცნობა რეგიონის პროფესიონალთა, სამთავრობო სტრუქტურებისა და არასამთავრობო ორგანიზაციების წარმომადგენლებისათვის.

შეხვედრა გამართება ევროკავშირის აღმოსავლეთ პარტნიორობის კულტურის პროგრამის დაფინანსებით მიმდინარე პროექტის „რეგიონული თანამშრომლობა კულტურული მემკვიდრეობის განვითარებისათვის” ფარგლებში. 

შეხვედრაზე დასწრება თავისუფალია. 

მამუკა თურმანიძისს ინფორმაციით, ამინდის პროგნოზის თანახმად  დღის ბოლოს წვიმა  შეწყდება. გუშინ გვიან ღამით ბათუმში  ერთ-ერთი მაღაზიის საწყობი დაიწყვა. ხანძრს გამომწვევ მიზეზს კრიმინალისტები იკვლევენ. 

ბათუმი ქედის საავტომობილო გზაზე მოძრაობა აღდგენილია. 

ჯერჯერობით უცნობია, რა რაოდენობის ზარალი მიადგათ სტიქიის შედეგად დაზარალებულებს.