Batumelebi | მიდის თუ რჩება ბათუმის მერი ჯემალ ანანიძე მიდის თუ რჩება ბათუმის მერი ჯემალ ანანიძე – Batumelebi
RU | GE  

მიდის თუ რჩება ბათუმის მერი ჯემალ ანანიძე

 

 

ხვალ ბათუმის საკრებულოს ბიურო ქალაქის მერის ჯემალ ანანიძის განცხადების განსახილველად შეიკრიბება. მან საკრებულოს გადაყენების მოთხოვნით დღეს დილით მიმართა. თვითმმართველობის შესახებ საქართველოს ორგანული კანონის თანახმად გადაწყვეტილება საკრებულოს თავმჯდომარემ საკრებულოს წვრთა უმრავლესობის თანხმობით უნდა მიიღოს, ამითვის კი მას ბათუმის 23 წევრიან საკრებულოში მინიმუმ 12 წევრის თანხმობა დასჭირდება. იმ შემთხვევაში კი თუ ჯემალ ანანიძის გადაყენებას უმრავლესობა მხარს არ დაუჭერს, ის თანამდებობაზე დარჩება და „ახალ უმრავლეობასთან დამატებით ვალდებულებებების აღების“ გარდა მენეჯმენტის გადახალისებაზეც იზრუნებს. 

„ მე მივიღებ იმ გადაწყვეტილებას რა გადაწყვეტილებასაც მიიღებს საკრებულო, მოვლენებს წინ ნუ გაუსწრებთ“ – უთხრა ჟურნალისტებს ბათუმის საკრებულოს თავმჯმდომარემ ირაკლი ჩავლეიშვილმა, რომლისთვისაც განცხადება მერის წასვლის თაობაზე სიურპროზი იყო: „ დავურეკე და ვუთხარი ეს რა სიურპროზი მომიწყვე მეთქი“

დააკმაყოფილებს თუ არა ბათუმის საკრებულო ქალაქის მერის ჯემალ ანანიძის განცხადებას გადადგომის თაობაზე ეს 13 ივნისს, ხუთშაბათს საკრებულოს რიგგარეშე სხდომაზე გამოჩნდება.

 

 იმ შემთხვევაში კი თუ საკრებულო ჯემალ ანანიძეს თანამდებობაზე დატოვებს მას ექნება „ვადებულებები ახალი უმრავლესობის მიმართ“ – ამის შესახებ განცხადება ჯერ კიდევ მოქმედმა მერმა დღეს ჟურნალისტებთან საუბრისას გააკეთა:

 

„თუ საკრებულო მიიღებს გადაწყვეტილებას,  რომ  უნდა დავრჩე და  შეიძლება ასეც იყოს, ასეთ შემთხვევაში მე მექნება უკვე ახალი ვალდებულება ახალ უმრავლესობასთან. ამ შემთხვევაში  გარკვეულწილად მენეჯმენტი უნდა გადახალისდეს რომ მერია იყოს აღმასრულებელი ორგანო.“

 

 

მიუხედავად იმისა, რომ ბათუმის საკრებულოში ჯემალ ანანიძის გადაყენება არ გადაყენების საკითხზე საკრებულოს ყოფილი თავმჯდომარის გიორგი კირთაძის გადაყენების დღესვე დაიწყო საუბარი ის ამბობს, რომ გადაწყვეტილება დამოუკიდებლად მიიღო და მასზე არანაირ ზეწოლას ადგილი არ ქონია:

 

„…გადაწყვეტილება მივიღე დამოუკიდებლად ყოველგვარი პარტიული კონსულტაციების გარეშე, რადგან  არცერთი პარტიის წარმომადგენელი არ გახლავართ. გადაწყვეტილება მივიღე იმ პოლიტიკური ვითარებიდან გამომდინარე  რაც ბოლო პერიოდში  ჩვენს ქალაქში და თვითმმართველობაში ვითარდება.  ბათუმის მერის მოვალეობას  არჩევნებამდე ორი თვით ადრე ვასრულებდი, ამ თანამდებობაზე არჩევნების შემდგომ რამდენიმე დღეში დავინიშნე  მაშინ, როცა თვითმმართველობაში იყო ძალთა სხვა თანაფარდობა. ამის შემდგომ ქალაქშიც და პოლიტიკურ წრეებშიც წავიდა საუბარი იმაზე მე უნდა ვყოფილიყავი თუ არა  ახალი გუნდის წევრი ამიტომ ამ პერიოდის განმავლობაში რადგანაც ეს მითქმა-მოთქმა არ შეჩერდა, მათ შორის დეპუტატებს შორისაც, ამიტომ  მივიღე გადაწყვეტილება დამეტოვებინა განცხადება საკრებულოს თავმჯდომარის სახელზე.

ჩემი მუშაობის პერიოდში იყო პლიუსებიც მინუსებიც, იყო გაორებული მუშაობაც და ეს იყო არამარტო ჩემში არამედ მთელი მერიის კოლექტივში.  შეიძლება ქონდეს მნიშვნელობა კონკრეტულ პიროვნებებსაც  თუ ვინ იქნება ქალაქის მერი, რადგან ზოგადად ქალაქის გავითარება არ უნდა შეეწიროს პოლიტიკურ ინტრიგებს.“- ამბობს ჯემალ ანანიძე.

მოუწყობს თუ არა  თავის მხრივ საკრებულოც სიურპრიზს ჯემალ ანანიძეს ამის შესახებ საკრებულოში ჯერჯერობით არ საუბრობენ , ირაკლი ჩავლეიშვილის თქმით „მერს უნდა გამოეცადა ენდობა თუ არა მას თვითმმართველობა და ეს რიგგარეშე სხდომაზე გამოჩნდება.“

 

საკრებულოს „ნაციონალური მოძრაობის“ ფრაქციის „ ბათუმის მომავლისათვის“ თავმჯდომარე გიორგი კირთაძე კომენტარს არ აკეთებს: „ ჯერ ჯემალ ანანიძე არ მინახავს, მოგვიანებით დამორეკეთ.“   საპასუხოს არც ფრაქცია „მაჟორიტარის“ თავმჯდომარეს ნუკრი დოლიძეს სცალია.

პოზიციას მხოლოდ საკრებულოს ფრაქციის „ბათუმისათვის“  თავმჯდომარე ნაზიბროლა ქობულაძე აფიქსირებს: „ მე ვფიქრობ ჯემალ ანანიძემ თანამდებობა უნდა დატოვოს. თუმცა როგორც ჩანს მას აქვს იმედი, რომ დარჩება. “

დღესვე გავრცელდა ინფორმაცია იმის თაობაზე, რომ თანამდებობის დატოვების მოთხოვნით განცხადბები მერიის ზედამხედველობის სამსახურის უფროსმა და ბაღების გაერთიანების დირექტორმაც დაწერეს.

 

ნეტგაზეთის მასალების სხვა გამოცემებში გადაბეჭდვის წესი
ცაგო კახაბერიძე, "ბათუმელები"