ამ წუთებში პოლიცია იმყოფება ხელვაჩაურში, სამკერვალო ფაბრიკა „ბტმ” -ის შენობაში. როგორც ადგილზე მყოფი ჟურნალისტები გვატყობინებენ, მათი ინფორმაციით, „ერთ-ერთ ბრაგადის უფროს ქალს, ერთ-ერთმა ხელმძღვანელმა პირმა (რომელიც თურქეთის მოქალაქეა) სამუშაოს არასათანადო შესრულების მოტივით, შეუსრულებელი სამუშაო მიაყარა. ფაბრიკის თანამშრომლებმა სამუშაო მიატოვეს პროტესტის ნიშნად და გარეთ გამოვიდნენ.“
ადგილზე ხელვაჩაურის პოლიცია მოვიდა და ამ წუთებში თანამშრომლები პოლიციაში იმყოფებიან. შენობასთან მყოფ ჟურნალისტებთან ფაბრიკის ხელმძღვანელობა ჯერ-ჯერობით კომენტარს არ აკეთებს.
ფაბრიკა თურქულ კორპორაცია ATK-ის ეკუთვნის, რომლის შვილობილ კომპანიას საქართველოში BTM Textile წარმოადგენს.
„ბათუმელები” მომხდარ ფაქტს ამოწმებს და უახლოეს წუთებში მოგაწვდით განახლებულ ინფორმაციას.
