ბათუმელები
დაზარალებული გადაყვანილია ბათუმის რეფერალურ საავადმყოფოში, ხოლო ბრალდებული დაკავებულია. ბათუმელების ინფორმაციით, დაზარალებულის სიცოცხლეს საფრთხე არ ემუქრება; ამოღებულია ნივთმტკიცებები, მათ შორის დანაც.
შს სამინისტროს პრესსამსახურის ინფორმაციით, ფაქტზე გამოძიება სსკ-ის 19-108 მუხლით – განზრახ მკვლელობის მცდელობა – მიმდინარეობს.
„კარგი იქნებოდა, გიორგი კირთაძე როდესაც დოკუმენტებს, რომლითაც ის უსაბუთოდ აპელირებს, მინიმუმ აჩვენებდეს საზოგადოებას რა წერია იქ. თუმცა ის, რაც ამ დოკუმენტებში წერია, ბუნებრივია, არ არის მათთვის პოლიტიკურად მომგებიანი.
თავდაპირველად გვინდა განვმარტოთ, რომ საზოგადოება არ შევიდეს შეცდომაში. აჭარის არ მთავრობის თავმჯდომარეს არ გამოუყენებია თავისი ექსკლუზიური უფლებამოსილება და 1 ლარად არ გადაუცია არც ერთი ქონება ტურისტულ-ეკონომიკური ინფრასტრუქტურული პროექტის განხორციელების მიზნით.
კირთაძეს რატომღაც არ უხსენებია, რომ მის ჩამოთვლილ ობიექტებიდან 95 % იყო ის 1 ლარად ხალხისთვის გადაცემული ბინები, რომელთა დაკანონებას ისინი უკვე ათეული წლებია ითხოვდნენ და ჩვენ შევძელით ასეული ოჯახის პრობლემის მოგვარება. კირთაძეს, ბუნებრივია, შეგნებულად არც ის განუმარტავს, ჩამოთვლილ ობიექტებში ათეულობით უსახლკაროდ დარჩენილი ეკომიგრანტი ოჯახი რომ შედის, რომელთაც 1 ლარად საცხოვრებელი ბინები საკუთრებაში გადავეცით. კირთაძისთვის არც ერთ-ერთი პრიორიტეტული მიმართულება სოფლის მეურნება და ციტრუსის მიმღების პუნქტებისთვის 1 ლარად გადაცემული ობიექტები აღმოჩნდა. როგორც იცით, აღნიშნული პუნქტები უკვე რამდენიმე წელია ფუნქციონირებს და მეციტრუსეებისთვის მანდარინის რეალიზაციის ეფექტური საშუალებაა.
აჭარის მთავრობა ხელს უწყობს რეგიონში ბიზნესის განვითარებას, როგორც იცით, აწარმოე საქართველოში პროგრამა მიმდინარეობს, რომლის მსგავსი პროექტისთვის გაიცა ქონებები და დღეს წარმატებით ფუნქციონირებს. გვინდა ხაზი გავუსვათ, რომ აჭარის მთავრობის მიერ 1 ლარად ობიექტების გაცემა სოციალური და ეკონომიკური მიზნით განხორციელდა.
წინა მთავრობა ძალიან ხშირად 1 დღით ადრე დარეგისტრირებულ გაურკვეველი წარმომავლობის კომპანიებს საკუთრებაში მილიონიან ქონებებს გადასცემდა, რომელთაგან ზოგიერთმა საერთოდ ვერც კი დაიწყო პროექტის განხორციელება და მათთან ხელშეკრულება გაუქმდა. იგივე ქონებები ახალ ბულვარში გამოტანილი იქნა ელექტრონულ აუქციონზე, კონკრეტული მყიდველების მიერ გადახდილი იქნა საბაზრო ღირებულება და ამ დროისთვის 50 მლნ დოლარის საინვესტიციო პროექტი მიმდინარეობს.
რაც შეეხება მაღალი კლასის სასტუმროებს: “კემპინსკს”, “ჰილტონს”, “შერატონს”, “რადისონ ბლუ ბათუმს” – 1 ლარად აღნიშნული ქონებები თავის დროზე არ გაცემულა.
კიდევ ერთხელ მოვუწოდებთ გიორგი კირთაძეს, ნუ შეიყვანს საზოგადოებას შეგნებულად შეცდომაში. აჭარის ფინანსთა და ეკონომიკის სამინისტრო ავრცელებს დოკუმენტებს, რომელიც ადასტურებს, რომ კირთაძის მიერ ჩამოთვლილი ობიექტები 1 ლარად არ გაყიდულა“.
შს სამინისტრომ ინფორმაციის გავრცელებისთანავე, ანუ 2 ნოემბერსვე განმარტა, რომ რევაზ ტაკიძის განცხადებაზე გენერალურმა ინსპექციამ მოკვლევა დაიწყო. „ბათუმელების“ კითხვაზე, 3 ნოემბრის სამუშაო დღის დასრულების დროისთვის გამოკითხა თუ არა გენერალურმა ინსპექციამ რევაზ ტაკიძე, რომელმაც პოლიციელების მხრიდან არაადამიანურ მოპყრობაზე გააკეთა განცხადება, შს სამინისტროს პრესცენტრში უპასუხეს: „მიმდინარეობს შესწავლა“.
მოქალაქე რევაზ ტაკიძემ აჭარის ტელევიზიას უთხრა, რომ ის სარფის სასაზღვრო გამშვებ პუნქტზე დააკავეს პოლიციელებმა ყაჩაღობის აღიარების მოთხოვნით, ხოლო ქობულეთის პოლიციაში სასტიკად გაუსწორდნენ:
„27 რიცხვში დამაკავეს სარფის გამშვებ პუნქტზე ანთაძემ და დიასამიძემ. გამომიყვანეს ქობულეთის პოლიციაში. შაქარიშვილი იჯდა იქ და მკითხა, მე მიცნობ ბიჭო? მე მგონი ირაკლი ხარ შაქარიშვილი-მეთქი. მომკლა ცემაში, მაგინებდა, გამაგდენ პოლზე. სასაკლაოზე ხარ მოყვანილი, თუ იცი შენო. შარვალი გამხადა ბუტა ანთაძემ, გაუპატიურებით მემუქრებოდა, მაცივრიდან გამოღებულ ცივ წყალს მასხამდნენ. არაფერი არ ვიცოდი ყაჩაღობის შესახებ. თქვი, რომ შენ იყავიო, თუ არა წამლით გაგივსებ ჯიბეებს და მაინც გაგიშვებ „სროკზეო“.
თავდამსხმელებმა ოჯახიდან 300 ლარი წაიღეს.
შს სამინისტრო ბენზეში ოჯახის ძარცვის ფაქტს ადასტურებს. პრესცენტრის ცნობით, ბენზეს დასახლებაში ნამდვილად მოხდა წუხელ ძარცვა. შესაბამისად, ძიება 178-ე მუხლით დაიწყო.
<!** Image 1 align="" alt="ნათია ზოიძე" sub="ნათია ზოიძე" width="450" height="1536" >350 ათასი ლარი დაიხარჯა ბათუმობის დღესასწაულზე. მომავალ წელსაც იგივე თანხა შეიძლება დაიხარჯოს. რაც ვნახეთ – ბათუმობის დღესასწაულის მსგავს ღონისძიებაში 350 ათასი ლარის დახარჯვა რამდენად ეფექტურია?
ფული რამდენად ეფექტურად იხარჯებოდა, ეს ჩანს ბიუჯეტის შესრულების ანგარიშითაც. ჯერ 9 თვის შესრულების ანგარიში არ გვაქვს, მაგრამ გავეცანი 6 თვის შესრულების ანგარიშს და ამის მიხედვით, ბათუმის მერიამ ვერ აითვისა საკმაოდ ბევრი თანხა – ბიუჯეტი 80%-ით შეასრულეს. ამას აქვს გარკვეული სუბიექტური და ობიექტური მიზეზები, ერთ-ერთი მიზეზი კი არის პროგრამების დაგეგმვა: ისეთი დღესასწაული, როგორიც არის ბათუმობა, რომელიც აღინიშნება ყოველწლიურად, ან ახალი წელი, არ შეიძლბა იყოს დაუგეგმავი.
მიუხედავად იმისა, რომ ქალაქმა, მოგვწონს თუ არ მოგვწონს, გააჩინა ბათუმობის დღესასწაული და ვიცით, რომ ის იქნება შემოდგომაზე ან გაზაფხულზე, არ შეიძლება ბათუმის საკრებულომ ამ ღონისძიებებისთვის თანხა დააზუსტოს 6 დღით ადრე.
წლევანდელ მაგალითზე ვამბობ – ერთი კვირის შუალედში დამტკიცდა ბათუმობის დღესასწაულისთვის გამოყოფილი თანხა. კარგად მახსოვს, თავის დროზე არც უმრავლესობას მოეწონა ბიუჯეტში წარმოდგენილი ცვლილებები, რამდენიმე წევრი ფიქრობდა კიდეც, რომ არ მიეცა ხმა იმ ცვლილებებისთვის, მაგრამ შემდგომ პოლიტიკოსებმა მიმართეს სხვადასხვა ხრიკს და მაინც დაუჭირა მხარი საკრებულომ ამ პროექტს. ეს მოხდა აგვისტოში – ბათუმობისთვის ჯამში 350 ათასი ლარი გამოიყო. როდესაც ხუთი დღით ადრე გამოიყოფა თანხა, ხომ უნდა გამოვლინდეს კომპანია, რომელიც ჩაატარებს ამ ღონისძიებას? – ანუ ფორსმაჟორში ჩაიარა პროცესმა.
სოციალურ ქსელში ბევრი ბათუმელის, ბევრი სტუმრის კომენტარი წავიკითხე იმის შესახებ, რომ ისინი უფრო ბევრს მოელოდნენ, ვიდრე იყო ბათუმობაზე. 350 ათასი ლარის ძალიან არაეფექტურად ხარჯვის მომსწრენი გავხდით – არაფერი განსაკუთრებული არ ყოფილა ბათუმობაზე: მე, პირადად, ისიც კი არ მეგონა საერთოდ თუ მოესწრებოდა. 2 დღით ადრე 350 ათასი ლარი როგორ უნდა დახარჯო უკეთესად?
ბოლო წლებია სულ გვესმის მსგავსი პოლიტიკის კრიტიკა, მაგრამ ამის მიუხედავად მუნიციპალური ორგანოების ხელმძღვანელები არჩევენ ფული მაინც ფორსმაჟორში დახარჯონ. ეს რისი მაჩვენებელია?
სამწუხაროდ, ასეა. პროგრამების პრეზენტაციაზე ჩანს, რომ შესაბამისი სამსახურების წარმომადგენლებს ამაზე არ აქვთ ნამუშევარი. მათი პრეზენტაციები არის შეჯიბრი წაკითხვაში. მერიის სამსახურების ხელმძღვანელებისგან, ფაქტობრივად, ერთხელაც არ მომისმენია კონკრეტულ პროგრამაში გაწერილი ციფრი რა მსჯელობის შედეგად მიიღეს. მაგალითად, ინფრასტრუქტურული პროგრამების პრეზენტაციას რუკებიც კი არ ახლავს, დავუშვათ რომელი ქუჩის რომელი მონაკვეთი უნდა გაკეთდეს. არც ერთ პროგრამას არ ახლავს კვლევა.
ამიტომაც გვაქვს, მაგალითად, ტურისტულ სეზონზე ამდენი დაუგეგმავი პროექტი, იგივე რეკლამის ფესტივალი ავიღოთ. ამ ფესტივალზე ბათუმმა დაახლეობით 406 ათასი ლარი დახარჯა. ფესტივალი 23 სექტემბერს იყო დაგეგმილი, ხოლო საკრებულომ აგვისტოს ბოლოს გადაწყვიტა თანხის გამოყოფა ფესტივალისთვის.
ასევე ჰიტ სეზონი, რომლისთვისაც დაუგეგმავად 3,4 მილიონი ლარი გამოიყო. რა თქმა უნდა, ბიუჯეტის კორექტირება შესაძლებელია, მაგრამ ბუჯეტის შედგენის დროს, პირობითად, რამდენიმე ათასი ლარი გაითვალისწინო და შემდეგ დაუგეგმავი შემოსავლების ხარჯზე მილიონები ხარჯო ფოსმაჟორში, ამას რა შეიძლება უწოდო?- მინიმუმ არაეფექტური ხარჯვა.
ანგარიშის გაცნობის შემდეგ ვნახავთ, რა შედეგი გამოიღო ასეთ ფორსმაჟორულ სიტუაციაში ჩატარებულმა ფესტივალმა ბათუმისთვის. საერთოდ არანაირი გათვლა, სტრატეგია არ არსებობს, თუ რას მოიტანს მსგავსი ფესტივალები. განმარტებითი ბარათიც კი ძალიან ზოგადი იყო, არაფერი ეწერა შედეგზე – რას გაზრდის, როგორ გაზრდის… მე ამ ფესტივალს არ დავსწრებივარ, შესაძლოა ძალიან კარგიც იყო, მაგრამ ერთი რამ ზუსტად ვიცი – ფორსმაჟორში დაგეგმილი ღონისძიება ვერ გამოიღებს რეალურ შედეგს.
რატომ ხდება ასე – კვალიფიკაციის დეფიციტი გვაქვს, თუ სხვა რამე მიზეზიც არსებობს?
მოთხოვნა არ არის. ბიუჯეტში კვლევებისთვის თანხა არასდროს არ არის გამოყოფილი, ეს ყოველთვის ზედაპირულ საქმედ მიაჩნიათ. რეალურად კი, კვლევების გარეშე არაფრის გაკეთება არ შეიძლება.
იგივე სოციალურ სახლზე ვიტყვი, აქაც იგივე პრობლემა გვაქვს – პროექტი მიზნობრივ პროგრამებში ისე ჩასვეს, რომ არავის დაუდგენია საჭიროება, ბათუმის მოსახლეობას სჭირდება წმინდა წყლის სოციალური სახლი თუ სჭირდება იაფი სახლი.
დღეს ბათუმის ვიცე-მერმა, ალექსანდრე მითაიშვილმა თქვა, რომ მომავალი წლის ბიუჯეტში რეკლამის ფესტივალისთვის ფული არ არის ჩადებული, მაგრამ არ არის გამორიცხული, რომ გაისად შეიცვალოს ბიუჯეტი და გაჩნდეს საჭირო თანხა. ანუ შეიძლება მომავალშიც ფორსმაჟორულად გამოიყოს და დაიხარჯოს, მაგალითად, 400 ათასი ლარი. ეს რას ნიშნავს?
ფორსმაჟორულად თანხის გამოყოფა აჩენს ეჭვებს კორუფციასთან მიმართებაში – რატომ უნდა გამოიყოს ფორსმაჟორულად? თუკი ჩვენ დავადგინეთ, რომ რეკლამის ფესტივალმა წელს მოგვცა შედეგი, რატომ არ უნდა გაკეთდეს ის მომავალში? თუ ისიც ვერ დავადგინეთ, როგორი ეფექტი მოგვცა – ცუდი თუ კარგი, მაშინ რატომ უნდა ჩატარდეს? სწორედ ეს არის პრობლემა, რომ ფორსმაჟორულ სიტუაციაში მიყავთ პროცესი, არ აცხადებენ ტენდერებს, გამარტივებული შესყიდვის ფორმას იყენებენ… ამიტომაც გვაქვს მოუმზადებელი ფესტივალები და ბათუმობის დღესასწაულები.
სტუდენტური დასაქმების პროგრამაზე მინდა გკითხოთ – წელს გამოყოფლი იყო 120 ათასი ლარი. თქვენი აზრით, რამდენად ეფექტურია ეს პროგრამა თავად სტუდენტებისთვის – პროგრამის ხელმძღვანელს უნივერსიტეტიდან ნათქვამი აქვს, რომ კარგი იქნება, თუ სტუდენტებს პროფესიული ზრდის შესაძლებლობა მიეცემა პროგრამის ფარგლებში, თუმცა ეს ასე არ ხდება.
სტუდენტური დასაქმების პროგრამა შეიძლება იდეაში კარგი პროგრამაა, მაგრამ ცუდად განხორციელებული პროგრამა ვერ მოიტანს ეფექტს. მე კარგად მახსოვს, ადრეც იყო ასეთი პრაქტიკა, როდესაც არჩევნების წინ, 3 თვით ასაქმებდნენ სტუდენტებს და აძლევდნენ 200-200 ლარს, მაგრამ რეალურად მათ იყენებდნენ როგორც აგიტატორებს. ვფიქრობ, სახელმწიფო პოლიტიკა სტუდენტური პროგრამების შესახებ უნდა იყოს ამ პროგრამების დახვეწისკენ მიმართული. ჩემი აზრით, ეს პროგრამები არის ძალიან საჭირო, მაგრამ ცუდად განხორციელებული პროგრამებით ეფექტს ვერ მივიღებთ.
ახალ ბიუჯეტში თქვენს ყველაზე დიდ კრიტიკას რა იწვევს?
სოციალური სახლის პროგრამა, რომელზეც ბევრი ვიმუშავე. უცნობია როგორ აპირებენ იმ 80 ოჯახის შერჩევას, ვინც შეიძლება იყოს პროგრამის სამიზნე კატეგორია. არ ჩაუტარებიათ კვლევა, რაც აჩენს კორუფციის მექანიზმს. პროგრამის ამ ფორმით განხორციელებამ შეიძლება ხელი შეუშალოს სამშენებლო ბიზნესს, რომელთა სეგმენტი საშუალო და დაბალშემოსავლიანი მოქალაქეები არიან. ყველაზე მთავარი კი არის ის, რომ პროგრამების წერისას არ აკეთებენ ანალიზს – წინა წლის ანალიზსაც კი. უბრალოდ, ბიუჯეტიდან ბიუჯეტში გადადის ციფრები.
ერთადერთი, არჩევნების პერიოდის პრაქტიკამ რაც გვიჩვენა, საარჩევნო წელში იზრდება, მაგალითად, სოციალური პროგრამების დაფინანსება. ამ წესს ვერც წელს ღალატობს 2016 წლის ბიუჯეტის პროექტი.
მრჩება შთაბეჭდილება, რომ ადგილობრივი თვითმმართველობა არ არის ადგილობრივი თვითმმართველობა. ფაქტობრივად, არ არსებობს ინიციატივები თვითმმართველობებში. ვერასოდეს მოვისმინე, რომ, ვთქვათ, რაღაც პროგრამამ არ გამართლა და მას ვცვლით სხვა პროგრამით. მიზნობრივმა პროგრამამ რაღაც პრობლემა ხომ უნდა შეამციროს? – მაგრამ ჩვენ ანგარიშებში ვერ ვისმენთ პროგრამების მიერ შემცირებულ პრობლემებზე, შესაბამისად, ვერც პროგრამების სხვა მიმართულებით ტრანსფორმირებაზე. ფაქტობრივად, 10 წელია ერთი და იმავე შინარსის მიზნობრივ პროგრამებს ახორციელებს ბათუმის მერია.
ანგისის სპორტული ბაზა
ტენდერი ოთხჯერ
ბათუმში 20 000-მაყურებლიანი ოლიმპიური სტადიონის აშენება იგეგმებოდა. სპორტული ბაზის აშენება აჭარის ფინანსთა და ეკონომიკის სამინისტროს ეწადა და გარკვეული თანხაც დახარჯა მის პროექტირებაზე. საბოლოო ჯამში კი, ბათუმში ოლიმპიური სტადიონი აღარ აშენდება, როგორც მინისტრმა დავით ბალაძემ განაცხადა, აშენდება 20 000-მაყურებლიანი, მხოლოდ ფეხბურთისთვის განკუთვნილი სტადიონი. ხელახლა გასავლელია პროექტის მომზადებისა და შერჩევის ეტაპიც, რასაც ასევე ფინანსები დასჭირდება.
სწორედ იმ პერიოდში, როცა ოლიმპიური მოედნისთვის აჭარის ფინანსთა და ეკონომიკის სამინისტროში პროექტებს არჩევდნენ, ბათუმის მერია ცდილობდა კიდევ ერთი სპორტული დანიშნულების ობიექტის მშენებლობის შესყიდვას ანგისის დასახლებაში, რომლისთვისაც თანხა – 2 მილიონ 500 ათასი ლარი ბათუმის ბიუჯეტში ჯერ კიდევ 2014 წელს გამოიყო. თუმცა მაშინ ბათუმის მერიამ ვერ შეისყიდა სამუშაოები და მერიის მუდმივმოქმედმა სატენდერო კომისიამ 28 ნოემბერს გამოცხადებული ელექტრონული ტენდერი იმ მიზეზით შეწყვიტა, რომ შპს „ხაგმა“, რომელიც არ მონაწილეობდა ტენდერში, გამოთქვა შემდეგი მოსაზრება: „ტექნიკური და ფინანსური პირობები მორგებული იყო კერძო კომპანიაზე“.
2015 წლის 4 მაისს მერიამ ისევ გამოაცხადა ელექტრონული ტენდერი, ამჯერად გაზრდილ თანხაზე – 5 მილიონ 330 ათას ლარზე, შეცვლილი პროექტით, რაც ითვალისწინებდა ორი საფეხბურთო მოედნისა და 1575-ადგილიანი ტრიბუნის მქონე სპორტული კომპლექსის მშენებლობას. როგორც ბათუმის ვიცე-მერმა ბაგრატ მანველიძემ „ბათუმელებს“ უთხრა, 5 330 000-ლარამდე თანხა მერიის ბიუჯეტში არსებული ეკონომიის ხარჯზე გაიზარდა.
ისევე როგორც წინა ტენდერში, აქაც ერთი – აზერბაიჯანული კომპანიის საქართველოს წარმომადგენლობა „კონვენტ ჯორჯია“ მონაწილეობდა. სატენდერო კომისიის ოქმში წერია, რომ შერჩევა-შეფასების ეტაპზე კომპანიამ ვერ წარადგინა სატენდერო დოკუმენტაციით გათვალისწინებული რიგი დოკუმენტები, მათ შორის, ხელშეკრულების შემადგენელი აუცილებელი დოკუმენტი – საბანკო გარანტია, ფასების ცხრილი, კომპანიის გამოცდილების შესახებ დოკუმენტი. ამის გამო კომპანიამ სამუშაოები ვერ შეისყიდა და ტენდერი ისევ უარყოფითი შედეგით დასრულდა.
2015 წლის 15 ივლისს მერიამ მესამედ, ახლა უკვე გამარტივებული ელექტრონული ტენდერი გამოაცხადა აჭარის მთავრობის #105 განკარგულების საფუძველზე, ისევ 5 330 000 ლარზე. ტენდერში მონაწილე ერთადერთ კომპანიას – „ენერგოსექტორმშენს“ წარდგენილი დოკუმენტები არ ჩაეთვალა გამოცდილებად და ტენდერი ისევ უარყოფითი შედეგით დასრულდა. „იმის გამო, რომ არ იღებდნენ მონაწილეობას კომპანიები, მერიამ ტენდერის პირობები გაამარტივა, გავზარდეთ პროექტი და სამშენებლო სამუშაოების მოცულობა, დაემატა შენობა, სართულები, მოედანი“, – თქვა ბაგრატ მანველიძემ, რომელიც ამავე დროს არის ბათუმის მერიის მუდმივმოქმედი სატენდერო კომისიის თავმჯდომარეც.
იმავე რაოდენობის თანხაზე ტენდერი გამარტივებული წესით ბათუმის მერიამ მეოთხედ 25 აგვისტოს გამოაცხადა. ამჯერად მასში ორი კომპანია მონაწილეობდა, მოსკოვში რეგისტრირებული კომპანია „ООО ЛИТОМ“ და ისევ ენერგოსექტორმშენი“. ტენდერი „ენერგოსექტორმშენმა“ მოიგო.
ხელშეკრულება
„ენერგოსექტორმშენსა“ და ბათუმის მერიას შორის ხელშეკრულება 2015 წლის 23 სექტემბერს გაფორმდა, რომელსაც ბათუმის ვიცე-მერმა ბაგრატ მანველიძემ და კომპანიის დირექტორმა აკაკი შეყილაძემ მოაწერეს ხელი. კომპანიამ ანგისის სპორტული ბაზის მშენებლობა 4 899 998 ლარად 2016 წლის 16 ნოემბრამდე უნდა დაასრულოს.
ანგისის სპორტული ბაზის პროექტი
ანგისის სპორტული ბაზა 1950-წლებში აშენდა და უკავია 7,5 ჰექტარი. მასში შედიოდა ორი მოედანი მორაგბეებისთვის (თითოეული 120X70 მეტრის) 1200-ადგილიანი ტრიბუნით, ფეხბურთის მოედანი 110X75 მეტრზე), მშვილდოსნობის არენა, ორი ორსართულიანი ადმინისტრაციული შენობა, სადაც ერთში, პირველ სართულზე, მოწყობილი იყო ჭიდაობის დარბაზი (30X10 მეტრზე). ამჟამად ბაზაზე ფუნქციონირებს რაგბის ერთი მოედანი, მშვილდოსნობის არენა და ადმინისტრაციული შენობა საჭიდაო დარბაზით. ანგისის სპორტულ კომპლექსში რამდენიმე ობიექტს ჩაუტარდება სარემონტო სამუშაოები. მშენებლობის ორგანიზების პროექტში აღნიშნულია, რომ საჭიდაო დარბაზის, რაგბის მოედნისთვის 300-ადგილიან მაყურებელთა ტრიბუნის მშენებლობა და მშვილდოსნობის არენის რეკონსტრუქცია რეაბილიტაცია ამ ეტაპზე არ იგეგმება. სამუშაოები შეეხება იმ ტერიტორიას, რომელსაც ამჟამად რაგბის მოედნად იყენებენ. ამ ტერიტორიაზე ბუნებრივ და ხელოვნურსაფარიანი ფეხბურთის ორი მოედანი მოეწყობა და თითოეულ მათგანს ექნება განათება, სადრენაჟე და სარწყავი სისტემა. განთავსდება 4-სართულიანი ადმინისტრაციული ობიექტი. ტექტნიკურ პირობებში, რომელიც ხელშეკრულებას თან ახლავს და მის განუყოფელ ნაწილს წარმოადგენს, ანგისის სპორტული ბაზა შემდეგნაირად არის აღწერილი: „სპორტული ბაზა მდებარეობს ანგისის დასახლებაში, ბათუმი-სარფის მიმართულების ტრასის სამხრეთ-აღმოსავლეთით, ჩრდილოეთიდან ემიჯნება მდინარე მეჯინისწყალი, სამხრეთით არხი და აღმოსავლეთით რამდენიმე კერძო მფლობელის ნაკვეთი. ტერიტორიაზე დაპროექტებულია 1575-ადგილიანი სამაყურებლო ტრიბუნა ზომებით 70.40X26.30მეტრი, ბუნებრივსაფარიანი ძირითადი მოედანი ზომებით 68X105მ და ხელოვნურსაფარიანი სათადარიგო საფეხბურთო მოედანი 63X105მ. ბათუმი-სარფის ტრასის მხარეს, ტერიტორიის დასავლეთ ნაწილში განთავსებული იქნება ადმინისტრაციული შენობა“.
ანგისის სპორტული ბაზის მდებარეობა რუკაზე
ანგისის სპორტული ბაზის პროექტი – ადმინისტრაციული შენობა
ანგისის სპორტული ბაზის პროექტი – მოედნები
ანგისის სპორტული ბაზის პროექტი – ტრიბუნები
ადმინისტრაციულ შენობაში განთავსდება მსაჯთა, მწვრთნელთა, მატჩის დელეგატის, მედპერსოლანის, დაცვის ოთახები, საშხაპეები, სველი წერტილები, შემნახველი საკნები, სავარჯიშო დარბაზები, საწყობები, სალარო, სასტუმრო ნომრები, კაფე-ბარი, საუნა, დამხმარე სათავსოსები.
მეოთხე სართულზე, ტრიბუნის ცენტრში, განთავსდება სამაყურებლო ბაქანი. ტექნიკურ პირობებში ასევე აღწერილია: „ბაზის ტერიტორიაზე მთავარი შესასვლელი დარჩება არსებულ ადგილას, ჩრდილო დასავლეთ ნაწილში. ტერიტორიის შესასვლელთან, მისგან სამხრეთით განთავსდება პარკინგი პერსონალისა და მედიისთვის, რომელიც შეადგენს 20 ადგილს. ხოლო პარკინგები მაყურებლებისთვის განთავსებულია ბაზის მთავარი შესასვლელისკენ მიმავალი გზის ორივე მხარეს – ადმინისტრაციული შენობის ჩრდილოეთით 62 ადგილი და ამავე შენობის სამხრეთით – 77 ადგილით. ბაზის ტერიტორიას ბათუმი-სარფის ტრასასთან აკავშირებს 6 მეტრი სიგანის 4 კიბე, ამ საფეხურების სამხრეთით და ჩრდილოეთით – ორი პანდუსი. მისგან აღმოსავლეთით განთავსებულია ძირითადი და სათადარიგო საფეხბურთო მოედნები.
მოედნების განათებისთვის განთავსდება 6 განათების ბოძი, რომელიც დამონტაჟდება სამშენებლო სამუშაოების დასრულების მერე. ბაზის მთლიანი ტერიტორია შემოღობილია ქუჩის გასწვრივ ლითონის ღობით, ხოლო დანარჩენი მხრდიდან – ქვის კაპიტალური ღობით. სამაყურებლო ტრიბუნა გათვლილია 1575 ადგილზე, ზომით 70.40X26.30მ. ტრიბუნა დაყოფილია 5 სექტორად. სექტორებზე ადგილები გადანაწილებულია შემდეგნაირად: სექტორი #1 – 72 ადგილი; სექტორი #2 – 528 ადგილი; სექტორი #3 – 375 ადგილი, მდებარეობს ტრიბუნის შუა პრესტიჟულ ნაწილში და თავის მხრივ, დაყოფილია შემდეგ ქვეზონებად: ა) 12-ადგილი შეზღუდული შესაძლებლობის მქონე პირებისთვის; ბ) 272 ადგილი სტუმრებისთვის; გ) 91 ადგილი მასმედიისთვის; სექტორი #4 – 528-ადგილიანი იქნება ხოლო სექტორი #5 – 72-ადგილიანი. ტრიბუნის შუა ნაწილში განთავსდა დახურული ბაქანი, რომელზეც, საჭიროებების შემთხვევაში, შესაძლებელია დამატებითი 125 ადგილის მოწყობა. ბაქანზე და მასმედიის ადგილებისთვის გათვალისწინებულია დამოუკიდებელი შესასვლელები“.
ანგისის სპორტული ბაზა
P.S. ანგისის სპორტული ბაზის პროექტის მშენებლობა 3 ოქტომბერს დაიწყო. ამჟამად აშენებენ ადმინისტრაციულ შენობას. ბაგრატ მანველიძის თქმით, “მორაგბეები გონიოში გადავიდნენ სავარჯიშოდ. სპორტსმენების ნაწილი იქვე ვარჯიშობს, რადგან ეს მშენელობის პროცესს, ჯერჯერობით, არ უშლის ხელს”.
სასესხო ხელშეკრულების მიხედვით, აღნიშნული სესხი შეღავათიანია და მისი დაფარვის პერიოდია 11 წელი. გაწერილი გრაფიკის მიხედვით გადახდა დაიწყება 2029 წელს და დასრულდება 2039 წელს. სასესხო ხელშეკრულება კი ძალაში 2015 წლის დეკემბერში შევა.
პროექტით დაგეგმილია ნაპირსამაგრი კონსტრუქციის მშენებლობა ბათუმში. ასევე გარკვეული სამუშაოები ქობულეთის ნაპირსამაგრი პროექტის მოსამზადებლად. პროექტის დასრულების მოსალოდნელი თარიღია 2019 წლის 31 დეკემბერი.
ნაპირდაცვის სამუშაოები გასული წლიდან დაწყებულია კვარიათსა და სარფში. აქ სანაპირო ზოლის გასწვრივ აღდგენა-გამაგრების, გზის ქვის ცვენისგან დაცვისა და ფერდობების გამაგრების სამუშაოები ქვეყნის ბიუჯეტიდან გამოყოფილი თანხით მიმდინარეობს. ამ მონაკვეთისთვის მთლიანი პროექტის ღირებულება – რომელსაც საქართველოს რეგიონული განვითარებისა და ინფრასტრუქტურის სამინისტროს დაკვეთით, შპს „სახელმწიფო სამშენებლო კომპანია“ ახორციელებს – 58 მილიონზე მეტი ლარია.
გიორგი კირთაძე: ხაბაძემ აჭარის ტელევიზიას უთხრა, რომ არაფერი 1 ლარად არ გაუცია. მე კი ამოვიღე ხაბაძის 1 ლარად გაცემული, ზოგადად, პირდაპირი მიყიდვის წესით გაცემული ობიექტების ჩამონათვალი და აღმოჩნდა, რომ 200-ია ჯამში. მართალია, აქედან რაღაცა ნაწილი არის საცხოვრებელი ბინები, მაგრამ საკმაოდ ბევრი მიწის ნაკვეთი და ობიექტია, რომლებიც 1 ლარად აქვს გადაცემული ვიღაცებზე. მათ შორის, მაგალითად, სკვერი ჯავახიშვილის ქუჩაზე, მანამდე ხიმშიაშვილებს გადასცა გორკის ბოლოში მიწის ნაკვეთი, ჩაქვში გასცა ნაკვეთები. ასევე გასცა პავილიონები.
რაც შეეხება ანბანის კოშკთან დაკავშირებით მის მიერ გაკეთებულ განცხადებას, სასაცილო სიტუაციაა – „ატკატებზე“ ლევანს [ვარშალომიძე] ადანაშაულებს ესპანელებთან, მაშინ, როცა იმავე ესპანელებს თვითონ 1 ლარად გადასცა ანბანის კოშკი. ეს ობიექტი პირობის მიხედვით აქამდე უნდა ამუშავებულიყო, მაგრამ ჯერ კიდევ არ მუშაობს.
რომ დავაკონკრეტოთ, თქვენ ეხმაურებით არჩილ ხაბაძის განცხადებას თუ, ზოგადად, სახელმწიფო ქონების 1 ლარად გაცემის პოლიტიკას აპროტესტებთ?
ეს არის განცხადება ხაბაძის არაადეკვატურ განცხადებაზე. მან თქვა, რომ არასოდეს ქონება 1 ლარად არ გაუცია. მე მაქვს ქონებების ჩამონათვალი, რომლებიც ხაბაძემ 1 ლარად გასცა და მათი რაოდენობა 200-ს აღწევს. როცა ლაპარაკობს ესპანელებთან „ატკატებზე“, მე ვეუბნები, რომ ესპანელებს თავად გადასცა ეს ქონება 1 ლარად. არ ვიცი რა ხდება, ხაბაძეს ან არ ახსოვს, ან დაიღალა, ყოველ შემთხვევაში, ვერ ვხვდები, მსგავს განცხადებებს რატომ აკეთებს. 1 ლარად გადაცემულ ქოებებზე როცა ლაპარაკობს ლევან ვარშალომიძის მხრიდან, ამ ადგილებზე აშენდა რედისონი, ჰილტონი, შერატონი, კემპინსკი. ხოლო მის მიერ 1 ლარად გაცემულ ქონებებზე ვნახოთ საერთოდ ერთი რამე თუ არის გაკეთებული.
შერატონის მოცულობის ინვესტიცია თუ იქნება ჩვენს ქალაქში, არ ვარ წინააღმდეგი მთავრობამ 1 ლარად გასცეს ქონება. მაგრამ როცა ბიძაშვილს ან მეგობარს აძლევ, მაშინ არ არის ალბათ სწორი.
ანუ თქვენ ამბობთ, რომ არჩილ ხაბაძემ სახელმწიფო მიწის ნაკვეთები თავის ბიძაშვილებს გადასცა?
არა მხოლოდ. პავილიონები ბიძაშვილ-მამიდაშვილს გადასცეს, მართალია არა ხაბაძის, მაგრამ მთავრობის წევრების ბიძაშვილებს – მინისტრებისა და მათი მოადგილეების ნათესავებს.
შეგიძლიათ კონკრეტული გვარები გვითხრათ?
ირაკლი ჭეიშვილი [ბათუმის საკრებულოს თავმჯდომარე] ამტკიცებს, რომ ხიმშიაშვილებიც ჩემი მეგობრები არიან და აჩიკოცო. 1 ლარად ქონება სწორედ ხიმშიაშვილებს მისცეს გორკის ბოლოში. სკვერი რომ გადასცა ჯავახიშვილზე 1 ლარად, იქაც რაღაცა ხდება, ზუსტად ვერ ვიტყვი, მაგრამ რაღაც „ცეპოჩკები“ აქვთ იმ ჯგუფთან… მაგრამ ამას თავი რომ დავანებოთ, საინტერესოა რა შედეგი მივიღეთ?
როგორც მთავრობა ამბობს, შედეგი იქნება ის, რომ აშენდება კომპლექსები, დასაქმდება ხალხი და ადამიანებს მიეცემათ ღირსეული ბინადრობის შესაძლებლობა. როგორც მე ვიცი, დაანონსებულია საკმაოდ დიდი პროექტები და შედეგებიც 2-3 წელიწადში იქნება. ასე არ არის?
მაგ ტერიტორიაზე შენდება საცხოვრებელი სახლები, ხოლო ლევან ვარშალომიძის გადაცემულ ნაკვეთებზე საცხოვრებელი სახლები კი არ აშენდა, არამედ სასტუმროები.
მე მახსოვს, ლევან ვარშალომიძემ კომპანია სისთემ ინშაათს 1 ლარად ბათუმის დრამატული თეატრის გვერდით მიწის ნაკვეთი სწორედ საცხოვრებელი კომპლექსის ასაშენებლად გადასცა, რასაც მოჰყვა მასშტაბური აქციები. თქვენ სწორედ მაშინ იყავით საკრებულოს თავმჯდომარე. მაშინ რატომ ვერ აღიქვამდით ამას პრობლემად?
სისთემ ინშაათი, მე როგორც მახსოვს, მარტო საცხოვრებელი სახლი არ უნდა იყოს – მრავალფუნქციური კომპლექსია, რაც საცხოვრებელსაც მოიცავს. თან ლაპარაკი იყო იმაზე, რომ ქალაქისთვის სიმაღლეში წასვლა სადაც მნიშვნელოვანი იქნებოდა, იქ მიეცათ… და არა საცხოვრებელი სახლისთვის. მე ასე მახსოვს, რომ ეს არ არის საცხოვრებელი კომპლექსი.
აღსანიშნავია, რომ „ევრო-1“ [Eur.1] სერტიფიკატს 2014 წლის პირველი სექტემბრიდან მხოლოდ საქართველოს ფინანსთა სამინისტროს სსიპ შემოსავლების სამსახური გასცემს, თუმცა ზემოაღნიშნული პუნქტი „საქართველოს სავაჭრო-სამრეწველო პალატის შესახებ“ კანონში დღემდე რჩებოდა.
პარალელურად, აჭარის ავტონომიური რესპუბლიკის უმაღლესმა საბჭომ უნდა უზრუნველყოს „აჭარის ავტონომიური რესპუბლიკის სავაჭრო-სამრეწველო პალატის შესახებ“ კანონის საქართველოს კანონთან შესაბამისობა. იგივე უნდა გააკეთოს აფხაზეთის ავტონომიური რესპუბლიკის უმაღლესმა საბჭომაც – „აფხაზეთის ავტონომიური რესპუბლიკის სავაჭრო-სამრეწველო პალატის შესახებ“ კანონთან მიმართებაში.
2014 წლის 1 სექტემბრამდე EUR.1 წარმოშობის სერტიფიკატს შემოსავლების სამსახურთან ერთად გასცემდნენ ეკონომიკისა და მდგრადი განვითარების სამინისტრო, სავაჭრო სამრეწველო პალატა და აჭარის ავტონომიური რესპუბლიკის ეკონომიკის სამინისტრო.
2014 წლის პირველი სექტემბრიდან ძალაში შევიდა საქართველოსა და ევროკავშირს შორის ასოცირების შესახებ შეთანხმების ძირითადი ნაწილი, ღრმა და ყოვლისმომცველი თავისუფალი სავაჭრო სივრცის (DCFTA) ჩათვლით. შეთანხმების ფარგლებში აღებული ვალდებულებების შესაბამისად, განხორციელდა ცვლილება წარმოშობის სერტიფიკატის გამცემ უფლებამოსილ ორგანოსთან დაკავშირებით.
სატრენინგო კურსი ფასილიტატორებისთვის მასწავლებლის თვითშეფასების კითხვარისა და მასწავლებლის სამოქმედო გეგმის დეტალების გაცნობას გულისხმობს. ტრენინგის მონაწილეები ისწავლიან, თუ როგორ ასწავლონ კოლეგებს თავიანთი სკოლებიდან საკმაოდ მოცულობითი დოკუმენტის შევსება, ასევე საკუთარი საქმიანობის გააზრებულად შეფასება და საჭიროებების მიხედვით სამუშაო გეგმის შემუშავება.
ტრენინგები საქართველოს ყველა რეგიონში ჩატარდება. კურსი ორდღიანია და მას წლის ბოლომდე ეტაპობრივად ყველა ფასილიტატორი გაივლის.
საქართველოში ყველა საჯარო სკოლას ჰყავს თავიანთი ფასილიტატორები, რომლებიც სკოლებში არსებულმა კათედრებმა აირჩიეს.
წელს, უკვე არსებული სექციების გარდა, მოსწავლეებს საშუალება ექნებათ საკუთარი გამოგონება ან კვლევა წარადგინონ ეკოლოგიის მიმართულებითაც. ახალი სექცია წელს ბიოლოგიის განყოფილებას დაემატება. ტრადიციულად კი კვლავ შეფასდება ნაშრომები ფიზიკაში, ქიმიაში, ბიოლოგიაში, მათემატიკაში, ინფორმატიკასა და ინჟინერიაში.
ნორჩ მეცნიერთა და გამომგონებელთა ოლიმპიადა ეხმარება ახალგაზრდებს მთელი მსოფლიოდან, საზოგადოებას გააცნონ საკუთარი მიღწევები და ნოვატორული პროექტები. ოლიმპიადა, ერთი მხრივ, ეხმარება ახალგაზრდებს სამეცნიერო უნარების განვითარებაში, ხოლო, მეორე მხრივ, ხელს უწყობს ინოვაციაზე დამყარებული ბიზნესიდეების განვითარებას, მომავალი თაობის წახალისებას, მათ წიგნიერებისა და მეცნიერებისაკენ სწრაფვას.
ნორჩ მეცნიერთა და გამომგონებელთა ოლიმპიადა – IYIPO ყოველწლიურად გაზაფხულზე იმართება და მისი ორგანიზატორია „ჩაღლარის სასწავლო დაწესებულებები”. პროექტის ფინალში ყოველ წლიურად 200-ზე მეტი მოზარდი იღებს მონაწილეობას მსოფლიოს სხვადასხვა ქვეყნიდან.
რესპუბლიკური ოლიმპიადის ფინალი 2016 წლის 29 მარტს ჩატარდება და იგი ნამუშევრებისა და პროექტების ღია გამოფენით დასრულდება, რომელსაც პროფესორ მასწავლებლებისგან დაკომპლექტებული ჟიური შეაფასებს. რესპუბლიკური ტურის გამარჯვებულები საკუთარ ქვეყანას აპრილის ბოლოს საერთაშორისო ოლიმპიადის (IYIPO-2016) ფინალში წარადგენენ, სადაც ასევე წარმოდგენილი იქნება მსოფლიოს სხვადასხვა ქვეყანაში გამარჯვებული პროექტები და ნამუშევრები.
ოლიმპიადაში მონაწილეობისთვის რეგისტრაცია შესაძლებელია მომდევნო წლის 17 მარტამდე. წელს საქართველოში ოლიმპიადა მეათედ იმართება. წლევანდელ რესპუბლიკურ ოლიმპიადას მხარს უჭერს თბილისის მერია.
კონფერენციის დასრულების შემდგომ, 17:30-ზე ქ. ბათუმის სასწავლო უნივერსიტეტში (ლუკა ასათიანის N37) გაიხსნება ფოტოგამოფენა „„AccessAbility-ფიზიკური გარემოს მიღმა“, რომელიც მოამზადა შვედურმა ინსტიტუტმა ქართველ პარტნიორებთან ერთად.
გამოფენაზე ნაჩვენები იქნება შეზღუდული შესაძლებლობების მქონე 22 პირის ფოტო საქართველოდან და შვედეთიდან, ასევე ამონარიდები მათი ინტერვიუებიდან.
გამოფენას მასპინძლობენ შვედეთის ელჩი საქართველოსა და სომხეთში – მარტინა ქვიქი და აჭარის მთავრობის თავმჯდომარე – არჩილ ხაბაძე.
კონფერენციას შვედეთის ელჩის გარდა დაესწრებიან შვედეთიდან ჩამოსული ჟურნალისტი, უფლებედამცველი-მარტინ ჰენნეუსი, ექსპერტი, სანკტ-პეტერბურგის „ადრეული ინტერვენციის ინსტიტუტის“ დირექტორი-ლარისა სამარინა, ადგილობრივი არასამთავრობო ორგანიზაციების, აჭარის უმაღლესი საბჭოს თავმჯდომარე, ბათუმის მერიის წარმომადგენლები.
6 ნოემბერს მოწვეული სტუმრები ქ. ბათუმში არსებულ დღის ცენტრებს დაათვალიერებენ.
კონფერენციის ორგანიზატორები და მხარდამჭერები არიან შვედეთის საელჩო საქართველოში, შვედური ინსტიტუტი, ბათუმის მერია, შეზღუდული შესაძლებლობების მქონე პირთა ორგანიზაცია „ცვლილებები თანაბარი უფლებებისათვის“ და რადიო „იმედი“.
საქართველოს პარლამენტმა 2013 წლის 26 დეკემბერს მოხდინა გაეროს 2006 წლის კონვენციის რატიფიცირება, რომელიც ძალაში მომდევნო წლის 12 აპრილს შევიდა.
ხულოს მუნიციპალიტეტი გეგმავს ფილმის სრული ვერსიის ფირიდან ციფრულ ფორმატში გადაყვანას, ხმის კორეექციითა და გაუმჯობესებული გამოსახულებით; დაიბეჭდება ბუკლეტები წარწერით „მევლუდი 30“. სატენდერო განაცხადის მიხედვით, ბუკლეტი უნდა შეიცავდეს არანაკლებ 20 ფოტოკადრს კინოფილმიდან, ფილმის შემოქმედებითი ჯფუფისა და მსახიობების მონათხრობებს ფილმის გადაღების ისტორიის შესახებ, ფერადი ილუსტრაციებით [შინაარსი დამკვეთთან შეთანხმებით არანაკლებ 20 გვერდისა];
დამზადდება ბანერი – ორმხრივი გამოსახულებით, ფერადი, ფილმის მთავარი პერსონაჟის მევლუდის გამოსახულებითა და წარწერით ,,მევლუდი 30“ ბანერის ქვედა ნაწილში წარწერით: – ,,იდიდგულე, რომ ამფერი აჭარელი გყავდი განა“;
დაგეგმილია კინოფილმიდან ფოტოების დაბეჭდვა და გამოფენა ორგანიზატორებთან შეთანხმებულ ადგილას (სავარაუდოდ, ხულოს ი. ზოიძის სახელობის თეატრის ფოიეში).
ტენდერში გამარჯვებულს ევალება ღონისძიების უზრუნველყოფა ფილმში მონაწილე მსახიობებისა და შემოქმედებითი ჯგუფის მონაწილეების დასწრებით არანაკლებ 7 მსახიობის (ან შემოქმედებითი ჯგუფის მონაწილისა) ფილმის მთავარი გმირის როლის შემსრულებლის ტრანსპორტირება ,,თბილისი-ბათუმი-ხულო-თბილისი“, მიკროავტობუსით ან შესაბამისი ტევადობის მსუბუქი ავტომობილით;
ასევე, ღონისძიებაზე დამსწრე მსახიობებისა და შემოქმედებითი ჯგუფის წევრების კვებით უზრუნველყოფა, სასტუმროს მომსახურება, ღონისძიების რეჟისურითა და წამყვანით უზრუნველყოფა;
მომსახურებაში შედის საზეიმო სუფრა 30 ადამიანზე. მენიუში შედის: ბორანო, სინორი, ბორეგი, აჩმა ხაჭაპური, მწვადი ტაფის, ოჯახური, შემწვარი ქათამი, კიტრი-პომიდორი, ქაბაბი, ყველის ასორტი, მჟავის ასორტი, მჭადი. გამაგრილებელი სასმელები, ღვინო, არაყი (ქარხნული), პური.
ღონისძიების ზუსტი თარიღი დადგენილი არ არის. სატენდერო დოკუმენტების მიხედვით, ღონისძიება 2015 წლის 30 დეკემბრამდე უნდა ჩატარდეს.
ფილმი „მევლუდი“ გადაღებულია 1985 წელს პარმენ ლორიას რომანის მიხედვით. დამდგმელი რეჟისორია ნიკოლოზ სანიშვილი. ფილმში მევლუდის როლს მსახიობი ზურაბ ცინცქილაძე ასრულებს.
რისკ-ჯგუფებად განისაზღვრა შემდეგი კატეგორიის ადამიანები:
• ქრონიკული დაავადების მქონე პირთაგან: 18 წლამდე ასაკის დიაბეტით დაავადებული, დიალიზზე მყოფი მოქალაქეები;
• ბავშვთა სახლების, მოხუცთა თავშესაფრების ბინადარნი და მათი მომსახურე პერსონალი;
• სასწრაფოს, მიმღები განყოფილებების, რეანიმაციის, გადაუდებელი სამედიცინო დახმარების, დიალიზის განყოფილებებისა და საზოგადოებრივი ჯანმრთელობის ცენტრების მომსახურე პერსონალი.
ვაქცინაციის დაგეგმილი პერიოდია მიმდინარე წლის ნოემბერი.
ჯანდაცვის სამინისტრო გრიპის პრევენციის მიზნით მოსახლეობას თავის რეკომენდაციებსაც უზიარებს. ეს რეკომენდაციებია:
• ხელების ჰიგიენა. ხველის/ცემინების წესების დაცვა;
• დაავადების სიმპტომების გამოვლენის შემთხვევაში (მაღალი ტემპერატურა, ხველა), საზოგადოებრივი თავშეყრის ადგილებზე მოხვედრისგან თავის არიდება;
• სათავსოების ხშირი განიავება;
• საერთო მოხმარების ზედაპირების სველი წესით დასუფთავება.
ექიმთან კონსულტაცია სავალდებულოა ისეთი სიმპტომების დროს, როგორიცაა:
• შეუპოვარი ან გახანგრძლივებული ცხელება;
• ტკივილი გულმკერდის არეში;
• ციანოზი (სილურჯე ცხვირტუჩის არეში);
• სუნთქვის გართულება.
გრიპის სეზონად მოიაზრება 2015 წლის მე-40 კალენდარული კვირიდან 2016 წლის 20-ე კალენდარული კვირის ჩათვლით პერიოდი.
სწრაფი ონლაინ სესხების კომპანია MoneyMan.ge საერთაშორისო ორგანიზაციაა, რომელიც წარმატებით ოპერირებს 4 ქვეყანაში. ათასობით მომხმარებელი უკვე სარგებლობს კომპანიის მომსახურებით და მათი რაოდენობა დღითიდღე იზრდება. სულ ცოტა ხნის წინ კი,მანიმენმა კიდევ ერთი საინტერესო სიახლე შესთავაზა მომხმარებლებს. დღეიდან თქვენ არა მხოლოდ სესხის აღება, არამედ ინვესტირებაც შეგიძლიათ კომპანიაში.
MoneyMan სანდო ფინანსურ პარტნიორობას გაგიწევთ და თქვენს შემოსავალს საგრძნობლად გაზრდის. ინვესტირება შეგიძლიათ როგორც ლარში, ასევე დოლარში და ევროში, მინიმალური შენატანი კი, 5000 ლარს შეადგენს. შეგახსენებთ, რომ მანიმენს უკვე მოზიდული აქვს 10 მილიონ დოლარზე მეტი ინვესტიცია საერთაშორისო მასშტაბით.
იხილეთ განაკვეთები:
ინვესტიციის სარგებელს მიიღებთ ყოველთვიურად.
მანიმენთან თანამშრომლობისთვის:
● აირჩიეთ სასურველი ვალუტა, ვადა და შეავსეთ განაცხადი ვებ გვერდზე:https://investor.moneyman.ge/
● კომპანიის მენეჯერი თავად დაგიკავშირებათ, გაგაცნობთ დაწვრილებით პირობებს და გაგიფორმებთ ხელშეკრულებას.
გონივრულად დააბანდეთ დღეს და მიიღეთ მაღალი შემოსავალი მომავალში!
„ბათუმში მხოლოდ ერთი საგუშაგოა, სადაც დღეში სამჯერ აკვირდებიან ჰაერის ხარისხს. ყველა ქალაქში ყველაზე პრობლემატური მტვერია, რომელიც მაგალითად ბათუმში, აგვისტოს თვის მონაცემით [სექტემბრის მონაცემები ამჟამად მუშავდება] 1,6-ჯერ აღემატება ნორმას. ზოგიერთ დღეებში კი აღინიშნება ნახშირჟანგის მომატება. მაგალითად, აგვისტოში ნახშირჟანგი 1,2-ჯერ აღემატებოდა ნორმას. ამავე პერიოდში ზღვარს არ ასცდენია გოგირდის დიოქსიდი და ტყვია, თითქმის არ დარღვეულა აზოტის დიოქსიდის ნორმაც.
დღეის მდგომარეობით ქალაქის დამაბინძურებელი მაინც ძირითადად მტვერია, და ასეა საქართველოს ყველა ქალაქში“, – ამბობს მაღლაკელიძე.
რა ხდება ჰაერში მტვრის შემცველობის გაზრდის მიზეზი და როგორ შეიძლება ამ მდგომარეობის გამოსწორება? „მშენებლობებზე არ იყენებენ მტვრისაგან დამცავ ბადეებს, არ ირწყვება ქალაქი“ ასახელებს მიზეზებს თამარ მაღლაკელიძე და დასძენს: „დიდი მნიშვნელობა აქვს ავტოტრანსპორტს, რომლითაც გამოიყოფა ნახშირჟანგი. გამართული ავტოტრანსპორტი და დაცული მშენებლობები – ეს მაინც იქნება უპირობოდ ხარისხის გაუმჯობესების ფაქტორი“.
ჯიხურს სპეციალური მრგვალი ფანჯარა აქვს, რომელსაც იყენებენ ჰაერში მტვერის ხარისხის გასაზომად. დალუქულ ფანჯარას ხსნიან ამ მილის საშუალებით სპეციალურ მოწყობილობაში შედის ჰაერი, რითაც ჰაერში მტვერის შემცველობას ზომავენ
ბათუმში ჰაერის ხარისხზე მონიტორინგს აჭარის გარემოს დაცვის სამმართველოს გარემოს ინტეგრირებული მართვის განყოფილება ახორციელებს. ამ განყოფილების უფროსი ნუგზარ პაპუნიძე ამბობს, რომ ჰაერი არ არის დაბინძურებული. „ატმოსფერული ჰაერის დაბინძურების კერები მინიმალურად შემცირებულია, რადგან საწარმოები ბუნებრივი აირის მოხმარებაზე გადავიდნენ“. ჰაერის ხარისხზე მას „ბათუმელები“ ივლისშიც ესაუბრა. მაშინ განყოფილებას არ ჰქონდა ახალი მონაცემები. ამჯერად კი ბოლო ჩატარებულ მონიტორინგზე გვესაუბრა:
განსაკუთრებულ კონტროლზე გვყავს აყვანილი ბარცხანა, თამარის დასახლება და ხელვაჩაურის სამრეწველო ზონა, სადაც თავმოყრილია ატმოსფერული ჰაერის დამაბინძურებელი ზონა.
ივლისში 18 ადგილას 18 სინჯი გავაკეთეთ. აღმოჩნდა სამი გადაცდომა. დაფიქსირდა გოგირდწყალბადის მცირე მომატება. ერთადერთი პრობლემა ჩვენთან არის ტრანსპორტის გამონაბოლქვი, მაგრამ ეს მთლიანად ქვეყნის პრობლემაა“, – აღნიშნავს ის და გამოსავალს ასე ხედავს: „ჰაერის ხარისხის დასაცავად სახელმწიფომ უნდა იზრუნოს საწვავის ხარისხზე. გარდა ამისა ქალაქში არ უნდა მოძრაობდეს დიზელზე მომუშავე ამდენი მძიმეწონიანი ავტომანქანა. კარგი ღონისძიება იქნება ჰაერის ხარისხის კონტროლისთვის ავტომობილების ტექნიკური დათვალიერების შემოღება, რომელიც წელს უნდა დაწყებულიყო, მაგრამ 2017 წლისთვის გადაიდო“.
საქართველოს სტატისტიკის ეროვნული სამსახურის ვებგვერდზე არ არის განთავსებული 2014-2015 წლის მონაცემები. 2013 წლის მონაცემით კი ატმოსფერული ჰაერის დაბინძურების ყველაზე დიდი წილი – 34% იმერეთზე მოდის, მას მოჰყვება, ქვემო ქართლი – 28%, შიდა ქართლი – 11% და დანარჩენი რეგიონები – 6%. ატმოსფერული ჰაერის დაბინძურებაში აჭარას, ქვეყნის მასშტაბით, 5% აქვს, ამავე სტატისტიკით ჰაერში აღმოჩენილი მავნე ნივთიერებების წილი ასე ნაწილდება: ნახშირჟანგი 52%, აზოტის ჟანგი 16%, ნახშირწყალბადი 13%, გოგირდოვანი ანჰიდრიდი – 5% ხოლო დანარჩენი 14%.
საკონკურსო ფონდი სულ შეადგენს 160 000 ლარს. განაცხადების მიღების ვადები განისაზღვარა 2 ნოემბრიდან 6 ნოემბრის ჩათვლით პერიოდი.
გამარჯვებული პროექტების პროგრამის ფარგლებში ჩასატარებელი სამუშაოები, უნდა დასრულდეს არაუგვიანეს 15 დეკემბრისა, ხოლო შესაბამისი ანგარიშის წარმოდგენა სამინისტროში უნდა მოხდეს არაუგვიანეს 2015 წლის 20 დეკემბრისა.
სტატისტიკის სამსახურის ინფორმაციით, 2014 წელს 2533 ერთშვილიანი წყვილი განქორწინდა, ორი საერთო ბავშვით განქორწინდა 1575 წყვილი, ხოლო სამი და მეტი ბავშვით განქორწინებათა რიცხვმა 355 შეადგინა [სულ 1131 ბავშვი].
სტატისტიკის მონაცემებით, განქორწინებათა რიცხვი საქართველოში, 2005 წელთან შედარებით, გასულ წელს 7191-ით იყო გაზრდილი:
აჭარაში გასულ წელს 678 განქორწინება დარეგისტრირდა – აქედან, 432 ქალაქებში [მათ შორის 372 ბათუმში], ხოლო 246 რეგიონის სოფლებში.
გამარტივებულ შესყიდვებზე თანხმობა „ბათუმის კორპუსს“ აჭარის მთავრობამ 30 ოქტომბრის განკარგულებით მისცა, თუმცა პირველი ნოემბრიდან ამოქმედებული შესაბამისი კანონით, „ბათუმის კორპუსი“ ვალდებულია გამარტივებული შესყიდვა შესყიდვების სააგენტოსთან შეათანხმოს; ამასთან, ასეთი შესყიდვის აუცილებლობა საჯაროდ დაასაბუთოს.
ობიექტების ჩამონათვალი, თითოეული მათგანის შესაკეთებლად საჭირო სავარაუდო ფასების მითითებით:
ა. კალანდაძის 102 – 21664,74 ლარი;
მ. შარაშიძის ქ.№44 -35820,76 ლარი;
თოდოგაურის ქ. №29 -28767,42 ლარი;
ყადირ შერვაშიძის ქ. №50 -32640,01 ლარი;
ბათუმგორის ქ. №8 -46214,30 ლარი;
ხულოს ქ. №8 -20394,25 ლარი;
მარკოზ აჭარელის მე-3 შესახვევი №6-17520,33 ლარი.
<!** Image 1 align="" alt="პეტრე ზამბახიძე" sub="პეტრე ზამბახიძე" width="600" height="1944" >
„აჭარის მთავრობის თავმჯდომარე უკვე გადავიდა გამომძიებლის, პროკურორის და ზოგადად, ძალოვნის რანგში როგორც ჩანს, თავისი თავი ვეღარ დაინახა აჭარის მთავრობაში და უკვე დაიწყო დაჭერების, გამოძიებებისა და ყოფილი თანამდებობის პირების პოლიტიკური ნიშნით პასუხისმგებლობის დასმა.
როცა ლევან ვარშალომიძე საუბრობდა შეჩერებულ და დასასრულებელ პროექტებზე აჭარაში, მან ნაცვლად იმისა, რომ ესაუბრა თუ რას გააკეთებდა და როდის დასრულდებოდა ის პროექტები, რომლებიც იყო მნიშვნელოვანი, ისაუბრა მხოლოდ იმაზე, როგორ არის გამოძიება დაწყებული და როგორ დაისჯება ყველა, მათ შორის ლევან ვარშალომიძეც.
ის არღვევს უდანაშაულობის პრეზუმციას და ერევა საგამოძიებო ორგანოების მუშაობაში, ფაქტობრივად, ერთგვარ დავალებას აძლევს მათ და იმ ფონზე, როცა ახლოვდება არჩევნები. სამი წლის განმავლობაში შეეძლოთ გამოეძიათ რაც მათ აინტერესებდათ, მაგრამ ახლა, როცა მიგითითებენ უსაქმურობაზე და გეტყვიან, რომ არაფერი გაგიკეთებია რეგიონისთვის, ამას დაუპირისპირო დავა, სასამართლო, პროკურატურა და დააანონსო დაჭერები, ეს არის არასწორი,“- განაცხადა პეტრე ზამბახიძემ.
აღნიშნული განცხადება აჭარის მთავრობის ყოფილი თავმჯდომარის ლევან ვარშალომიძის 30 ოქტომბერს ფეისბუკის საკუთარ გვერდზე გავრცელებულ ინფორმაციას უკავშირდება, სადაც ის მის მიერ მთავრობის გადაბარების ამსახველ ვიდეოს აქვეყნებს და სამომავლოდ დაგეგმილ პროექტებზე საუბრობს.
„რა გაკეთდა ამ სამი წლის განმავლობაში – მინდა გითხრათ, რომ ახალ ხელისუფლებას, არანაირ პროექტზე და სიახლეზე რომ არ ეფიქრა და მხოლოდ იმისთვის მიეხედათ რაც მე მათ, 2012 წლის 30 ოქტომბერს გადავეცი სამუშაო ოთახთან ერთად, დღეს აჭარას ექნებოდა ის, რაზეც ზემოთ მოგახსენეთ,“- წერს ის ფეისბუკზე.
ლევან ვარშალომიძის ფეისბუკპოსტის საპასუხოდ კომენტარი გააკეთა არჩილ ხაბაძემ, სადაც ის წინა ხელისუფლების დროს არსებულ ფინანსურ დარღვევებზე საუბრობს.
„აგონიაში არიან ალბათ და უნდათ და მოენატრათ ძალაუფლებაში მოსვლა. ან დაელია ის თანხები, ერთ ლარად გაყიდული ქონებიდან ატკატებს ჯიბეში რომ იდებდა… ამის დადასტურება მალე მოხდება და საქმე აღძრულია ფინანსურ პოლიციაში,“-ამბობს აჭარის ტელევიზიასთან საუბარში არჩილ ხაბაძე.
შენობა ორსართულიანია. პირველ სართულზე განთავსებული იქნება ბანკი და ოფისები, ხოლო მეორე სართულზე საკონფერენციო დარბაზი და სასადილო მომსახურე პერსონალისთვის. ცენტრში მსუბუქი კონსტრუქციის სადგომები, აგრეგატებისა და სათადარიგო ნაწილების საწყობები, ბოქსები, სამრეცხაო, ვულკანიზაცია და სახარატოც მოეწყობა.
სამინისტროს ინფორმაციით, ჩაქვის სერვისცენტრში ამ დროისთვის 28 ერთეული ტრაქტორი და 85 ერთეული აგრეგატია მობილიზებული. აღნიშნული ტექნიკის მომსახურების ზონაში ქედის, ქობულეთის,შუახევის ხელვაჩაურისა და ხულოს მუნიციპალიტეტები, ასევე ბათუმს შემოერთებული ტერიტორიები შედის.
ამავე წყაროს ინფორმაციით, დაბა ჩაქვის სერვისცენტრში 10 კაცი, როგორც ადმინისტრაციული პერსონალი, ხოლო 32 ტექნიკის ოპერატორებად და ბრიგადის მენეჯერებად დასაქმდება.
ხელშეკრულების მიხედვით სარემონტო სამუშაოები 182 855 ლარით განისაზღვრა, „ხოლო მთლიანად შენობის მშენებლობისა და მოწყობის ღირებულება შეადგენს 930 000 ლარს“- ნათქვამია სამინისტროს მიერ გავრცელებულ ინფორმაციაში.
სკოლის მშენებლობა სამინისტროს ქვეპროგრამის „საჯარო სკოლების ინფრასტრუქტურის გაუმჯობესება“ ფარგლებში მიმდინარეობს.
დოკუმენტის მიხედვით, გამარჯვებულმა კომპანიამ ასფალტვებონიანი საფარი რუსთაველის ქ N325-დან N341-მდე მონაკვეთში უნდა დააგოს.
სატენდერო დოკუმენტის მიხედვით, მშენებლობის პროცესში გამოყენებული ყველა მასალა-მოწყობილობა უნდა იყოს მაღალის ხარისხის და შეესაბამებოდეს ამ სფეროში აღიარებულ სტანდარტებს. რაზეც შემსყიდველს უფლება აქვს, სურვილისამებრ მოითხოვოს შესაბამისობის დადგენის მიზნით, სტანდარტის დამადასტურებელი სერთიფიკატი.
სამუშაოების შესრულების პროცესში გამოყენებული მასალებისა და მოწყობილობების ტიპი და ვიზუალურ-ტექნიკური მახასიათებლები (ხარისხი, ფაქტურა, ფერი და სხვა) თანხმდება შემსყიდველთან.
იმ შემთხვევაში, თუ მიმწოდებლის მიერ წარმოდგენილი მასალა ან მოწყობილობა ან შესრულებული სამუშაო არ შეესაბამება აღიარებულ სტანდარტებს და შემსყიდველი ორგანიზაციის მოთხოვნებს, მიმწოდებელი ვალდებულია თავისი ხარჯებით გამოასწოროს, წარმოადგინოს სხვა, შემსყიდველისთვის მისაღები მასალა, მოწყობილობა ან/და სხვაგვარად შეასრულოს სამუშაო.
ელექტრონულ ტენდერში გამარჯვებულმა ორგანიზაციამ სამშენებლო სამუშაოები უნდა დაიწყოს მშენებლობის ნებართვის გაცემიდან არაუმეტეს 05 კალენდარული დღის ვადაში და დაასრულოს მშენებლობის ნებართვის გაცემიდან 150 კალენდარული დღის ვადაში.
„შენობა იქნება საკმაოდ დიდი და ამ დასახლებას მოემსახურება. გარდა ამისა, წერეთლის ქუჩაზე არსებულ საბავშვო ბაღზე დაშენება იგეგმება. ამ ეპატზე ფართობის მოძიება კიდევ მიმდინარეობს, სადაც ახალი საბავშო ბაღების აშენება იქნება შესაძლებელი.
უახლოეს პერიოდში, თამარის დასახლებაში მოგვარდება მიწის გამოყოფის საკითხი და შესაბამისად ახალი ბაღისთვის დაპროექტებაც დაიწყება,“- განაცხადა მერიის კეთილმოწყობის სამსახურის უფროსმა თენგიზ პეტრიძემ.
მისივე ინფორმაციით, მომავალ წელს ჯავახიშვილის უბანში 21-ე ბაღის შენობის საკითხიც გადაწყდება, რომელიც დღეს სასამართლო დავის საგანია. „შენობა წინა წლებში გაუციათ იჯარით, საიჯარო ვადა გადის მომავალ წელს, შესაბამისად, ვადის გასვლის შემდეგ ბაღის რეაბილიტაცია მოხდება და ისიც ამოქმედდება“.
პრეზენტაციას ესწრებოდნენ არასამთავრობო ორგანიზაციების წარმომადგენლებიც. მათი შეფასებით, მომავალი წლის ინფრასტრუქტურულ პროექტებში სიახლე არ არის და მხოლოდ არსებული პროექტების გაგრძელება იგეგმება.
„ჩვენთვის ყველაზე მნიშვნელოვანი იყო, აქვს თუ არა ქალაქს ერთიანი ხედვა, რაც ვერ მოვისმინეთ. ქალაქს აკლია გეგმიური განვითარება, სტრატეგია, თუ საით მიდის ქალაქი,“- ამბობს „სამოქალაქო განვითარების ინსტიტუტის“ წარმომადგენელი ნათია აფხაზავა.
მისი აზრით, პრეზენტაციის მიხედვით, სიახლეები არ არის დაგეგმილი და მხოლოდ არსებულის გაგრძელებაზე კეთდება აქცენტი:
„გვქონდა მოლოდინი, რომ იქნებოდა რაიმე სიახლე თუნდაც შემოერთებული ტერიტორიების განვითარებისთვის, რაც არ ყოფილა წარმოდგენილი. იქ არსებული პრობლემები კვლავ პრობლემებად რჩება.
ერთადერთ სიახლედ შეიძლება განვიხილოთ მუნიციპალური სახლების მშენებლობა, თუმცა ეს პროექტებიც წელს დაიწყო და პროექტის სამიზნე ჯგუფიც კი არ არის ჩამოყალიბებული“.
პრეზენტაციაზე კითხვები დაისვა საჯარო შენობების, მათ შორის მერიის ადმინისტრაციული შენობის ადაპტირების თაობაზე. მერიის წარმომადგენელთა განცხადებით, ადმინისტრაციული შენობის ადაპტირება შშმ პირებისთვის ვერც მომავალი წლისთვის მოხერხდება.
„მერიის წარმომადგენლები გვეუბნებიან, რომ ამ შენობაზე ვერ ხერხდება პანდუსის გაკეთება და ზოგადად, მისი ადაპტირება, თუმცა ეს არ არის გამოსავალი, მერიამ უნდა უზრუნველყოს ხელმისაწვდომი გარემოს შექმნა იმისათვის, რომ საკრებულოს სხდომებზე შშმ პირებმა დასწრება შეძლონ. თუ ამ შენობის ადაპტირება არ ხერხდება, მაშინ საკრებულოს სხდომები უნდა ჩატარდეს ადაპტირებულ გარემოში,“- ამბობს ნათია აფხაზავა.
კიდევ ერთი შენიშვნა შეეხებოდა კულტურული მემკვიდრეობის სტატუსის მქონე შენობა-ნაგებობების რეაბილიტაციის საკითხს.
საფინანსო ეკონომიკური განვითარების სამსახურის უფროსის მოადგილის არჩილ ვანაძის თქმით, მიმდინარე წელს კულტურული მემკვიდრეობის ძეგლების ინვენტარიზაციისთვის არის თანხა გათვალისწინებული ბიუჯეტში, რომლის დასრულება წლის ბოლოსთვის იგეგმება.
„თვითმმართველობას ექნება მონაცემები თუ რამდენი ძეგლია ქალაქში, რა მდგომარეობაში და ის ძეგლები რომელთა რეაბილიტაცია გადაუდებელია, საწყის ეტაპზე მათი პროექტირება მოხდება,“- ამბობს არჩილ ვანაძე.
კულტურული მემკვიდრეობის ძეგლის სტატუსის მქონე შენობების რეაბილიტაციის საორიენტაციო თანხა მომავალი წლის ბიუჯეტში 50 ათასი ლარია, რაც, არჩილ ვანაძის თქმით, შესაძლოა შეიცვალოს.
„2015 წელი კომპანიისთვის წარმატებული იყო. ოფიციალურად გავხსენით ბათუმის გაყიდვების ოფისი და შოურუმი. ბათუმში ჩვენი ახალი მისამართია ჯავახიშვილის 32/34. განვაახლეთ და უფრო მრავალფეროვანი გავხადეთ ასორტიმენტი. ჩვენ მუდმივად ვმუშაობთ ქართულ ბაზარზე სიახლეების დანერგვისთვის და 2016 წელს ჩვენს პარტნიორებსა და მომხარებელს ბევრ ახალ საინტერესო აქციასა და პროდუქტს შევთავაზებთ. იგეგმება კომპანიის გაფართოებაც, რასაც უფრო დეტალურად 2016 წელს დავაანონსებთ,” – ამბობენ კომპანიაში.
“თერმოინდუსტრია” მსოფლიოში გათბობის სისტემების წამყვანი 20-მდე ბრენდის წარმომადგენელია. კომპანიის მაღაზიებში 800-ზე მეტი დასახელების პროდუქტია გაერთიანებული. აქ შეგიძლიათ შეიძინოთ ყველაფერი გათბობის, წყალგაყვანილობისა და კონდიცირების სისტემებისთვის: გათბობის ქვაბები, წყლის გამაცხელებლები და ბოილერები, გათბობის რადიატორები, მილები, ფიტინგები, თბილი იატაკი, შემავსებელი არმატურა, კონდიციონერები, მზის კოლექტორები და ა.შ.
“თერმოინდუსტრია” მომხმარებელს სთავაზობს იტალიური, გერმანული, თურქული წარმოების ისეთი წამყვანი ბრენდების პროდუქციას, როგორებიცაა: Viessmann-ი, E.G.A, Radiatori 2000, Formul-ი, Carlo Poletti, IVR, Sanica group, Tubiplast-ი, Global Radiator-i, Luxor-ი და ა.შ.
“თერმოინდუსტრია” ცნობილი იტალიური ბრენდის, Italtherm-ის ექსკლუზიური პარტნიორია საქართველოში, რაც საშუალებას აძლევს Italtherm-ის გათბობის ქვაბები მომხმარებელს სპეციალურ ფასად შესთავაზოს. მიმდინარე აქციის ფარგლებში Italtherm-ის გათბობის ქვაბის შეძენა ნებისმიერ მსურველს 655 დოლარიდან შეუძლია, ფიქსირებული კურსით 1$=2.2 ლარს.
კომფორტული და მნიშვნელოვანია სერვისი, რომელსაც კომპანია მომხმარებელს სთავაზობს. აქ ნებისმიერ მსურველს შეუძლია მიიღოს უფასო პროექტირება და ბიუჯეტირება (ხარჯთაღრიცხვა) და მხოლოდ ამის შემდეგ გადაწყვიტოს, რომელი ბრენდის პროდუქტს შეიძენს. კომპანიაში მოქმედებს ბანკის 0 %-ანი განვადება.
კომპანიის მიერ გადამზადებული მაღალკვალიფიციური ოსტატები და კონსულტანტები ნებისმიერ მსურველს მისთვის მისაღებ გათბობის სისტემას, ქვაბს, რადიატორსა და ნებისმიერ სხვა სასურველ პროდუქტს შეურჩევენ, ამომწურავ კონსულტაციას გაუწევენ და სურვილის შემთხვვევაში მონტაჟსაც უზრუნველყოფენ. “თერმოინდუსტრია” -ში შეძენილ პროდუქტზე მოქმედებს 2-5 წლამდე საგარანტიო ვადა. მთლიანი გათბობის სისტემის შეძენის შემთხვევაში მიტანის ხარჯებსა და სერვისს ” უზრუნველყოფს.
ბათუმშიც და თბილისშიც გაყიდვების ოფისი და შოურუმი დასვენების დღის გარეშე, ყოველდღე თქვენს სამსახურშია. ბათუმის შოურუმის მისამართია ჯავახიშვილის 32/34, თბილისის – ხოშარაულის 27ა. სამუშაო საათები – ორშაბათიდან პარასკევის ჩათვლით 10-18 საათამდე, შაბათ-კვირას 10-16 საათამდე .
საკონტაქტო ნომერია: +995 32 214 55 54
თერმოინდუსტრია თქვენი თბილი ზამთრისთვის !
ნუკა ყარალაშვილი 179 სმ სიმაღლისაა და 16 წლიდან მოდის ბიზნესშია ჩართული.
„მის საქართველო“ ივანე ჯავახიშვილის სახელობის თბილისის სახელმწიფო უნივერსიტეტში ტურიზმის მიმართულებით სწავლობდა. გამარჯვებულს საჩუქრად ავტომობილი გადაეცა.
შემსყიდველი ორგანიზაციის მიმართვა, სააგენტოს პასუხი და ზოგადად, გამარტივებული შესყიდვის ნებართვის მიღების პროცესი, საჯაროა და აღნიშნული მოდულის საშუალებით ნებისმიერ პირს შეეძლება გაეცნოს პროცესს. მეტიც, ამ ახალი სისტემის მეშვეობით, ნებისმიერ დაინტერესებულ პირს საშუალება ექნება, თავისი მოსაზრებაც კი გამოთქვას. შესყიდვების სააგენტო ვალდებულია ყველა ასეთი მოსაზრება გაითვალისწინოს.
პირველი ნოემბრიდან ძალაში შევიდა სახელმწიფო შესყიდვების სააგენტოს თავმჯდომარის ბრძანება, რომლის მიხედვითაც შემსყიდველმა ორგანიზაციამ, გამარტივებული შესყიდვის შესახებ გადაწყვეტილება სახელმწიფო შესყიდვების სააგენტოსთან უნდა შეათანხმოს. შემსყიდველმა ორგანიზაციამ ასეთი გადაწყვეტილება აუცილებლად უნდა დაასაბუთოს.
დღემდე საბიუჯეტო ორგანიზაციები გამარტივებულ შესყიდვაზე თანხმობას, ასე ვთქვათ, ზემდგომი ინსტანციებიდან იღებდნენ. პროცესი ღია, ფაქტობრივად, მას შემდეგ ხდებოდა, როცა ზემდგომი დადებით გადაწყვეტილებას იღებდა. აჭარაში გამარტივებულ შესყიდვებზე თანხმობას აჭარის მთავრობა იძლეოდა. მთავრობის ერთ-ერთ ბოლო სხდომაზე 15-მდე ასეთი თანხმობა გაიცა.
ფოტო: „ბათუმელები“
არჩილ ხაბაძემ და საქართველოს სოფლის მეურნეობის მინისტრმა ოთარ დანელიამ, ახალი ციტრუსის დამხარისხებელ-შემფუთავი საწარმო შპს ,,აგროინვესტსერვისი“ მოინახულეს, რომელიც აღჭურვილია თანამედროვე ტექნოლოგიური ხაზებით.
მთავრობის ინფორმაციით, საწარმოს 24 საათის განმავლობაში შეეძლება 150 ტონა ციტრუსოვანთა ნაყოფის მიიღება-დახარისხება და პარაფინირება. ციტრუსი შეფუთვა მოხდება ევროსტანდარტების მიხედვით პალეტებად შეკრულ 15 კილოგრამიან ტევადობის ყუთებში. კომპანიას ასევე გააჩნია სამაცივრე მეურნეობა, სადაც შესაძლებელია 500 ტონა სხვადასხვა სახის ხილ–ბოსტნეულის შენახვა.
„საწარმო მიმდინარე წლის ციტრუსის სეზონზე 5000 ტონაზე მეტ ციტრუსოვანთა ნაყოფს მიიღებს და გადაამუშავებს, რომელიც უკრაინის, ბელორუსიის და ბალტიისპირეთის ბაზრებზე იქნება ექსპორტირებული. საწარმოში 70-მდე ადამიანია დასაქმებული“- ნათქვამია აჭარის მთავრობის მიერ გავრცელებულ ინფორმაციაში.
ბათიმის ცირკი | საერთაშორისო ტურნირი კრივში | 31 ოქტომბერი 2015
საერთო ჯამში კი „Fight Center“-ის მოკრივეებმა 5 შეხვედრა მოიგეს, 2 წააგეს და 2 ფრედ დაასრულეს.
მოგება:
50 კგ – ლილი ჯეილი – ესრა დენიზლი
56 კგ – დავით ნანავა – საფა აუგინი
60 კგ – მიხეილ ბერუაშვილი – ბირქან ჩელიქი
64 კგ – ნიკა ნაკაშიძე – ფირათ ალთუნბაში
64 კგ – დათო გორგილაძე – შაბან ალტუნბაში
წაგება
52 კგ – გოგა გაგუა – ემირხან კალხანი
69 კგ – ამირან შაშიკაძე – კიჰარუნ შატირი
ფრე
49 კგ – დავით შერვაშიძე – ბედირჰან ქარქანი
91 კგ – ნიაზ გორგოშაძე – კგუჩურ მუჰჩუ
ტურნირში მონაწილეობა აღარ მიუღია საერთაშორისო ტურნირების გამარჯვებული, 2014 წელს აჭარაში საუკეთესო სპორტსმენად დასახელებულ გელა აბაშიძეს. როგორც კლუბში განმარტეს – ტრავმის გამო. მის ნაცვლად 69 კილოგრამ წონით კატეგორიაში ამირან შაშიკაძე გამოვიდა.
საერთაშორისო ტურნირი კრივში | მოკრივეები ბათუმიდან და ტრაპზონიდან
მოკრივეები ტრაპზონიდან – თურქეთის ჰიმნს ასრულებენ
Fight Center-ის მოკრივეები
ლილი ჯეილი – ესრა დენიზლი | ტურნირის პირველი შეხვედრა
დავით შერვაშიძე – ბედირჰან ქალქანი | პირველი ფრე
დავით ნანავა – საფა აუგინი
მიხეილ ბერუაშვილი – ბირქან ჩელიქი
მიხეილ ბერუაშვილი – ბირქან ჩელიქი
კიჰარუნ შატირი – ამირან შაშიკაძე
კიჰარუნ შატირი – ამირან შაშიკაძე
ნიაზ გორგოშაძე – კგუჩურ მუჰჩუ
ბათიმის ცირკი | საერთაშორისო ტურნირი კრივში | 31 ოქტომბერი 2015 დასრულდა
სახელმწიფო შესყიდვების სააგენტოს ინფორმაციით, დასაბუთება ნიშნავს, რომ შემსყიდველი ორგანიზაციის მიერ, უნდა დასტურდებოდეს გამარტივებული შესყიდვის ჩატარების საფუძველი და მომართვის ამ საფუძვლისთვის დადგენილ კრიტერიუმებთან შესაბამისობა.
„სააგენტო, მისთვის მიმართვიდან არაუმეტეს სამი სამუშაო დღის ვადაში, იღებს გადაწყვეტილებას, სახელმწიფო შესყიდვის გამარტივებული შესყიდვის საშუალებით განხორციელებაზე თანხმობის გაცემის ან თანხმობაზე უარის თქმის შესახებ. შემსყიდველ ორგანიზაციას მხოლოდ სააგენტოს მიერ თანხმობის გაცემის შემდეგ აქვს უფლება, გააფორმოს გამარტივებული შესყიდვის ხელშეკრულება“ – აცხადებს სააგენტო.
თანხმობის მოსაპოვებელი მიმართვა შემსყიდველმა ორგანიზაციამ სააგენტოს უნდა წარუდგინოს ელექტრონული სისტემის მეშვეობით, რითაც ეს მიმართვა ხელმისაწვდომი იქნება ნებისმიერი დაინტერესებული პირისთვის.
მას შემდეგ, რაც შემსყიდველი ორგანიზაცია წარადგენს მიმართვას, სააგენტოს მიერ თანხმობის გაცემამდე ან მის უარყოფამდე, დაინტერესებულ პირებს ეძლევათ საშუალება, წარადგინონ პოზიცია ამ მიმართვაზე. გადაწყვეტილების მიღებისას კი სააგენტომ უნდა განიხილოს როგორც შემსყიდველი ორგანიზაციის მიმართვა, ასევე დაინტერესებული პირების მიერ მასზე დაფიქსირებული მოსაზრებები.
სააგენტოსთან გამარტივებული შესყიდვის შეთანხმების კონკრეტული წესი და პირობები კი სააგენტოს თავმჯდომარის კანონქვემდებარე ნორმატიული აქტით განისაზღვრება.
გამარტივებული შესყიდვა, კანონით განსაზღვრული მონეტარული ზღვრების ფარგლებში, შესაძლებელია:
ა) 5 000 ლარამდე ღირებულების შესყიდვის ერთგვაროვანი ობიექტების სახელმწიფო შესყიდვისას;
ბ) საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების მიერ 50 000 ლარამდე ღირებულების შესყიდვის ერთგვაროვანი ობიექტების სახელმწიფო შესყიდვისას;
გ) საქართველოს შინაგან საქმეთა სამინისტროს, საქართველოს თავდაცვის სამინისტროს, საქართველოს სახელმწიფო უსაფრთხოების სამსახურის სისტემაში შემავალი შემსყიდველი ორგანიზაციების, აგრეთვე სახელმწიფო დაცვის სპეციალური სამსახურის მიერ თავდაცვასთან, უშიშროებასა და საზოგადოებრივი წესრიგის დაცვასთან დაკავშირებული შესყიდვების განხორციელების შემთხვევაში 20 000 ლარამდე ღირებულების შესყიდვის ერთგვაროვანი ობიექტების სახელმწიფო შესყიდვისას.
აჭარის ფინანსთა და ეკონომიკის, სოფლის მეურნეობის, განათლების, კულტურისა და სპორტის სამინისტროები, ბათუმის, ხელვაჩაურისა და ქობულეთის მუნიციპალიტეტები, საავტომობილო გზებისა და სამელიორაციო სისტემების მართვის დეპარტამენტი, „ქ. ბათუმის რესპუბლიკური კლინიკური საავადმყოფო“ და „ბათუმის წყალი“ – ის უწყებები და საწარმოებია, რომელთა შემოწმების [ამ შემთხვევაში მხოლოდ 2013 წლიდან დღემდე პერიოდის] მასალებიც აჭარის პროკურატურაშია გადაგზავნილი.
2013 წლიდან დღემდე პერიოდში აუდიტის დეპარტამენტის მიერ აჭარის პროკურატურისთვის გადაცემული მასალებიდან [სულ 28 საქმეზე] რამდენზე დაიწყო გამოძიება? დასრულდა თუ არა რომელიმე მათგანზე გამოძიება და რა შედეგით? _ ამ ორ შეკითხვაზე პასუხი, მიუხედავად ოფიციალური მიმართვისა, საქართველოს პროკურატურისგან დღემდე ვერ მივიღეთ.
შეკითხვით – ბოლო სამი წლის განმავლობაში დაინტერესდა თუ არა აუდიტის სამსახური იმ საქმეების ბედით, რომლებიც, მის მიერვე გადაგზავნილია აჭარის პროკურატურაში? – სახელმწიფო აუდიტის სამსახურს მივმართეთ.
„…სამართალდამცავ ორგანოებს დაუყოვნებლივ ეგზავნება მხოლოდ ის მასალა, რომელიც შეიცავს ინფორმაციას დანაშაულის ნიშნების შესახებ. წარდგენილი ინფორმაციის შესაბამისად მიღებული გადაწყვეტილებისა და მისი რეალიზაციის ღონისძიებათა შესახებ სამართალდამცავმა ორგანოებმა უნდა აცნობონ აუდიტის სამსახურს,“ – გვიპასუხეს აუდიტის სამსახურში.
ამასთან, აუდიტის სამსახურმა მხოლოდ აჭარის პროკურატურაში 2014 წელს გადაგზავნილ მასალებზე რეაგირების შესახებ მოგვაწოდა ინფორმაცია [ისიც 2015 წლის 30 ივნისის მდგომარეობით], რომლის მიხედვითაც პროკურატურის საგამოძიებო ნაწილში მიმდინარეობს გამოძიება აუდიტის მიერ გადაგზავნილ 6 საქმეზე [აჭარის ფინანსთა და ეკონომიკის, სოფლის მეურნეობის, განათლების, კულტურისა და სპორტის სამინისტროების, „ბათუმის ბულვარის“, ხელვაჩაურისა და ქობულეთის მუნიციპალიტეტების მასალებზე], ხოლო შპს „ბათუმის წყლის“ მასალებზე გამოძიება მიმდინარეობს საქართველოს ფინანსთა სამინისტროს საგამოძიებო დეპარტამენტის აჭარისა და გურიის სამმართველოში.
აუდიტი თავის ანგარიშებში, ძირითადად, ხაზს უსვამს ორგანიზაციების მიერ საბიუჯეტო სახსრებისა და ქონების არაეფექტიან განკარგვას; ასევე იმას, რომ ხშირად მიღება-ჩაბარების აქტში არ არის იდენტიფიცირებული შესასრულებელი და ფაქტობრივად შესრულებული სამუშაოების დასახელება და მოცულობა; კანონშეუსაბამოდ ხდება საბიუჯეტო სამსახურებში თანამშრომლებზე ზეგანაკვეთური ანაზღაურების გაცემა და შტატგარეშეთა აყვანა; ვერ დასტურდება სამსახურების ბალანსზე რიცხული ტრანსპორტის ექსპლუატაციისა და გახარჯული საწვავის მიზნობრიობა და მოცულობა; კანონის შესაბამისად არ ტარდება ინვენტარიზაცია; არის საკითხებისადმი არაერთგვაროვანი მიდგომა; სახელმწიფო შესყიდვები შეუსაბამობაშია სატენდერო და სახელშეკრულებო მოთხოვნებთან და სხვ.
აუდიტის შედეგად სახელმწიფო უწყებებში არაერთი კანონდარღვევა და ნაკლოვანებაა გამოკვეთილი. მაგალითად, აჭარის ფინანსთა და ეკონომიკის სამინისტროს აუდიტის ანგარიშში აღნიშნულია, რომ 2014 წლის განმავლობაში, „აჭარის მყარი ნარჩენების პროექტის“ შესრულების მიზნით განხორციელებული ღონისძიებების მიუხედავად, ვერ მოხერხდა საპროექტო დოკუმენტაციის სამუშაო ვარიანტის შემუშავება, რის შედეგად „2015 წლის პირველი იანვრის მდგომარეობით, სესხის სახით გამოყოფილი 3 მილიონი ევრო ვერ აითვისეს და აუთვისებელ ნაწილზე გადასახადის სახით გადახდილია 153 ათას 800 ლარი.
სამინისტროში შტატგარეშე მუშაკთა დასაქმების შესახებ ხელშეკრულებები გაფორმებულია ერთი წლითა და მეტი ვადით, რაც ეწინააღმდეგება „საჯარო სამსახურის შესახებ“ კანონის მოთხოვნებს… სამინისტროში არასრულყოფილად ხდება მორიგე ავტოსატრანსპორტო საშუალებების დანიშნულებისამებრ გამოყენების შესახებ დოკუმენტების წარმოება“, – აღნიშნულია აუდიტის ანგარიშში.
აუდიტის მიხედვით, ა(ა)იპ „აგროსერვის ცენტრმა“, გამარტივებული ელექტრონული ტენდერით, შპს „ბითი ტრანსიდან“ შეისყიდა 61 444 ლარის ღირებულების მეორადი ავტომანქანა. „ირკვევა, რომ მიმწოდებლის მიერ ავტომანქანის შეძენის დროს, სარეალიზაციო ღირებულება შეადგენდა 25 900 ამერიკულ დოლარს, რაც ეროვნულ ვალუტაში 48 951 ლარია, – ცენტრის მიერ გადახდილ ფასთან მიმართებაში 20,3%-ით ნაკლები. შესაბამისად, გადახდილ ფასსა და რეალურ ღირებულებას შორის სხვაობა მაღალი რისკის შემცველია,“ – აღნიშნულია აუდიტის ანგარიშში.
გასულ წელს „მელიტონ კუხიანიძის სახელობის სიმღერისა და ცეკვის სახელმწიფო ანსამბლის“ შემოსავალმა 55 853 ლარი შეადგინა, რაც სასწავლო სტუდიაში ჩარიცხული ბავშვების სწავლის საფასურია. თუმცა, სახელმწიფო ანსამბლმა ვერ წარმოადგინა ინფორმაცია სტუდიებში ფაქტობრივად რიცხულ მოსწავლეთა რაოდენობისა და მათ მიმართ ცალკეულ პერიოდში რიცხული დავალიანებების შესახებ. იგივე პრობლემა იყო „აჭარის ხალხური ცეკვის სახელმწიფო ანსამბლ ხორუმში“ [შემოსავალი 25 608 ლარი].
აუდიტი ამბობს, რომ 2013 წლის 24 აპრილს ბათუმის საკრებულოს თავმჯდომარის ბრძანებით შეწყვეტილი აუქციონის [ბათუმში, ბაგრატიონის ქუჩაზე მდებარე სამი მიწის ნაკვეთის საკუთრებაში განკარგვაზე] გამო განუხორციელებელი დარჩა მოსალოდნელი ინვესტიციები, ხოლო ადგილობრივი ბიუჯეტის შემოსულობები, აუქციონზე ერთი მონაწილის პირობებში, შემცირდა არანაკლებ 1 061 500 ლარით. იმავე დღეს აჭარის ფინანსთა და ეკონომიკის სამინისტრომ მოითხოვა ამ ქონების ერთ ლოტად, პირობიანი აუქციონის ფორმით გამოცხადება ან ქონების აჭარის საკუთრებაში გადაცემა. „აუქციონის შეწყვეტიდან გასულია თითქმის 2 წელი, ზემოაღნიშნული ქონების არც პირობიანი აუქციონის ფორმით ერთ ლოტად პრივატიზება და არც ქონების აჭარის საკუთრებაში გადაცემა არ განხორციელებულა,“ – აღნიშნულია აუდიტის დასკვნაში].
აჭარის მთავრობის საქვეუწყებო „საავტომობილო გზებისა და სამელიორაციო სისტემების მართვის დეპარტამენტის“ მიერ გამოცხადებულ ერთ-ერთ ტენდერში [სავარაუდო ღირებულება 1 388 430 ლარი] საუკეთესო ფასის მქონე პრეტენდენტის შეთავაზებამ შეადგინა 1 მილიონი ლარი. პრეტენდენტისთვის მოთხოვნილი იქნა ლევან სამხარაულის სახელობის სასამართლო ექსპერტიზის ეროვნული ბიუროს დასკვნა. მას განესაზღვრა სამი სამუშაო დღის ვადა, თუმცა ბიუროს მიერ ასეთი დასკვნის მომზადებას მინიმუმ ხუთი სამუშაო დღე სჭირდება. შესაბამისად, პრეტენდენტი ვერ შეძლებდა ექსპერტიზის დასკვნის წარმოდგენას, მას მიეცა დისკვალიფიკაცია, ხოლო ხელშეკრულება გაფორმდა მომდევნო ფასის მქონე პრეტენდენტთან, რომლის ღირებულება 299 ათასი ლარით აღემატებოდა საუკეთესო ფასის მქონე პრეტენდენტის ფასს.
აუდიტის მიხედვით, ამავე დეპარტამენტის მიერ, მძიმე ტექნიკის გადასაადგილებელ მოწყობილობაზე გამოცხადებული ტენდერი მონაწილეთა არარსებობის გამო არ შედგა, თუმცა დეპარტამენტს განმეორებითი ტენდერი ან სხვა საშუალებით შესაძლო მიმწოდებელთა მოძიება არ განუხორციელებია. სათანადო დასაბუთების გარეშე, აუთვისებელი თანხიდან 46 000 ლარი გადაიტანა სხვა პროგრამაში და 42 658 ლარად დეპარტამენტის აპარატისთვის შესყიდული იქნა მაღალი გამავლობის ავტოსატრანსპორტო საშუალება „ MITSUBISHI L200 “.
საგზაო და სამელიორაციო ინფრასტრუქტურის მოვლა-შენახვის ქვეპროგრამის ფარგლებში კი დეპარტამენტში შტატგარეშე მოსამსახურის მოვალეობებს ასრულებდა 418 პირი, რომლებზეც გაცემულია ხელფასი – 1 404 702 ლარი. აუდიტი აღნიშნავს, რომ „შესაბამისი შრომითი ხელშეკრულებები სათანადოდ არ იძლევა შესასრულებელი სამუშაოს იდენტიფიცირების საშუალებას, რის გამოც, შეუძლებელია შესრულებული სამუშაოს მოცულობის დადგენა და შესაბამისად, შედეგების შეფასება“.
ამჟამად ფინანსური აუდიტი მიმდინარეობს ქობულეთის, ხელვაჩაურის, ქედის, შუახევისა და ხულოს მუნიციპალიტეტებში, ასევე, შესაბამისობისა და ეფექტიანობის აუდიტები დაწყებულია ბათუმის გამწვანების ღონისძიებებისა და აჭარაში დასაქმების პროგრამის შედეგებზე.
თვითმმართველი ქალაქის – ბათუმის საკრებულოს რეგლამენტის მიხედვით, საკრებულოში საფინანსო კომისია თვითმმართველი ქალაქის – ბათუმის საფინანსო-საბიუჯეტო სფეროში, თავისი კომპეტენციის შესაბამისად, საკითხების წინასწარი მომზადების, საკრებულოს გადაწყვეტილებათა შესრულებისათვის ხელის შეწყობის, მერიისა და მისი სტრუქტურული ერთეულების კონტროლის მიზნით იქმნება, ხოლო ეკონომიკური რეფორმების კომისია – ეკონომიკური რეფორმებისა და განვითარების სფეროში ხელშეწყობისა და კონტროლის მიზნით.
ბათუმის საკრებულოში ამ ფუნქციას ერთი – საფინანსო და ეკონომიკური განვითარების კომისია ითავსებს. კომისიას საკრებულოს წევრი თენგიზ აფხაზავა ხელმძღვანელობს. გასულ კვირას „ბათუმელებმა“ ამ კომისიის მიერ მომზადებული დასკვნები შეისწავლა.
ბიუჯეტის ცხრა თვის შესრულების ანგარიში მერიას საკრებულოსთვის ჯერ არ წარუდგენია. 6 თვის შესრულების ანგარიშის შესწავლის შემდეგ მომზადებული დასკვნის მიხედვით კი, მერიის ფინანსისტები ცუდად მუშაობენ.
„…ფაქტია, რომ ბათუმის მერიის ეკონომიკური გუნდი ვერ უზრუნველყოფს პროექტებისა და პროგრამების ჭრილში თუნდაც მიახლოებით სწორ პროგნოზირებას, თანხის დროულ გადატანას პროგრამის ერთი ნაწილიდან მეორეში ან ახალ პროექტებში, გადაწყვეტილების დროულ მიღებას, რაც, საბოლოო ჯამში, უარყოფითად აისახება ბიუჯეტის ხარჯვითი ნაწილის შესრულებაზე“, – ნათქვამია კომისიის დასკვნაში.
ამავე დასკვნაში საფინანსო-საბიუჯეტო კომისია დადებითად აფასებს ბიუჯეტის ზრდის ტენდენციას შემოსულობების ნაწილში. თუმცა, იქვე წერს, რომ პირველ კვარტალთან მიმართებაში ნაშთი ამჯერად 6 მილიონით გაიზარდა და აუთვისებელი თანხა, საერთო ჯამში, 45 მილიონ 222 000 ლარია.
დასკვნაში საუბარია იმაზეც, რომ მერიის ფინანსისტებმა საკრებულოს საფინანსო-საბიუჯეტო კომისიის რეკომენდაციები არ გაითვალისწინეს:
„მიუხედავად საფინანსო და ეკონომიკური განვითარების კომისიის არაერთი მითითებისა და მრავალი რეკომენდაციისა, მერიის საფინანსო ეკონომიკურმა სამსახურმა არ გაანალიზა შექმნილი სიტუაცია, არ ჩააატარა ფინანსური პროგრამული ანალიზი და გააგრძელა ბიუჯეტის კვარტალური წარმოდგენის არაჯანსაღი ტენდენცია…“
რაში გამოიხატება ბიუჯეტის კვარტალური წარმოდგენის არაჯანსაღი ტენდენცია? – დასკვნაში განმარტებულია, რომ ბიუჯეტის ანგარიშები საკრებულოში დადგენილი ვადის ბოლო დღეებში შედის, ამასთან სერიოზული ხარვეზებით, რაც გამოიხატება ფინანსურ და პროგრამულ ნაწილში საკასო მონაცემების შესრულების სხვადასხვა მაჩვენებლით. კომისიის წევრების მოსაზრებით ეს „ზერელე დამოკიდებულებაზე მეტყველებს“.
კომისიის ინფორმაციით, მერიაში განმარტეს, რომ პროგრამულ ანგარიშებს საფინანსო-საბიუჯეტო სამსახურში წარადგენენ არაუგვიანეს 3-12 დღისა, ხოლო მათი საკრებულოში გადამისამართება იგვიანებს.
საფინანსო ეკონომიკური სამსახურის ინფორმაციით, პროგრამული ანგარიშების წარდგენის დაგვიანების გამო კვარტალური ანგარიშების უფრო ადრე წარდგენა ვერ ხერხდება. კომისიაში მიიჩნევენ, რომ ყოველივე ეს მერიის საფინანსო-საბიუჯეტი სამსახურის სხვა სამსახურებთან არაკოორდინირებულ მუშაობაზე მიუთითებს.
2015 წლის აპრილში ბათუმის მერიამ 2014 წლის ბიუჯეტის ანგარიში წარუდგინა საკრებულოს. ამ ბიუჯეტს, როგორც ზემოთ აღვნიშნეთ, 34 700 000 ლარი მორჩა. საფინანსო საბიუჯეტო კომისიამ მილიონობით ნაშთის წარმოქმნის მიზეზები გაანალიზა და მერიას შესაბამისი რეკომენდაციები მისცა. კომისიამ ურჩია მერიას კონტროლი გაამკაცროს იმ შემთხვევაში, როცა კომპანიებს დასრულებული აქვთ სამუშაოები, მაგრამ აგვიანებენ დოკუმენტაციის წარმოდგენას. კომისია მერიას სთხოვს დროულად შეუწყდეთ კომპანიებს კონტრაქტები, რომლებიც გეგმა-გრაფიკებს არღვევენ.
გაითვალისწინა თუ არა მერიამ საკრებულოს კომისიის რჩევები, ეს მომავალში გამოჩნდება.
ამ დღეებში ბათუმის მერიამ საკრებულოს 2015 წლის ბიუჯეტის ცხრა თვის შესრულების ანალიზი უნდა წარუდგინოს. შემოსულობების ნაწილში არა, თუმცა ათვისების წილში მერიას პრობლემები, სავარაუდოდ, ისევ ექნება.
ბათუმელ სტუდენტებს რეგიონული მედიის ასოციაციის იურისტმა პაატა ცნობილაძემ, მოწვეულ ტრენერთან – ქეთევან მამამთავრიშვილთან ერთად საქართველოს სახელმწიფოებრივი მოწყობის მოდელი, ქვეყნის მართვის პროცესში ამომრჩევლის მონაწილეობის გზები (რა არის დემოკრატია, არჩევნები, რეფერენდუმი და პლებისციტი), არჩევითი ორგანოების ფორმირება და ქვეყანაში არსებული საარჩევნო კანონმდებლობა გააცნო.
ტრენინგის პირველი დღე წინასაარჩევო კამპანიას, პოლიტიკური პარტიებისა თუ სუბიექტების უფლებამოსილებას, საარჩევნო უბნის გახსნიდან დახურვამდე არსებული პროცედურების გაცნობას დაეთმო.
ტრენინგი, რომელიც ორ დღეს გაგრძელდა ბათუმში, იმიტირებული საარჩევნო პროცესით დასრულდა. სტუდენტებმა მონაწილეობა მიიღეს არჩევნების იმიტაციაში და ყველა ის პროცედურა შეასრულეს, რაც საარჩევნო უბნის გახსნიდან მისი დახურვის პერიოდამდე გრძელდება.
ნათია მამულაძე, სტუდენტი: „საინტერესო და ინფორმაციულად დატვირთული ტრენინგი იყო, ვფიქრობ, მსგავს ტრენინგებს შეუძლია შეცვალოს ადამიანების დამოკიდებულება არჩევნებისადმი და ისე სკეპტიკურად არ შეხედონ, როგორც ახლა არის. არჩევნებზე მოქალაქეების პასიურობასაც ხომ მეტ-ნაკლებად ეს განაპირობებს. ტრენინგზე გავიგე, რა უფლება მაქვს მე, როგორც ამომრჩეველს და რა უფლება აქვთ კომისიის წევრებს. გადავწყვიტე სამომავლოდ არჩევნებში მონაწილეობა მივიღო არა მხოლოდ როგორც ამომრჩეველმა, არამედ როგორც კომისიის წევრმა“.
ანა გოგუაძე: „არჩევნების თემაზე ტრენინგი არასდროს გამივლია. 19 წლის ვარ და არჩევანი ჯერ არ გამიკეთებია, შესაბამისად ყველა ის დეტალი, რაც არჩევნებს უკავშირდება, ჩემთვის საინტერესო იყო“ .
ტრენინგი „რეგიონული მედიის ასოციაციის“ პროექტის – „რეგიონული მედია ახალგაზრდების საარჩევნო ინფორმირებისა და განვითარებისთვის“ – ფარგლებში ჩატარდა. პროექტს „საარჩევნო სისტემების განვითარების, რეფორმებისა და სწავლების ცენტრი“ აფინანსებს.
მონაწილეებს ტრენინგის დასრულების შემდეგ სერტიფიკატები გადაეცათ.
