ნეტგაზეთი • RU

რა უნდა ისწავლონ სკოლების ფასილიტატორებმა

 

მასწავლებელთა პროფესიული განვითარების ეროვნულმა ცენტრმა ფასილიტატორის ტრენინგების ციკლი დაიწყო. ტრენინგის მონაწილე ფასილიტატორები გაეცნობიან მასწავლებლის თვითშეფასების მეთოდებს, ასევე ისწავლიან, თუ როგორ დაეხმარონ კოლეგებს ამ ინსტრუმენტის გამოყენებაში.

 

სატრენინგო კურსი ფასილიტატორებისთვის მასწავლებლის თვითშეფასების კითხვარისა და მასწავლებლის სამოქმედო გეგმის დეტალების გაცნობას გულისხმობს. ტრენინგის მონაწილეები ისწავლიან, თუ როგორ ასწავლონ კოლეგებს თავიანთი სკოლებიდან საკმაოდ მოცულობითი დოკუმენტის შევსება, ასევე საკუთარი საქმიანობის გააზრებულად შეფასება და საჭიროებების მიხედვით სამუშაო გეგმის შემუშავება.

 

ტრენინგები საქართველოს ყველა რეგიონში ჩატარდება. კურსი ორდღიანია და მას წლის ბოლომდე ეტაპობრივად ყველა ფასილიტატორი გაივლის.

 

საქართველოში ყველა საჯარო სკოლას ჰყავს თავიანთი ფასილიტატორები, რომლებიც სკოლებში არსებულმა კათედრებმა აირჩიეს.

 

 

ნეტგაზეთის მასალების სხვა გამოცემებში გადაბეჭდვის წესი
ბათუმელები