მოსამართლე გიორგი გრატიაშვილმა წინასწარი პატიმრობა შეუფარდა დიეგო ბ.-ს და ბადრედინ მ.-ს. საუბარია 4 დეკემბერს დილით ბათუმში, რუსთაველის ქუჩაზე, მდებარე ჰოსტელის ძარცვაზე. ეს ჰოსტელიც იმ შენობაშია, სადაც პოლიციის მე-6 განყოფილებაა განთავსებული. გამოძიების ვერსიით, ბრალდებულები ჰოსტელში პოლიციელების სახელით შევიდნენ და თქვეს, რომ ნარკოტიკს ეძებდნენ, შემდეგ კი, რუს ტურისტს ძვირადღირებული მობილური ტელეფონი წაართვეს. “ყურადღება მინდა მიაქციოთ აღკვეთი ღონისძიების …
Author Archives: ჯაბა ანანიძე
ბათუმში გაჩერებული ავტომანქანა დაიწვა
დღეს, 5 დეკემბერს, ბათუმში, ფრიდონ ხალვაშის გზატკეცილზე გაჩერებულ მსუბუქ ავტომანქანას ცეცხლი გაუჩნდა. სახანძრო-სამაშველო სამსახურში გვითხრეს, რომ ავტომანქანაში არავინ იჯდა, შესაბამისად, არც არავინ დაშავებულა. ხანძრის შედეგად ავტომანქანა სრულად დაიწვა. სახანძროში გვითხრეს, რომ ჯერ არ არის ცნობილი ხანძრის გამომწვევი მიზეზები. შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 187-ე მუხლის შესაბამისად დაიწყო, რაც ნივთის დაზიანებას ან განადგურებას …
საბერძნეთის ორი მოქალაქე საქართველოში მიწას ვერ ირეგისტრირებს – დავა საკონსტიტუციოში
საბერძნეთის ორი მოქალაქე პარლამენტის წინააღმდეგ საკონსტიტუციო სასამართლოში დავობს – მათ საქართველოში მიწის დარეგისტრირებაზე უარი უთხრეს. პროკოპი სავვიდი და დიანა შამანიდი საქართველოში გაიზარდნენ, თუმცა საბერძნეთის მოქალაქეობის მიღების შემდეგ მათ საქართველოს მოქალაქეობა დაკარგეს. ორივე მათგანი მშობლებისგან მემკვიდრეობით მიღებული სასოფლო-სამეურნეო მიწების საკუთრებად აღიარებას ითხოვს. დავის საგანი პარლამენტის მიერ მიღებული კანონის – „სასოფლო-სამეურნეო დანიშნულების მიწის საკუთრების შესახებ“ 22-ე მუხლი …
პოლიციის სახელით ბათუმში ჰოსტელს ძარცვავდნენ – ერთ-ერთი მძარცველი სტუმრებმა დააკავეს
პოლიციის სახელით ორი პირი ბათუმში, რუსთაველის ქუჩაზე მდებარე ჰოსტელში შეიჭრა. ეს ჰოსტელი იმავე შენობაშია, სადაც პოლიციის მე-6 განყოფილებაა განთავსებული. გამოძიების ვერსიით, ორი პირი პოლიციელის სახელით შეიჭრა ჰოსტელში და სტუმრებისთვის ნივთების წართმევა სცადა. ჰოსტელში შესულმა პირებმა ტურისტებს თავდაპირველად უთხრეს, რომ ისინი პოლიციიდან იყვნენ და ნარკოტიკს ეძებდნენ. ჰოსტელის სტუმრებმა ერთ-ერთი პირი მას შემდეგ დააკავეს, როცა ის ტურისტისთვის …
საპენსიო სააგენტოს დირექტორი დაგროვილი პენსიის დაკარგვის რისკზე: ბანკების მიმართ არსებობს ნდობა
„რა გარანტია გვაქვს მოქალაქეებს, რომ ეს დაგროვებული ფული არ დაიკარგება?“ – იკითხა საპენსიო სააგენტოს მიერ გამართულ შეხვედრაზე ნანა კალანდაძემ, არასამთავრობო ორგანიზაცია „ღირსეული სიბერის“ ხელმძღვანელმა. საპენსიო სააგენტოს ხელმძღვანელი პირები ბათუმის დემოკრატიული ჩართულობის ცენტრში მესამე სექტორის წარმომადგენლებსა და მუნიციპალიტეტების პირველ პირებს შეხვდნენ. „ეს სისტემა ისეთი სტანდარტით არის შექმნილი, რომ ვერავინ ხელს ვერ მოკიდებს ამ ფულს. ფული იქნება …
რა უთხრეს ბიზნესმენებს თორნიკე რიჟვაძემ და ბიზნესომბუდსმენმა
მეწარმეებს ბიზნესომბუდსმენი დღეს, 5 დეკემბერს, შემოსავლების სამსახურში შეხვდა. ბიზნესომბუდსმენის, ირაკლი ლექვინაძის თქმით, ყველაზე ხშირად მშენებელ კომპანიებს ექმნებათ ბიუროკრატიული პრობლემები. „ბიზნესისთვის დამაზიანებელია გაჭიანურებული სასამართლო პროცესი, ასევე, მშენებლობის ნებართვების გაცემის პროცესი,“ – აღნიშნა ირაკლი ლექვინაძემ. მისივე თქმით, მუნიციპალიტეტებში სტრუქტურული ერთეული უნდა შეიქმნას, სადაც ბიზნესკომპანიას ადმინისტრაციული ორგანოს მიერ მიღებული გადაწყვეტილების გასაჩივრება შეეძლება. ბიზნესომბუდსმენი მიიჩნევს, რომ ამ გზით მეწარმეები სასამართლო …
Continue reading “რა უთხრეს ბიზნესმენებს თორნიკე რიჟვაძემ და ბიზნესომბუდსმენმა”
15 ათასი ლარი რატომ უნდა იყოს საპენსიო სააგენტოს დირექტორის ხელფასი – დირექტორის განმარტება
„რატომ უნდა იყოს საპენსიო სააგენტოს დირექტორის ხელფასი 15 ათასი ლარი, როცა პენსია საქართველოში ჯერ კიდევ 180 ლარია?“ – ეს შეკითხვა „ბათუმელებმა“ დღეს ლევან სურგულაძეს დაუსვა. ის ახლად შექმნილი უწყების – საპენსიო სააგენტოს პირველი დირექტორია. საპენსიო სააგენტოს ხელმძღვანელმა პირებმა დღეს, 5 დეკემბერს, ბათუმის დემოკრატიული ჩართულობის ცენტრში შეხვედრა გამართეს და საპენსიო რეფორმის შესახებ ისაუბრეს. „არსებული პენსია, თქვენ …
მსხვერპლი ქალებისთვის შესაძლოა კრიზისული მართვის ცენტრი მოეწყოს
„აუცილებელია მოეწყოს კრიზისული მართვის ცენტრი,“ – აღნიშნა ბექა მაჭუტაძემ, ადამიანით ვაჭრობის მსხვერპლთა, დაზარალებულთა დაცვისა და დახმარების სახელმწიფო ფონდის აჭარის წარმომადგენლობის ხელმძღვანელმა. შეხვედრა დღეს, 4 დეკემბერს, დემოკრატიული ჩართულობის ცენტრში გაიმართა და ოჯახში ძალადობის მსხვერპლი ქალების გაძლიერებაზე ისაუბრეს. ამ დროისთვის ბათუმის თავშესაფარში, სადაც ტრეფიკინგის მსხვერპლიც შესაძლოა მოათავსონ, ძალადობის მსხვერპლი 4 ქალი და 7 ბავშვია. თავშესაფარში მოსახვედრად რამდენიმე …
Continue reading “მსხვერპლი ქალებისთვის შესაძლოა კრიზისული მართვის ცენტრი მოეწყოს”
ქალი თურქეთიდან, რომელიც ბათუმში ინგლისურს ასწავლის
გურბეთ ქართალმიზი მეორე წელია ბათუმში ცხოვრობს. ის ბათუმის სახელმწიფო უნივერსიტეტში ინგლისური ლიტერატურის მაგისტრატურას ასრულებს. სწავლის პარალელურად კი, ერთ-ერთ კერძო სკოლაში ინგლისურ ენას ასწავლის. გურბეთი თურქეთიდანაა. მას ბათუმის ბულვარში შევხვდით და შთაბეჭდილებებზე ვესაუბრეთ: „აქ ჩამოსვლამდე არასდროს მენახა საქართველო. გულწრფელი რომ ვიყო, სხვა ქვეყნების ნახვაზე უფრო ვოცნებობდი, სწავლის გამო მივიღე ეს გადაწყვეტილება… როცა ჩამოვედი, ოქტომბერი იყო და …
Continue reading “ქალი თურქეთიდან, რომელიც ბათუმში ინგლისურს ასწავლის”
რა გადაწყვიტა უზენაესმა სასამართლომ – „მუსლიმთა პანსიონზე ღორის თავის მიჭედების საქმე“
„ქობულეთის მუსლიმთა პანსიონის საქმე“ უზენაესმა სასამართლომაც განიხილა. პანსიონზე ღორის თავის მიჭედება და მუსლიმებისთვის შენობაში შესვლაზე ხელშეშლა ბათუმის საქალაქო სასამართლომ 2016 წლის სექტემბერში შეაფასა დისკრიმინაციად. თუმცა მუსლიმი თემი იმ პოლიციელთა ქმედებების დისკრიმინაციად შეფასებასაც ითხოვდა, რომლებიც ამ პროცესს თვალს ადევნებდნენ და არაფერი გააკეთეს მის შესაჩერებლად. პირველი და მეორე ინსტანციების სასამართლოებმა შსს-ს წინააღმდეგ მოთხოვნის დაკმაყოფილებაზე უარი თქვეს. უზენაესმა …
„დღეს მხოლოდ ჩაი გვქონდა და კიდევ პური“ – ბავშვები ქობულეთიდან (ფოტო)
ქობულეთში, სოფელ ხუცუბანში, ნაკაიძეების დასახლებაში ყველა გეტყვით, სად ცხოვრობს სურმანიძეების ოჯახი. სახლი ქვისაა და ორსართულიანი, თუმცა გზაზე ჩავლის დროს შორიდანვე შეამჩნევთ, რომ იქ მცხოვრებ ადამიანებს უჭირთ – დაჟანგული მოაჯირებით და ბავშვების გამოფენილი ფერადი ტანსაცმლით, ტალახიანი ეზოთი, სადაც ბავშვები დარბიან, ძველი მიყრილ-მოყრილი ნივთებით, ღიად დატოვებული ონკანით და შიშველი თოჯინით, პირქვე ჩამხობილი რომ დარჩენიათ ბავშვებს. „დღეს ჩაი …
Continue reading “„დღეს მხოლოდ ჩაი გვქონდა და კიდევ პური“ – ბავშვები ქობულეთიდან (ფოტო)”
სასამართლოში ბრალდებულის გამოუცხადებლობის მიზეზი – გაფუჭებული ავტომანქანები
52 სპეციალიზებული ავტომანქანიდან 19 კუსტარული წესით გადაკეთების შედეგად გაფუჭდა – ეს ინფორმაცია „ბათუმელებს“ პენიტენციურმა სამსახურმა ადმინისტრაციულად გასაჩივრების შემდეგ მოაწოდა. „ბათუმელებმა“ საჯარო ინფორმაცია სასჯელაღასრულების სისტემის ავტოპარკის შესახებ 19 ოქტომბერს გამოითხოვა, მას შემდეგ, როცა ბათუმის საქალაქო სასამართლოში არაერთი პროცესის გადადების მიზეზი ბრალდებულის გამოუცხადებლობა გახდა. სასამართლო პროცესებზე მაშინ [და ახლაც] აღნიშნავდნენ, რომ ბრალდებულები პენიტენციურმა სამსახურმა ავტომანქანის არარსებობის გამო …
Continue reading “სასამართლოში ბრალდებულის გამოუცხადებლობის მიზეზი – გაფუჭებული ავტომანქანები”
ვის გაუნახევრებენ ხელფასს საარჩევნო კომისიებიდან – საჩივრების განხილვა
საუბნო კომისიებში დაწერილი საჩივრები ბათუმის საოლქო კომისიამ დღეს, 30 ნოემბერს განიხილა. ბათუმში საჩივრები, ძირითადად, კომისიის იმ წევრების წინააღმდეგ დაიწერა, რომლებიც „ნაციონალურ მოძრაობას“ წარმოადგენდნენ და გადასატანი ყუთის წილისყრაში მონაწილეობა არ მიიღეს. ერთ-ერთ შემთხვევაში საჩივარი კომისიის თავმჯდომარის წინააღმდეგაც დაიწერა. „კომისიის თავმჯდომარემ თავისი სურვილით არ მიაღებინა მონაწილეობა წილისყრაში კომისიის წევრს,“ – აღნიშნა საოლქო კომისიის სხდომაზე მადონა ბერიძემ, „სამართლიანი …
Continue reading “ვის გაუნახევრებენ ხელფასს საარჩევნო კომისიებიდან – საჩივრების განხილვა”
ხელფასი 440 ლარი – მზარეულები, რომლებიც სოციალურად დაუცველებს უმზადებენ სადილს
„რა ვქნათ, ყველა გაჭირვებულია,“ – ასე ამბობენ მზარეულები, რომლებიც ყოველდღე სოციალურად დაუცველებს ემსახურებიან. თითოეული მათგანის ხელფასი თვეში 440 ლარია. დილის რვა საათზე მზარეულები უფასო სადილის მოსამზადებლად იკრიბებიან. ჯავახიშვილის ქუჩის ბოლოში მდებარე მერიის მუნიციპალური სასადილოს მზარეულებს ვკითხეთ, როგორია თავად მათი სოციალური მდგომარეობა. „არ გვყოფნის ხელფასი, მაგრამ რა უნდა ვქნათ, ვეჩვევით,“ – გაღიმებას ცდილობს გულიკო ყურშუბაძე და …
Continue reading “ხელფასი 440 ლარი – მზარეულები, რომლებიც სოციალურად დაუცველებს უმზადებენ სადილს”
„ბიძინამ კი არ მოიგო, მიშამ წააგო კიდევ ერთხელ“ – რა აჩვენა მეორე ტურმა
„ამ არჩევნებზე გადამწყვეტი როლი ითამაშა შიშმა“, – მიიჩნევს ისტორიკოსი გრიგოლ გეგელია. მას ვესაუბრეთ ფაქტორებზე, რამაც მეორე ტურზე გადამწყვეტი როლი ითამაშა. გრიგოლ გეგელიას, ასევე, ვკითხეთ, რატომ არ გახდა ამ არჩევნებზე მსჯელობის საგანი ის, რომ სალომე ზურაბიშვილი ქალია. ქართულ პოლიტიკურ რეალობაში პოლიტიკოსი ხშირად მხოლოდ იმიტომ ხდება კრიტიკის ობიექტი, რომ ქალია. ბატონო გრიგოლ, თქვენი დაკვირვებით, რამ ითამაშა გადამწყვეტი …
Continue reading “„ბიძინამ კი არ მოიგო, მიშამ წააგო კიდევ ერთხელ“ – რა აჩვენა მეორე ტურმა”
„აქამდე ივანიშვილი სააკაშვილის დამსახურებით მოვიდა,“- ინტერვიუ გრიგოლ გეგელიასთან
ისტორიკოსი გრიგოლ გეგელია ახალი პოლიტიკური ძალების გააქტიურებას ელოდება 2020 წლის საპარლამენტო არჩევნებზე. იგი მიიჩნევს, რომ ხალხი ცუდსა და უარესს შორის არჩევანის გაკეთებით დაიღალა და ბიულეტენზე ამომრჩევლის მიწერილი ფრაზებიც, რაც შემდეგ სოციალური ქსელებით გავრცელდა, ამას ადასტურებს, მაგალითად, ეს: „დაგექცათ დაბადება, მეტი არჩევანი რომ არ დაგვიტოვეთ…“ არჩევნების მეორე ტურის წინ ბევრი ამბობდა, რომ ეს იქნებოდა ტესტი და, …
Continue reading “„აქამდე ივანიშვილი სააკაშვილის დამსახურებით მოვიდა,“- ინტერვიუ გრიგოლ გეგელიასთან”
ბათუმში „შერატონის“ მესაკუთრის სახელობის ქუჩას სახელს აღარ შეუცვლიან
ბათუმში ნურეთინ ჩარმიქლის ქუჩისთვის სახელის გადარქმევაზე საკრებულოს განათლების კომისიამ უარი თქვა. ამ კომისიის დადებითი დასკვნის გარეშე ამ საკითხზე მომზადებულ პეტიციას საკრებულო ვერ განიხილავს. პეტიცია ბათუმის „შერატონის“ მესაკუთრის – ნურეთინ ჩარმიქლის ქუჩისთვის სახელის გადარქმევაზე 3 სექტემბერს გამოცხადდა. პეტიციას 1111-მა ადამიანმა მოაწერა ხელი. „უარი გვითხრეს, რადგან ეს პოლიტიკური გადაწყვეტილება იქნება, ქსენოფობიაში დაგვდებენ ბრალსო. მე ვუთხარი მათ, რომ …
Continue reading “ბათუმში „შერატონის“ მესაკუთრის სახელობის ქუჩას სახელს აღარ შეუცვლიან”
ბათუმის 26-ე უბნიდან 2 დამკვირვებელი პოლიციის დახმარებით გააძევეს
ბათუმის 26-ე საარჩევნო უბნიდან 2 დამკვირვებელი პოლიციის დახმარებით გააძევეს. ორგანიზაცია “ახალი ევროპული მომავლისთვის” წარმომადგენლის, ლამარა დუმბაძის თქმით, ის საარჩევნო უბანზე მარკირებული ამომრჩევლების ხელახლა შესვლას აპროტესტებდა. “ადამიანები, რომლებსაც მარკირება გავლილი ჰქონდათ, ხელახლა შემოუშვეს. ასეთი იყო 6 ამომრჩეველი,”- ირწმუნება ლამარა დუმბაძე. “ასე არ არის. მხოლოდ ერთ ადამიანს აღენიშნებოდა ხელზე სითეთრე. მას მანდარინი ჰქონდა სავარაუდოდ ნაჭამი,”- გვითხრა ნათელა …
Continue reading “ბათუმის 26-ე უბნიდან 2 დამკვირვებელი პოლიციის დახმარებით გააძევეს”
წარწერა საარჩევნო უბნის შენობაზე
ბათუმში, #15 საარჩევნო უბანს, შენობაზე “არა ნაცებს” დააწერეს. ეს საარჩევნო უბანი ფიროსმანის ქუჩაზეა, სადაც ბსუ-ს ტექნოლიგიური ფაკულტეტია განთავსებული. კომისიის წევრების თქმით, წარწერა შენობაზე დღის განმავლობაში გაჩნდა. “ჩვენ აქ მოვედით შუაღამეს. მე ეს წარწერა არ შემიმჩნევია… ოლქში გადავამოწმე და მითხრეს, რომ პასუხისმგებელი ვართ მხოლოდ კენჭისყრის შენობის შიდა ნაწილზე,”- გვითხრა იმედა შარაშიძემ, ბათუმის #15 საარჩევნო უბნის კომისიის …
საარჩევნო უბანი დაცვის თანამშრომლით და ტელევიზორით
ბათუმის მე-15 საარჩევნო უბანზე კენჭისყრის პროცესს დაცვის თანამშრომელიც ესწრება, რომელიც პარალელურ რეჟიმში ტელევიზორს უყურებს და კომისიის წევრებსაც აყურებინებს. მე-15 საარჩევნო უბანი ფიროსმანის ქუჩაზე, ბათუმის სახელმწიფო უნივერსიტეტის ტექნოლოგიური ფაკულტეტის შენობაშია განთავსებული. შენობის შესასვლელში დაცვის თანამშრომლის ადგილია გამოყოფილი, რომელიც ფოიესგან ნახევრად შემინული კედლებითაა გამიჯნული. ფოიეში ამჟამად კენჭისყრის პროცესი მიმდინარეობს. “მე არაფერს ხელს არ ვუშლი. საერთოდ არ შემოვდივარ …
Continue reading “საარჩევნო უბანი დაცვის თანამშრომლით და ტელევიზორით”
საკრებულომ აპარატის ყოფილ უფროსს 34 500 ლარი უნდა გადაუხადოს
34 500 ლარი ბათუმის საკრებულომ უნდა გადაუხადოს აპარატის ყოფილ უფროსს – ლიანა დიასამიძეს. გადაწყვეტილება მოსამართლე ირაკლი შავაძემ დღეს, 27 ნოემბერს მიიღო. ლიანა დიასამიძე ბათუმის საკრებულოს აპარატის უფროსად 2004 წლიდან მუშაობდა. 2014 წლიდან იგი საქმისწარმოების განყოფილების უფროსის პოზიციაზე გადაიყვანეს და ტესტირების გავლა მოსთხოვეს. ტესტირებაში ლიანა დიასამიძემ კარგი შედეგი აჩვენა, თუმცა გასაუბრების ეტაპი ვერ გადალახა. ლიანა დიასამიძემ …
Continue reading “საკრებულომ აპარატის ყოფილ უფროსს 34 500 ლარი უნდა გადაუხადოს”
10-წლიანი პატიმრობა ორი კაცის მკვლელობის საქმეზე – ბათუმის სასამართლო
რუსლან ბედიევსა და ნიკა ბახტაძეს მოსამართლე გიორგი გრატიაშვილმა 10-10 წლით თავისუფლების აღკვეთა შეუფარდა. საუბარია გასული წლის ზაფხულში ორი ბიჭის მკვლელობაზე. ბათუმში, ხიმშიაშვილის ქუჩაზე, ნაქირავებ ბინაში 19 წლის გიორგი ხაჭაპურიძე და 25 წლის ზვიად სალთხუციშვილი მოკლეს. ცხედრები მკვლელობიდან სამი დღის შემდეგ იპოვეს. ამ საქმის განხილვა დახურულ რეჟიმში მიმდინარეობდა. პროკურატურის მოთხოვნით სასამართლო სხდომები დაიხურა, რადგან საქმე პირად …
Continue reading “10-წლიანი პატიმრობა ორი კაცის მკვლელობის საქმეზე – ბათუმის სასამართლო”
ცოლის ცემაში ბრალდებული: მე უკვე სხვა ოჯახი მყავს
ოჯახში ძალადობის ამ შემთხვევის განხილვა მოსამართლე ვიოლეტა ფორჩხიძეს ისე მოუხდა, რომ ვერც ბრალდებულისგან მოისმინა რამე მომხდარის შესახებ და ვერც ნაცემი ქალისგან, რომელმაც სექტემბერში 112-ზე დარეკა და შველა ითხოვა. სასამართლოს არავის ჩვენება არ მოუსმენია, რადგან ბრალდებულმა მარად დ.-მ ბრალი სრულად აღიარა და ყველა მტკიცებულება, რაც პროკურორმა გიორგი რამიშვილმა მოსამართლეს მიუტანა, უდავოდ მიიჩნია. 112-ის ოპერატორს და შემდეგ …
Continue reading “ცოლის ცემაში ბრალდებული: მე უკვე სხვა ოჯახი მყავს”
14 წლის გოგოს დაყაჩაღებაში ბრალდებული მოსამართლეს: ერთი თვეა მეც იგივე კითხვა მაქვს
“ერთი თვეა ჩემს თავთანაც იგივე კითხვა მაქვს, რომ რა მოხდა,” – ასე უპასუხა ყაჩაღობაში ბრალდებულმა იმედა მ. მოსამართლეს ტრადიციულ შეკითხვაზე: ცნობთ თუ არა თავს დამნაშავედ? იმედა მ.-ს გამოძიება 14 წლის გოგოს დაყაჩაღებას ედავება. პროკურატურის ვერსიით, ბრალდებულმა ბაგრატიონის ქუჩაზე, ღამის 11 საათზე, გოგოს კისერთან დანა მიადო და მობილური ტელეფონი სიცოცხლის მოსპობის მუქარით წაართვა. რამდენიმე დღის შემდეგ …
ქალის მკვლელობა ეჭვიანობის ნიადაგზე – ბრალდებულმა სხდომის დახურვა ითხოვა
ის ხელის აფარებით შემოვიდა სასამართლო დარბაზში და ბრალდებულისთვის განკუთვნილ ადგილას უხმოდ დაჯდა. “ჩვენ ვითხოვთ სასამართლო პროცესის დახურვას,” – მიმართა მოსამართლეს ადვოკატმა ბიძინა ბერიძემ. ადვოკატის თქმით, მკვლელობაში ბრალდებულს არ სურს მისი სამსახურებრივი მონაცემების გასაჯაროება. “სხდომის დახურვას თავისი საფუძველი აქვს, რაც არ არსებობს,” – მოუჭრა ადვოკატს პროკურორმა რამაზ შავაძემ. რეპლიკის შემდეგ ადვოკატმა დაამატა, რომ ბრალდებულს პირადი ცხოვრების …
Continue reading “ქალის მკვლელობა ეჭვიანობის ნიადაგზე – ბრალდებულმა სხდომის დახურვა ითხოვა”
წამლები და მკურნალობა – რას ვერ აკმაყოფილებს სამედიცინო ბაზარი საქართველოში
მას შემდეგ, რაც მოსახლეობამ წამლების ყიდვა თურქეთში დაიწყო და სამედიცინო მომსახურების მიღებაც, სადაზღვევო კომპანიების ნაწილმა საქართველოში ახალი სერვისი შექმნა – დაზღვევა თურქეთში. რას ფიქრობენ ამ თემაზე ჯანდაცვის სპეციალისტები? თინა ტურძილაძე, ჯანდაცვის კონსულტანტი ფარმაკოეკონომიკის სპეციალიზაციით: პრობლემა სადაზღვევო პაკეტებში არ არის, რომლებიც საერთაშორისო სამედიცინო სერვისებზე და მ. შ. მედიკამენტებზე ხელმისაწვდომობას სთავაზობს ბენეფიციარებს, ეს პაკეტები მოსახლეობის საჭიროების და, …
Continue reading “წამლები და მკურნალობა – რას ვერ აკმაყოფილებს სამედიცინო ბაზარი საქართველოში”
რაში ხარჯავენ ჩვენს ფულს ქართველი პოლიტიკოსები
არჩევნები და ფული – ეს ერთ-ერთი თემა იყო, რაზეც ლევან ცუცქირიძემ, „აღმოსავლეთ ევროპის ცენტრი მრავალპარტიული დემოკრატიისთვის“ ხელმძღვანელმა ბათუმში გამართულ შეხვედრაზე ისაუბრა. „ბათუმელები“ გთავაზობთ ჩანაწერს საჯარო გამოსვლიდან. ლევან ცუცქირიძეს „ბათუმელებმა“ ჰკითხა საბანკო დავალიანების ჩამოწერის დაპირებასთან დაკავშირებითაც – რა საფრთხეს შეიცავს პოლიტიკურად, როცა ასიათასობით ადამიანს წინასაარჩევნოდ ვალების გასტუმრებას ჰპირდებიან. „დავიწყებ იმით, რომ საქართველო ხარჯავს უზომოდ ბევრ ფულს პოლიტიკოსებზე. …
Continue reading “რაში ხარჯავენ ჩვენს ფულს ქართველი პოლიტიკოსები”
რას აკეთებს სახელმწიფო, როცა ჩვენს ჯანმრთელობას თურქეთში აზღვევენ – ინტერვიუ ჯანდაცვის ექსპერტთან
მას შემდეგ, რაც მოსახლეობამ წამლების ყიდვა თურქეთში დაიწყო და სამედიცინო მომსახურების მიღებაც, სადაზღვევო კომპანიების ნაწილმა საქართველოში ახალი სერვისი შექმნა – დაზღვევა თურქეთში. მომხმარებლის მოთხოვნას ბიზნესი, ანუ ამ შემთხვევაში სადაზღვევო კომპანიები, უკან გაყვა. რა უნდა გააკეთოს სახელმწიფომ, როცა მოქალაქე ქართულ კლინიკებში მკურნალობას საზღვარგარეთ წასვლას არჩევს? – „ბათუმელები“ ჯანდაცვის ექსპერტს, მედიცინის აკადემიურ დოქტორს, თენგიზ ვერულავას ესაუბრა. ბატონო …
რატომ უნდა დალიოს ყავა სალომე ზურაბიშვილმა გრიგოლ ვაშაძესთან ერთად
„როგორ წარმოგიდგენიათ, დღეს სალომე ზურაბიშვილი რომ ყავას სვამდეს სადმე გრიგოლ ვაშაძესთან ერთად?“ – ლევან ცუცქირიძის ამ შეკითხვამ შეხვედრის დასაწყისში ღიმილი გამოიწვია… ლევან ცუცქირიძე „აღმოსავლეთ ევროპის ცენტრი მრავალპარტიული დემოკრატიისთვის“ ხელმძღვანელია და ბათუმში შეხვედრა გამართა არჩევნებზე სასაუბროდ: რა გამოჩნდა არჩევნების პირველი ტურიდან და რა საფრთხეები შეიძლება არსებობდეს არჩევნების დასრულების შემდეგ – „ბათუმელები“ ლევან ცუცქირიძის საჯარო გამოსვლიდან რამდენიმე …
Continue reading “რატომ უნდა დალიოს ყავა სალომე ზურაბიშვილმა გრიგოლ ვაშაძესთან ერთად”
წვიმის შედეგად ბათუმში რამდენიმე ქუჩა დაიტბორა
წვიმის შედეგად ბათუმში რამდენიმე ქუჩა დაიტბორა. ბათუმის მერიის შპს – „ბათუმის წყლის“ ინფორმაციით, გაწმენდისა და ამოტუმბვის სამუშაოები ბაგრატიონისა და თავდადებულის, ასევე, აღმაშენებლისა და ბაგრატიონის ქუჩების კვეთებში ამ წუთებშიც გრძელდება. ადგილზე მობილიზებულია 6 ერთეული ტექნიკა და ფიზიკურად მუშაობს 75 ადამიანი. ქალაქში გადაადგილების დროს „ბათუმელებმა“ დააფიქსირა, რომ დატბორილია ბესიკისა და 26 მაისის ქუჩების გადაკვეთის ადგილიც. „ბათუმის წყალში“ …
Continue reading “წვიმის შედეგად ბათუმში რამდენიმე ქუჩა დაიტბორა”
დაზღვევა თურქეთში – როგორ გაჩნდა ახალი შეთავაზება პაციენტებისთვის
სადაზღვევო კომპანიებს საქართველოში ახალი სერვისი აქვთ – დაზღვევა თურქეთში. შეთავაზება მას შემდეგ გააქტიურდა, როცა საქართველოდან თურქეთში ადამიანების გადასვლის მაჩვენებელმა იმატა. მედიკამენტების იაფად ყიდვის გარდა, ადამიანები სამედიცინო მომსახურების მიღებასაც თურქეთის სამედიცინო კლინიკებში არჩევენ. „არდის სადაზღვევო ბარათით თქვენ მიიღებთ ექსკლუზიურ ფასდაკლებას თურქეთის ნომერ პირველ წამყვან კლინიკაში…“ – ეს სადაზღვევო კომპანია „არდის“ ჯანმრთელობის დაზღვევის შეთავაზებაში გაჩნდა. შეთავაზების მიხედვით, …
Continue reading “დაზღვევა თურქეთში – როგორ გაჩნდა ახალი შეთავაზება პაციენტებისთვის”
საიდან ხვდება ნარჩენები შავ ზღვაში – ახალი პროექტი შავი ზღვის ხუთი ქვეყნისთვის
საიდან ბინძურდება შავი ზღვა და აკვატორიის რა ნაწილია დაბინძურებული ნარჩენებით – ამის დასადგენად მუშაობა ხუთმა ქვეყანამ ერთობლივად დაიწყო: ბულგარეთი, რუმინეთი, საბერძნეთი, უკრაინა, საქართველო. პროექტის ფარგლებში საერთო ინტერნეტპლატფორმა შეიქმნება, სადაც ნებისმიერ მომხმარებელს მშობლიურ ენაზე შეეძლება ინფორმაციის მიღება შავ ზღვაში ნარჩენებთან დაკავშირებით. მომხმარებელს პლტაფორმაზე ინფორმაციის დამატების საშუალებაც ექნება, რომელიც გადამოწმების შემდეგ აისახება საიტზე. დღეს, 21 ნოემბერს, პროექტის …
Continue reading “საიდან ხვდება ნარჩენები შავ ზღვაში – ახალი პროექტი შავი ზღვის ხუთი ქვეყნისთვის”
როგორ აფასებს საკრებულოს მუშაობას ოპოზიცია – ანგარიში კითხვების გარეშე
წინასაარჩევნოდ საკრებულოს მუშაობა შეაჯამა ფრაქციამ „ერთიანი ნაციონალური მოძრაობა“ . ანგარიში ოპოზიციურმა ფრაქციამ მხარდამჭერებსა და არასამთავრობო ორგანიზაციების წარმომადგენლებს გააცნო. ბათუმის საკრებულოს სხდომათა დარბაზში გამართულ შეხვედრას პარტიის ლიდერებიც ესწრებოდნენ. შეხვედრაზე კითხვები არ დასმულა. კორუფციის ნიშნები ერთ-ერთი საკითხი იყო, რაზეც დღეს მირდატ ქამადაძემ, ფრაქციის „ერთიანი ნაციონალური მოძრაობის“ ხელმძღვანელმა ისაუბრა. მისი თქმით, კორუფციის ნიშნებს შეიცავდა ახალი ავტობუსების შეძენა, ასევე, …
Continue reading “როგორ აფასებს საკრებულოს მუშაობას ოპოზიცია – ანგარიში კითხვების გარეშე”
შსს-მ დააკავა მძღოლი, რომელმაც ავარიის შემდეგ კვალის დასაფარად ავტომანქანა ნაწილებად დაშალა
სამართალდამცველებმა დღეს, 20 ნოემბერს, იმ ავტომობილის მძღოლი დააკავეს, რომელიც სამი დღე იძებნებოდა. ავტოსაგზაო შემთხვევა 18 ნოემბერს ჭარნალი-ახალსოფლის საავტომობილო გზაზე მოხდა. ავარიის შედეგად ერთი ადამიანი ადგილზე გარდაიცვალა, ერთი დაშავებული კი – საავადმყოფოში გადაიყვანეს. შინაგან საქმეთა სამინისტროს ინფორმაციით, ბრალდებულმა კვალის დაფარვის მიზნით ავარიის შემდეგ ავტომანქანა ნაწილებად დაშალა და მიიმალა. 1989 წელს დაბადებული გ.ს. მოსამართლის განჩინების საფუძველზე დააკავეს. …
ჭეიშვილი მეგობარს ნარკოტიკის შემოტანაში დაეხმარა – ამ ცნობის უარყოფა ვასაძეს სასამართლომ დაავალა
მედეა ვასაძემ მედიასაშუალებებით უნდა უარყოს ინფორმაცია, რომელიც მან ირაკლი ჭეიშვილის შესახებ 2015 წელს გაავრცელა. უმაღლესი საბჭოს ყოფილმა დეპუტატმა, მედეა ვასაძემ, მოქმედ დეპუტატს, ირაკლი ჭეიშვილს, მორალური ზიანისთვის, ასევე, 1 ლარი უნდა გადაუხადოს. ეს გადაწყვეტილება მოსამართლე ხათუნა ბოლქვაძემ რამდენიმე წუთის წინ გამოაცხადა. მან ირაკლი ჭეიშვილის საჩივარი ნაწილობრივ დააკმაყოფილა. სასამართლომ არ დააკმაყოფილა სარჩელი მურმან დუმბაძის ნაწილში. მოსამართლეს არ …
გორგილაძის ქუჩაზე ტექნიკის მაღაზია გაქურდეს
ბათუმში, გორგილაძის ქუჩაზე, ტექნიკის მაღაზია გაქურდეს და მობილური ტელეფონები მოიპარეს. მაღაზიის მინის კარი დღეს დილით მეპატრონეს ჩამტვრეული დახვდა. შინაგან საქმეთა სამინისტროს ინფორმაციით, დადგენილია სავარაუდო დამნაშავეები და მიმდინარეობს მათი ძებნა. გამოძიება სისხლის სამართლის კოდექსის 177-ე მუხლის მიხედვით დაიწყო, რაც ქურდობას გულისხმობს.