სავარაუდოდ ფარული კადრების გავრცელების საქმეზე „ნაციონალური მოძრაობის“ აქტივისტი ბათუმში ირმა ხოროიშვილი დასთან, ინგა ხოროიშვილთან ერთად დააკავეს.
„ისინი დაახლოებით გათენებისას, 6 საათზე დააკავეს აჭარის პოლიციის მთავარ სამმართველოში და თბილისში გადაიყვანეს. ირმა ჩვენი აქტივისტია და ბათუმის ოფისში მუშაობს. მის დას კი არ ვიცნობ,“ – გვითხრა მირდატ ქამადაძემ, ბათუმის საკრებულოს ფრაქცია ერთიანი ნაციონალური მოძრაობის ხელმძღვანელმა.
ირმა ხოროიშვილი ენმ-ის აქტიური წევრი იყო. ის, განსაკუთრებით წინასაარჩევნოდ, ხშირად მართავდა ბრიფინგებს.
ინგა ხოროიშვილი ბათუმის სახელმწიფო უნივერსიტეტში ჰუმანიტარული ფაკულტეტის ქართული ფილოლოგიის დეპარტამენტის სპეციალისტად მუშაობდა.
დაკავებულების შესახებ შინაგან საქმეთა სამინისტროს ამ დრომდე ინფორმაცია არ გაუვრცელებია.
„ნაციონალური მოძრაობის“ ინფორმაციით, გუშინ საღამოს პარტიის აქტივისტებს პირადი ცხოვრების ამსახველი ვიდეო ფაილები ფეისბუქში მიუვიდათ. შემდეგ კი, პარტიის ხუთი აქტივისტი პოლიციაში გამოკითხვაზე დაიბარეს, გამოკითხული პირებიდან ორი დააკავეს.
ამ თემაზე:
https://netgazeti.ge/news/336539/
