ბათუმში, ფარნავაზ მეფის ქუჩაზე, ავტომანქანა 30 წლამდე კაცს დაეჯახა. დაშავებული ბათუმის „მედცენტრში“ გადაიყვანეს.
ბათუმის სასწრაფო-სამედიცინო სამსახურის ცნობით, დაშავებულს თავის არეში ჰქონდა დაზიანებები და ის შეკითხვებს ბუნდოვნად პასუხობდა.
შინაგან საქმეთა სამინისტროს ინფორმაციით, დაიწყო გამოძიება სისხლის სამართლის კოდექსის 276-ე მუხლის შესაბამისად, რაც ავტოსატრანსპორტო საშუალების მართვის ან ექსპლუატაციის წესების დარღვევას გულისხმობს.
