Batumelebi | ბათუმში თბილისის დასახმარებლად ცოცხალი ძალის რეზერვი იქმნება ბათუმში თბილისის დასახმარებლად ცოცხალი ძალის რეზერვი იქმნება – Batumelebi
RU | GE  

ბათუმში თბილისის დასახმარებლად ცოცხალი ძალის რეზერვი იქმნება

 

 

ბათუმის მერია მოხალისეობის მსურველებს თბილისში სტიქიით დაზარალებულთა დასახმარებლად იწვევს. ამ საკითხზე გამართული საგანგებო თათბირი მერიაში ახლახან დასრულდა.

 ბათუმის მერის გიორგი ერმაკოვის თქმით, მერია ქმნის ცოცხალი ძალის რეზერვს, რომელიც საჭიროების შემთხვევაში თბილისში სტიქიით დაზარალებულებს დაეხმარება. 

„ყველას, ვისაც ექნება სურვილი, საჭიროების შემთხვევაში ჩავიდეს თბილისში და დახმარება გაუწიოს დედაქალაქის  მცხოვრებლებს, შეუძლია მოვიდეს ბათუმში, ჩვენს სამობილიზაციო სამსახურში [მისამართი: ქ.ბათუმი, 26 მაისის #45, ტელეფონი: 27- 41- 72] და  გაიაროს რეგისტრაცია. ჩვენ  შეგვეძლება  საჭიროების შემთხვევაში ორგანიზებულად მოვახდინოთ დამხმარე ძალის  გადაყვანა თბილისში“, – განაცხადა გიორგი ერმაკოვმა.

ბათუმის მერის თქმით, მას მუდმივი კავშირი აქვს თბილისის მერთან და ამ ეტაპზე დახმარება საჭირო არ არის. თუმცა თუკი საჭიროება დადგება, ბათუმის მერია დედაქალაქის მცხოვრებლებს დაეხმარება.

ნეტგაზეთის მასალების სხვა გამოცემებში გადაბეჭდვის წესი
" ბათუმელები"