Tag Archives: თოვლი

დღეს, 20 იანვარს, ბათუმში დილიდან თოვს. თოვლიანი ამინდი ბათუმში კიდევ ერთ დღეს შენარჩუნდება, შაბათ-კვირას კი გამოიდარებს.

შუახევის მუნიციპალიტეტის სოფელ ნაღვარევში ორ მეტრამდე თოვლი მოვიდა. „1.80 მე ვარ, თოვლი იქნება 1.90 სიმაღლის,“  – ამბობს ნაღვარეველი იური თავდგირიძე. აჭარის მთიან სოფლებში თოვლს პრობლემები მოჰყვა. ნაღვარევში ამ დრომდე არ აქვთ დენი, რამდენიმე დღეა მთიანი აჭარის სოფლებს ელექტროენერგია არ მიეწოდება, შეზღუდულია ავტომობილების გადაადგილება, იმ სოფლებში, სადაც ელექტროენერგია მიეწოდებათ, სკოლაში სწავლა დისტანციურია. ამავე თემაზე:  აჭარის მთის …

Continue reading “2 მეტრამდე თოვლი სოფელ ნაღვარევში | ფოტოამბავი”

უკვე ორი დღეა, 19-20 იანვარს, ბათუმში თოვლ-ჭყაპია. პერიოდულად ითოვებს დღეს, 20 იანვრის ღამეს, თუმცა ხვალ, დღის მეორე ნახევარში, გამოიდარებს. ნახეთ, როგორ გამოიყურება ბათუმის ქუჩები თოვლიან ამინდში.

მაღალმთიან აჭარაში თოვლი უკვე მოვიდა. ამჯერად შუახევის მუნიციპალიტეტის სოფელ ჭვანიდან გთავაზობთ ფოტოებს.

მაღალმთიან აჭარაში თოვს. ეს ფოტოები ქედის მუნიციპალიტეტის სოფელ გობრონეთში გადაიღო ზებურ ბოლქვაძემ, საოჯახო სასტუმრო „ზებოს“ მეპატრონემ.

შუახევის მუნიციპალიტეტში, სოფელ შუბანში [ვაკე] ეს ფოტოები დღეს, 23 დეკემბერს, მელანო ებრალიძემ გადაიღო. აჭარის მაღალმთიანეთში დღეს და ხვალ თოვლიანი ამინდია მოსალოდნელი.

აჭარის მაღალმთიან სოფლებში თოვლი მოვიდა. ეს ფოტოები შუახევის პატარა სოფელ ნაღვარევშია გადაღებული.

დღეს, 2 აპრილს, ხულოში გათოვდა. თოვლის საფარი სოფელ თხილვანაში 10 სმ-ს აღწევს. ფოტოს ავტორი თეიმურაზ ქათამაძე „ბათუმელებს“ გვწერს, რომ აპრილის თოვლი ხულოში იშვიათობა არ არის, გაზაფხულის თოვლი საფრთხეა აყვავებული ხეხილისთვის, „თუმცა ხულოში ხეხილი ჯერ კარგად არ ყვავის“. გარდა ამისა, გაზაფხულზე მეწყერი აქტიურდება და საფრთხე იზრდება.

„დიდი ოდენობით თოვლი ძალიან სწრაფად მოვიდა. შეფერხება იყო იმიტომ, რომ ავტომანქანები უკან მიყვებოდნენ ტექნიკას, რომელიც გზას წმენდდა,“ – გვითხრეს საქართველოს საავტომობილო გზების პრესცენტრში ბათუმი-ქობულეთის შემოვლით გზაზე, სადაც დღეს, 9 თებერვალს, მოძრაობა შეფერხდა. მახინჯაურიდან გვირაბის მიმართულებით საცობი იყო. მძღოლების თქმით, გზაზე არც ტექნიკური მარილი იყო დაყრილი. საავტომობილო გზების დეპარტამენტის ინფორმაციით, ტექნიკა ინტენსიურად მუშაობს გზის გაწმენდაზე და …

Continue reading “გზების დეპარტამენტი შეფერხებულ მოძრაობაზე: სწრაფად მოვიდა დიდი რაოდენობით თოვლი”

აჭარის მაღალმთიანეთში ისევ ინტენსიურად თოვს. მაღალმთიან სოფლებში მისასვლელი ცენტრალური გზები ჯერ გაწმენდილი არ არის. რამდენიმე სოფელი ელექტროენერგიის გარეშეა დარჩენილი. „შუქი არ მიეწოდება ამ დროისთვის ერგეს, აგარას, სინდიეთს და გვარას, სხვა სოფლებში შეფერხებები იყო და უკვე აღდგა ელექტროენერგიის მიწოდება…“ – გვითხრა ხელვაჩაურის მერმა, ჯუმბერ ვარდმანიძემ. მისი თქმით, პრობლემა შეიქმნა სოფელ სალიბაურშიც წყლის მიწოდებაზე. ხელვაჩაურის მერის თქმით, …

Continue reading “რა პრობლემები შექმნა თოვლმა აჭარის მთაში”

ბათუმში მოსული თოვლის გამო მთელი ღამის განმავლობაში იწმინდებოდა გზები. პარალელურად, იწმინდებოდა დათოვლილი ხე-მცენარეები. ქალაქის მერიის ინფორმაციით, გაიწმინდა სანაგვე ურნებთან მისასვლელი ტერიტორიები და ავტობუსის გაჩერებები. დაიწყო ხიდებზე ტექნიკური მარილის დაყრის სამუშაოები. შეუფერხებლად მუშაობს მუნიციპალური ტრანსპორტი. ასევე, ამ დროისთვის, ზღვაში გამსვლელი ყველა სანიაღვრე არხი გამტარუნარიანია.

21 სექტემბერს, ღამით, კურორტ ბეშუმში გათოვდა. ბოლო ინფორმაციით, თოვლის საფარის სიმაღლე ბეშუმში 4 სანტიმეტს აღწევს. კურორტ „ბეშუმის“ დირექტორი, ემზარ ბოლქვაძე ამბობს, რომ კურორტზე ამ დრომდე რჩება რამდენიმე დამსვენებელი. მისივე ინფორმაციით, ბეშუმს მიეწოდება წყალი და ელექტროენერგია, ავტომობილების გადაადგილება შეზღუდული არ არის. ხვალიდან ბეშუმში, ისევე როგორც მთელი აჭარის ტერიტორიაზე, გამოიდარებს.

აჭარის მაღალმთიანი მუნიციპალიტეტების სოფლებში თოვს, თოვლის საფარი სოფლებში 60-დან 80 სანტიმეტრამდეა. მუნიციპალიტეტების წარმომადგენლების ინფორმაციით, თოვლის საფარს პრობლემები არ შეუქმნია, გზები გახსნილია და ელექტრონერგიაც სრულად მიეწოდებათ აბონენტებს.