Batumelebi

14 ხმა ერთის წინააღმდეგ –

ბათუმის საკრებულოს თავმჯდომარე გიორგი კირთაძე საკრებულოს წევრებს მის გადაყენებასთან დაკავშირებით სხდომის მოწვევის მოთხოვნაზე პასუხობს:

საკრებულოს წევრთა 2013 წლის 23 იანვარის წერილობითი მოთხოვნით განსაზღვრული მე-2 საკითხი (საკრებულოს თავმჯდომარედ ირაკლი ჩავლეიშვილის არჩევა) გამომდინარებს პირველი საკითხიდან ამდენად შეუძლებელია ასევე ამ საკითხის განხილვა.

ამასთან თვითმმართველი ქ. ბათუმის საკრებულოს 2010 წლის 30 ივნისის N 9 დადგენილებით დამტკიცებული საკრებულოს დებულების (რეგლამენტის) 45-ე მუხლის მე-3 პუნქტის შესაბამისად საკრებულოს თავმჯდომარის უფლებამოსილების ვადამდე შეწყვეტის შემთხვევაში (გადაყენება, გადადგომა და ა.შ.) საკრებულოს თავმჯდომარე არჩეული უნდა იქნეს მომდევნო უახლოეს სხდომაზე და არა იმავე სხდომაზე, როდესაც საკრებულოს თავმჯდომარეს ვადაზე ადრე უწყდება უფლებამოსილება.

ზემოაღნიშნულიდან გამომდინარე შეუძლებელია თქვენს მიერ დასმულ საკითხებზე საკრებულოს რიგგარეშე სხდომის მოწვევა. ეს პასუხი გიორგი კირთაძემ საკრებულოს იმ წევრებს გადაუგზავნა, რომლებმაც მის გადაყენებასთან დაკავშირებით რიგგარეშე სხდომის მოწვევას ითხოვდნენ.

ოფიციალურ წერილში, რომელსაც ხელს გიორგი კირთაძე აწერს ნათქვამია: „ მოგეხსენებათ, რომ თვითმმართველ ქ. ბათუმის საკრებულოს 2012 წლის 19 ნოემბერს საკრებულოს სხდომას არ ესწრებოდენ საკრებულოს წევრთა სრული შემადგენლობის უმრავლესობა, რის გამოც საკრებულოს რიგარეშე სხდომა ვერ შედგა და საკრებულომ ვერ შეძლო დღის წესრიგით გათვალისწინებული საკითხის – საკრებულოს თავმჯდომარის გიორგი კირთაძის თანამდებობიდან გადაყენება.

,,ადგილობრივი თვითმმართველობის შესახებ“ საქართველოს ორგანული კანონის 33-ე მუხლის მე-6 ნაწილისა და თვითმმართველი ქ. ბათუმის საკრებულოს 2010 წლის 30 ივნისის N 9 დადგენილებით დამტკიცებული საკრებულოს დებულების (რეგლამენტის) 45-ე მუხლის მე-2 პუნქტით დადგენილია, რომ თუ საკრებულომ ვერ შეძლო საკრებულოს თავმჯდომარის გადაყენება დაუშვებელია მომდევნო 3 თვის განმავლობაში საკრებულოს თავმჯდომარის გადაყენების პროცედურის ხელმეორედ დაწყება. აღნიშნულიდან გამომდინარე დგინდება, რომ იმ შემთხვევაში თუ ნებისმიერი მიზეზით (საკრებულოს სხდომა ვერ შედგა, საკრებულოს სხდომამ კენჭისყრით ვერ დაგროვდა ხმების საკმარისი რაოდენობა და ა.შ.)საკრებულომ ვერ შეძლო საკრებულოს თავმჯდომარის გადაყენება დაუშვებელია მომდევნო 3 თვის განმავლობაში საკრებულოს თავმჯდომარის გადაყენების პროცედურების დაწყება.

აჭარის უმაღლეს საბჭოში ჩატარებული ატესტაციის შედეგები ცნობილია

საატესტაციო კომისიის შეფასებით, დაკავებულ თანამდებობას არ შეესაბამება 2 საჯარო მოხელე, შეესაბამება -15, ნაწილობრივ შეესაბამება 9 და შეესაბამება დაკავებულ თანამდებობას და ექვემდებარება დაწინაურებას – 1 თანამშრომელი.

საატესტაციო კომისიის ეს გადაწყვეტილება საჯარო მოხელეებს შეუძლიათ გაასაჩივრონ საპრეტენზიო კომისიაში.

საპრეტენზიო კომისიის შემადგენლობაში არიან: აკაკი ძნელაძე, ირაკლი ჯაში, სულხან ღლონტი და რობერტ ჩხაიძე.

28 იანვარს ატესტაციას, რეგლამენტის მიხედვით, კიდევ 7 საჯარო მოხელე გაივლის.

დისკრიმინაცია რეგიონული ნიშნით „აიფონ +” -სგან

მაღაზია “iPhone+” – მა ბათუმში კონსულტანტისა და პროგრამული კონსულტანტის ვაკანსიები გამოაცხადა, თუმცა, იმის მიუხედავად, რომ სამუშაო ადგილი ბათუმშია, განცხადებაში აღნიშნული იყო, რომ ვაკანსია არ ვრცელდება ბათუმელებზე.

რა გახდა

ტესტი – ლაბორატორია 3

ორჯერ ჩამოვაგდებთ ენტერ -ით აბზაცს და ისევ ვწერთ სტატიის ავტორის სახელსა და გვარს (ეს უნდა გაასწორონ საიტზე და მერე აღარ იქნება საჭირო, დასაწყისში დაწერილი ავტორი გამოჩნდება).

მას შემდეგ, რაც ჩავწერთ (ან ვორდის ფაილიდან გადავიტანთ) ლიდს, მოვნიშნოთ ტექსტი, გრაფის ზედა ნაწილში (რომელიც თითქმის იდენტურია ვორდის ფაილის) ვირჩევთ Fონტ შიზე და ვირჩევთ შრიფტის ზომას 3 (12 პტ) – ესაა თორმეტიანი შრიფტი, რომ ძალიან პატარა ასოები არ იყოს.

ექიმების აქცია. ნანა კვაჭაძის ფოტო

ლიდის ქვემოთ არის ფანჯარა, რომელსაც აწერია Bოდყ – ეს არის სტატიის ტექსტის ადგილი. ჩავსვამთ/ჩავწერთ ტექტს. გაითვალისწინეთ, აბზაცები ერთმანეთს დააშორეთ მინიმუმ ორი ენტერის დარტყმით, წინააღმდეგ შემთხვევაში ტექსტი ძალიან შეტყუპებული გამოდის და წაკითხვა უჭირს მკითხველს, ანუ ჰაერი რომ იყოს ტექსტში.

ტესტი – ლაბორატორია2

ტესტი – ლაბორატორია

მიდის თუ რჩება ბათუმის მერი ჯემალ ანანიძე

„ მე მივიღებ იმ გადაწყვეტილებას რა გადაწყვეტილებასაც მიიღებს საკრებულო, მოვლენებს წინ ნუ გაუსწრებთ“ – უთხრა ჟურნალისტებს ბათუმის საკრებულოს თავმჯმდომარემ ირაკლი ჩავლეიშვილმა, რომლისთვისაც განცხადება მერის წასვლის თაობაზე სიურპროზი იყო: „ დავურეკე და ვუთხარი ეს რა სიურპროზი მომიწყვე მეთქი“

დააკმაყოფილებს თუ არა ბათუმის საკრებულო ქალაქის მერის ჯემალ ანანიძის განცხადებას გადადგომის თაობაზე ეს 13 ივნისს, ხუთშაბათს საკრებულოს რიგგარეშე სხდომაზე გამოჩნდება.

იმ შემთხვევაში კი თუ საკრებულო ჯემალ ანანიძეს თანამდებობაზე დატოვებს მას ექნება „ვადებულებები ახალი უმრავლესობის მიმართ“ – ამის შესახებ განცხადება ჯერ კიდევ მოქმედმა მერმა დღეს ჟურნალისტებთან საუბრისას გააკეთა:

„თუ საკრებულო მიიღებს გადაწყვეტილებას, რომ უნდა დავრჩე და შეიძლება ასეც იყოს, ასეთ შემთხვევაში მე მექნება უკვე ახალი ვალდებულება ახალ უმრავლესობასთან. ამ შემთხვევაში გარკვეულწილად მენეჯმენტი უნდა გადახალისდეს რომ მერია იყოს აღმასრულებელი ორგანო.“

მიუხედავად იმისა, რომ ბათუმის საკრებულოში ჯემალ ანანიძის გადაყენება არ გადაყენების საკითხზე საკრებულოს ყოფილი თავმჯდომარის გიორგი კირთაძის გადაყენების დღესვე დაიწყო საუბარი ის ამბობს, რომ გადაწყვეტილება დამოუკიდებლად მიიღო და მასზე არანაირ ზეწოლას ადგილი არ ქონია:

„…გადაწყვეტილება მივიღე დამოუკიდებლად ყოველგვარი პარტიული კონსულტაციების გარეშე, რადგან არცერთი პარტიის წარმომადგენელი არ გახლავართ. გადაწყვეტილება მივიღე იმ პოლიტიკური ვითარებიდან გამომდინარე რაც ბოლო პერიოდში ჩვენს ქალაქში და თვითმმართველობაში ვითარდება. ბათუმის მერის მოვალეობას არჩევნებამდე ორი თვით ადრე ვასრულებდი, ამ თანამდებობაზე არჩევნების შემდგომ რამდენიმე დღეში დავინიშნე მაშინ, როცა თვითმმართველობაში იყო ძალთა სხვა თანაფარდობა. ამის შემდგომ ქალაქშიც და პოლიტიკურ წრეებშიც წავიდა საუბარი იმაზე მე უნდა ვყოფილიყავი თუ არა ახალი გუნდის წევრი ამიტომ ამ პერიოდის განმავლობაში რადგანაც ეს მითქმა-მოთქმა არ შეჩერდა, მათ შორის დეპუტატებს შორისაც, ამიტომ მივიღე გადაწყვეტილება დამეტოვებინა განცხადება საკრებულოს თავმჯდომარის სახელზე.

ჩემი მუშაობის პერიოდში იყო პლიუსებიც მინუსებიც, იყო გაორებული მუშაობაც და ეს იყო არამარტო ჩემში არამედ მთელი მერიის კოლექტივში. შეიძლება ქონდეს მნიშვნელობა კონკრეტულ პიროვნებებსაც თუ ვინ იქნება ქალაქის მერი, რადგან ზოგადად ქალაქის გავითარება არ უნდა შეეწიროს პოლიტიკურ ინტრიგებს.“- ამბობს ჯემალ ანანიძე.

მოუწყობს თუ არა თავის მხრივ საკრებულოც სიურპრიზს ჯემალ ანანიძეს ამის შესახებ საკრებულოში ჯერჯერობით არ საუბრობენ , ირაკლი ჩავლეიშვილის თქმით „მერს უნდა გამოეცადა ენდობა თუ არა მას თვითმმართველობა და ეს რიგგარეშე სხდომაზე გამოჩნდება.“

საკრებულოს „ნაციონალური მოძრაობის“ ფრაქციის „ ბათუმის მომავლისათვის“ თავმჯდომარე გიორგი კირთაძე კომენტარს არ აკეთებს: „ ჯერ ჯემალ ანანიძე არ მინახავს, მოგვიანებით დამორეკეთ.“ საპასუხოს არც ფრაქცია „მაჟორიტარის“ თავმჯდომარეს ნუკრი დოლიძეს სცალია.

პოზიციას მხოლოდ საკრებულოს ფრაქციის „ბათუმისათვის“ თავმჯდომარე ნაზიბროლა ქობულაძე აფიქსირებს: „ მე ვფიქრობ ჯემალ ანანიძემ თანამდებობა უნდა დატოვოს. თუმცა როგორც ჩანს მას აქვს იმედი, რომ დარჩება. “

დღესვე გავრცელდა ინფორმაცია იმის თაობაზე, რომ თანამდებობის დატოვების მოთხოვნით განცხადბები მერიის ზედამხედველობის სამსახურის უფროსმა და ბაღების გაერთიანების დირექტორმაც დაწერეს.

სასამართლო დავა მორიგებით დასრულდაaa

სასამართლო დავა „ნინო ხოზრევანიძე ავთანდილ ბერიძის წინააღმდეგ“ მორიგებით დამთავრდა. აჭარის უმაღლესი საბჭოს თავმჯდომარემ ჟურნალისტის მიმართ გამოთქმული ბრალდებები უარყო.

„ნინო ხოზრევანიძეს ტყუილი არ დაუწერია. მან გამოაქვეყნა სხვის მიერ შესრულებული მიმართვა,“ – ეს განცხადება აჭარის უმაღლესი საბჭოს თავმჯდომარემ ავთანდილ ბერიძემ ორშაბათის ტრადიციულ ბრიფინგზე გააკეთა.

„ავთანდილ ბერიძემ აღნიშნა რომ მე არ გამივრცელებია ტყუილი. სწორედ ამას ვითხოვდი სასამართლოს მეშვეობითაც. შედგა მორიგება. მორიგებისკენ მოგვიწოდა სასამართლომ და მე კმაყოფილი ვარ იმით რაც ბატონმა ავთანდილ ბერიძემ ორშაბათის ტრადიციულ ბრიფინგზე განაცხადა. ყველასათვის ცნობილია 2013 წლის 11 თებერვალს ჩემს მიმართ გამოიყენა სიტყვები რომ ტყუილები გაავრცელე რის გამოც სასამართლოში შევიტანე სარჩელი,“ – განაცხადა ნინო ხოზრევანიძემ.

„ინტერპრესნიუსის“ ჟურნალისტმა ბათუმის საქალაქო სასამართლოში აჭარის უმაღლესი საბჭოს თავმჯდომარის, ავთანდილ ბერიძის წინააღმდეგ სარჩელი, საქმიანი რეპუტაციის, პატივისა და ღირსების შელახვის ფაქტზე, ორი თვის წინ შეიტანა.

ხელისუფლება და იმედგაცრუებული ფერმერები

„მინდა მეცხოველეობის ფერმა გავაკეთო, მაგრამ დაფინანსებაზე ბანკები უარს მეუბნებიან. არც სახელმწიფოს აქვს ჩვენთვის დახმარება. მე იმედი მაქვს ბიძინა ივანიშვილის, რადგან ის ბიზნესმენია და იცის, რომ თუ ბიზნესი არ დაიწყე, ვერ განავითარე“-ამბობს ხელვაჩაურში მცხოვრები ანზორ ფასანიძე.

დამწყები ფერმერის თქმით ბანკებს მოძველებული მენტალიტეტი აქვთ: „იმედია ეს დამოკიდებულება შეიცვლება“.

„საქართველოს ბანკის“ წარმომადგენელის ბიძინა სიხარულიძის განცხადებით, თუ ფერმერის თანამონაწილეობა არ არის ბიზნესში, ისე ბანკი სესხს ვერ გასცემს, რადგან რისკები ძალიან დიდია. „სახელმწიფოს მხრიდან საუბარია მხოლოდ ოცდაათპროცენტიან გარანტიაზე, თუმცა ხელისუფლება ამ საკითხზეც ბოლომდე არ არის ჩამოყალიბებული“.

დამწყები ბიზნესის დაფინანსებაში რისკებს ხედავს „პროკრედიტ ბანკის“ წარმომადგენელიც. „თუმცა თანადაფინანსების შემთხვევაში და კარგი ბიზნეს გათვლების პირობებში, არაერთი ბიზნესი დაგვიფინანსებია“.

მინისტრი ზაურ ფუტკარაძეც იგივე აზრისაა. ამბობს, რომ იმ პირებს რომლებსაც ქონება და ბიზნესის გამოცდილება არ აქვთ, ვერ დაფინანსდებიან. „თუ ადამიანს არანაირი კაპიტალი არ აქვს და ითხოვს მილიონ ლარს, ასეთი ბიზნესი ვერ დაფინანსებდა. ამისთვის არსებობს ექვსთთვიანი უპროცენტო სესხი ხუთი ათას ლარამდე, რომ ფერმერმა დაიწყოს საქმე და მიიღოს გამოცდილება. ამ შემთხვევაში საუბარია ბიზნესის გაფართოებაზე და არა დაწყებაზე“.

მინისტრის განცხადებით, დამწყებ ფერმერთა დასახმარებლად ჩართულია სავაჭრო პალატა და სოფლებში შექმნილია საკონსულტაციო სამსახურები.

არჩილ ხაბაძე კი ამბობს, შეხვედრის მიზანიც სწორედ ის იყო, რომ გამოკვეთილიყო მთავარი პრობლემები. „გაურკვევლობა იყო როგორც ბანკების ასევე ფერმერების მხრიდან. ჩვენ ვმუშაობთ იმაზე თუ როგორ შეიძლება ვითარების გამოსწორება. ბანკები მაღალრისკიან სესხებს სკეპტიკურად უყურებენ, თუმცა დამწყებ ფერმერთა ბიზნესწინადადებაც შეიძლება განიხილოს ბანკმა, თუ იქნება ამაში ფერმერის თანამონაწილეობა.

სახელმწიფოს ერთადერთი რითაც შეუძლია დაეხმაროს დამწყებ ფერმერს, ეს არის მიზნობრივი პროგრამები, რომლის ფარგლებშიც ფერმერებს ვამარაგებთ ბოსტნეულის ჩითილებით, ნერგებით, სკები მეფუტკრეებისთვის, ასევე სასოფლო-სამეურნეო ბარათებით ვამარაგებთ რაც დასაწყისისთვის შეუძლიათ გამოიყენონ“.

ადვოკატები საბჭოთა ანაბრების დაბრუნების მოდელს განიხილავენ

„ჩვენ გვინდა შევთავაზოთ რეკომენდაციები და დასკვნა, თუ რა უნდა გააკეთოს ქვეყანამ და რა ვადებში, ამ ვალის გასასტუმრებლად. პირველ რიგში უნდა შეიქმნას კომპენსირების სამართლიანი მოდელი, კომპენსირება იდეაში გულისხმობს, რომ ვეღარ მოხდება ინდექსაცია ერთი-ერთზე. ამის რესურსი არც სახელმწიფო ბიუჯეტს გააჩნია, მაგრამ არსებობენ ქვეყანაში იურისტები და ეკონომისტები, რომლებიც დასხდებიან და მოიძიებენ კომპენსირების ფორმას. ეს იქნება ფულადი თანხით, წიაღისეულით, პრივატიზაციიდან შემოსული თანხებიდან თუ სხვა ფორმით, ეს საფიქრალია“-აცხადებს არჩილ კაიკაციშვილი.

ადვოკატების აზრით, ამ ვალის გასტუმრება მინიმუმ ათი წლის განმავლობაში უნდა მოხდეს. „ინდექსაციამ უნდა დაადგინოს ის წრე, ვისზეც პირველ ეტპაზე მოხდება ვალდებულებების გაცემა. ეს იქნება სოციალურად დაუცველები, შეზღუდული შესაძლებლობის მქონე ადამიანები ან თუნდაც გარდაცვლილი მეანაბრეების მემკვიდრეები“.

ყოფილმა საბჭოთა ქვეყნებმა ანაბრების კომპენსირების ნაწილში სხვადასხვა პოზიცია დაიჭირეს. „როცა საქართველომ ანაბრები შიდა ვალად გამოაცხადა, როგორც მაგალითად სომხეთმა, მოლდავეთმა და ლატვიამ, ეს არ იყო სწორი გადაწყვეტილება. ქვეყანა ფაქტობრივად სამი ომის შემდგომ პერიოდში იმყოფება და რეალური ამ ვალების გასტუმრება მოცემულ შემთხვევაში არ არის რეალური. შემდგომში კი ამ თემის წინასაარჩევნოდ პოლიტიზირებამ, პრობლემის მოუგვარებლობა გამოიწვია“-ამბობს არჩილ კაიკაციშვილი.

მისი აზრით, სწორი იყო ლიტვას მაგალითი, რომელიც აცხადებს, რომ რუსეთმა არა მარტო საბჭოთა ანაბრები უნდა დააბრუნოს, არამედ საბჭოური ოკუპაციის თანხაც უნდა აუნაზღაუროს ქვეყანას.

აზერბაიჯანმა საბჭოთა ანაბრები შიდა ვალად არ აღიარა, თუმცა, როგორც ახალგაზრდა ადვოკატები აცხადებენ,ამ სახელმწიფომ ყოფილ მეანაბრეებზე ვალების გასტუმრების ვალდებულება მაინც აიღო: „ეს პროცესი დაიწყო 2013 წლიდან, ეს 2015 წლამდე აქვთ გაწერილი. აზრებაიჯანი მდიდარი ქვეყნაა და ამის რესურსი მისთვის პრობლემა არ არის“.

არჩილ კაიკაციშვილის განცხადებით, მეანაბრეების ზუსტი რაოდენობის შესახებ ჯერ-ჯერობით ცნობილი არ არის. „ამის ზუსტი ციფრი არ არსებობს. სტატისტიკის დეპარტამენტმა გვიპასუხა, რომ არ იციან. შეიძლება იცოდეს ეროვნულმა ბანკმა, რომელმაც არ მოგვაწოდა აღნიშნული ინფორმაცია, რის გამოც მივმართეთ სასამართლოს.“

„

mssd

res

ინტერვიუ

აჭარის მთავრობის პრესცენტრი: ივანიშვილს ბრილიანტის ბეჭედი არ უჩუქებია

მარიამ კოჩალიძის მკვლელობის საქმე გახსნილია

2 ივლისს ბათუმში მომხდარი, 16 წლის მარიამ კოჩილაძის მკვლელობის გამოძიების მსვლელობისას დადგენილია სავარაუდო მკვლელის ვინაობა. გამოძიებისთვის ცნობილია, რომ აღნიშნული პირი 1985 წელს დაბადებული ირანის მოქალაქე მოჰამადამინ როოინთანია, რომელიც საქართველოში სარფის სასაზღვრო-გამშვები პუნქტიდან 23 ივნისს შემოვიდა და 22 ივლისს, 19:22 საათზე საქართველოს ტერიტორია ასევე სარფის სასაზღვრო-გამშვები პუნქტის გავლით დატოვა.
აღნიშნული პირის დასაკავებლად შინაგან საქმეთა სამინისტრო მოლაპარაკებებს თურქ კოლეგებთან უკვე აწარმოებს.

მედიასკოლის ფოტოები

პლაჟზე

წინასაარჩევნო რეკომენდაციები მთავრობას არასამთავრობო სექტორისგან

ზარი

ოთარ გორგაძე ციხიდან „ბათუმელებს“ გასულ კვირას დაუკავშირდა. მას სურს საზოგადოებას 2006 წელს 12 იანვარს ციხის აღების ბრალდებით, ნავთლუღის ავტოსადგურში მოკლული თავისი 17 წლის ძმის – მურად (შოთა) გორგაძის, 21 წლის რომან სურმანიძისა და 23 წლის მარად ართმელაძის საქმესთან დაკავშირებით საზოგადოებას დამატებითი ინფორმაცია მიაწოდოს.

გამხმარი ხეები გზის გასწვრივ

ხულოს მუნიციპალიტეტის ტერიტორიაზე ხეები ინფრასტრუქტურული ობიექტების მოვლა – პატრონობის და დაბის გამწვანების პროგრამის ფარგლებში დარგეს. სამუშაოები შპს „სანდასუფთავებამ“ შეასრულა. როგორც ხულოს გამგებლის მოადგილე გივი ქედელიძე „ბათუმელებთან“ ამბობს, ნერგები კახეთიდან ჩამოიტანეს და მის შესაძენად, დასარგავად და შემდგომ მოსავლელად ჯამში მუნიციპალიტეტის ბიუჯეტიდან 3000 ლარი დაიხარჯა.

„ცაცხვის ნერგები ჩამოვიტანეთ კახეთიდან, ძალიან იაფად ვიყიდეთ, თითოში ლარნახევარი გადავიხადეთ. შარშან მთელი ზაფხული სახანძრო მანქანებით ვრწყავდით,“ – ამბობს გივი ქედელიძე.

კითხვაზე, რატომ გახმა ნარგავები, თუკი მუნიციპალიტეტი სათანადოდ უვლიდა, გივი ქედელიძე პასუხობს, რომ „დარგვის შემდეგ შეამოწმეს და ყველა გახარებული იყო“.

„მერე ზამთარი არ მოვიდა დიდხანს, მერე უცებ ყინვები დაიჭირა. გაზაფხულზე უკვე გამხმარი იყო,“ – ამბობს გივი ქედელიძე.

ხულოს მსგავსად ნერგები შუახევის მუნიციპალიტეტშიც დარგეს. 300 ძირი კაკლისა და ტყემლის ნერგი შუახევშიც კახეთიდან ჩამოიტანეს.

„1600 ლარი დაიხარჯა სამასი ნარგავისათვის. ჩვენ დავრგეთ ჩვენი ძალებით. მოვლა – პატრონობას რაც შეეხება, გაგვყავდა სახანძრო მანქანა და ვრწყავდით. დარგული ხეებიდან დაახლოებით 15-20 პროცენტია გახარებული,“ – ამბობს შუახევის მუნიციპალიტეტის ეკონომიკისა და ინფრასტრუქტურის განვითარების სამსახურის უფროსი ედნარ შარაშიძე.

„ხის დარგვას თავისი წესი აქვს. ყველა ჯიშის ხეს აქვს თავისი საცხოვრებელი ადგილი, ამის მიხედვით უნდა შეირჩეს ნერგი. არის მცენარე, რომელიც მაღალ მთაში ხარობს, არის სუბტროპიკული ზონის, არის მშრალი ჰავის ზონის მცენარე. მაგალითად, რაც ბახმაროში ხარობს, ის ბათუმში ვერ გაიხარებს. როდესაც რგავ, ის კლიმატური ფაქტორები, რაც არის დამახასიათებელი ადგილისთვის, უნდა გაითვალისწინო. ასევე მნიშვნელოვანია წლის რომელ დროს რგავ. ხეები ირგვება გვიან შემოდგომაზე ან ადრე გაზაფხულზე. შუა ზაფხულში ან გაზაფხულზე, როცა უკვე ვეგეტაცია იწყება, ანუ კვირტები ეშლება მცენარეს, დარგვა არ შეიძლება.“ – ამბობს სატყეო ინსტიტუტის ტყის დაცვის განყოფილების უფროსი არჩილ სუპატაშვილი.

იმისათვის, რომ დარგულმა მცენარემ გაიხაროს, მას მოვლა სჭირდება. ბათუმის გამწვანებისა და ლანდშაფტური დაგეგმარების სამსახურის ხელმძღვანელის ეთერ მაჭუტაძის თქმით ბათუმის გამწვანებისთვის და შემდგომი მოვლა-პატრონობისათვის მიმდინარე წელს 650 ათასი ლარი იხარჯება.

„ვიყენებთ როგორც მინერალურ, ისე ორგანულ სასუქებს. ყველანაირ საშუალებას მივმართავთ, რომ მცენარე იყოს ჯანსაღ მდგომარეობაში. გარდა ამისა ენტომოლოგი მყავს და წელიწადში ოთხჯერ ვწამლავთ მცენარეებს. არის გამონაკლისები, როცა მცენარეს ფესვთა სისტემის ლპობა აქვს დაწყებული და შეიძლება ასეთ დროს მცენარე გამოვიდეს მდგომარეობიდან, მაგრამ მაქსიმალურად ვცდილობ, რომ მცენარე გადავარჩინო. ზოგჯერ არის ხელოვნური დაზიანება, არიან ადამიანები, რომლებიც მიდიან სკვერში, მცენარეს ან აწვენენ, ან ტყავს აძრობენ და მცენარე იღუპება,“ – ამბობს ეთერ მაჭუტაძე.

მისი თქმით წელს ბათუმში 1006 ძირი ხე-მცენარე და ბუჩქი, ასევე 400 ათასი ცალი ერთწლიანი ყვავილი დაირგო. ხოლო დარჩენილ 6 თვეში დაგეგმილია 6 სკვერის, ოთხი გზაგამყოფის გამწვანება. უნდა დაირგოს 500 ათასი ცალი ერთწლიანი ყვავილი და 3 ათასი ძირი ბუჩქოვანი მცენარე.

ქართუს ნაცვლად სარაგბო მოედანი ბიუჯეტის ფულით აშენდება

გიორგი კირთაძე

სხდომის განახლებამდე უმცირესობის ფრაქციის თავმჯდომარემ გიორგი კირთაძემ საგანგებო ბრიფინგი გამართა, სადაც მან ჟურნალისტებს აუხსნა, თუ რატომ ეწინააღმდეგება სარაგბო სტადიონის მშენებლობის დაფინანსებას და დოკუმენტებიც წარადგინა.

„ბათუმის საკრებულომ გასულ წელს მიიღო გადაწყვეტილება და საქართველოს მთავრობას გადასცა ტერიტორია იმისათვის, რომ მთავრობას ეს მიწა გადაეცა რაგბის კავშირისთვის სიმბოლურ ფასად, ერთ ლარად. საქართველოს რაგბის კავშირი კი ფონდი „ქართუს“ დახმარებით ააშენებდა რაგბის მოედანს. თავის მხრივ აჭარის მთავრობამ საქართველოს რაგბის კავშირს თვითონაც გადასცა მიწა, რომელიც მის საკუთრებაში იყო. შემდეგ ეს ტერიტორია გაერთიანდა და რაგბის კავშირს სტადიონისათვის საჭირო ადგილი გამოეყო. ამის შემდეგ რაგბის კავშირმა ქალაქ ბათუმის მერიას წარუდგინა პროექტი და სთხოვა მშენებლობის ნებართვა, რომელიც გაცემულია 2012 წლის პირველ ივნისს. მშენებლობის დასრულების თარიღად მითითებულია 2014 წლის პირველი ივნისი. დამკვეთია საქართველოს რაგბის კავშირი, ხოლო პროექტის ავტორი შპს „ქართუ მენეჯმენტი“.

შეთანხმება იყო, რომ ფონდი „ქართუ“ გამოყოფდა თანხას, რაგბის კავშირი კი „ქართუ მენეჯმენტს“ დაუკვეთავდა სტადიონის აშენებას. ორივე შპს არის ბიძინა ივანიშვილის. ამის შემდეგ ირაკლი ჩავლეიშვილი ხდება რაგბის კავშირის ხელმძღვანელი და ის აგზავნის წერილს პრემიერთან.“

წერილში, რომელიც დღეს ჟურნალისტებს გიორგი კირთაძემ გააცნო, ბათუმის საკრებულოს თავმჯდომარე ირაკლი ჩავლეიშვილი საქართველოს ფინანსთა მინისტრს ნოდარ ხადურს მიმართავს: „იმის გამო რომ მშენებლობის დაწყების პროცესში შეიქმნა ტექნიკური ხასიათის პრობლემები, კერძოდ საკანალიზაციო კოლექტორთან დაკავშირებით, აღნიშნული მშენებლობის დაწყება გაჭიანურდა.

მოგმართავთ თხოვნით ინფრასტრუქტურული პროექტების განვითარების პროგრამიდან გამოგვიყოთ 3 მილიონ 600 ათასი ლარი ბათუმში სარაგბო სტადიონის მშენებლობისათვის და დააყენოთ საკითხი საქართველოს მთავრობის წინაშე, რათა აღნიშნული თანხით სამუშაოების წარმართვა განხორციელდეს გამარტივებული შესყიდვის ფორმით- ერთ პირთან მოლაპარაკების წესით.“

ამას მოყვა პრემიერმინისტრ ბიძინა ივანიშვილის 2013 წლის 19 აგვისტოს განკარგულება #1083, რომლის თანამხმადაც საკრებულომ სარაგბო სტადიონის მშენებლობისათვის მოთხოვნილი თანხა მიიღო. პრემიერმა საკრებულოს თანხმობა მისცა სამუშაოების გამარტივებული წესით შესყიდვასთან დაკავშირებითაც.

გიორგი კირთაძე კი აცხადებს, რომ ფონდ „ქართუს“ ჰქონდა ამ სტადიონის მშენებლობაზე ვალდებულება აღებული და ჯერ კიდევ არსებობს მშენებლობის ვადები, ამიტომ ამ კუთხით თანხის ხარჯვა ბიჯეტიდან „არ არის გამართლებული. გარდა ამისა, იმისათვის, რომ მერიამ მშენებლობა კანონიერად წამოიწყოს, ტერიტორია, რომელიც საქართველოს მთავრობაზეა გადაცემული, ჯერ ბათუმს უნდა დაუბრუნდეს. “

ბათუმის საკრებულოს სხდომა

„მცირედი იურიდიული ნიუანსია, რაც დაიხვია ხელზე ნაციონალური მოძრაობის წარმომადგენელმა. უახლოეს დღეებში ეს საკითხი იურიდიულად გაიმართება. გარწმუნებთ, რომ საკანონმდებლო ჩარჩოებში ჩავჯდებით და შესაბამისად ვიმოქმედებთ. რაც შეეხება იმას, რატომ არ დაველოდეთ „ქართუს“. მოგეხსენებათ, რომ ბიძინა ივანიშვილი აფინანსებდა მსგავს პროექტებს, მაგრამ ბათუმის სარაგბო სტადიონის მშენებლობა დროში ძალიან გაიწელა. იქ შეიქმნა კოლექტორის პრობლემა. შემდგომში რაც მოხდა ბანკ „ქართუსთან“ და ამ კომპანიებთან დაკავშირებით, ეს საზოგადოებამ იცის, ამიტომ ეს პროექტი დადგა კითხვის ნიშნის ქვეშ. ბათუმში რაგბის განვითარების ხელშეწყობის საჭიროების გამო ეს პროექტი ვეღარ გაჩერდება. ჩვენი გუნდი უმაღლეს ლიგაში თამაშობს და აქვს პერპეტივაც. საჭიროა ხელშეწყობა, ამიტომაც ჩამოირიცხა თანხა ცენტრალური ბიუჯეტიდან სტადიონის მშენებლობის დასაფინანსებლად.“- განმარტავს საკრებულოს თავმჯდომარე ირაკლი ჩავლეიშვილი.

დღეს საკრებულოს განახლებულ სხდომაზე იმ მოტივით, რომ პროგრამაში სტადიონის მშენებლობის ადგილი ვერ ჩაიწერებოდა „რადგან ტერიტორია, სადაც სტადიონი უნდა აშენებულიყო აღარ არის ბათუმის შემადგენლობაში“, ოპოზიციის მოთხოვნით, პროგრამა დღის წესრიგიდან, ასევე შესყიდვების დოკუმეტიდან ამოიღეს. თუმცა მხარი დაუჭირეს ბიუჯეტის დამტკიცებას, რომელშიც სარაგბო მოედნის მშენებლობის თანხაცაა გათვალისწინებული. ამ შემთხვევაში შემდგომში მის დამტკიცებას საარჩევნო კოდექსით გათვალისწინებული შეზღუდვა ხელს ვეღარ შეუშლის.

მოედნის მშენებლობისათვის ბათუმის ბიუჯეტმა 3 მილიონ 600 ათასი ლარი მიიღო.

განახლებულ სხდომაზე დასწრების გადაწყვეტილების მიზეზად გიორგი კირთაძემ, რომელმაც დილით სხდომა პროტესტის ნიშნად ფრაქციის წევრებთან ერთად დატოვა, „ბავშვთა ბაღების დაფინანსებისა და ბათუმობასთან დაკავშირებული საკითხების დამტკიცების აუცილებლობა“ დაასახელა.

ირაკლი ჩავლეიშვილი კი ამტკიცებს, რომ „ისინი სხდომას დაესწრნენ, რადგან მიხვდნენ, რომ ქვორუმი მაინც შედგებოდა.“ განახლებულ სხდომას დამატებით კიდევ ორი წევრი შეემატა, რომლებიც დილით სხდომას არ ესწრებოდნენ. პირად საუბარში საკრებულოს წევრები იმასაც ამბობდნენ, რომ მათ შორის ერთ-ერთი, კობა ზაქარია „ქვორუმის შედგენისა და ბიუჯეტის დამტკიცების ხათრით“ ბათუმში შუახევის მუნიციპალიტეტის სოფელ ღორჯომიდან, სადაც ის სამსახურიდან იყო მივლინებული, საგანგებოდ ჩამოიყვანეს.

დ

ქობულეთში სკოლა გაიხსნა

niusis saTauri

საზოგადოებრივი ორგანიზაციების განცხადება აჭარის ტელევიზიაში მიმდინარე პროცესებზე

აჭარის ტელევიზიაში მიმდინარე პროცსებზე არასამთავრობოები განცხადებას ავრცელებენ, რომელსაც რეგიონში მოქმედი 13 არასამთავრობო ორგანიზაცია აწერს ხელს. განცხადების ტექსტს უცვლელად გთავაზობთ:

როგორც ცნობილია, საზოგადოებრივი მაუწყებლის აჭარის ტელევიზიის და რადიოს დირექტორმა მაუწყებლის ოთხ მთავარ პოზიციაზე, თანამშრომელთა შერჩევის მიზნით, გამოაცხადა კონკურსი, ხოლო მანამდე მიიღო გარკვეული საკადრო გადაწყვეტილებები, რომლის მიზანშეწონილობამ და სამართლიანობამ საზოგადოებაში გარკვეული კითხვები გააჩინა.

საზოგადოებრივ მაუწყებელში ნებისმიერი საკითხი, ფინანსური, ტექნიკური, საკადრო, უნდა წყდებოდეს მრჩეველთა საბჭოს და დირექტორის მიერ არა მხოლოდ მათი სუბიექტური შეხედულებით, არამედ საზოგადოებრივი მაუწყებლის აჭარის ტელევიზიისა და რადიოსა და, ზოგადად, საზოგადოების ინტერესების გათვალისწინებითაც. მრჩეველთა საბჭომ და დირექტორმა უნდა უზრუნველყონ, რომ მათი საქმიანობა ყოველთვის იყოს კოორდინირებული და ეფექტური.

აღნიშნულ საკითხზე საზოგადოებრივი მაუწყებლის აჭარის ტელევიზიისა და რადიოს დირექტორსა და აჭარაში მოქმედი სამოქალაქო ორგანიზაციების წარმომადგენლებს შორის გაიმართა შეხვედრა. შეხვედრის შინაარსის ანალიზის, დასმული კითხვების, მათზე გაცემული პასუხების, წარმოჩენილი პრობლემების შეფასების შემდეგ მიზანშეწონილად მიგვაჩნია, რომ საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭომ და დირექტორმა გაითვალისწინონ, ყურადღება გაამახვილონ შემდეგ მნიშვნელოვან გარემოებებზე:

გამომდინარე იქედან, რომ საზოგადოებრივი მაუწყებლის აჭარის ტელევიზია და რადიო წარმოადგენს საზოგადოებრივ (ხალხის) ტელევიზიას, ის ყოველთვის მოექცევა საზოგადოების განსაკუთრებული ყურადღებისა და ინტერესის ქვეშ. აუცილებელია, რომ საზოგადოებრივი მაუწყებლის აჭარის ტელევიზიასა და რადიოში მიმდინარე ნებისმიერი პროცესი იყოს მაქსიმალურად ღია, გამჭვირვალე და სამართლიანი, რაც პირველ რიგში უნდა უზრუნველყოს მრჩეველთა საბჭომ და რა თქმა უნდა, მრჩეველთა საბჭოს მიერ კონკურსის გზით შერჩეულმა დირექტორმა. მათ ასევე უნდა უზრუნველყონ, რომ ახლად დაფუძნებული საზოგადოებრივი მაუწყებლის აჭარის ტელევიზიისა და რადიოს ჩამოყალიბებისა და ფორმირების პროცესში არ იქნეს დაშვებული ისეთი შეცდომები, რომელთა შემდგომი გამოსწორება გართულდება და/ან შეუძლებელი იქნება.

საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭომ და დირექტორმა უნდა უზრუნველყონ, რომ უმოკლეს ვადაში დაინტერესებული პირების (სპეციალისტების) ჩართულობით მომზადდეს მაუწყებელში თანამშრომელთა მიღების პროცედურების მარეგულირებელი პოლიტიკის დოკუმენტი, რომლის საფუძველზეც საკონკურსო პირობებს დაექვემდებარება მაუწყებელში დასაქმების მსურველი ნებისმიერი პირი;

მაუწყებლის დირექტორმა უნდა უზრუნველყოს, რომ თანამშრომელთა შესარჩევი საკონკურსო კომისია შეიქმნას კონკურსის გამოცხადებამდე, კომისიის შემადგენლობაში კი უმრავლესობას უნდა წარმოადგენდნენ საზოგადოებრივი აღიარებისა და ნდობის მქონე პირები, ასევე სხვა პირები ვაკანსიის მიმართულების და სპეციფიკის გათვალისწინებით;

მაუწყებელში არსებულ ყველა ვაკანსიაზე კონკურსის გამოცხადებამდე შემუშავდეს კრიტერიუმები, განისაზღვროს პირობები/პროცედურები, დადგინდეს განაცხადების წარდგენის გონივრული ვადები, ხოლო კონკურსის შესახებ ინფორმაცია გამოქვეყნდეს არა მარტო მაუწყებლის ვებ-გვერდზე, არამედ საქართველოში ცნობილ სამუშაოს საძიებო ვებ-პორტალებზეც (jobs.ge, hr.ge);

მაუწყებლის დირექტორმა უნდა უზრუნველყოს, რომ მაუწყებელში ყველა თანამდებობა დაექვემდებაროს სამართლიან კონკურსს და არ იქნას დაშვებული არც ერთი გამონაკლისი. ბუნებრივია, როგორც ზოგადად კონკურსის ჩატარება, ისე ნებისმიერი თანამშრომლის აყვანა უნდა ხდებოდეს სამართლიანი, კონკურენტუნარიანი და გამჭვირვალე პროცესების ფონზე, პროფესიონალი, ობიექტური და საზოგადოებრივი ნდობის მქონე პირებით დაკომპლექტებულ კომისიასთან ერთად.

მიგვაჩნია, რომ საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭო უფრო აქტიურად უნდა ჩაერთოს მაუწყებელში მიმდინარე პროცესებში, რამეთუ მაუწყებლის სწორად და ეფექტურად განვითარებაზე პასუხისმგებლობა საზოგადოების წინაშე უპირველესად მრჩეველთა საბჭოს ეკისრება.

ჩვენ, წინამდებარე მიმართვაზე ხელისმომწერი სამოქალაქო ორგანიზაციების წარმომადგენლები, მზადყოფნას გამოვთქვამთ მომავალი ურთიერთანამშრომლობისათვის.

პატივისცემით,

დემოკრატიის ინსტიტუტი

თავისუფალ ჟურნალისტთა სახლი

საქართველოს ახალგაზრდა იურისტთა ასოციაციის აჭარის ფილიალი

სამოქალაქო საზოგადოების ინსტიტუტის ბათუმის ფილიალი

ახალგაზრდა მეცნიერთა კავშირი ინტელექტი

ბორჯღალი

ჩვენი თაობა

სიმართლისა და სამართლის ჩაგრულთა და პატიმართა უფლებების დაცვისა და სოციალური უზრუნველყოფის საერთაშორისო ორგანიზაცია
შეზღუდული შესაძლებლობის მქონე პირების უფლებებისათვის
პროგრესი

Art Way

ხანდაზმულ ქალთა ასოციაცია „ღირსეული სიბერე“

შემოსავლების სამსახური 9-14 დეკემბერს დაჯარიმებულებს ჯარიმებს მოუხსნის

შემოსავლების სამსახური აჭარაში უშუქობით გამოწვეულ პრობლემას ეხმაურება და შემდეგ განცხადებას ავრცელებს:

„9-14 დეკემბერს, დიდთოვლობის გამო, აჭარის რეგიონს ელექტროენერგია შეფერხებებით მიეწოდებოდა. ელექტროენერგიის ეტაპობრივად აღდგენის პარალელურად, საკონტროლო შესყიდვების პროცესში დაფიქსირდა რამდენიმე სამართალდარღვევა და, შესაბამისად, გამოიწერა სამართალდარღვევის ოქმები.

თუმცა, ფორსმაჟორული ვითარების გათვალისწინებით, შემოსავლების სამსახურის გადაწყვეტილებით, გადამხდელები, რომლებიც 9-14 დეკემბრის პერიოდში გამოწერილ სამართალდარღვევის ოქმებთან დაკავშირებით მიმართავენ შემოსავლების სამსახურს, საქართველოს საგადასახადო კოდექსის 269-ე მუხლის მე-7 ნაწილის შესაბამისად, კეთილსინდისიერი გადამხდელის პრინციპიდან გამომდინარე, გათავისუფლდებიან დაკისრებული ჯარიმისაგან“.

ცნობილია, რომ აჭარაში უშუქობის გამო სხვადასხვა სავაჭრო დაწესებულება ვერ ახერხებდა საკასო აპარატის დამუხტვას, რის გამოც გაყიდული პროდუქციის აღნუსხვას, ანუ შესაბამისი ჩეკის ამობეჭდვას ვერ ახერხებდა. შემოსავლების სამსახურის თანამშრომლები უშუქობის დღეებში ინტენსიურად აკვირდებოდნენ სავაჭრო დაწესებულებებს და ბევრი მათგანი სწორედ იმ მიზეზით დააჯარიმეს, რომ სალარო აპარატიდან ქვითარი არ ამობეჭდა.

აჭარის ტელევიზიის დირექტორობის კანდიდატები

აჭარის ტელევიზიის სამეთვალყურეო საბჭოს თავმჯდომარის, ზაზა ხალვაშის ინფორმაციით, 17:30 საათისთვის დირექტორობის კონკურსში მონაწილეობის მისაღებად განცხადებები შეიტანეს სოსო სტურუამ (მოქმედი დირექტორი), მირანდა ჩარკვიანმა (სახალხო დამცველის ოფისის ყოფილი თანამშრომელი), ირაკლი თავართქილაძემ (საქართველოს ყოფილი ელჩი საბერძნეთში), სულხან მელაძემ (კონსტიტუციონალიზმის ცენტრის ყოფილი პრესსპიკერი) თამილა დოლიძემ და თინათინ ცისკარაძემ (ჟურნალისტები).

ზაზა ხალვაშის ინფორმაციით, ზოგიერთ კანდიდატს დოკუმენტები სრულად არ აქვს წარდგენილი, შესაბამისად, მათ ხარვეზის შესავსებად მისცემენ კანონით დადგენილ ორ დღეს…

დირექტორის დამტკიცების ბოლო ვადა 23 დეკემბერია.

ზაზა ხალვაში ხაზგასმით აღნიშნავს, რომ დირექტორის არჩევის საკითხთან დაკავშირებით არავითარი ზეწოლა უმაღლესი საბჭოდან თუ აჭარის მთავრობიდან სამეთვალყურეო საბჭოზე არ ხორციელდება. „სიმართლე გითხრათ, ამაზე იმდენად დიდი მითქმამოთქმა იყო, რომ ცოტა მიკვირს კიდეც“, – უთხრა ზაზა ხალვაშმა ნეტგაზეთს.

წინასწარი ინფორმაციით კი, აჭარის ტელევიზიის დირექტორად სამეთვალყურეო საბჭო სოსო სტურუას დამტკიცებას აპირებს. ამ საკითხზე კომენტირებისას ზაზა ხალვაში ამბობს, რომ „არავის არ აქვს გარანტირებული ადგილი. ყველაფერს საბჭო გადაწყვეტს კანონის შესაბამისად“

აჭარის ტელევიზიის დირექტორს ტელევიზიის ხუთწევრიანი სამეთვალყურეო საბჭო ამტკიცებს. თავის მხრივ სამეთვალყურეო საბჭო დაამტკიცა აჭარის უმაღლესმა საბჭომ, ცოტა ხნის წინ და კანონის დარღვევით, როცა ხუთივე ვაკანსია მმართველი კოალიციის კანდიდატებით დააკომპლექტა, ანუ ოპოზიციის კვოტებიც მიითვისა.

უმაღლესი საბჭოს აღნიშნული გადაწყვეტილება სასამართლოში საქართველოს ახალგაზრდა იურისტთა ასოციაციამ გაასაჩივრა. სასამართლომ საბჭოს ორ წევრს – ოლიკო ჟღენტსა და ვახტანგ ღლონტს უფლებამოსილების ვადა შეუჩერა.

დღეს ბათუმის საქალაქო სასამართლომ სწორედ ამ ორი წევრის არჩევის კანონიერების საკითხი განიხილა. გადაწყვეტილებას საქმეზე სასამართლო 19 დეკემბერს გამოაცხადებს.

შესაბამისად, აჭარის ტელევიზიის დირექტორს სამეურვეო საბჭოს დარჩენილი სამი წევრი დაამტკიცებს.

აჭარის ტელევიზია საზოგადოებრივ მაუწყებლად სულ ცოტა ხნის წინ ჩამოყალიბდა, მანამდე ის აჭარის ხელისუფლების საქვეუწყებო დაწესებულება იყო.

საკრებულოში ვიცე-მერად დანიშნული გიორგი ერმაკვის დანიშვნას განიხილავენ

„თქვენ დღეს, ხვალ თუ არა ზეგ საკრებულოს გვერდის ავლით ბათუმს დაუნიშნავთ მერს. ეს იქნება კატასტროფული ქმედება თვითმმართველობის ისტორიაში. ისე წყნარად მიდის ეს ყველაფერი, ვითომ რიგითი სამსახურის ხელმძღვანელი დავნიშნეთ, ან მთავარი სპეციალისტი მოვიყვანეთ. რაღაცას ვცვლით ქალაქში, იმას რაც მეც მეხება, როგორც საკრებულოს წევრს და მიუხედავდ იმისა, რომ მე მეხება, თქვენ ამის უფლებას მართმევთ“, -უთხრა გიორგი კირთაძემ საკრებულოს თავმჯდომარეს.

ირაკლი ჩავლეიშვილმა გიორგი კირთაძის მოსაზრებას ეჭვი, მარჩიელობა და ჭორი უწოდა:

„ეს ჭორი შეიძლება ისე განვითარდეს, რომ ტყუილი ფაქტად მოეჩვენოს ადამიანს. ყველა საჭირბოროტო საკითხის გადაწყვეტილებაში, რაც ხდება ქალაქში, მე და ბატონი ჯემალი ერთად ვართ და კიდევ ბევრი საქმე გვაქვს გასაკეთებელი“.

საკრებულოს თავმჯდომარემ ისიც აღნიშნა, რომ ჯემალ ანანიძესთან ერთად მუშაობის დროს კომფორტულად გრძნობს თავს. თუმცა, თუ ჯემალ ანანიძე „თანამდებობას დატოვეს ქალაქი მერის გარეშე არ დარჩება“.

გიორგი კირთაძე ვარაუდობს, რომ მერის გადაყენაბის საკითხზე, გუშინ საკრებულოს თავმჯდომარე, ირაკლი ჩავლეიშვილი თბილისში დაიბარეს.

ja

ცვლილება საქართველოს მთავრობის №165 დადგენილებით დაზღვეულებს, 0-5 წლის ასაკის ბავშვებს, 60 წლის და ზემოთ ასაკის ქალებს და 65 წლის და ზემოთ ასაკის მამაკაცებს, სტუდენტებს, შეზღუდული შესაძლებლობის მქონე ბავშვებს და მკვეთრად გამოხატული შეზღუდული შესაძლებლობის მქონე პირებს და საქართველოს მთავრობის N218 დადგენილების მოსარგებლეებს, სოციალურად დაუცველ მოსახლეობას და პედაგოგებს შეეხება.

საყოველთაო ჯანდაცვის პროგრამაში ჩართვის შემდეგ სახელმწიფო სადაზღვევეო პროგრამის მოსარგებლეს უფლება აქვთ სამედიცინო დაწესებულება ქვეყნის მასშტაბით სურვილისამებრ აირჩიოს, თუმცა მათ სამედიცინო მომსახურება იმ დაფინასებით მიეწოდებათ, რასაც სახელმწიფო სადაზღვეო პაკეტი ითვალისწინებს.

მრჩეველთა საბჭოში წევრების განახლება დაიწყო

ყოფილი პოლიტპატიმრები „მოქალაქეს“ უერთდებიან

ისინი ბიძინა ივანიშვილის მიერ დაფუძნებულ არასამთავრობო ორგანიზაციას „მოქალაქეს“ შეუერთდნენ. „ჩვენ ვაპირებთ სამოქალაქო საზოგადოების განვითარების პროცესში ჩავერთოთ. ორგანიზაციასთან კონსულტაციებს გავდივართ, რომ ვიმუშაოთ საზოგადოებისთვის საჭირბოროტო საკითხებზე“-განაცხადა ჯემალ დუაძემ.

არასამთავრობო ორგანიზაცია „მოქალაქე“ საქართველოს ყოფილმა პრემიერ მინისტრმა ბიძინა ივანიშვილმა ორი დღის, წინ 23 იანვარს დააფუძნა. ორგანიზაციის ძირითადი ორიენტირი ქვეყანაში დემოკრატიისა და სამოქალაქო საზოგადოების განვითარება და ადამიანის უფლებების დაცვაა.

დღეს კიბოსთან ბრძოლის საერთაშორისო დღეა

საზოგადოებრივი მაუწყებლის ბორდის წევრები პარლამენტს უჩივიან (Duplicate) 2

სასამართლო სხდომას დღეს მოქმედი ბორდის მხოლოდ 6 წევრი ესწრება. ერთ-ერთი მათგანის, ემზარ გოგუაძის ინფორმაციით, სარჩელს ხელს არ აწერს, მაგრამ სარჩელს ეთანხმება ბორდის კიდევ ერთი წევრი ნინო დანელია, რომელიც ამჟამად ამერიკაშია.

მოსარჩელეები მიიჩნევენ, რომ ახალი წესის საფუძველზე საზოგადოებრივი მაუწყებლის სამეურვეო საბჭოს დაკომპლექტება ავტომატურად იწვევს ძველი სამეურვეო საბჭოს უფლებამოსილების ვადამდე შეწყვეტას, რაც, მათი აზრით, არის სახელმწიფოს მხრიდან დამოუკიდებელი მაუწყებლის საქმიანობაში უხეში ჩარევა და იწვევს საქართელოს კონსტიტუციის 24-ე, 29-ე 30-ე მუხლებით გარანტირებული უფლების დარღვევას.

მოსარჩელეები მიიჩნევენ, რომ სადავო ნორმების მოქმდებამ შესაძლოა მათ უფლებებს მიაყენოს ზიანი და ამიტომაც საკონსტიტუციო სასამართლოს სადავო ნორმების ამოქმედების შეჩერებას მანამ სთხოვენ, ვიდრე საბოლოო გადაწყვეტილებას გამოიტანს საკონსტიტუციო სასამართლოს კოლეგია.

„ძალიან იჩქარა პარლამენტმა. არ გაითვალისწინა ექსპერტების რეკომენდაცია, არც ეუთოს რეკომენდაცია, დაარღვია როტაციის პრინციპი ჯერ კიდევ ზაფხულში მიღებული ცვლილებების საფუძველზე. არც ეს იკმარა და ნოემბერში არაკონსტიტუციური შესწორება მიიღო გარდამავალ მუხლში, რითაც ფაქტობრივად სამეურვეო საბჭო დატოვა საკონსულტაციო უფლებით, აჭარის ტელევიზია ფაქტობრივად დარჩა ბიუჯეტის გარეშე “, – აღნიშნა „ბათუმელებთან“ ემზარ გოგუაძემ.

ბორდის წევრებს მიაჩნიათ, რომ „მაუწყებლობის შესახებ“ საქართველოს კანონში ცვლილებების შეტანის შესახებ 2013 წლის 12 ივლისის #833 -რს და 20 ნოემბრის რს -1628 საქართველოს კანონების რიგი ნორმები ეხება საზოგადოებრივი მაუწყებლის სამეურვეო საბჭოს ახალი წესით დაკომპლექსების მეურვეების არჩევისა და მათი უფლებამოსილების ცნობის საკითხს.

იმ შემთხვევაში, თუ საკონსტიტუციო სასამართლო შეაჩერებს სადავო ნორმის მოქმედებას, შეჩერდება საქართველოს პარლამენტის მიერ მიღებული ახალი კანონი. ეს კი იმას ნიშნავს, რომ უფლებამოსილება შეუჩერდება საზოგადოებრივი მაუწყებლის ბორდის იმ ახალ 4 წევრებს, რომლებიც ცოტა ხნის წინ აირჩია პარლამენტმა.

ახალი კანონის თანახმად, საზოგადოებრივი მაუწყებლის 9-წევრიანი ბორდის დაკომპლექტების შესაძლებლობა საქართველოს პარლამენტის უმრავლესობამ ცოტა ხნის წინ არ გამოიყენა, როცა პარლამენტს კენჭისყრაზე არ წარუდგინა 3 კანდიდატურა, რისი უფლებაც მას ჰქონდა. პარლამენტის უმრავლესობამ ასევე მხარი არ დაუჭირა აჭარის უმაღლესი საბჭოსა და უმცირესობის მიერ წარდგენილ კანდიდატებს.