უმაღლესი საბჭოს დეპუტატის, ალექსანდრე ჩიტიშვილის განცხადებით, რომელიც 20 თებერვალს საფინანსო-ეკონომიკური კომისიის თანამდებობიდან გადააყენეს, კოალიცია უმაღლეს საბჭოში ბრძოლას გააგრძელებს:
„ეს არის პოლიტიკური ბრძოლა და ამ ბრძოლას ჩვენ გავაგრძელებთ. თუმცა, არ გავალთ კანონის გარეთ და შევეცდებით რომ პასუხი გავცეთ მათ (ოპოზიციის) ქმედებებს. ამჯერად პოლიტსაბჭოს გავაცანით შექმნილი ვითარება, რამდენი კაცია დარჩენილი „ქართულ ოცნებაში“, რამდენია ოპოზიციაშია და ა.შ. პრობლემა დგას, მაგრამ უნდა მოვერიოთ“.
„ბათუმელები“ ფრაქცია „ქართული ოცნების“ თავმჯდომარეს აკაკი ძნელაძესაც დაუკავშირდა. მისი განცხადებით, სიტუაცია უმაღლეს საბჭოში კონტროლს ექვემდებარება:
„ეს არის სამუშაო პროცესი და მე არ დავარქმევდი კრიზისულს, უბრალოდ, ყველანაირი პასუხი გაეცემა „ნაციონალური მოძრაობის“ ხრიკებს. იქნება საკონსტიტუციო, რეგლამენტით განსაზღვრული მოქმედებები, რასაც საზოგადოება დაინახავს. არავითარი პრობლემა არ არის თანამდებობების დაკარგვის ან მეორე შემთხვევაში მისი დაკავების. ყველაფერი დალაგდება და ამ უახლოეს დღეებში გაიგებს საზოგადოება.
რაც შეეხება „ქართული ოცნებიდან“ გამიჯნულ დეპუტატებს, აკაკი ძნელაძის თქმით, შესაძლებელია ისინი ფრაქციაში დარჩნენ:
„რაღაც მომენტში ისინი წავიდნენ ფრაქციის წინააღმდეგ, მაგრამ ამაშიც ტრაგედია არ არის, ფრაქცია გადაწყვეტს რა უყონ, გარიცხონ თუ დატოვონ. ამაზე ვიმსჯელებთ ალბათ ზეგ. იყო ერთი მომენტი როცა „ნაციონალებმა“ „მოიგეს“, ხვალ მოვიგებთ ჩვენ“.
კოალიცია „ქართული ოცნების“ პოლიტსაბჭოს სხდომა დღეს, 22 თებერვალს, თბილისში გაიმართა. მთავრობის მეთაურმა აჭარის წარმომადგენლებს კოალიციის სამოქმედო გეგმა და უახლოეს მომავალში გასატარებელი ღონისძიებები გააცნო. პოლიტსაბჭოს წევრები შეთანხმდნენ, რომ აჭარის უმაღლესი საბჭო კონსტიტუციურ ჩარჩოებში გააგრძელებს საქმიანობას.
ნაკრების შემადგენლობაში 13 ძიუდოისტია, მათ შორის მსოფლიოსა და ევროპის ორგზის ჩემპიონი ავთანდილ ჭრიკიშვილი, რომელმაც -81 კილობრამ წონით კატეგორიაში, 21 თებერვალს გამართულ საფინალო შეხვედრით მეორე ადგილი აიღო. ჭრიკიშვილმა დასაწყისში დაამარცხა იტალიელი ანტონიო ჩანო, მონღოლი უუგანბაატარ ოტგონბაატარი, ნახევარფინალში უნგრელ ლასლო ცსოკნიალს იპონით აჯობა, ფინალამდე სძლია ევროპის მესამე პრიზიორს, გერმანელ სვენ მარეშს, ხოლო ფინალურ შეხვედრაში ბელგიელ იოაკიმ ბოტიეაუსთან დამარცხდა.
21 თებერვალს საქართველოს ნაკრებს ვერცხლის მედალი -73 კილოგრამ წონით კატეგორიაში
ნუგზარ ტატალაშვილმაც მოუტანა. ტატალაშვილმა კუბელი მაგდიელ ესტრადა, ბელგიელი სამი ჩოუჩი, იტალიელი ანდრეა რეჯისი, საემიროების წარმომადგენელი ვიქტორ სკვორტოვი დაამარცხა. ნახევარფინალში ასევე სძლია ბრაზილიელ მარსელო კონტინის. ფინალური შეხვედრა კი, იაპონელ შოჰეი ონოსთან წააგო.
გრან-პრი 20 თებერვალს გაიხსნა და ხვალ დასრულდება. ჩემპიონები 300 სარეიტინგო ქულას მიიღებენ, ვერცხლისა და ბრინჯაოს პრიზიორები კი -180 და 120 ქულას.
საქართველოს ნაკრების შემადგენლობა დიუსელდორფის გრან-პრიზე:
„მოვითხოვთ ყველა უვადო პატიმარს შეეხოს ხარვეზების განხილვა. მათ არასწორად აქვთ უვადო პატიმრობა მისჯილი. მთავრობა გვპირდებოდა, რომ საქართველოში მყოფ 81 უვადო პატიმრის ხარვეზებს გადახედავდა, არაერთხელ დაგვპირდნენ, რომ ამ საკითხს პარლამენტშიც განიხილავდნენ. მაგრამ არაფერი გაუკეთებიათ“ – გვეუბნება ერთ-ერთი უვადო პატიმრის ძმა გოჩა კონცელიძე.
უფლებადამცველ თამაზ ბაკურიძის თქმით, რომელიც აქციაზე იმყოფება, გარდა ქობულეთიდან და ბათუმიდან, საპროტესტო აქციას უერთდებიან პატიმართა ნათესავები ქუთაისიდან, სამტრედიიდან, ბაღდათიდან, ოზურგეთიდან.
აქციაზე ასევე იმყოფებიან სახალხო დამცელის წარმომადგენელი აჭარაში გიორგი ჩარკვიანი და ქობულეთის გამგებელი სულხან ევგენიძე.
საქართველოს იუსტიციის მინისტრს უფლება – ცვლილება შეიტანოს საქართველოს მთავარი პროკურატურის, რაიონული პროკურატურებისა და ქ. თბილისისა და საოლქო პროკურატურების საშტატო ნუსხებში, მთავრობის მიმდინარე წლის 30 მარტის განკარგულებით მიეცა.
ამასთან, იცვლება „საქართველოს პროკურატურის მუშაკთა თანამდებობრივი სარგოების დამტკიცების შესახებ“ საქართველოს იუსტიციის მინისტრის ბრძანება და პროკურატურაში ხელფასები შემდეგნაირად განისაზღვრება:
მთავარი პროკურორი – 3910 ლარი;
მთავარი პროკურორის პირველი მოადგილე – 3520 ლარი;
მთავარი პროკურორის მოადგილე – 3400 ლარი;
დეპარტამენტის უფროსი – 2930 ლარი;
დეპარტამენტის უფროსის მოადგილე და დეპარტამენტის უფროსის მოადგილე – სამმართველოს უფროსი – 2450 ლარი;
I კატეგორია – სამმართველოს უფროსი – 2345 ლარი;
II კატეგორია – სამმართველოს უფროსი – 2000 ლარი;
სამმართველოს უფროსი – მთავარი ბუღალტერი – 2345 ლარი;
უფროსი პროკურორი (საგამოძიებო ნაწილი (დეპარტამენტი), გენერალური ინსპექცია (დეპარტამენტი), სამართალწარმოების პროცესში ჩადენილი დანაშაულის გამოძიების დეპარტამენტი ) – 2370 ლარი;
პროკურორი (საგამოძიებო ნაწილი (დეპარტამენტი), გენერალური ინსპექცია (დეპარტამენტი), სამართალწარმოების პროცესში ჩადენილი დანაშაულის გამოძიების დეპარტამენტი ) – 2310 ლარი;
უფროსი პროკურორი -1900 ლარი;
პროკურორი – 1870 ლარი;
განსაკუთრებით მნიშვნელოვან საქმეთა უფროსი გამომძიებელი – 2430 ლარი;
განსაკუთრებით მნიშვნელოვან საქმეთა გამომძიებელი – 2310 ლარი;
საგამოძიებო ნაწილის (დეპარტამენტი) საქმისწარმოების, ანალიზისა და კონტროლის განყოფილების უფროსი – 1870 ლარი;
ხოლო დანარჩენ საშტატო ერთეულებზე ხელფასი 500-დან (მძღოლი) 1050 ლარამდე განისაზღვრა.
2015 წლის სახელმწიფო ბიუჯეტის მიხედვით, საქართველოს პროკურატურაში მომუშავეთა რიცხვი 830 ადამიანითაა განსაზღრული, რომელთა შრომის ანაზღაურებისთვის 24 მილიონ 791 ათასი ლარია გამოყოფილი [პროკურატურის მიმდინარე წლის მთლიანი ხარჯის 74,3%]
ცოტა მოგვიანებით, ორი მთის გადავლის შემდეგ, მოგზაურები ერთ სახლთან შეისვენებენ. წყალს ითხოვენ. წაბლის ხით ნაშენით სახლიდან, რომელიც აჭარაში, სარიჩაირის საზაფხულო იაილაზე დგას, სხვა ქალი გამოვა, თავზე ყვავილებიან თავსაფარწაკრული. გრძელი გზით დაღლილ მგზავრებს წყალსაც დაალევინებს და სახლშიც შეიპატიჟებს. ოთხი მგზავრი ხის ჭრაჭუნა კიბეებს აივლის, სასტუმრო ოთახში შევა და პატარა ჯორკოებზე ჩამოჯდება. ქალი თვალისდახამხამებაში ოთხ სხვადასხვა ზომისა და ფერის ყავის ჭიქას ღუმელზე დადგამს, რომელშიც ყავასა და შაქარს თვალზომით ჩაყრის. სანამ ყავა იხარშება, სარკესავით პრიალა ალუმინის ტაფაზე ერბოს დააგდებს, დაწნულ ყველს დაფლეთს და ერბოიან ტაფაში ჩაამატებს. ამასობაში ყავა დუღდება. დაღლილი მგზავრები გონს მოსვლას ვერ მოასწრებენ, ისე გაჩნდება მაგიდაზე ყავა, ბორანო და კაიმაღში მოზელილი სქლად გამომცხვარი მჭადი.
თვეების შემდეგ მოგზაურები იტყვიან, რომ ის ყავა იყო საუკეთესო მათ შორის, რაც კი ოდესმე დაულევიათ, ხოლო იმ მჭადზე უკეთესი არასდროს არაფერი გაუსინჯავთ. აჭარაში ძველი გამოთქმა „სტუმარი ღვთისაა“ იმდენად ორგანულად აქვთ გათავისებული, თუ მიპატიჟებაზე უარს იტყვით, შეურაცხყოფად მიიღებენ.
თუ იაკობ გოგებაშვილს დავუჯერებთ, ან კი რატომ არ უნდა დავუჯეროთ, ძველად აჭარლების საუკეთესო თვისება მოხუცების პატივისცემა, სტუმრის მიგებება, ღირსეულად თავის დაჭერა, თავაზიანობა, ცნობისმოყვარეობა და დაუღალავი მუშაობა ყოფილა. ამ თვისებებიდან განსაკუთრებული მაინც სტუმართმოყვარეობაა.
მეიდან ოდა
მთიან აჭარაში ძნელად მოიძებნება ოჯახი, რომელსაც რაც არ უნდა უჭირდეს და რაც არ უნდა პატარა ზომის სახლი ჰქონდეს, სტუმრის მიღება ვერ შეძლოს. ახლა ნაკლებად, მაგრამ ამ ერთი საუკუნის წინ თითქმის ყველა სახლს ჰქონდა სტუმრისთვის განკუთვნილი სასტუმრო ოთახი, რომელსაც „მეიდან ოდას“ ეძახდნენ. „მეიდან ოდაში“ ოჯახის ქალები მხოლოდ დასალაგებლად შედიოდნენ. ზოგიერთ სახლს „მეიდან ოდას“ შესასვლელი ძირითადი სახლისგან გამოყოფილი ჰქონდა. სტუმარს შეეძლო შესვლა და დარჩენა, საკვებს კი ოჯახის მეპატრონე უმზადებდა.
ქედაში, სოფელ ზუნდაგაში გარდა იმისა, რომ სასტუმრო ოთახი, ანუ „მეიდან ოდა“ თითქმის ყველა სახლს აქვს, დგას ორ საუკუნეზე მეტი ხნის ორსართულიანი სახლი. პირველი სართული ქვითკირითაა ნაგები, მეორე – ხით. ამ სახლს ზუნდაგაში „მეიდან ოდის“, ანუ სასტუმრო სახლის სახელით იცნობენ.
ზუნდაგაში „მეიდან ოდის“ გაჩენა საქარავნე გზას უკავშირდება. შავშეთის ქედგადმოვლილი, მერისიდან ქედაში ჩამოსული მექარავნეები გურიისკენ გზას სოფელ ზუნდაგის გავლით იმოკლებდნენ. ზუნდაგის ზემოთ მტირალას მთაა. სწორედ ამ მთაზე გადადიოდა საქარავნე გზა.
„დაახლოებით 250 წლის წინ ააშენა ეს სახლი ჩემი ბაბუის პაპამ. იშიყ ეფენდი ერქვა. ძმა ჰყავდა ოსმან ეფენდი. იმასთან ერთად აშენებდა თურმე. იდეა გაჩნდა იქიდან, რომ ზუნდაგა მდებარეობს ჩაქვი გორის ერთ-ერთ უღელტეხილზე. ამ გზაზე მექარავნეები დადიოდნენ ცხენებით, ჯორებით და სასაპალნე ვირებით. სახლი განკუთვნილი იყო სოფლის უცხო სტუმრისათვის. იმ პერიოდში ყველამ იცოდა მეიდან ოდის არსებობა და სტუმრებიც ხშირად გვყავდა“, – იხსენებს ზუნდაგის მცხოვრები ბადრი ვერძაძე.
„მეიდან ოდა“ დღემდე დგას ზუნდაგაში. მისი მეორე სართული, ორი ოთახისგან შედგება. ერთი ვიწრო შუშაბანდია, რომლითაც დიდ ოთახში შედიხარ. კარის პირდაპირ ძველებური, ორ საუკუნეზე მეტი ხნის ბუხარია. ბუხრის გვერდით ვიწრო სარკმელია. როგორც უხუცესები ჰყვებიან, როცა „მეიდან ოდას“ სტუმარი ეწვეოდა, სარკმელში ლამპას ანთებდა. ამით სოფელი იგებდა, რომ ვიღაც უცხო ეწვია. მოსახლეობას, ვისაც რისი საშუალება ექნებოდა, სტუმრისთვის საჭმელი მიჰქონდა.
როგორც ადგილობრივები ჰყვებიან, ზამთრობით დიდი თოვლის გამო ხეობა იკეტებოდა. ამ დროს ზუნდაგა ყაჩაღებისა და კონტრაბანდისტების თავშესაფარი ხდებოდა. ერთხანს თურმე აქ აფარებდა თავს აჭარაში ცნობილი ყაჩაღი მევლუდ დიასამიძე. დიასამიძე ისე მოხიბლულა ზუნდაგელების მასპინძლობით, ერთ-ერთი ოჯახისათვის თოფიც კი უჩუქებია.
ზუნდაგაში მდგარი სახლების უმეტესობაში ასევე შემორჩენილია სასტუმრო ოთახი. ორასი წლის ლაზური სტილით ნაგები ერთ-ერთი სახლის ბანზე დიასახლისს ქვეშაგები აქვს გამოტანილი. მზევინარ ქობულაძე სახლში გვპატიჟებს და სტუმრის ოთახისკენ მივყავართ. ერთ პატარა ოთახში ოთხი საწოლი დგას. თითოეული საწოლი გულდასმით დაუთოებული გახამებული თეთრეულითაა გაწყობილი. „რაც თავი მახსოვს, სულ გვქონდა სასტუმრო ოთახი. მეიდან ოდას ვეძახდით. ეს ჩვენი ტრადიციაა. ასე გაგვზარდეს, ასე გვასწავლეს. შეიძლება ხანი გავიდეს, სტუმარი არ მეწვიოს, მაგრამ მე მაინც ყოველ მზიან ამინდში გამაქვს ქვეშაგები მზეზე. ყველაზე მეტი სტუმარი ომიანობის დროს მყავდა, 2008 წლის აგვისტოში. ჩემი ოჯახის წევრების გარდა 25 სული იყვნენ, ყველას კარგად ვუმასპინძლე“, – იხსენებს მზევინარი.
ძველად აჭარაში სახლებს, ძირითადად, წაბლის ხისგან აგებდნენ. პირველ სართულზე საქონლის სადგომი, იგივე ბოსელი იყო განთავსებული, მეორე სართული კი საცხოვრებლად გამოიყენებოდა.
ძველ აჭარულ სახლში ოთახები სხვადასხვა დანიშნულებით იყო განაწილებული. სტანდარტულად იყო საქალებო და სასტუმრო ოთახები. რაც უფრო შეძლებული იყო გლეხი, მის სახლს მით უფრო მეტი ოთახი ჰქონდა.
მზევინარ ქობულაძის სახლის პირველი სართული ძველი აჭარული სახლის წყობისგან განსხვავებულია. სახლი და საქონლის სადგომი გამოცალკევებულია. სახლის პირველ სართულზე ვიწრო ჰოლით დიდ სასტუმრო ოთახში შედიხარ, ოთახის ცენტრში ბუხარია. ჰოლის მარცხნივ და მარჯვნივ ორი ოთახია. ახლა საძინებლად იყენებენ, ადრე კი ეს ოთახები საქალებო ყოფილა. ადრე სტუმრად ძირითადად მამაკაცები დადიოდნენ. თუ ისე მოხდებოდა, რომ ოჯახში მასპინძელი მამაკაცი არ აღმოჩნდებოდა, სტუმარს სასტუმრო ოთახში შესვლა დაუბრკოლებლად შეეძლო. შესვლის შემდეგ ქალები ე.წ. საქალებოში მოამზადებდნენ სადილს და კარებში დატანებულ სპეციალური მბრუნავი ტაბლის მეშვეობით მიაწვდიდნენ. სტუმრები, მას შემდეგ, რაც საჭმელს შეჭამდნენ, ცარიელ ჭურჭელს ისევ მბრუნავ ტაბლაზე დააწყობდნენ და დიასახლისი მათ აიღებდა.
მზევინარ ქობულაძე
ქალები უცხო მამაკაცებთან იმ შემთხვევაშიც კი არ გამოჩნდებოდნენ, თუ სახლში მამაკაცი იყო. მთაში მცხოვრებ ქალთა ცხოვრების წესი მეტად მკაცრი იყო. აი რას წერს დიმიტრი ბაქრაძე აჭარულ სტუმართმოყვარეობაზე:
„რა ეროვნებისა და რჯულისაც არ უნდა იყოს სტუმარი, საიდანაც უნდა მოდიოდეს და როდესაც უნდა მივიდეს, დღისით თუ ღამით, უფლება აქვს პირველსავე შემხვედრ სახლში გაჩერდეს.
ოჯახის უფროსიც რომ არ იყოს შინ, მარტო ქალებიც რომ იყვნენ, ვალდებულნი არიან მიიღონ, გაუმასპინძლდნენ, სუფთა ლოგინი გაუშალონ, რომელსაც საგანგებოდ ინახავენ ასეთი შემთხვევისათვის. დიასახლისი თავის ნახევარში ფუსფუსებს და ამზადებს საჭმელს, თქვენ გესმით მისი ლაპარაკი, მაგრამ სახით ვერ ხედავთ, თუმცა თვითონ ყურადღებით გითვალთვალებთ ჭუჭრუტანიდან. სუფრაზე ოჯახის პატრონი, ან ვინმე უფროსთაგანი გემსახურებათ. კერძები ერთფეროვანია, მაგრამ საკმაოდ სუფთა და გემრიელი. მჭადი, ერბოკვერცხი, რძეში მოხარშული ყველი, არაჟანი, ცხვრის ხორცი სხვადასხვა საკაზმითა და წიწაკით ცხარედ შეზავებული“.
„ბამბის ქსოვილისგან დამზადებული ცხვირსახორცი დაასველე წყალში, შემდეგ – აცეტონში. დაიკავე ცხვირსახოცი ქვიშიანი კრისტალიზატორის ზემოთ და მოუკიდე ცეცხლი, – დააკვირდი რა მოხდება“, –მსგავსი და უფრო რთული ცდების ჩატარებას, პროცესზე დაკვირვებას და მის ანალიზს, სასკოლო პროგრამა მოსწავლეებს ხშირად ავალდებულებს. თუმცა, როგორც მოსწავლეები აცხადებენ, არც სახლში და სკოლაში ცდების ჩატარების შესაძლებლობა მათ თითქმის არ აქვთ.
რა ხდება ქიმიის, ფიზიკისა და ბიოლოგიის გაკვეთილებზე სკოლაში და რა ინტენსივობით იყენებენ „აინშტაინის“ ფარგლებში გადაცემული ლაბორატორიებს საბუნებისმეტყველო გაკვეთილზე?
ნანა პაპუნაიშვილი #2 საჯარო სკოლის ქიმიის მასწავლებელია. იგი მიიჩნევს, რომ ქიმიის გაკვეთილების მეტი ეფექტურობისთვის აუცილებელია სკოლაში ლაბორანტის ყოლა.
„ხშირად რამდენიმე ისეთი გაკვეთილი მაქვს სხვადასხვა კლასში, სადაც ცდებია მოსამზადებელი. როცა მე-10 კლასში, ვთქვათ, ასახსნელი მაქვს იონური მიმოცვლის რეაქციები, სამი-ოთხი სახეობის ხსნარის გამზადებაა საჭირო. ცდის შემთხვევაში, ხსნარი სწრაფად უნდა დაამზადო, რომ იქ სხვა სახის რეაქცია არ მოხდეს და ცდას ეფექტი ჰქონდეს. ამის გაკეთება კი მარტო ძალიან რთულია“, – გვეუბნება ის.
რამდენად შესაძლებელია ცდის პროცესში მოსწავლეების ჩართვა? პედაგოგის თქმით, დღევანდელი კლასები ამის შესაძლებლობას არ იძლევა: „კლასები ვერ პასუხობს სტანდარტებს, რადგან თანამედროვე ტიპის ლაბორატორიაში ყველა ბავშვს თავისი ინდივიდუალური მაგიდა უნდა ჰქონდეს, სადაც იქნება წყლის ონკანი და მოსწავლეს ინდივიდუალურად შეეძლება ექსპერიმენტის ჩატარება, ლაბორანტის დახმარებით, რომელიც, ბუნებრივია, პროფესიონალი უნდა იყოს“.
პედაგოგის აზრით, კლასკაბინეტების არარსებობა ყველა მოსწავლის ჩართვა ცდის პროცესში შეუძლებელს ხდის. „35 ბავშვი ერთდროულად რომ ამუშაო, ძალიან რთულია. ამიტომ, ეს სიყალბე რომ არ გამოვიდეს, მხოლოდ სადემონსტრაციო ცდას ვატარებ, რომელსაც მოსწავლე უნდა დააკვირდეს და დაიმახსოვროს“.
მასწავლებელი ამბობს, რომ მოსწავლემ კვლევის უნარ-ჩვევები უნდა გამოიმუშაოს, თუმცა, რამდენად შესაძლებელია ამ უნარების გამომუშავება თეორიულად, პედაგოგი პასუხობს: „ქიმია იმდენად საინტერესო საგანია, რომ ელემენტარული კვლევის უნარს მაინც გამოიმუშავებენ. სერიოზული ცდების ჩატარებას სპეციალური კლასის გარეშე მაინც ვერ შევძლებთ, რადგან კლასში უნდა იყოს გამწოვიც, რომ სხვადასხვა გაზის მიღებისას ბავშვები არ მოიწამლონ“.
#13 საჯარო სკოლის ფიზიკის მასწავლებელი მზიური წინწკილაძე ამბობს, რომ „ყველაფრის ჩვენება და გაკეთება შეუძლებელია“. „თუმცა ვაკვირდებით სითბურ მოვლენებს, გვაქვს კოლბები, ელექტროობაში გვაქვს ამპერიმეტრები, ვოლტმეტრები, უმარტივესი წრედების აწყობა შეგვიძლია“.
პედაგოგი მიიჩნევს, რომ მოსწავლეებისთვის სკოლაში მიღებული ცოდნა ეროვნული გამოცდებისთვის საკმარისი მაინც არ არის: „უფრო მეტად ფორმულების გაგება და ამოცანების გაკეთება უჭირთ, რადგან მაღალ კლასებში ფორმულები მზამზარეულად მიეწოდებათ და მათი გააზრება ცდების საფუძველზე შეუძლებელია. ეროვნულ გამოცდებში კი ბევრი ისეთი საკითხია შეტანილი, რაც სასკოლო წიგნებიდან ამოღებულია. ეს იმას ნიშნავს, რომ მოსწავლეს, ნებისმიერ შემთხვევაში, დამოუკიდებლად მომზადება მოუწევს“.
როგორც გავარკვიეთ პედაგოგები და მოსწავლეები არც ინტერნეტლაბორატორიებით სარგებლობენ: „მე არ მაქვს კომპიუტერი და ინტერნეტი. როცა ღია გაკვეთილი გვაქვს, მაშინ მოაქვთ ხოლმე ნოუთბუქი და ეკრანზე ვაჩვენებ საილუსტრაციოდ“, – გვეუბნება ნანა პაპუნაიშვილი.
ციცინო მიქელაძეც #2 საჯარო სკოლის პედაგოგია, ის ბიოლოგიას ასწავლის. მისი თქმით, „აინშტაინის“ ფარგლებში მიღებული მასალები არასაკმარისია, თუმცა ხშირად ვერც მათ იყენებენ ეფექტურად:
„ჩვენ მივიღეთ ტაბულები ნაწილობრივ, ორი მიკროსკოპი, მულაჟები და ჩონჩხი. რადგან კაბინეტური სისტემა არ გვაქვს და სხვადასხვა კლასში დავდივართ. ცოტა უხერხულობა იქმნება, მაგრამ შესაძლებისდაგვარად ვიყენებთ“.
ციცინო მიქელაძე „ბათუმელებთან“ შეხვედრის დროს გაკვეთილს მერვეკლასელებთან ატარებდა. როგორც მოსწავლეებმა გვითხრეს, მათ არასდროს უმუშავიათ მიკროსკოპთან. მასწავლებელი ამ ფაქტს იმით ხსნის, რომ „მათ ჯერ მიკროსკოპზე მასალა არ უსწავლიათ“. „მიკროსკოპი მოსწავლეებს მე-7 კლასში უნდა ესწავლათ და იმ ეტაპზე ისწავლება ფიზიკა, ქიმია და ბიოლოგია ინტეგრირებულად. დამატებით ისწავლიან მე-9-10 კლასებში. თუმცა, მოსწავლეები ამბობენ, რომ მათ არც გასულ წელს ჰქონიათ მიკროსკოპთან შეხება. `რადგან სახელმძღვანელო ინტეგრირებულია, მასწავლებელს ხშირად არ რჩება დრო და შეიძლება ამიტომ“, – გვეუნება ციცინო მიქელაძე.
როგორც პედაგოგი გვეუბნება, წელს გრანტი მიიღო, რომელიც ცდებზე მუშაობის მეტ შესაძლებლობას მისცემს: „თემაა ნიკოტინის ზემოქმედება ცოცხალ ორგანიზმებზე. ცდები ჩატარდება შოთა რუსთაველის უნივერსიტეტის ლაბორატორიაში მცენარეებსა და თაგვებზე“.
როგორც საბუნებისმეტყველო საგნების მასწავლებლები გვეუბნებიან, მასწავლებლებისთვის არ არსებობს პრაქტიკაზე ორიენტირებული ტრენინგები, რაც გააუმჯობესებდა პედაგოგთა კვალიფიკაციას.
განხორციელდა თუ არა პროგრამის მონიტორინგი და როგორ შეფასდა მისი ეფექტურობა, ამის თაობაზე განათლების სამინისტროსგან ინფორმაცია ვერ მივიღეთ. სამინისტროს ვებგვერდზე განთავსებული ინფორმაციის მიხედვით კი, 2010 წლის მონაცემებით, ლაბორატორია საქართველოს მასშტაბით 150 სკოლისთვის შეიძინეს, რაც მისი ერთეული ფასიდან გამომდინარე, ორი მილიონ 70 ათასი ლარი უნდა იყოს.
აჭარის ნაკრები შვიდი შემადგენლობით ახალქალაქში გუშინ გაემზავრა. ჩემპიონატი სამ დღეს გაგრძელდება და ფინალი 25 თებერვალს ჩატარდება. აჭარის ნაკრების შემადგენლობაში ერთ წონით კატეგორიაში – 64 კგ-ში, ორი ახალგაზრდა იასპარეზებს, რაც იმას ნიშნავს, რომ ბექა ბოლქვაძეს და მირზა მიქელაძეს პირველობისთვის ერთმანეთთან ბრძოლა მოუწევთ.
აჭარის ნაკრების მთავარი მწვთნელი გოჩა აბაშიძე იმედოვნებს, რომ ბათუმში თავისი გუნდი საპრიზო ადგილებით დაბრუნდება: „დიდი კონკურენციაა. ყველაზე მეტი წარმომადგენელი თბილისს ჰყავს. ვფიქრობ, რომ სამ მედალს მაინც მოვიპოვებთ, მათგან ერთ ოქროს“.
საქართველოს ჩემპიონატის შემდეგ დაკომპლექტდება საქართველოს ეროვნული ახალგაზრული ნაკრები, რომელიც ზაფხულში ბულგარეთში, ევროპის პირველობაზე გაემგზავრება.
სამართალდამცველებმა დაკავებულის პირადი ჩხრეკისას 5,5179 გრ ნარკოტიკული საშუალება ამოიღეს, რომელიც ექსპერტიზის დასკვნით 1,887 გრ ჰეროინს შეიცავს.
ნარკოლოგიური შემოწმებით დადგინდა, რომ გოჩა ც. დაკავებისას ნარკოტიკული საშუალება ჰეროინის ზემოქმედების ქვეშ იმყოფებოდა.
გამოძიება განსაკუთრებით დიდი ოდენობით ნარკოტიკული საშუალების შეძენა-შენახვის ფაქტზე მიმდინარეობს (საქართველოს სსკ-ის 260-ე მუხლის მე-3 ნაწილის „ა“ქვეპუნქტით). ინფორმაციას შსს ავრცელებს.
ეს წიგნებია: ბორის და არკადი სტრუგაცკების “ძნელი ღმერთობა” , ფილიპ დიკის “კაცი მაღალ კოშკში”, რეი ბრედბერის “ტანმოხატული კაცი”, დენიელ კიზის “ყვავილები ელჯერნონისთვის” და ქეთრინ პეტერსონის “ხიდი ტერაბითიაში”.
წიგნები სამეცნიერო ფანტასტიკის ჟანრს განეკუთვნება.
„ეს ჟანრები ძალიან პოპულარულია მსოფლიოში, მათ შორის საქართველოშიც, თუმცა ქართულ ენაზე თარგმანი თითქმის არ არსებობს. ამიტომ გადავწყვიტეთ დაგვეწყო “ფანტასტიკური ბიბლიოთეკის” გამოცემა,“ – ამბობს გამომცემლობა „წიგნები ბათუმშის“ ხელმძღვანელი ირაკლი ბაკურიძე.
ბათუმის იახტკლუბში ნახევრადჩაძირული გემი STRANNIK | 21-02-2015
საქართველოს საზღვაო სანაპიროებს საქართველოს საზღვაო ტრანსპორტის სააგენტო კურირებს. სააგენტოს საზღვაო-სამაშველოს საკოორდინაციო ცენტრის უფროსის, ავთანდილ გეგენავას თქმით, გემის ჩაძირვას ეკოლოგიური დაბინძურება არ გამოუწვევია.
„გემი შემოვზღუდეთ სპეციალური ბონური ზღუდეებით, რომელიც წყალთან ნარევი ნავთობის მასის ზღვაში გადენისგან დაიცავს. ეს არის სამრეწველო ტიპის გემი, რომელსაც თევზის გადასატანად ან მსგავსი ტიპის სამუშაოებისთვის იყენებენ. ჩაძირვის ორ მიზეზზე შეიძლება ვარაუდი, შეიძლება გემის წყალქვეშა კორპუსი დაზიანდა, ან ვიღაცამ შიგნით რაღაც გახსნა და იმ ადგილიდან დაიწყო წყალმა შესვლა. ადგილი არ ჰქონდა ნავთობის დაღვრას. არ არის გემის გადატრიალების საშიშროებაც. ამის შემდეგ გემის მფლობელი ვალდებულია მოძებნოს კომპანია, რომელიც ამოწევს გემს, მოიყვანს მყვინთავებს და შეამოწმებს გემის წყალქვედა კორპუსს“.
ავთანდილ გეგენავას ინფორმაციით, გემი ნახევრადჩაძირულ მდგომარეობაში გრუნტზე იმყოფება.
გემის მესაკუთრე გელა გაბუნია გვეუბნება, რომ მიზეზები უცნობია მისთვისაც, რადგან გემს ორშაბათისთვის ტვირთის გადასატანად ამზადებდა:
„გუშინ წინ გემი მუშაობდა. უნდა გადამეყვანა სხვა ნაპირზე დასატვირთად. ამ დილით დამირეკეს, რომ გემი ჩაიძირაო. გემი ცარიელი იყო, არ იყო ზედ საწვავი. ორშაბათს უნდა დავიწყოთ გემის ამოტანა და ძიება, თუ საიდან შევიდა წყალი“.
მესაკუთრის ინფორმაციით STRANNIK-ი 1957 წელსაა აშენებული. მან გემი 2014 წლის ივლისში 30 000 დოლარად შეიძინა.
საქართველოს რეგიონული განვითარებისა და ინფრასტრუქტურის სამინისტრო მოსახლეობის რაოდენობის თაობაზე მუნიციპალიტეტებიდან მიღებული ინფორმაციის საფუძველზე (გარდა, მუნიციპალიტეტების ადმინისტრაციული ცენტრების მოსახლეობისა), ახორციელებს თითოეული მუნიციპალიტეტისათვის გამოსაყოფი თანხის გაანგარიშებას.
თანხის გაანგარიშება ხდება შემდეგი პრინციპის დაცვით:
ა) 1-დან 200 სულის ჩათვლით დასახლებისათვის – 4 000 ლარი;
ბ) 201-დან 400 სულის ჩათვლით დასახლებისათვის – 5 000 ლარი;
სამინისტრო მუნიციპალიტეტისათვის გამოსაყოფი თანხის გაანგარიშების შემდეგ, ამზადებს შესაბამის ინფორმაციას, რომელშიც აისახება მუნიციპალიტეტების მიხედვით, გამოსაყოფი თანხის რაოდენობა და უგზავნის საქართველოს ფინანსთა სამინისტროს.
მუნიციპალიტეტის საკრებულოს მიერ გამოყოფილი თანხის ოდენობის თაობაზე მოსახლეობის ინფორმირებას, მუნიციპალიტეტის ადმინისტრაციულ ერთეულში, გამგებლის წარმომადგენლის ან სხვა უფლებამოსილი პირის მეშვეობით, ახორციელებს მუნიციპალიტეტის გამგებელი.
წარმომადგენელი ან სხვა უფლებამოსილი პირი ორგანიზებას უწევს სოფლის მოსახლეობის კრების გამართვას, აწყობს საჯარო განხილვას და სოფლის მოსახლეობის კრების მონაწილეთა უმრავლესობის გადაწყვეტილებით, სოფლისათვის გამოყოფილი თანხის ოდენობის გათვალისწინებით, ადგენს პროგრამით სოფლისათვის გამოყოფილი თანხის გამოყენების მიზნობრიობას, რაც აისახება სოფლის მოსახლეობის კრების ოქმში. სოფლის მოსახლეობის კრების ოქმს წარმომადგენელი ან სხვა უფლებამოსილი პირი წარუდგენს შესაბამისი მუნიციპალიტეტის გამგებელს.
მუნიციპალიტეტის გამგებელი ამზადებს ინფორმაციას, დასახლებების მიხედვით, შესაბამისი პროექტების დასახელებებისა და თითოეულ პროექტზე საორიენტაციო თანხის შესახებ, რომელსაც უთანხმებს სამინისტროს.
საჭიროების შემთხვევაში, მუნიციპალიტეტის წინადადებით, ამ მუხლის მე-12 პუნქტით გათვალისწინებულ შეთანხმებულ ინფორმაციაში ცვლილება ხორციელდება სამინისტროს თანხმობით, ამ პროგრამით განსაზღვრული წესის დაცვით.
პროგრამით გამოყოფილი თანხა უნდა მოხმარდეს ადგილობრივი მნიშვნელობის ინფრასტრუქტურული ობიექტების მშენებლობას, რეაბილიტაციას ან/და კეთილმოწყობას, საერთო სარგებლობის შენობების აღჭურვას, ან/და გრძელვადიანი სარგებლობის ტექნიკის შესყიდვა-აღჭურვას.
სამუშაოთა შესასრულებლად, მაქსიმალურად უნდა დასაქმდეს შესაბამისი სოფლის (სოფლების) მოსახლეობა.
საერთო ინტერესების გათვალისწინებით, დასაშვებია, რამდენიმე სოფლისათვის გამოყოფილი თანხის გაერთიანება ამ სოფლების საერთო პრობლემის (მაგალითად, სასმელი ან სარწყავი წყლის სისტემები და სხვა) გადასაწყვეტად.
პროგრამის მიმდინარეობისა და შესრულების საერთო კოორდინაციასა და მონიტორინგს ახორციელებს სამინისტრო, რომელიც უფლებამოსილია, საჭიროების მიხედვით, პერიოდულად მოითხოვოს ინფორმაცია მუნიციპალიტეტებიდან პროგრამის შესრულების მიმდინარეობის შესახებ. სამინისტრო ახდენს ინფორმაციის შესწავლას, ანალიზს და შესაბამის ინფორმაციას წარუდგენს საქართველოს მთავრობას ორჯერ – არა უგვიანეს 2015 წლის 20 ივლისისა და 2015 წლის 31 დეკემბრისა.
„ჯერ ისტორიას არ ახსოვს, რომ რომელიმე ბიუჯეტმა გაითვალისწინოს საგაზაფხულო ყინვით გამოწვეული ზარალის ანაზღაურება. ჩემი კომენტარი იქნება ქართული ანდაზა – „როცა მარტი წინ გიდევს, ზამთარს ნურც აქებ და ნურც აძაგებო“. კომპენსაცია მიიღეს 2014 წლის მაისში სეტყვის შედეგად დაზარალებულებმა, რომელთაც გაუფუჭდათ დარგული ჩითილები, ნერგები – ბადრიჯანი, კიტრი, პომიდორი, თამბაქო და ვენახი. მათ საკომპენსაციოდ, 258 კომლზე 183 500 ლარი გადანაწილდა“ – განაცხადა დავით დუმბაძემ.
გამგებლის თქმით, გასული წლის მაისში მიყენებული ზარალის შესასწავლად შეიქმნა სამთავრობო კომისია, რომელშიც შედიოდნენ ორი წარმომადგენელი ქედის მუნიციპალიტეტიდან და სხვა წევრები აჭარის სოფლის მეურნეობის სამინისტროდან. ამ კომისიას კი ქედის გამგებლის იმდროინდელი მოადგილე გურამ ლომინაძე ხელმძღვანელობდა.
თუკი კომპენსაცია გაიცა სეტყვით მიყენებულ ზარალზე, რატომ არ გაიცა კომპენსაცია მოსავლის მოყინვაზე? – გურამ ლომინაძის თქმით, მან მარტში გამოწვეულ ზარალზე დავით დუმბაძეს შესთავაზა შექმნილიყო კომისია, თუმცა გამგებელმა ეს არ გაითვალისწინა: „ვუთხარი ბატონ დავითს, რომ მარტში მიყენებული ზარალის ანაზღაურების საკითხი აჭარისა და საქართველოს მთავრობის წინაშე დააეყენებინა და შექმნილიყო ზარალის შემსწავლელი კომისია, მაგრამ ჩემი ნათქვამი არაფრად ჩააგდო. თუმცა, იმის გამო, რომ მაისში სეტყვის დროს ზარალი დიდი იყო და მოსახლეობაც ხშირად აწუხებდა და ზარალის ანაზღაურებას მოითხოვდა, გამგებელმა კომისიის შექმნა ჩათვალა საჭიროდ“.
რაც შეეხება აქციის წევრების მუქარას, რომ თუკი მთავრობა მათ ყურადღებას არ მიაქცევს გამგებლის კარებს აჭედავენ, დავით დუმბაძე აცხადებს: „ეს მათი უფლებაა, რაც უნდათ ის გააკეთონ, დემოკრატიაა, ოღონდ კანონი არ დაარღვიონ. კარების აჭედვაზე კი, არსებობს სანქციები.“
ზოგიერთი იმპორტირებული პროდუქტის სტატისტიკა ამ პროდუქტის ღირებულების მიხედვით
საქართველოში გასულ წელს შემოტანილია 151 მილიონ დოლარზე მეტი ღირებულების ხორბალი (დასათესის გარდა), ხოლო დასათესად – 512 ათასი დოლარის. ამასთან, იმპორტირებულია 6 მილიონამდე დოლარის აქტიური საფუარი; 4,2 მილიონი დოლარის მაკარონის ნაწარმი კვერცხის შემცველობის გარეშე, თბურად დაუმუშავებელი, ხოლო მაკარონის დანარჩენი ნაწარმი, სხვა ხერხით დამზადებული – 6,4 მილიონი დოლარის; გასული წლის განმავლობაში ქვეყანაში შემოტანილია 5,6 მილიონი დოლარის ღირებულების ხორბლის ან ხორბალ-ჭვავის ფქვილი.
შარშან იმპორტირებულია 11,6 მილიონი დოლარისსიმინდი (სათესლეს გარდა); ნახევრად დამსხვრეული ან მთლიანად დამსხვრეული ბრინჯი, გაპრიალებული ან გაუპრიალებელი, მოჭიქული ან მოუჭიქავი – 5,2 მილიონი დოლარის; რაც შეეხება მზესუმზირას თესლს, შემოტანილია 3,5 მილიონი დოლარის, როგორც დამსხვრეული, ასევე დაუმსხვრეველი.
მზესუმზირის ზეთის, მისი ფრაქციების (არარაფინირებული ან რაფინირებული) იმპორტმა 37 მილიონ დოლარს გადააჭარბა, ხოლო სიმინდის ზეთის იმპორტმა 2 მილიონ დოლარს.
შარშან შემოტანილი იყო ასევე 17 მილიონამდე დოლარის მარგარინი (თხევადი მარგარინის გამოკლებით). ძეხვი და ანალოგიური პროდუქტები ხორცის, ხორცის სუბპროდუქტებისა ან სისხლისაგან; მათ საფუძველზე დამზადებული მზა კვების პროდუქტები – 8,5 მილიონი დოლარის; მზა ან დაკონსერვებული პროდუქტები მსხვილფეხა რქოსანი პირუტყვის ხორცისაგან – 3,8 მილიონი დოლარის; პომიდორის კეტჩუპი და პომიდორის სხვა საწებლები – 3,2 მილიონი დოლარის; მდოგვის ფხვნილი და მზა მდოგვი – 198,5 ათასი დოლარის; პროდუქტები საწებლების მოსამზადებლად და მზა საწებლები (სოიოს საწებელას, პომიდვრის კეტჩუპის და პომიდვრის სხვა საწებლების, მდოგვის ფხვნილის და მზა მდოგვის გარდა); საგემოვნო დანამატები და შერეული საკმაზები – სულ 15,2 მილიონი დოლარის.
ლერწმის ხამი შაქარი მყარ მდგომარეობაში საგემოვნო-არომატული ან საღებარი დანამატების გარეშე შემოტანილია 45,8 მილიონი დოლარის; ქიმიურად სუფთა საქაროზა მყარ მდგომარეობაში საგემოვნო-არომატული ან საღებავი დანამატების გარეშე – 17,2 მილიონი დოლარის; შაქრის საკონდიტრო ნაწარმი საღეჭი რეზინის გარდა (თეთრი შოკოლადის ჩათვლით), რომლებიც არ შეიცავენ კაკაოს – 20,4 მილიონი დოლარის; ხოლო დანარჩენი შოკოლადის და კაკაოს შემცველი მზა კვების პროდუქტები – 39,4 მილიონი დოლარის.
ქვეყანაში შემოტანილია მილიონობით დოლარის ტკბილეული, მათ შორის: მშრალი ნამცხვარი – 10,3 მილიონი დოლარის, ვაფლი და ვაფლის ობლატები – 6,9 მილიონი დოლარის; ორცხობილა, ნაფიცხარა და ანალოგიური გაფიცხებული პროდუქტები – 2,1 მილიონი დოლარის; ცომეული საკონდიტრო ნაწარმი (გარდა ისეთი საკონდიტრო ნაწარმისა, როგორიცაა: ხრამუნა პური და კოჭას ნამცხვარი, ორცხობილა, ნაფიცხარა და ანალოგიური გაფიცხებული პროდუქტები) – 13,7 მილიონი დოლარის.
2014 წელს მთლიანობაში ქვეყანაში იმპორტირებულია ყავის ექსტრაქტები, ესენციები და კონცენტრატები – 14,1 მილიონი დოლარის; მზა პროდუქტები ყავის ექსტრაქტების, ესენციების ან კონცენტრატების ფუძეზე ან ყავის საფუძველზე – 5,1 მილიონი დოლარის.
პურის ყანა. ადიგენის მუნიციპალიტეტი [ფოტო: ბათუმელების არქივიდან]
ისინი 2014 წლის 30 მარტს მოსული თოვლის შედეგად განადგურებული მოსავლის კომპენსაციას მოითხოვენ.
დანდალოში მცხოვრები მერაბ ხალვაში ამბობს, რომ მოსახლეობის ზარალის შესწავლის მიზნით შექმნილმა სამთავრობო კომისიამ შერჩევით იმუშავა და კომპენსაციაც შერჩევით გაიცა.
„ქედის რაიონში 5000-ზე მეტი ოჯახი ცხოვრობს. ოთხ თემში, სადაც კომისია საერთოდ არ შემოსულა 2100 ოჯახი დარჩა კომპენსაციის გარეშე. რაიონის გამგებელმა დავით დუმბაძემ შექმნა კომისია, კომისიამ და გამგებელმა იმუშავეს იმაზე, რომ ვისაც მეტი მოსავალი ჰქონდა ნაკლები ანაზღაურება მისცეს, ვინც მათთან დაკავშირებული პირი იყო მათ ბევრი მისცეს. აქ კანონდარღვევაა და მივმართავთ პროკურატურას შეისწავლოს ეს საკითხი, აჭარის მთავრობამ კი მოგვაქციოს ყურადღება. ბიუჯეტი რაიონის გამგებლისა არ არის ბიუჯეტი ხალხისაა და უნდა გადანაწილებულიყო იმდაგვარად ვინ რა ზარალი მიიღო და არა იმნაირად ვის სად რა ნათესავი ჰყავდა“ – განუცხადა „ბათუმელეს“, მერაბ ხალვაშმა.
როგორც მერაბ ხალვაში ამბობს ისინი საპროტესტო აქციას უკვე მესამედ მართავენ: „დღეს აქციაზე 80 ადამიანი იმყოფება. თუკი ყურადღებას არ მოგვაქცევენ მეოთხე აქცია ჩატარდება და გამორიცხული არ არის რაიონის გამგებლის კარებიც კი ავჭედოთ“.
„ბათუმელები“ ქედის გამგებლის კომენტარს მოგვიანებით შემოგთავაზებთ.
გადაცემული არასასოფლო-სამეურნეო დანიშნულების მიწის ნაკვეთების საფასური – 39 761 ლარი, კომპანიამ შესაბამისი ხელშეკრულების გაფორმებიდან 30 დღეში უნდა გადაიხადოს.
ამ ნაკვეთებიდან 19 724 კვ/მ მდებარეობს შუახევის მუნიციპალიტეტის სოფელ ახალდაბაში, 200 კვ/მ – ხულოს მუნიციპალიტეტის სოფელ დიაკონიძეებში, ხოლო 664 კვ/მ – ხულოს მუნიციპალიტეტის სოფელ ფაჩხაში.
როგორც მთავრობის დადგენილებაშია აღნიშნული „ამ უძრავი ქონების გამოყენება საქართველოს მთავრობას, CLEAN ENERGY INVEST AS-სა და შპს ,,აჭარისწყალი ჯორჯიას“ შორის 2011 წლის 10 ივნისს გაფორმებული შეთანხმებით განსაზღვრული „I სეგმენტის ჰიდროელექტროსადგურების“ (შუახევიას და სხალთის ჰიდროელექტროსადგურების), ამავე შეთანხმებით დადგენილი პირობების შესაბამისად, აშენებისა და ექსპლუატაციაში მიღების მიზნით უნდა მოხდეს“.
15:00 საათზე – ბათუმის სარაგბო კლუბი „ბათუმი“ თბილისის „არმაზს“ ხვდება, ფოთში მალთაყვის მოედანზე
(საქართველოს სარაგბო კლუბების უმაღლესი ლიგის შეხვედრა / მეორე წრე / მე-14 ტური).
16:00 საათზე – ბათუმის სპორტულ-ახალგაზრდულ ცენტრში (მისამართი: ლადო ასათიანის #27)12 წლამდელთა ჭაბუკებს შორის მინი-ფეხბურთში საერთაშორისო ტურნირის თამაშები გაგრძელდება. დღეს ოთხი მატჩი ჩატარდება. ტურნირში ბათუმის, ხელვაჩაურის, ფოთის, ქობულეთის, ასევე აზერბაიჯანის გუნდები მონაწილეობენ.
აღნიშნული თანხით სააგენტოს ისლამური, იუდეური, რომაულ-კათოლიკური და სომხური სამოციქულო აღმსარებლობის რელიგიური გაერთიანებები უნდა დაეფინანსებინა.
მიუხედავად ამისა, საქართველოს მთავრობამ თავისი 2014 წლის ოქტომბრის განკარგულებით, შეცვალა თანხის ოდენობა და გასული წლის სარეზერვო ფონდიდან აღნიშნული კონფესიებისათვის სააგენტოს ანგარიშზე 1 750 000 ლარი გადაირიცხა.
რელიგიის საკითხთა სახელმწიფო სააგენტოდან მიღებული ინფორმაციით, აღნიშნული თანხა კონფესიებზე შემდეგნაირად განაწილდა:
საქართველოს ისლამური თემი – 1 100 000 ლარი;
საქართველოს სომეხთა სამოციქულო ქრისტიანული თემი – 300 000 ლარი;
საქართველოს რომაულ-კათოლიკეთა ქრისტიანული თემი- 200 000 ლარი;
ბათუმის დინამოს ფანკლუბი ”შავი ზღვის მეკობრეები” | ქობულეთის ”შუქურასა” და ბათუმის ”დინამოს” შეხვედრა | 06-12-2014
„შავი ზღვის მეკობრეები“ – Black Sea Pirates ბათუმის „დინამოს“ ფანკლუბია, რომელიც 2011 წლის 17 აგვისტოს შეიქმნა. მას ბათუმში „პირატების“ სახელით იცნობენ. ფანკლუბის შექმნის იდეა სტუდენტ გივი გაგუას იდეა იყო. იდეამ ფეხბურთის სხვა მოყვარულებიც გააერთიანა. ამირან მამალაძემ, არჩილ ინწკირველმა, ბაჩანა აბაშიძემ, ალეკო ჩხაიძემ და კიდევ რამდენიმე ახალგაზრდამ ერთად დაიწყეს საკუთარი ქალაქის ფეხბურთის გუნდის ორგანიზებული ქომაგობა, ფანკლუბს ერთად შეურჩიეს სახელი. „რატომ შავი ზღვის მეკობრეები? ალბათ იმიტომ, რომ ზღვისპირა ქალაქში ვცხოვროთ“ – ამბობს გივი.
„დინამოს“ გულშემატკივარი არასდროს აკლდა, მაგრამ სტადიონის დანგრევამ ყველაფერზე იმოქმედა, გუნდი უმაღლესი ლიგიდან გავარდნის შემდეგ პირველ ლიგაში თამაშობდა. ზოგიერთმა აღარც იცოდა გუნდი არსებობდა თუ არა, ზოგიერთმა ქომაგობას თავი დაანება. გადავწყვიტეთ ჩვენს გუნდს გვერდში დავდგომოდით. ფეისბუქის საშუალებით რამდენიმე ადამიანმა გავიცანით ერთმანეთი და შევიკრიბეთ. მოვიფიქრეთ ფანკლუბის სახელი, გავაკეთეთ ბანერი და დავგეგმეთ როგორ წავსულიყავით თამაშებზე“ – გვიამბობს გივი.
ფანკლუბის წევრები „დინამოს“ საქომაგოდ ქობულეთში მიკროავტობუსებით დადიან. როგორც გივი გაგუა გვეუბნება, „დინამოს“ ახალი ხელმძღვანელობის შემდეგ სამგზავრო ხარჯებს კლუბი აფინანსებს. დღეს „მეკობრეების“ რიცხვი 200-მდეა, მათ შორის არიან გოგოებიც, ყველა თამაშს კი საშუალოდ 50 ქომაგი ესწრება.
„მეკობრეები“ თვითონაც თამაშობენ ფეხბურთს. გასულ წელს საქართველოს ფანკლუბებს შორის გამართულ ტურნირში ჩემპიონები გახდნენ. ამ ტურნირს ქუთაისის „ტორპედოს“ ფანკლუბი 2013 წლიდან ატარებს და მასში ფანკლუბის აქტიური წევრები მონაწილეობენ. ფანკლუბებს შორის ფუტზალის ჩემპიონატი წელს მეორეჯერ ჩატარდა. 2013 წელს პირველობა ქუთაისის „ტორპედოს“ „ქომაგებმა“ მოიპოვეს.
2014 წლის 20 სექტემბერს ბათუმში ძლიერი წვიმა მოვიდა. ეს ის დროა, როცა ბათუმის ქუჩები ისე დაიტბორა, რომ ზოგიერთმა გადასაადგილებლად რეზინის ნავიც კი გამოიყენა. წვიმის მიუხედავად ქობულეთში „ჩელე-არენაზე“ დაგეგმილი მატჩი ცხინვალის „სპარტაკსა“ და ბათუმის „დინამოს“ შორის არ გადადებულა. ქობულეთში მიმავალი ქომაგები წვიმის გამო გამოწვეულ საცობში მოხვდნენ, ჩაიკეტა გზა, თუმცა „მეკობრეებმა“ ჩაქვის ხიდდთან ადიდებული წყალი ფეხით გადაიარეს, დააგვიანდათ, მაგრამ მეორე ტაიმს მაინც მიუსწრეს.
”შეიძლება ზოგმა ვერ გაითავისოს, მაგრამ ფანკლუბი
პასუხისმგებლობაა საკუთარი თავის წინაშე. არ უნდა შეგაშინოს
ამინდმა, უგზოობამ, სხვა დაბრკოლებამ და ყოველთვის შენი გუნდის
გვერდით უნდა იდგე ” – გვეუბნება გიორგი ქამადაძე, რომელიც
“შავი ზღვის მეკობრეებს” 2012 წლიდან შეუერთდა.
„ამ სეზონში ორ თამაშს ვერ დავესწარი. ყოველ წუთში ვურეკავდი ჩემს მეგორებს და ვკითხულობდი, რა სიტუაცია იყო. წაგებული თამაშიც რომ იყოს, სტადიონზე ყოფნა ბევრად ადვილი და გასაძლებია ჩემთვის, ვიდრე სტადიონს გარეთ, როცა არა ვარ საკუთარი გუნდის საგულშემატკივრო ტრიბუნაზე. ჩემთვის ყოველი გაშვებული გოლი საკუთარი ტკივილია და ყოველი გატანილი გოლი – პირადი გამარჯვება“ – ამბობს გიორგი.
გივი თალაკვაძე „მეკობრეების“ ერთ-ერთი პირველი წევრია, 2011 წლიდან. ის მიიჩნევს, რომ გულშემატკივარს არა მხოლოდ ფეხბურთელების გამხნევება, არამედ თამაშის შედეგის შეცვლაც შეუძლია. „ფეხბურთში ფანები მე-12 მოთამაშედ მიიჩნევა. მგონია დიდ სტიმულს ვაძლევთ ჩვენი ქომაგობით, ამიტომ „პირატები“ ჩემთვის ერთი დიდი ოჯახია“ – ამბობს ის.
ცნობილი ამბავია, რომ ფანკლუბებს შორის ხშირად ხდება დაპირისპირება. გივი გაგუა ამბობს, რომ საქართველოში დაახლოებით შვიდი ფანკლუბია და მათთან კარგი ურთიერთობა აქვთ. ის გასულ წელს მომხდარ ჩხუბს იხსენებს: „ჩხუბი ერთხელ მოხდა. თბილისში ცხინვალის „სპარტაკს“ ვეთამაშებოდით და პროვოკაციულად მოიქცნენ „სპარტაკის“ გულშემატკივრები, რამაც ფანსექტორზე შეხლა-შემოხლა გამოიწვია. ჩხუბი მალე ჩაცხრა და თამაშს პრობლემა არ შეჰქმნია. გავიმარჯვეთ და სწორედ იმ თამაშით გადავედით უმაღლეს ლიგაში“.
უწევთ თუ არა „მეკობრეებს“ საკუთარი გუნდის დაცვა მოედნის მიღმა? გიორგი ქამადაძე ამბობს, რომ ყოველდღიურად, როცა ეკითხებიან, ვის გულშემატკივრობს ფეხბურთში: „ყველა ელოდება, რომ ვეტყვი „მანჩესტერს“, „რეალს“, მაგრამ ყოველთვის ამაყად და დინჯად ვეუბნები, რომ მე ვარ ბათუმის „დინამოს“ გულშემატკივარი, რაც არაერთგვაროვან რეაქციას იწვევს და ეცინებათ. ჩემთვის ბათუმის „დინამო“ პირველი გუნდია, რომლის ერთი რიგითი თამაში გაცილებით საინტერესო და მნიშვნელოვანია, ვიდრე მსოფლიო კლასის მატჩი. ზოგი კიდევ გახარებულია და კითხულობს, სად და როგორ შეიძლება ფანკლუბში გაწევრიანება“.
ფანკლუბის წევრობა ოფიციალურობას არ მოითხოვს: „უბრალოდ უნდა მოვიდეს ჩვენთან, გაგვიცნოს, იაროს ჩვენთან ერთად თამაშებზე და უქომაგოს საკუთარი ქალაქის გუნდს“ – განმარტავს გივი გაგუა. ის გარდა ფანკლუბის ხელმძღვანელობისა, ბათუმის „დინამოში“ გულშემატკივრის მეკავშირედ მუშაობს. გულშემატკივრის მეკავშირეს მეტოქის ქომაგების ფანსექტორზე განთავსება და თამაშის მერე გაცილება ევალება. ეს თანამდებობა, როგორც გივი გვეუბნება, ფეხბურთის ეროვნულმა ფედერაციამ „უეფას“ დავალებით შექმნა. რამდენ ხანს იარსებებს „შავი ზღვის მეკობრეები“? გივი გაგუა ამბობს, რომ მანამდე, სანამ იარსებებს ფეხბურთი და ფეხბურთის გულშემატკივარი.
ორივე დადგენილების პროექტის მიღებამდე რეგლამენტით გათვალისწინებული პროცედურები და სხდომის მსვლელობა დაძაბულად წარიმართა. სხდომის დაწყებამდე უმაღლეს საბჭოში სასწრაფო-სამედიცინო დახმარებაც გამოიძახეს. როგორც შემდეგ გაირკვა უმაღლესი საბჭოს წევრს სვეტლანა კუდბას ექიმის დახმარება მაღალი წნევის გამო დასჭირდა.
მომავალ კვირაში უმაღლესი საბჭოს ფრაქცია „ქართული ოცნება“ სვეტლანა კუდბასა და ჯემალ ფუტკარაძის პასუხისმგებლობის საკითხზე იმსჯელებს, მათ „ნაციონალური მოძრაობის“ ინიციატივას ვიცე-სპიკერ დავით ბაციკაძისა და საფინანსო-საბიუჯეტი საკითხთა კომისიის თავმჯდომარის თანამდებობიდან გადაყენების თაობაზე მხარი დაუჭირეს.
დაზარალებული 60 წლის მამაკაცია. სასწრაფო-სამედიცინო დახმარების ბრიგადამ მამაკაცი რესპუბლიკურ საავადმყოფოში გადაიყვანა. სასწრაფო დახმარების ექიმის თქმით, მამაკაცს აღენიშნება მენჯ-ბარძაყის მოტეხილობა და თავის ტვინის შერყევა.
როგორც სასწრაფო დახმარების ცენტრში ამბობენ, შემთხვევის შესახებ ზარი 112-დან 20:53 საათზე განხორციელდა.
შინაგან საქმეთა სამინისტროს პრესსამსახურის ცნობით, გამოძიება დაწყებულია სისხლის სამართლის კოდექსის 276-ე მუხლით – ტრანსპორტის მოძრაობის უსაფრთხოების ან ექსპლუატაციის წესის დარღვევით, რაც ისჯება ჯარიმით, ან სამ წლამდე თავისუფლების შეზღუდვით, ან იმავე ვადით თავისუფლების აღკვეთით, ან თანამდებობის, ან საქმიანობის უფლების ჩამორთმევით სამი წლის ვადით.
ხელოვნებათმცოდნე რატი ჩიბურდანიძე ამბობს, რომ ხელოვნების სფეროში ამ მხატვრის არსებობა ერთი წლის წინ შეიტყვეს – ”ამ მხატვრის არსებობა შარშან, დაახლოებით ამ დროს ძალიან მოულოდნელად და სრულიად შემთხვევით გახდა ჩვენთვის ცნობილი. მისი ნამუშევრების გამოფენა თბილისშიც მოეწყო და მან დიდი მოწონებაც დაიმსახურა. მისი გარდაცვალებიდან ერთი წელი გავიდა და დღეს ეს შესანიშნავი სურათები კვლავ არის ექსპონირებული ხელოვნების მუზეუმში” – ამბობს ის.
რატი ჩიბურდანიძე ამბობს, რომ ხელოვნებათმცოდნეების აზრით მხატვარი ნაივის სტილის წარმომადგენელია – ” სიუჟეტურად საკმაოდ დრამატული ნამუშევრებია წარმოდგენილი, მის ნამუშევრებში არის სოციალური კრიტიკა, რაღაც მანკიერებათა მხილება ჩვენი თანამედროვე ყოფის და უახლესი ისტორიის, მაგრამ მიუხედაავდ ამისა ეს ყველაფერი განმსჭვალულია საოცრად თბილი და ნათელი ენერგეტიკით. სწორედაც ჰუმანისტის თვალით არის დანახული ყველაფერი. ძალიან საინტერესო მხატვარია, რომელიც ვფიქრობ ჯერ-ჯერობით სათანადოდ არ არის დაფასებული, მაგრამ ამ ყველაფერს დრო სჭირდება”.
გამოფენაზე 40-მდე ფერწერული ტილოა წარმოდგენილი, რომლებიც მუზეუმში დაახლოებით 10 დღეს კიდევ დარჩება.
შპს ”გუმბათი ჯგუფის” სამუშაოთა მწარმოებელი გურამ კონცელიძე ამბობს, რომ შენობა დიდი ხანია ამორტიზებული იყო და მისი დანგრევა გარდაუვალი იყო, თუმცა არ გამორიცხავს, რომ ძველი სინაგოგის შენობის ნგრევა, საცხოვრებელი სახლის საძირკველის ამოთხრამ დააჩქარა – ”შენობა ამორტიზებული იყო. მასზე ძალიან დიდი ბზარები იყო. საცხოვრებელი სახლის მშენებლობამდე ჩვენ გავამაგრეთ ეს შენობა, საძირკველი გავუმაგრეთ, კედლები სპეციალური ღვედებით დავამაგრეთ. ეს ძალიან ძველი შენობაა 1923 წლიდან გადასცეს სათვისტომოს, იქამდე კი საცხოვრებელი სახლი იყო. მას შემდეგ იქ არავინ ცხოვრობს და არც სარემონტო სამუშაოები ჩატარებია შენობას” – ამბობს ის.
ძველი სინაგოგის შენობა ნაწილობრივ ქვის და ნაწილობრივ ხისგან იყო ნაშენი – ”მას შემდეგ რაც შენობა ებრაელთა სათვისტომოს გადაეცა, იქ შიდა კედლები გამოიღეს და გააფართოვეს. შენობას არანაირი ”პერეგაროტკები” არ ჰქონდა. ის დიდი ხანია უპატრონოდ იყო მიტოვებული და ადრე თუ გვიან მაინც დაინგრეოდა” – ამბობს გურამ კონცელიძე.
შენობა საქართველოს ეკონომიკის სამინისტროს ბალანსზეა. მას კულტურული მემკვიდრეობის სტატუსი არ აქვს.
შენობაში 1995 წლიდან უსახლკარო, სოციალურად დაუცველი შოთა სეფიაშვილი ცხოვრობდა, რომელიც შენობის ჩამონგრევისას სახლში არ იმყოფებოდა – ”მეორე ჯგუფის ინვალიდი ვარ, მძიმე ფორმაში მაქვს შაქრიანი დიაბეტი, ვუვლიდი შეძლებისდაგვარად აქაურობას, დიდი ხანია აქ ვცხოვრობ. 92 წლიდან აქ არ ფუნქციონირებდა სინაგოგა. აქ პატარა ოთახში ვცხოვრობდი. შენობას ჰქონდა ბზარები, მაგრამ კარგი ოთახი იყო. მშენებლობა რომ დაიწყო კედლები უფრო სერიოზულად დაიბზარა. სამშენებლო კომპანიამ სამადლოდ ცალკე ქვის ოთახი ამიშენა, მაგრამ აქაც წყალი ჩამომდის და ძალიან გთხოვთ, რომ დამეხმაროთ” – ამბობს ის.
ზედამხედველობის სამსახურის უფროსის ზაალ მამუჭაძის თქმით, ზარალს შოთა სეფიაშვილს სამშენებლო კომპანია აუნაზღაურებს.
„საკითხის განხილვა ორშაბათისთვის გადავიტანეთ, რადგან არ გვინდა სპონტანურად განვიხილოთ, თანაც ფრაქციის ყველა წევრი უნდა ესწრებოდეს სხდომას“-განაცხადა „ბათუმელებთან“ საუბარში ფრაქცია „ქართული ოცნების“თავმჯდომარემ აკაკი ძნელაძემ.
თუ ჯემალ ფუტკარაძესა და სვეტლანა კუდბას გარიცხავენ ფრაქციიდან, უმაღლეს საბჭოში ძალთა ბალანსი ასე გადანაწილდება: „ნაციონალური მოძრაობა“ – 8 დეპუტატი, კოალიცია „ქართული ოცნება“ – 7; „თავისუფალი დემოკრატები“ – 2 დეპუტატი; დამოუკიდებელი დეპუტატი – 2.
ჯერჯერობით უცნობია, რომელიმე სხვა პარტიასთან გაერთიანდებიან თუ არა ჯემალ ფუტკარაძე და სვეტლანა კუდბა იმ შემთხვევაში თუ მათ მმართველი გუნდი პარტიიდან გარიცხავს. უმაღლეს საბჭოში სულ 21 დეპუტატია.
სხდომამდე რამდენიმე საათით ადრე უმაღლესი საბჭოს წევრმა მედეა ვასაძემ დეპუტატებს მის წინააღმდეგ დაწყებული საქმის წარმოების შესახებ ძველი დოკუმენტები დაურიგა. მანამდე რამდენიმე დღით ადრე კი საქართველოს პარლამენტის ვიცესპიკერმა მურმან დუმბაძემ კი ის ფინანსურ მაქინაციებში დაადანაშაულა.
ქ. ბათუმში რეგისტრირებული ტიპი II შაქრიანი დიაბეტით დაავადებულ პაციენტთა (100 000-მდე ქულის მქონე, შ.შ.მ. პირები, ასაკით პენსიონერები) უფასო გამოკვლევები: გლიკოზირებული ჰემოგლობინი, ენდოკრინოლოგის და ოფთალმოლოგის კონსულტაცია.
ქ. ბათუმში რეგისტრირებული ბრონქული ასთმით და მორეციდივე ბრონქიტით და ქრონიკული ობსტრუქციული დაავადებით დაავადებული პაციენტებისათვის უფასო გამოკვლევები: ექიმ-ალერგოლოგის კონსულტაცია, სპირომეტრული გამოკვლევა.
აჭარაში მცხოვრები სოციალურად დაუცველი ორსული ქალების (0–200 000 სარეიტინგო ქულა) უფასო გამოკვლევები: ფარისებრი ჯირკვლის ჰორმონები ; ულტრასონოგრაფიული კვლევა და ენდოკრინოლოგის კონსულტაცია.
დამატებითი ინფორმაციისთვის დაგვიკავშირდით: ტელ: 0 422 29 38 83
უმაღლესი საბჭოს საფინანსო-საბიუჯეტო კომისიის თავმჯდომარე ალექსანდრე ჩიტიშვილი თანამდებობიდან გადააყენეს. მისი გადაყენების ინიციატივით „ნაციონალური მოძრაობა“ გამოვიდა. მას უნდობლობა რამდენიმე თვის წინ აჭარის მთავრობის წინააღმდეგ გაკეთებული განცხადების შემდეგ მოულოდნელად პოზიციების შეცვლის გამო გამოუცხადეს.
”აქ შეკრებილია ”ქართული ოცნების” აქტივი. იციან, რომ დღეს ძალიან მნიშვნელოვანი და სერიოზული პროვოკაცია არის დაგეგმილი უმაღლეს საბჭოში. სწორედ ამიტომ მოვიდნენ აქ. სურთ თავიანთი გულისტკივილი გამოთქვან და შეახსენონ იმ ხალხს, რომლებსაც პოლიტიკური ამბიციები გაუჩნდათ დღეს, რომ მათ ისინი ზურგით მიათრიეს იქ, სადაც არიან. ვცდილობთ, რამე კონფრონტაცია არ მოხდეს. ამიტომ ვართ აქ” – ამბობს ბათუმის საკრებულოს აპარატის უფროსი პაატა მგელაძე.
ამ წუთებში უმაღლეს საბჭოში სხდომა დაიწყო, სხდომაზე ვიცე-სპიკერ დავით ბაციკაძისა და საფინანსო-საბიუჯეტო საკითხთა კომისიის თავმჯდომარის ალექსანდრე ჩიტიშვილის გადაყენების საკითხი განიხილება. როგორც უკვე დააანონსეს, „თავისუფალი დემოკრატებიდან“ სულხან ღლონტი და თემურ კახიძე სხდომას არ დაესწრებიან, შესაბამისად არც კენჭისყრაში მიიღებენ მონაწილეობას.
უკვე დაანონსებულია მომავალში უმაღლესი საბჭოს თავმჯდომარის ავთანდილ ბერიძის თანამდებობებიდან გადაყენებაც. „ბათუმელების“ ინფორმაციით, მის ადგილზე ჯემალ ფუტკარაძის კანდიდატურაზე ნაციონალურ მოძაობისა და „ქართული ოცნებიდან“ წასული დეპუტატები უკვე შეთანხმებული არიან.
ჯემალ ფუტკარაძე
ეს ინფორმაცია არის ინფორმირებული წყაროებისგან მოწოდებული, მაგრამ არაოფიციალური. თავად ზემოთ დასახელებული კანდიდატები ამ საკითხის ირგვლი დასმულ კითხვებს პირდაპირ პასუხს არ სცემენ.
მთავარი ქორმაისტერი და ვოკალის პედაგოგი – მანანა ჩაუშბა;
დამდგმელი ქორეოგრაფი – ზურაბ სვანაძე; დამდგმელი მხატვარი – ვაჰაგნ ტევანიანი; არანჟირება და გაორკესტრება – მინდია ხითარიშვილი; ქორმაისტერი – მიმოზა კილაძე; კონცერტმაისტერი – ევგენია ღოღელიანი; ქორეოგრაფი – გოჩა არობელიძე; რეჟისორის ასისტენტი – ზვიად მურვანიძე, იასონ ხომერიკი.
სპექტაკლში მონაწილეობენ:
ესმერალდა – თეა გელოვანი; კვაზიმოდო მნათე – რამაზ ვარშანიძე; პოეტი პიერ გრინგუარი – მორის მელაძე; კლოპენ ტრიულფო ბოშათა მეფე – პაატა ფაცია; მღვდელი კლოდ ფლორო – ზურაბ ბაგდოშვილი; ფებუს დე შატობერი მეფის გვარდიის კაპიტანი – ირაკლი გოგიტიძე; ფლორ დელისი – მარიამ ძნელაძე; ახალგაზრდული მუსიკალური თეატრის გუნდი; ახალგაზრდული მუსიკალური თეატრის სამხატვრო ხელმძღვანელი თენგიზ შამილაძე.
ორგანიზატორი: ბათუმის სახელმწიფო მუსიკალური ცენტრი
დავით ბაციკაძის ინფორმაციით, ამ დოკუმენტებში „ვითომდა შემთხვევით“ გაიპარა პირის სახელი და გვარი, რომლის შესახებაც ინფორმაცია არ უნდა გასაჯაროვებულიყო. საქმის დეტალებს და იმას, თუ რას ეხება ეს დოკუმენტები, დავით ბაციკაძე არ აკონკრეტებს.
„მედეა ვასაძემ უმაღლესი საბჭოს დეპუტატებში გაასაჯაროვა დოკუმენტები ადმინისტრაციული წარმოების შესახებ, რომელიც უკვე დასრულებულია. ეს დოკუმენტები მას სეიფში ჰქონდა შენახული“, – განაცხადა დავით ბაციკაძემ საგანგებო ბრიფინგზე.
„ბათუმელების“ ინფორმაციით, დღეს დილით მედეა ვასაძემ უმაღლეს საბჭოში გაავრცელა ბლანკიან ფურცელზე დაბეჭდილი ინფორმაცია, რომლის თანახმადაც დეპუტატი დავით ბაციკაძე 8 თვის განმავლობაში თითქოსდა ერთ-ერთ თანამშრომელზე სექსუალურად ძალადობდა. წერილში ქალის ვინაობაც იდენტიფიცირებულია.
თავის დროზე ამ საქმის ადმინისტრაციული წარმოება უმაღლეს საბჭოში შეწყდა ადმინისტარციული მოთხოვნებისა და კანონდებლობის დარღვევის ფაქტების არ არსებობის გამო.
„ძალიან მაღალი ალბათობით, 11-ზე მეტი ხმა იქნება, მაგრამ აუცილებელი და საკმარისი პირობაა, რომ იყოს თერთმეტი ადამიანი მათი გადაყენების მომხრე. მიმაჩნია, რომ ალექსანდრე ჩიტიშვილი უნდა გადავაყენოთ თანამდებობიდან იმის გამო, რომ მან პოლიტიკური პასუხისმგებლობა უნდა აიღოს იმ ბრიფინგებზე, რომელსაც აჭარის მთავრობის თავმჯდომარის წინააღმდეგ ატარებდა და შედეგი ვერ მიიღო.
დავით ბაციკაძე უნდა წავიდეს იმიტომ, რომ ის არის კორუფციულ სქემებში ჩართული და ეს სქემები გადის არა მარტო ბაციკაძეზე, არამედ არჩილ ხაბაძესა და მის მთავრობაზე.
ხოლო ავთანდილ ბერიძე იმიტომ უნდა წავიდეს უმაღლესი საბჭოს თავმჯდომარეობიდან, რომ მას დაეშალა უმრავლესობა. ის ვალდებულია შეინარჩუნოს უმრავლესობა. მიმაჩნია, რომ აჭარის უმაღლეს საბჭოში კონფიგურაციის შეცვლა არის გარდაუვალი. ასეთი კონფიგურაციის შექმნა არ არის თვითმიზანი იმისათვის, რომ ვიღაცამ ახალი სამუშაო ადგილი მიიღოს. ვფიქრობ, უფრო ეფექტურად იმუშავებს უმაღლესი საბჭო და უფრო ეფექტურად გააკონტროლებს მთავრობას“.
მეიდან ოდა
„ბამბის ქსოვილისგან დამზადებული ცხვირსახორცი დაასველე წყალში, შემდეგ – აცეტონში. დაიკავე ცხვირსახოცი ქვიშიანი კრისტალიზატორის ზემოთ და მოუკიდე ცეცხლი, – დააკვირდი რა მოხდება“, –
ციცინო მიქელაძე „ბათუმელებთან“ შეხვედრის დროს გაკვეთილს მერვეკლასელებთან ატარებდა. როგორც მოსწავლეებმა გვითხრეს, მათ არასდროს უმუშავიათ მიკროსკოპთან. მასწავლებელი ამ ფაქტს იმით ხსნის, რომ „მათ ჯერ მიკროსკოპზე მასალა არ უსწავლიათ“. 
შპს ”გუმბათი ჯგუფის” სამუშაოთა მწარმოებელი გურამ კონცელიძე ამბობს, რომ შენობა დიდი ხანია ამორტიზებული იყო და მისი დანგრევა გარდაუვალი იყო, თუმცა არ გამორიცხავს, რომ ძველი სინაგოგის შენობის ნგრევა, საცხოვრებელი სახლის საძირკველის ამოთხრამ დააჩქარა – ”
