ნეტგაზეთი • RU

უვადო სასჯელ მისჯილი პატიმრების ახლობლები ქობულეთში აქციას მართავენ

 

 

საქართველოს სხვადასხვა ქალაქიდან უვადო პატიმრების ახლობლები ქობულეთში, მემედ აბაშაძის ქუჩაზე აქციას მართავენ. ისინი საქართველოს პრეზიდენტს, საქართველოს პრემიერ-მინისტრს, საქართველოს სახალხო დამცველს მიმართავენ და მოითხოვენ, რომ უვადო პატიმართა საკითხს გადახედონ და მათ პატიმრობის ვადა შეეცვალოთ.

 

 

„მოვითხოვთ ყველა უვადო პატიმარს შეეხოს ხარვეზების განხილვა. მათ არასწორად აქვთ უვადო პატიმრობა მისჯილი. მთავრობა გვპირდებოდა, რომ საქართველოში მყოფ 81 უვადო პატიმრის ხარვეზებს გადახედავდა, არაერთხელ დაგვპირდნენ, რომ ამ საკითხს პარლამენტშიც განიხილავდნენ. მაგრამ არაფერი გაუკეთებიათ“ – გვეუბნება ერთ-ერთი უვადო პატიმრის ძმა გოჩა კონცელიძე.

 

უფლებადამცველ თამაზ ბაკურიძის თქმით, რომელიც აქციაზე იმყოფება, გარდა ქობულეთიდან და ბათუმიდან, საპროტესტო აქციას უერთდებიან პატიმართა ნათესავები ქუთაისიდან, სამტრედიიდან, ბაღდათიდან, ოზურგეთიდან.

 

აქციაზე ასევე იმყოფებიან სახალხო დამცელის წარმომადგენელი აჭარაში გიორგი ჩარკვიანი და ქობულეთის გამგებელი სულხან ევგენიძე.

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი