Batumelebi | ახალი შტატები და ხელფასები პროკურატურაში ახალი შტატები და ხელფასები პროკურატურაში – Batumelebi
RU | GE  

ახალი შტატები და ხელფასები პროკურატურაში

 

საქართველოს პროკურატურაში მთავარი პროკურორი თვეში ხელფასს – 3910 ლარს,  ხოლო მძღოლი 500 ლარს აიღებს. პროკურატურის მიმდინარე წლის მთლიანი ხარჯის 74,3 პროცენტი კი ხელფასებზე მოდის. ამასთან, მთავარ პროკურატურაში იქმნება 102 ახალი საშტატო ერთეული და უქმდება 59; რაიონულ პროკურატურებში უქმდება 12 საშტატო ერთეული (2 დარაჯისა და 10 დამლაგებლის), ხოლო 1 დამლაგებლის შტატი უქმდება შიდა ქართლისა და მცხეთა-მთიანეთის საოლქო პროკურატურაში.

 

საქართველოს იუსტიციის მინისტრს უფლება – ცვლილება შეიტანოს საქართველოს მთავარი პროკურატურის, რაიონული პროკურატურებისა და ქ. თბილისისა და საოლქო პროკურატურების საშტატო ნუსხებში, მთავრობის მიმდინარე წლის 30 მარტის განკარგულებით მიეცა.

 

ამასთან, იცვლება „საქართველოს პროკურატურის მუშაკთა თანამდებობრივი სარგოების დამტკიცების შესახებ“ საქართველოს იუსტიციის მინისტრის ბრძანება და პროკურატურაში ხელფასები შემდეგნაირად განისაზღვრება:

 

მთავარი პროკურორი – 3910 ლარი;

მთავარი პროკურორის პირველი მოადგილე – 3520 ლარი;

მთავარი პროკურორის მოადგილე – 3400 ლარი;

დეპარტამენტის უფროსი – 2930 ლარი;

დეპარტამენტის უფროსის მოადგილე და დეპარტამენტის უფროსის მოადგილე – სამმართველოს უფროსი – 2450 ლარი;

I კატეგორია – სამმართველოს უფროსი – 2345 ლარი;

II კატეგორია – სამმართველოს უფროსი –  2000 ლარი;

სამმართველოს უფროსი – მთავარი ბუღალტერი – 2345 ლარი;

უფროსი პროკურორი (საგამოძიებო ნაწილი (დეპარტამენტი), გენერალური ინსპექცია (დეპარტამენტი), სამართალწარმოების პროცესში ჩადენილი დანაშაულის გამოძიების დეპარტამენტი ) – 2370 ლარი;

პროკურორი (საგამოძიებო ნაწილი (დეპარტამენტი), გენერალური ინსპექცია (დეპარტამენტი), სამართალწარმოების პროცესში ჩადენილი დანაშაულის გამოძიების დეპარტამენტი ) – 2310 ლარი;

უფროსი პროკურორი -1900 ლარი;

პროკურორი – 1870 ლარი;

განსაკუთრებით მნიშვნელოვან საქმეთა უფროსი გამომძიებელი – 2430 ლარი;

განსაკუთრებით მნიშვნელოვან საქმეთა გამომძიებელი – 2310 ლარი;

საგამოძიებო ნაწილის (დეპარტამენტი) საქმისწარმოების, ანალიზისა და კონტროლის განყოფილების უფროსი – 1870 ლარი;

ხოლო დანარჩენ საშტატო ერთეულებზე ხელფასი 500-დან (მძღოლი) 1050 ლარამდე განისაზღვრა.

 

2015 წლის სახელმწიფო ბიუჯეტის მიხედვით, საქართველოს პროკურატურაში მომუშავეთა რიცხვი 830 ადამიანითაა განსაზღრული, რომელთა შრომის ანაზღაურებისთვის 24 მილიონ 791 ათასი ლარია გამოყოფილი [პროკურატურის მიმდინარე წლის მთლიანი ხარჯის 74,3%]

 

2013 წლის 22 დეკემბრის მდგომარეობით (შარშანდელი მონაცემები პროკურატურის ვებგვერდზე არ დევს)  პროკურატურის სისტემაში დასაქმებული იყო 839 ადამიანი, მათ შორის 279 ქალი (33,4%). კერძოდ:

430 პროკურორი, მათ შორის, 104 ქალი (24,2%);

85 გამომძიებელი, მათ შორის 9 ქალი (10,6%);

98 მრჩეველი, მათ შორის 79 ქალი (80,6%);

50 სტაჟიორი, მათ შორის 21 ქალი (42%);

131 დამხმარე მოსამსახურე, მათ შორის 46  ქალი (35,1%);

45 შტატგარეშე მოსამსახურე, მათ შორის 20 ქალი (44%).

პროკურატურაში დასაქმებულ პირთა საშუალო ასაკი 39 წელი იყო.

 

ნეტგაზეთის მასალების სხვა გამოცემებში გადაბეჭდვის წესი
თედო ჯორბენაძე