ნეტგაზეთი • RU

გადადებული ჩემპიონატი კრივში დღეს დაიწყება

 

 

ახალქალაქში, დღეს, ერთ თვის წინ გადადებული ახალგაზრდული ჩემპიონატი გაიხსნება კრივში. ახალგაზრდულ პირველობაში საქართველოს რეგიონების მოკრივეთა ნაკრები გუნდები მონაწილეობენ.

ფოტო ”ბათუმელების” არქივიდან

აჭარის ნაკრები შვიდი შემადგენლობით ახალქალაქში გუშინ გაემზავრა. ჩემპიონატი სამ დღეს გაგრძელდება და ფინალი 25 თებერვალს ჩატარდება. აჭარის ნაკრების შემადგენლობაში ერთ წონით კატეგორიაში – 64 კგ-ში, ორი ახალგაზრდა იასპარეზებს, რაც იმას ნიშნავს, რომ ბექა ბოლქვაძეს და მირზა მიქელაძეს პირველობისთვის  ერთმანეთთან ბრძოლა მოუწევთ.

აჭარის ნაკრების მთავარი მწვთნელი გოჩა აბაშიძე იმედოვნებს, რომ ბათუმში თავისი გუნდი საპრიზო ადგილებით დაბრუნდება: „დიდი კონკურენციაა. ყველაზე მეტი წარმომადგენელი თბილისს ჰყავს. ვფიქრობ, რომ სამ მედალს მაინც მოვიპოვებთ, მათგან ერთ ოქროს“.

საქართველოს ჩემპიონატის შემდეგ დაკომპლექტდება საქართველოს ეროვნული ახალგაზრული ნაკრები, რომელიც ზაფხულში ბულგარეთში, ევროპის პირველობაზე გაემგზავრება.

აჭარის ახალგაზრდული ნაკრები კრივში:

  1. გოჩა დემურაძე 56 კგ
  2. თომა მამულაძე 60 კგ
  3. ბექა ბოლქვაძე 64 კგ
  4. მირზა მიქელაძე 64 კგ
  5. ლაშა ნარაკიძე 69 კგ
  6. დავით სილპაქსიანი 75 კგ
  7. გიორგი შუშაძე 81 კგ
ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი