სიახლეები

ქობულეთელი მხატვრის საზოგადოებისთვის უცნობი ნამუშევრები

20.02.2015 • 2064
ქობულეთელი მხატვრის საზოგადოებისთვის უცნობი ნამუშევრები

ხელოვნებათმცოდნე რატი ჩიბურდანიძე ამბობს, რომ ხელოვნების სფეროში ამ მხატვრის არსებობა ერთი წლის წინ შეიტყვეს – ”ამ მხატვრის არსებობა შარშან, დაახლოებით ამ დროს ძალიან მოულოდნელად და სრულიად შემთხვევით გახდა ჩვენთვის ცნობილი. მისი ნამუშევრების გამოფენა თბილისშიც მოეწყო და მან დიდი მოწონებაც დაიმსახურა. მისი გარდაცვალებიდან ერთი წელი გავიდა და დღეს ეს შესანიშნავი სურათები კვლავ არის ექსპონირებული ხელოვნების მუზეუმში” – ამბობს ის.



რატი ჩიბურდანიძე ამბობს, რომ ხელოვნებათმცოდნეების აზრით მხატვარი ნაივის სტილის წარმომადგენელია – ” სიუჟეტურად საკმაოდ დრამატული  ნამუშევრებია წარმოდგენილი, მის ნამუშევრებში არის სოციალური კრიტიკა, რაღაც მანკიერებათა მხილება ჩვენი თანამედროვე ყოფის და უახლესი ისტორიის, მაგრამ მიუხედაავდ ამისა ეს ყველაფერი განმსჭვალულია საოცრად თბილი და ნათელი ენერგეტიკით. სწორედაც ჰუმანისტის თვალით არის დანახული ყველაფერი. ძალიან საინტერესო მხატვარია, რომელიც ვფიქრობ ჯერ-ჯერობით სათანადოდ არ არის დაფასებული, მაგრამ ამ ყველაფერს დრო სჭირდება”.

გამოფენაზე 40-მდე ფერწერული ტილოა წარმოდგენილი, რომლებიც მუზეუმში დაახლოებით 10 დღეს კიდევ დარჩება.




გადაბეჭდვის წესი