Batumelebi

 

 „პროფესიული გადამზადების“ პროგრამის ფარგლებში სამი ქვე პროგრამა – „სოციალურად დაუცველი მოქალაქეებისა და შეზღუდული შესაძლებლობის მქონე პირთა პროფესიული გადამზადება“,  „35 წლის და ზევით ასაკის მოქალაქეების პროფესიული გადამზადება“ და „ძალოვანი სტრუქტურის ვეტერანთა პროფესიული გადამზადება“ განხორციელდება.

 

სსიპ აჭარის დასაქმების სააგენტო „სოციალურად დაუცველი მოქალაქეებისა და შეზღუდული შესაძლებლობის მქონე პირთა პროფესიული გადამზადების“ პროგრამის ფარგლებში აჭარაში რეგისტრირებულ 0_დან 200 000-მდე სარეიტინგო ქულის მქონე ოჯახის წარმომადგენლებსა და შეზღუდული შესაძლებლობის მქონე  პირებს,  შვიდ სხვადასხვა პროფესიაში (მზარეული, კონდიტერი, სარესტორნო საქმის მწარმოებელი, სასტუმროს საქმის მწარმოებელი, შემდუღებელი, ამწის ოპერატორი, მძიმე ტექნიკის ოპერატორი) გადაამზადებს.

 

 

 

 

 

 

 

“დღეს აღდგომისა დღე არს, განვბრწყინდებოდეთ აწ, ერნო…” (ზატიკი)
უფალი, ,,რომელიც მიეცა ჩვენი ცოდვებისათვის, აღსდგა ჩვენს განსამართლებლად. (რომ.4.25) და სიკვდილიცა მოკლულ იქმნა მის მიერ (პარაკლ.), გიხაროდეთ!

 

ქრისტე აღდგა!
სად არის სიკვდილო საწერტელი შენი?
ქრისტე აღდგა!
სად არის ჯოჯოხეთო ძლევაი შენი? (I კორ.15,55)

 

“აღდგა ქრისტე და დაირღვიე შენ; აღდგა ქრისტე და დაეცნენ ეშმაკნი; აღსდგა ქრისტე და ცხოვრება მოქალაქობს” (წმ. იოანე ოქროპირი).

 

როგორც პავლე მოციქული ამბობს, ცოტას თუ ვინმეს შეუძლია სიცოცხლის გაწირვა მართალთათვის, ქრისტემ კი თავი დადო ჩვენთვის, რომელნიც ვიყავით უცხონი, მტრები და მოწინააღმდეგეები მისთვის (შდრ. რომ. 5; 6-8).

– და რატომ ვიყავით მტრები და უცხონი?

ღმერთი სიყვარული არს და ამ გრნობით შექმნა და განმსჭვალა მან მთელი ხილული და უხილავი სამყარო.
ღვთაებრივი სიყვარული ვლინდება სხვისთვის მსახურებაში, სიკეთეში, სიმართლეში, მშვიდობაში, სიწმინდეში, მოწყალებაში, სიხარულში…

ასეთი მადლით იყო მოცული ცოდვით დაცემამდე მთელი კოსმოსი, დედამიწა და მკვიდრნი მას შინა. 
როდესაც გველის ცდუნებით ადამმა და ევამ ღვთის მცნება დაარღვიეს, ამით შემომქმედზე და მისი მცნებებით ცხოვრებაზე თქვეს უარი. უარი თქვეს იმ სიყვარულზე, რომელიც სხვისთვის გასცემს ყველაფერს და არ ეძებს თავისას; მადლდაკარგულებს ამპარტავნების ვნება დაეუფლათ, ეგოისტური აზრები და თავის თავზე ორიენტირებული სიყვარული გაუჩნდათ.

ადამის მთელი მოდგმა ამ სენით დაავადდა და საღვთო დიდებისათვის განმზადებულმა თავი წარწყმედისთვის გაწირა.
ამიტომაც ვიყავით განშორებული ღვთისგან.

_ როგორ გვიხსნა ქრისტემ და რას ვზეიმობთ მისი აღდგომით?

ყველა ადამიანის სული, ადამის ცოდვის გამო, გარდაცვალების შემდეგ ჯოჯოხეთს იმკვიდრებდა. მამა ღმერთმა ჩვენს გამოსახსნელად მოავლინა თვისი მხოლოდშობილი ძე, რომელმაც მიიღო სრული ადამიანური ბუნება და თავის ჰიპოსტასში განუყოფლად და შეურევლად შეუერთა საღვთო ბუნებას, რითაც განაღმრთო კაცება.

იესო ქრისტემ ყოვლისმომცველი, მსხვერპლშეწირული სიყვარულის ძალით ბოროტების საკრველნი დაამსხვრია, დაამხო ეშმაკის მეუფება, მართალთა სულები გამოიხსნა და კაცობრიობისათვის ზეცის კარიბჭენი განახვნა.

დიახ, ამიერიდან მართალთათვის გარდაცვალება იქცა არა წარწყმედის, არამედ ცხონების, სიხარულისა და მარადიულ ნეტარებაში დამკვიდრების საშუალებად.

ამიტომაც წერია ფსალმუნში: ,,პატიოსან არს წინაშე უფლისა სიკვდილი წმინდათა მისთა~, ამიტომაც აღნიშნავს ეკლესია წმინდანთა გარდაცვალების დღეს ზეიმით.

უნდა ვიცოდეთ, რომ ყველა მართლმადიდებელი ქრისტიანი, რომელიც რწმენითა და სინანულით აღესრულება, უფლის მადლითა და მოწყალებით, წმინდათა შორის დაემკვიდრება (რა თქმა უნდა, თავისი ამქვეყნიური ღვაწლის შესაბამისად, სხვადასხვა სავანეში), ამიტომაც მოძღვარი წესის აგების ლოცვაში ასე ავედრებს უფალს გარდაცვლილს: ,,წმიდათა თანა განუსვენე, ქრისტე, მონასა (ან მხევალსა) შენსა…”
სწორედ ეს აღთქმა, წმინდათა შორის მარადიული თანამყოფობისა, არის აღდგომის ზეიმის არსი, თითოეული ადამიანის იმედისა და სიხარულის საფუძველი.

წმინდა გრიგოლ ღვთისმეტყველი წერს:

უფლის ჯვარცმისას იხილეს მრავალი სასწაული: დაბნელებული და ხელახლა გაბრწყინებული მზე, განპობილი კრეტსაბმელი, მაცხოვრის გვერდიდან გადმოღვრილი სისხლი და წყალი, მიწისძვრა, საფლავთაგან მკვდართა აღმოსვლა, სასწაული უფლის საფლავად დადების ჟამს… მაგრამ ვერცერთი მათგანი ვერ შეედრება ჩემი ცხონების სასწაულს!

ხოლო ვისაც ეს არა აქვს გაცნობიერებული, ფუჭია მისი სარწმუნოება. აი, როგორ გვაფრთხილებს მოციქული: ,,თუ მხოლოდ ამ ცხოვრებაში ვართ ქრისტეს მოსავნი, კაცთა შორის უსაწყალობესნი ვართ”. . . ხოლო თუ ქრისტე არ აღმდგარა, ამაოა ჩვენი ქმედება და ამაოა თქვენი რწმენა” (I.კორ.15,14,19).

_ თუ სიკვდილი განქარდა, რატომღა კვდებიან ადამიანები, რატომ დარჩა გარდაცვალება ყველასათვის აუცილებელ მოვლენად?
სამოთხეში ადამს და ევას სხვაგვარი სხეული ქონდათ, შემდეგ კი ხრწნადობა შეიმოსეს და მოკვდავნი გახდნენ. აქედან მოყოლებული ადამიანი ამ მოკვდავი სხეულისა და უკვდავი სულის ერთობას წარმოადგენს, რომელთა განცალკევებაც სიკვდილისთანავე ხდება. მართალთა სულები ქრისტეს აღდგომის შემდეგ უფლის წიაღს იმკვიდრებენ, ცოდვით დამძიმებულთა კი, – კვლავ ბნელეთის ანგელოზთა დასს უერთდებიან. სხეული კი იხრწნება და უერთდება მიწას, რომლისგანაც შეიქმნა. როგორც მარცვალი ხნულში ითესება და იხრწნება, რათა აღდგეს უხრწნელებით, ასევე `ითესება სხეული მშვინვიერი და აღდგება სხეული სულიერი, ითესება დამცირებაში და აღდგება დიდებაში~ I-კორ. 15. 44, 45).

ეს მოხდება მეორედ მოსვლის ჟამს. ყოველი გარდაცვლილის სული (ცოდვილთა თუ მართალთა) შეიერთებს თავის უხრწნელ სხეულს. 
ღმერთმა ინებოს, რომ ჩვენი სული და სულიერი სხეული მარადიული ნეტარებისათვის აღდგეს და არა მარადიული სატანჯველისა და გეენიისათვის.

ზოგიერთს სიკვდილისადმი აქვს ერთგვარი ზერელე დამოკიდებულება, ზოგს კი – ავადმყოფური შიში. ხშირად ერთნიც და მეორენიც ამიტომ არ ფიქრობენ ამ საკითხზე, რაც არ არის სწორი.

ჩვენ მუდამ უნდა გვახსოვდეს, რომ გარდაცვალება აუცილებლად გველის და ყოველი დღე უნდა გავატაროთ ისე, როგორც უკანასკნელი. მაშინ მეტი დაკვირვება გვექნება საკუთარ თავზე, მეტი გულისყურით მოვეპყრობით მოყვასს და ღვთის სათნოდ მოვიქცევით ამა თუ იმ ვითარებაში.

_ როგორ მივხვდეთ, რა არის მართებული ქმედება?

მთავარი ორიენტირი ჩვენთვის უნდა იყოს მაცხოვარი, რომლის მიერაც განგვეცხადა ადამიანის სიდიადე; უნდა ვიცოდეთ ისიც, რომ შეგვიძლია, ზიარების მადლით, ძალისამებრ ჩვენისა დავიტიოთ იგი და შევუერთდეთ მას, რათა განვიღმრთოთ და მივაღწიოთ იმ სისრულეს, რისთვისაც ვართ მოწოდებულნი.

თუმცა, ეს შეერთება ვერ შედგება, თუ არ მოხდა პიროვნული შეხვედრა მაცხოვართან, _ შეხვედრა ცოცხალ ღმერთთან!
ეს არის ყველაზე დიდებული ჟამი ადამიანის ამქვეყნიურ ცხოვრებაში; ეს არის ჭეშმარიტ სიყვარულთან დაბრუნების და მისით აღვსების საოცარი განცდა, რომელიც სრულიად გარდაქმნის ჩვენს შინაგან სამყაროს და მადლით აღავსებს სულს;

არის მადლი მომხმობი, მომწოდებელი, რომელიც კაცს განაცდევინებს სასუფევლის ნეტარებას და სინანულისთვის განაწყობს. მერე კი იწყება გამოცდის ჟამი, ანუ ის ეტაპი, როდესაც შენ შენი შრომით, სინანულითა და ჭირთა დათმენით უნდა ააღორძინო და განამრავლო იგი.
ღმერთი ყველგან სუფევს, მაგრამ ეკლესიაა სულიერი სხეული მისი, სადაც საღვთო სიდიადე სრულად ვლინდება კაცთა წინაშე. ეს არის ის სივრცე, სადაც აღესრულება საღვთო საიდუმლოებები, სადაც ყოველ წირვაზე უხილავად მყოფობს უფალი და წმინდა ზიარებით მასთან შეერთების საშუალებას გვაძლევს.

 

მაგრამ ღმერთთან კავშირი ორმხრივი მოვლენაა, შენ ვერ ჰპოვებ უფალს, თუ არ შეიცანი იგი, თუ არ აღივსე ღვთისმსგავსი უშურველი სიყვარულით. ასეთი სიყვარულის უნარი ადამიანს აქვს და იგი ვლინდება მაგ.შვილების, მშობლების, მეუღლის, დედ-მამიშვილების, მეგობრებისა და ახლობლებისადმი უსაზღვრო სიყვარულსა და, საჭირო შემთხვევაში, თავგანწირვაშიც.

ამგვარი სიყვარულით, პირველ რიგში, უნდა შევიყვაროთ იესო ქრისტე, რომლისგანაც მოგვეცა ყველაფერი, აბსოლუტურად ყველაფერი. ეს კი ნიშნავს იმას, რომ მასზე წინ არ უნდა დავაყენოთ არავინ და არაფერი. ეს არის ყოვლად აუცილებელი პირობა ჩვენი გადარჩენისა; წინააღმდეგ შემთხვევაში დიდი შეცდომებისა და არასწორი აზროვნებისაგან არაფერი დაგვიცავს.

ხოლო ვისაც ამგვარი განცდა და ცოცხალი სარწმუნოება არა აქვს, მისთვის საეკლესიო მსახურება, უფლის სწავლანი და საიდუმლოებები გაუბრალოებულია, მხოლოდ რიტუალია და სიღრმისეულ აზრს მოკლებული სიტყვები. ამ მდგომარეობაში შეიძლება იყოს როგორც მრევლის წევრი, ისე სასულიერო პირი.

ამგვარი ადამიანის აღსარება და სინანული არაგულწრფელია, შედეგი – უღირსი ზიარება და სულის გაუხეშება. ეს არის ნელ-თბილი სარწმუნოება, რომელიც მეტად საშიშია და მიუღებელი ღვთისთვის.

სინანულს ბერძნულად “მეტანია” ქვია, რაც სიტყვა-სიტყვით თარგმანში `გონების შეცვლას~ ნიშნავს. აი, ეს უნდა მოხდეს ჩვენში! მაგრამ ამას ვერ მივაღწევთ, თუ მუდმივად არ ვაკვირდებით საკუთარ თავს, თუ აღსარებიდან აღსარებამდე ჩვენში უკეთესობისაკენ მცირედი ცვლილება მაინც არ ხდება, თუ ცოდვას არ ვუპირისპირდებით და არ ვებრძვით.

ეშმაკის გავლენით ზოგიერთი, პატივმოყვარეობის ან სირცხვილის გამო, ბოლომდე არ აღიარებს ცოდვას, ან შელამაზებული სახით ამბობს სათქმელს და ამით ხელს უშლის საკუთარ განწმენდას.

ამ დროს პირიქითაა, მძიმე დანაშაულის ჩამდენის გულწრფელი სინანული სასულიერო პირს მისდამი თანალმობით განაწყობს და სწორი რჩევის მიცემის საშუალებას აძლევს; ადამიანს კი უფალი წყალობას მაშინვე ანიჭებს.

დიდ პრობლემას ქმნის ორიენტირების აღრევაც, _ როდესაც ზოგიერთი საშუალებას მიზნად მიიჩნევს, მიზანს კი, _ საშუალებად. 
საერთოდაც, ბევრი რამ არის ჩვენს ყოფაში გაუკუღმართებული: ხშირად ადამიანის სიცოცხლეს იოლად ხელყოფენ, არადა, ადამიანის მკვლელობა უდიდესი ცოდვაა. უფლება არა გვაქვს, ღვთის მიერ ბოძებული სიცოცხლე წავართვათ ვინმეს.

ასევე უმძიმესი და მკვლელობის ტოლფასი ცოდვაა აბორტი. ამ მომაკვდინებელი დანაშაულის ჩამდენნი არა მხოლოდ მშობლები არიან, არამედ ისინიც, რომლებიც უშუალოდ მონაწილეობენ ამ ქმედებაში.

დიდად ვწუხვართ თვითმკვლელთა რიცხვის ზრდის გამო. სიცოცხლე ღვთის უდიდესი წყალობაა და დაუშვებელია ვინმემ თავისი ნებით მოისწრაფოს იგი. ამ ცოდვის ჩამდენთ ტყუილად გონიათ, რომ სიკვდილით პრობლემებისგან გათავისუფლდებიან და ვერ აცნობიერებენ, რომ თავს მარადიული სატანჯველისთვის წირავენ.

 

შეიძლება ითქვას, რომ დღეს, ჩვენი მოსახლეობის დიდი ნაწილი შრომას გადაეჩვია. არადა, შრომა აუცილებელია როგორც ფიზიკური, ისე გონებრივი და სულიერი.

მშობლებმა ბავშვობიდანვე უნდა შეაყვარონ შვილებს ეს საქმე. ამასთან, უნდა აღზარდონ ისე, რომ ღვთის სიყვარულთან ერთად სამშობლოს და მოყვასის სიყვარული ასწავლონ. ასწავლონ სირთულეების დაძლევა და გადაწყვეტილების დამოუკიდებლად მიღება.

ჩვენ დიდი იმედით ვუყურებთ ახალგაზრდებს; მართალია, მრავალი მათგანი სერიოზულ შეცდომებს უშვებს ემონება-რა ნარკომანიას, ლოთობას, გარყვნილებას.., მაგრამ გვჯერა, ღვთის მადლით, ისინი შეიცნობენ ამ ცოდვათა დამღუპველობას და ღმერთს დაუბრუნდებიან; მიხვდებიან, ცხოვრებისეული ჯვარი იმიტომ მოგვეცა, რომ იგი რწმენითა და სიყვარულით ღირსეულად ვატაროთ და ჩვენი ჯვარცმა, _ განსაცდელები და პრობლემები, _ ჩვენს აღდგომად და ამაღლებად გადავაქციოთ.

 

არასწორმა ცხოვრების წესმა დაარღვია ტრადიციული ურთიერთობებიც.

მაგალითად, ქართული სუფრა ყოველთვის იყო სამშობლოს, მეგობრობის, სიყვარულის, თანადგომის, ვაჟკაცობის სადიდებელი, ჭირის სუფრა კი, – გარდაცვლილთა მოსაგონარი და შესანდობარი. როგორც ერთი, ისე მეორე სერობა იწყებოდა და მთავრდებოდა ღვთის დიდებით. ახლა კი, ასეთი შეკრებები ხშირად დაუსრულებელ ქეიფად და ღრეობად იქცა, სადღეგრძელოები კი, – ფარისევლურ ქება-დიდებად, რაც უნდა გამოსწორდეს.

რაკი ღვინისა და, საერთოდ, პურობის საკითხს შევეხეთ, აღვნიშნავთ იმასაც, რომ საუკუნეების მანძილზე მევენახეობა და მეხორბლეობა ჩვენი ყოფის განმსაზღვრელ ფაქტორს წარმოადგენდა. ქართველი კაცი მასში განსაკუთრებულ მნიშვნელობასაც დებდა და ზიარების საიდუმლოს აღსასრულებელ შესაწირად აღიქვამდა. ამიტომაც ამ კულტურებზე ზრუნვა საუფლო საქმედ მიიჩნეოდა.

ათეისტური რეჟიმის დროს ეს დამოკიდებულება რადიკალურად შეიცვალა, _ უნიკალური ქართული ხორბლის და სავენახე ზოგი ჯიში მთლიანად განადგურდა და მათი ადგილი ჰიბრიდულმა, ნაკლებად შრომატევადმა ჯიშებმა დაიკავა. ამას დაემატა ღვინის შაქრით ფალსიფიცირება, რაც ადრე ყოვლად წარმოუდგენელი რამ იყო. ასე შეილახა და გაუბრალოვდა საკრალური დატვირთვის მქონე ვენახისა და ხორბლის მნიშვნელობა.

მადლობა ღმერთს, დღეს მდგომარეობა უკეთესობისაკენ იცვლება და ამაში გულანთებული უანგარო ადამიანების დიდი ღვაწლია ჩადებული.

მინდა ყურადღება გავამახვილო ცოდვისადმი ნელ_თბილი ადამიანის დამოკიდებულების კიდევ რამდენიმე გამოვლინებაზე: ვიღაცას ჰგონია, რომ როცა სხვას შეურაცხჰყოფს, ან ცილს დასწამებს, უმიზეზოდ განურისხდება, ან ბილწსიტყვაობით აჯობებს, ეს დიდი ცოდვა არ არის, _ მწარედ ცდებიან.

თუ გავაანალიზებთ, აღმოვაჩენთ, რომ მკვლელობებისა და თვითმკვლელობების ძირითადი მიზეზი არის ვიღაცის გაბოროტებული სიტყვა. ხშირად ოჯახებიც შელაპარაკების ნიადაგზე ინგრევა; უხეში სიტყვის გამოყენების პრაქტიკამ ჩვეულებრივი ხასიათი მიიღო პოლიტიკურ და საზოგადოებრივ ურთიერთობებში, მასმედიაში. . .

სიტყვა უდიდესი ძალაა. ღმერთი არის სიტყვა; ავი სიტყვა კი, – ეშმაკისეულია. თითოეული ჩვენი ნათქვამი ბუმერანგივით დაგვიბრუნდება. შეგახსენებთ მაცხოვრის დარიგებას: ,,მე გეუბნებით თქვენ: ვინც უმიზეზოდ ურისხდება თავის ძმას (ანუ მოყვასს), სამართალში უნდა მიეცეს, ხოლო ვინც ეტყვის თავის ძმას: რაკა (უგუნურო), სინედრიონის (სამსჯავროს) უნდა წარუდგეს; და ვინც ეტყვის თავის ძმას: შლეგო (ცოფო, უსინდისო), ცეცხლის გეენიაში უნდა ჩავარდეს (მათე. 5,22).

იაკობ მოციქული კი გვაფრთხილებს: ,,პატარა ცეცხლი რამხელა ტყეს ჰბუგავს, ენაც ცეცხლია, სიცრუის სამკაული. ენას ისეთი ადგილი უჭირავს ჩვენს ასოთა შორის, ბილწავს მთელ სხეულს და ცეცხლად აქცევს სიცოცხლის ჩარხს.” (იაკობ.3, 5-6)

ამიტომაც მეტყველებისას ყველას დიდი სიფრთხილე და დაკვირვება გვმართებს.

შევეხები მეტად საშიშ და სერიოზულ პრობლემას, – სათამაშო ბიზნესს. ეს საქმიანობა, მართალია, ბიუჯეტისთვის, ალბათ, მომგებიანია, მაგრამ იგი იმდენად უარყოფითი მოვლენაა, რომ ბევრ ქვეყანაში საერთოდ აკრძალულია. ჩვენთან კი მას ბოლო დროს ინტერნეტ-სამორინეც (კაზინო) დაემატა.

თუ ჩვეულებრივ სამორინეში (კაზინოში) ასაკს ყურადღებას აქცევენ და გარკვეული თანხის ქონა აუცილებელია, ინტერნეტ-სივრცეში ეს შეზღუდვა არ არსებობს; ადამიანები, განსაკუთრებით ახალგაზრდები, რომელთაც ისედაც მცირე ფინანსები აქვთ, ცდუნებას ვერ უმკლავდებიან და დიდ ვალში და დიდ პრობლემებში ვარდებიან.
კატასტროფულად იზრდება მათი რიცხვი, რომელნიც მიჯაჭვულნი გახდნენ ამ საცდურზე; ბევრმა ქონება დაკარგა, მრავალი ოჯახი დაინგრა, ზოგმა თავიც მოიკლა. . .  ვფიქრობთ, ხელისუფლებამ თავისი სიტყვა უნდა თქვას ამ მიმართულებით, და შესაძლებლობისამებრ, დაიცვას ქვეყნის აწმყო და მომავალი.

აქამდე იმათ შესახებ ვისაუბრეთ, რომელთაც ღმერთის არსებობა სწამთ; რაც შეეხება ურწმუნოთ, ადრეც მითქვამს და კვლავ გავიმეორებ, რომ მატერიალურ-ტექნიკურმა წინსვლამ და სულიერ განვითარებაზე ნაკლებმა ზრუნვამ დიდად შეუწყო ხელი ადამიანში ამპარტავნებისა აღზევებასა და ათეისტური ცნობიერების ჩამოყალიბებას, იმ აზრის განმტკიცებას, თითქოს მისთვის საიდუმლო აღარ არსებობს, რომ თვითონ შეუძლია ყველაფერი მართოს და განაგოს.

მაგრამ უღმერთო კაცმა დღემდე ვერ იპოვა უმთავრესი, _ სიცოცხლის საზრისი, და ვერც სიკვდილის საიდუმლო ამოხსნა. აქედან გამომდინარე, ცუდი და კარგი, ცოდვა და მადლი, მისთვის ფარდობითი და პირობითი ცნებები გახდა. ამიტომაც ასე მოაზროვნე საზოგადოება ადვილად მივიდა ცოდვის და გაუკუღმართებული ურთიერთობების დაკანონებამდე.

მართლაც, თუ არ არსებობს ღმერთი, რა თქმა უნდა, არ არსებობს არაფერი მიუღებელი, არ არსებობს არანაირი სულიერი მიზანი, რომლისკენაც იგი უნდა ისწრაფვოდეს, ანუ სიცოცხლეს, ფაქტობრივად, არ აქვს აზრი.

რჩება მხოლოდ წარმავალი მიწიერი ყოფა და ამქვეყნიური ვნებები, სიმდიდრითა და პატივით მიღებული დროებითი სიამოვნება, რომლის შედეგი სასოწარკვეთა და დეგრადაციაა, დასასრული კი, – არარაობა.

თუმცა, უნდა ითქვას, რომ ქვეცნობიერად ყველამ, მორწმუნემაც და ურწმუნომაც, – მეტ-ნაკლებად იცის, რომ სიკვდილის შემდეგ სიცოცხლე მაინც გრძელდება. ამას იგი გრძნობს იმ წარუშლელი ღვთიური ნაპერწკალით, რომელიც თითოეულ ჩვენგანშია ჩადებული შემომქმედისაგან და რომლის საშუალებითაც სიცოცხლის უკანასკნელ წამამდე რჩება შესაძლებლობა სინანულის, მოქცევისა და ღმერთთან შერიგებისა.

გავიხსენოთ ავაზაკი, რომელმაც სულიერი ფერისცვალება სიკვდილის წინ, ჯვარზე გაკრულმა, განიცადა და მაშინვე ღირსი გახდა, პირველი შესულიყო სასუფეველში.

ჩვენ ვცხოვრობთ რელიგიური აზროვნებისა და იდეოლოგიების ზეობის ეპოქაში;

როგორც ერთ-ერთი ცნობილი თეოლოგი ამბობს, რელიგიასა და იდეოლოგიას შორის უდიდესი განსხვავება იმაშია, რომ რელიგია და რწმენა ყოველთვის ძალზედ პირადულია და ღრმა შინაგანი გამოცდილებით მიიღწევა, მაშინ როცა ნებისმიერი იდეოლოგია ყოველგვარ პირადს, როგორც უსარგებლოს, უარყოფს.

ამიტომაც არის, რომ არც ძველი და არც რომელიმე თანამედროვე იდეოლოგია, პიროვნებას არ სცნობს.

ადამიანი ყველაფერზე მაღლა იესო ქრისტემ დააყენა და იგი გახადა თავისი უდიდესი სიყვარულის ობიექტი. ამასთან, მას უდიდესი ნიჭი, _ თავისუფლება უბოძა და მისცა არჩევანის საშუალება. თითოეული ჩვენგანი გაცნობიერებულად თუ გაუცნობიერებლად დღესაც ყოველწუთს აკეთებს არჩევანს კეთილსა და ბოროტს, ღმერთსა და ეშმაკს შორის და ეს ჩვენი უფლებაა.

ჩვენი ნება ღვთის ნების შესაბამისი უნდა გახდეს, მაგრამ, არა იმიტომ, რომ ასე ვინმემ გვიბრძანა, არამედ იმიტომ, და მხოლოდ იმიტომ, რომ ეს ჩვენს დიდ სურვილად და სწრაფვად უნდა იქცეს; იმიტომ, რომ ჩვენ მოვინდომეთ, გავხდით ადამიანები, ამ სიტყვის სრული მნიშვნელობით.

ჩემო საყვარელო სულიერო შვილებო: ქართველებო, აფხაზებო, ოსებო, ბერძნებო, რუსებო, უდიებო, აზერბაიჯანელნო, სომეხნო, იეზიდნო, ქისტნო, ასირიელნი, სხვანო ყოველნო, ჩვენ ხატად და მსგავსად ღვთისა ვართ შექმნილნი და თითოეული ჩვენგანის სულშია ის ღვთაებრივი ნაპერწკალი, რომელიც დღეს ღაღადებს, – ჭეშმარიტად აღდგა ქრისტე!

 

მართლაც, ყველასთვის აღდგა ქრისტე, ყველა ადამიანს შეუძლია შეცვლა და ფერისცვალება, რადგან, როგორც წმ. ირინეოს ლიონელი ბრძანებს, ადამიანის სული ბუნებით ქრისტიანია.

 

მაშ, ვმადლობდეთ უფალს, რომელიც სიხარულით შეგვიძღვა თავისი აღდგომის ნავთსაყუდელში, ვმადლობდეთ ყოველნი, რომელთაც კეთილად განვვლეთ სარბიელი მარხვისა; ვმადლობდეთ ისინიც, რომელნიც უძლურ ვიქმენით ამგვარი ღვაწლისა” (სვიმეონ ახალი ღვთისმეტყველი). ამიერიდან ნუღარავინ სძრწის და ეშინის, ჭეშმარიტი სიყვარული და მარადიული სიცოცხლე დაუბრუნდა კაცობრიობას; იხარებს ადამის მოდგმა და მთელი სამყარო!

 

ქრისტე აღდგა!
აღსდექით თქვენც და მასთან ერთად ეგეთ უკუნისამდე!

სიყვარულით თქვენთვის მლოცველი
ილია II

აღდგომა ქრისტესი
თბილისი, 2015 წელი”

 

„47 წელია აქ ვცხოვრობ და ილია წულუკიძე რომ იყო მერი, მაშინ გაწმინდეს არხი.   დაგვპირდა დავლუქავთო, მაგრამ დღემდე არაფერი გაკეთებულა. არც გაწმენდილა. ბაგრატიონის ქუჩიდან კობალაძემდე მონაკვეთში არხი გვირაბში შევარდნაძის დროს, გასული საუკუნის 70-იან წლებში მოაქციეს, ეგ იყო და ეგ“ – გვეუბნება გრიგოლ ხიბაია, რომელიც კობალაძის ქუჩის შესახვევში ცხოვრობს.

 

ჟილინის არხი მის ეზოში, სახლსა და ჭიშკარს შორის გადის და ბეტონის ფილებითაა   დახურული: „ეს ფილები ჩემი დალაგებულია, მაგრამ არხი ეზოს ორთავე მხარეს ღიაა. როცა რეაბილიტაცია დაიწყო, მუშაობის პერიოდში კეტავდნენ არხს, ქვემოთ  სამუშაო პირობები რომ ჰქონოდათ. გაწვიმდებოდა და სანამ დავრეკავდით, სანამ ტრაქტორი მოვიდოდა და მათ ჩაყრილ ქვებს თუ ღორღს ამოიღებდა, წყალი სახლში  კიბის მესამე საფეხურამდე აღწევდა. საერთოდ, ამ ბოლოს ოთხჯერ წამოიწყეს სამუშაოები და ოთხივეჯერ შეაჩერეს. ახლაც, ხელახლა გაიმარჯვა ვიღაცამ ტენდერშიო და ველოდებით“.

 

 

ჟილინის არხის მიმდებარედ მცხოვრებლებს „ახალი გამარჯვებულისა“ და შესასრულებელი სამუშაოების შესახებ მწირი ინფორმაცია აქვთ, თუმცა, ადრე რასაც ეუბნებოდნენ, იმის გათვალისწინებით, დღეს პრობლემა მოგვარებული უნდა ყოფილიყო.

 

გრიგოლ ხიბაიას ეზომდე ვერ მივიდა, მაგრამ მის მეზობლად, მამია აბაშიძეს, როგორც თავად ამბობს, მერიის ტენდერში შარშან გამარჯვებულმა კომპანიამ ეზოს დამცავი ჯებირები დაუნგრია და ბეტონის ფილები, რომლითაც არხი იყო დახურული, ეზოში დაულაგა.

 

„როცა სახლი ავაშენე 1999 წელს, შევისყიდე სამშენებლო ბლოკები და მოვაწყვე ჯებირები, რკინაბეტონის ფილებით დავფარე არხი, რაც 6 ათასი ლარი დამიჯდა. კი ხედავთ აგერ, ბავშვები გამოდიან და როგორი მდგომარეობაცაა დღეს. ეს  ანტისანიტარია რომ არ ყოფილიყო სახლის წინ, ამიტომ გავიღე ხარჯი“, – ამბობს მამია აბაშიძე.

 

მისი თქმით, 2013 წლის ზაფხულში არხის სარეაბილიტაციო სამუშაოები დაიწყო ზღვისპირიდან, თუმცა გაკეთდა პატარა მონაკვეთი და სამუშაოები შეჩერდა: „ჩაიშალა იმის გამო, რომ კომპანიამ, რომელსაც ხუთმილიონიანი ტენდერი ჰქონდა მოგებული, სამუშაოები დროზე ვერ შეასრულა. როგორც ჩვენ ვიცით, 1 მილიონ 100 ათასი ლარი თანხა გაქრა და დანარჩენი გადმოვიდა 2014 წლის ბიუჯეტში. 2014 წელი კი ისე დასრულდა, არაფერი. გამოვლინდა გამარჯვებული, მოვიდა ნოემბრის ბოლოს, თუ არ ვცდები ქუთაისელები იყვნენ. მითხრეს, ავიღებთ შენს ფილებსო. ვუთხარი, გაკეთებული მაქ და ნუღარ დამიშლით-მეთქი. მერე ტექნიკა სად ვეძებოთო, ხელი არ შეგვიშალოო და მეც დავთანხმდი – თუ გააკეთებთ, ხელს როგორ შეგიშლით-მეთქი. დაშალეს და სამუშაოებიც შეწყდა. აქვე მეზობლად იქირავეს ბინაც, მუშები ცხოვრობდნენ. ბინის ქირა არ მიუციათ, მაღაზიაში ნისიად გამოჰქონდათ პროდუქტი, კომპანიას უნდა გადაეხადა, თუ იმ მუშებს ეს აღარ ვიცი“.

 

 

სამუშაოების შეჩერების მიზეზი მამია აბაშიძემ მერიაში მოიკითხა: „გიორგი ერმაკოვთან მინდოდა შეხვედრა, მაგრამ არ შემახვედრეს და გამიშვეს კეთილმოწყობის სამსახურის უფროსთან. არ შევხვედრივარ, სატელეფონი საუბარი მქონდა. მოვიდნენ ამ სამსახურიდან – ერთი ბაგრატიონი იყო გვარად, მეორე არ ვიცი. ავუხსენი რა მდგომარეობაც იყო და მითხრეს – ამ ფილების ხელახლა ჩაწყობას აზრი არ აქვს, დაახლოებით ერთ თვეში შემოდის ახალი კომპანია და მაისის პირველ რიცხვამდე დასრულდება სამუშაოებიო. აპრილი დაიწყო და არავინ გამოჩენილა“.

 

„ზაფხულში ტურისტრები შემოდიან, ერთ-ორ კაპიკს ვაკეთებდით. ახლა მაისიდან სეზონი დაიწყება და აქ ვინმე მოვა? თუ შენ არ აკეთებ, ჩემს გაკეთებულს ნუღარ მიშლი. მაისის ბოლომდე ეს თუ არ გაკეთდა – სასამართლოს უნდა მივმართო და ზარალის ანაზღაურება მოვითხოვო. მერია იქნება თუ კომპანია, არ ვიცი… ან მოვიდნენ და ჩემი გაკეთებული მაინც აღადგინონ“, – ამბობს მამია აბაშიძე.

 

ჟილინის არხის რეაბილიტაციაზე მესამედ გამოცხადებული ტენდერის შემდეგ ბათუმის მერიამ ხელშეკრულება შპს „მშენებელი 80“-თან 30 მარტს გააფორმა. ხელშეკრულება 6 მილიონ 317 ათას 776 ლარსა და 90 თეთრზე გაფორმდა.

 

„ეს სერიოზული კომპანიაა და არ გაგვაწვალებს ისე, როგორც წინა ორმა გაგვაწვალა“, – ამბობენ მერიის კეთილმოწყობის სამსახურში.

 

სამუშაოები 6 აპრილიდან უნდა დაიწყოს და 2017 წლამდე უნდა დასრულდეს. შედეგად, ჟილინის არხი მთლიანად დახურულ სისტემაზე გადავა.

 

 

 

არხის გაწმენდას ელოდებიან ხახულის ქუჩაზეც, ასევე ხახულის მეორე შესახვევშიც.   მდგომარეობა აქაც ანალოგიურია (სხვათა შორის, ჟილინის არხს „ოფიციალურად” ჰქვია სანიაღვრე, თორემ არხში ფეკალიებიც ხვდება, რადგან მასში მიმდებარე უბნებიდან საკანალიზაციო წყლებიც ჩაედინება. ეს არხი ყოველგვარი გაფილტვრის გარეშე ზღვას ახალ ბულვართან უერთდება. რეაბილიტაციის პარალელურად ფეკალური კანალიზაციები უნდა მიუერთდეს ქალაქის საკანალიზაციო ქსელს).

 

„ანტისანიტარიაა, სუნი… ნაგავი. წვიმის დროს ეზოებიც იტბორება. აგერ, მეზობელი, მაგალითად, არხთან ახლოს მიწას ვერ ამუშავებს – მერიიდან მოვლენ და უნდა ამოწმინდონო. ამოღებული შლამი რომ მის დამუშავებულ ნაკვეთში დაიყაროს, დაზარალდება. როდის გაწმენდენ, კონკრეტულად არაფერი ვიცით“, – გვითხრა ხახულის ქუჩის ერთ-ერთმა მცხოვრებმა.

 

„ხახულის ქუჩა, მეჯინა – ამ მონაკვეთის პროექტი მუშავდება, დაახლოებით დათვლილია თანხაც, სადღაც 1 მილიონ 700 ათას ლარამდე დასჭირდება (შლამის ამოღებას და გატანას). თუმცა ბევრი პრობლემაა – მათ შორის დაშენებები ზედ არხზე, ზოგი უკანონოა, ზოგმა დააკანონა კიდეც. ამოღებული შლამი და ნაგავი აუცილებლად უნდა იქნეს გატანილი, რაც ასევე პრობლემაა. ამ ეტაპზე, ჯერ არც ადგილი გვაქვს მითითებული, მაგრამ გატანის დროს, ერთ მანქანას რომ მიაქვს ამოღებული ტალახი, მეორე უნდა მიყვებოდეს და წყლით გზას ასუფთავებდეს. ამ არხის გაწმენდაზე, სავარაუდოდ, „ბათუმის წყალი“ გამოაცხადებს ტენდერს“, – ამბობს ბათუმის მერიის კეთილმოწყობის სამსახურის განყოფილების უფროსის მოვალეობის შემსრულებელი დავით ბახტაძე.

 

ბათუმის მერია ღია სანიაღვრე არხების მოვლა-ექსპლუატაციისთვის სპეციალურ ქვეპროგრამასაც ახორციელებს, რისთვისაც წელს ჯამში 870 800 ლარია გათვალისწინებული.

 

სანიაღვრე ქსელების მოვლა-ექსპლუატაციის ფარგლებში დაგეგმილია: 2400 სანიაღვრე ჭის გაწმენდა, შლამის ამოღება და გატანა (ყოველთვიურად); დახურული სანიაღვრე არხების გაწმენდა; ღია სანიაღვრე არხების გაწმენდა (50 000 გრძივი მეტრი); ასევე სანიაღვრე მილების გაწმენდა ჭურვის გატარებით; სანიაღვრე ჭების მიმდინარე შეკეთება; ზღვაში გასასვლელი არხების გაწმენდა; გადახურვის ფილის გამოცვლა; სანიაღვრე არხების სანიტარულ-ჰიგიენური დამუშავება; მდინარეების ფსკერების გაწმენდა.

 

ქალაქის მერია 96 100 ლარს დახარჯავს ასევე წელს მიხეილ ჯავახიშვილის ქუჩის სანიაღვრე სისტემის მოწყობაში, ხოლო თამარის დასახლებაში, სახლი N1 და სახლი N3-ის მიმდებარე ტერიტორიაზე არსებული სანიაღვრე სისტემის რეკონსტრუქციაში – 62 800 ლარს.

 

 

 

– ბატონო სულხან, იცნობთ თუ არა ბუკნარის პრობლემას და რატომ არ აღდგა ერთი წლის განმავლობაში წყლის მიწოდება?

 

– ბუკნარელებს წყალი მიეწოდება, მაგრამ პრობლემა ის არის, რომ მილებს ჰაერი ხეთქავს და ეს არის მოსაგვარებელი. ახლა გამარტივებული ტენდერი გვაქვს გამოცხადებული და დამთავრდება ყველაფერი.

 

– რა ხეთქავს მილებს, შეგიძლიათ აგვიხსნათ?

– თავიდან ეს წყლის სისტემა ჩინურმა კომპანიამ დააზიანა. თუმცა, ამ კომპანიამ გადაიხადა თანხა და დაზიანებული ადგილები გაკეთდა. აქ არის ორი ავზი, როცა წყლის მოხმარება იზრდება, მილში ჰაერი იპარება და ის აზიანებს მილებს. სპეციალისტები აყვანილი მყავდა სათავეში, დავაკვირდით და ავზიდან მეორე ავზამდე მონაკვეთში არსებობს პრობლემა. ტენდერის შემდეგ, წყლის მოსახლეობასთან მისვლამდე, უნდა გაკეთდეს 300-400-ლიტრიანი წყალშემკრები ავზი, რომ წყალი მუდმივად იყოს მასში და ჰაერი აღარ შევიდეს მილებში. ავზის გაკეთება 2 996 ლარი ჯდება და დაველოდებით ტენდერს.

 

– როგორც მოსახლეობა გვეუბნება, წყლის მილები უხარისხოა და ამიტომ ზიანდება. ვინ ჩასვა წყლის მილები და რამდენად ხარისხიანია ის?

– მოსახლეობამ რა იცის წყლის სპეციფიკა, რადგან სკდება, ყველა ფიქრობს, რომ მილია უხარისხო. გავაკეთებთ წყალშემკრებს, დავამონტაჟებთ და აღარ იქნება პრობლემა. ხარჯთაღრიცხვა მზადაა, სამდღიანი ტენდერი გამოცხადდება და ვინც მოიგებს, ის გააკეთებს. თუ არ გამოჩნდება მსურველი, მაშინ ერთ პირთან მოლაპარაკებით გადავწყვეტთ.

 

– დაზიანებული მილების აღდგენა საიდან დაფინანსდა, გამგეობის ბიუჯეტიდან?

– რაც დაზიანდა, იმის აღდგენაზე ჩინურმა კომპანიამ გადაიხადა თანხა, თუ არ ვცდები, 370 ათასი ლარი იყო იმ მონაკვეთზე, სადაც მაგისტრალი გავიდა. მაგისტრალის ქვეშ მოექცა მილი და რომ არ დარჩენილიყო, გარეთ გამოვიტანეთ.

 

– ეს კონკრეტული მონაკვეთი ზიანდება?

– არა. მაქედან მილი მიდის პირველ ავზთან, შემდეგ წყალი მეორე ავზთან გადადის. ამ ორ ავზს შორის მონაკვეთში ზიანდება მილები, რადგან ავზი ძველია და გამოვცვლით ალბათ მაგასაც.

 

– შეგიძლიათ გვითხრათ, რა დროში მომარაგდება ბუკნარი წყლით, შეფერხების გარეშე?

– მაქსიმუმ მომდევნო კვირიდან უნდა დაიწყოს სამუშაოები.

 

– ერთი წელი გავიდა უკვე და ამდენ ხანს რატომ არ გადაწყდა ეს პრობლემა?

– ერთი წლის წინ მე არ ვიყავი გამგებელი და ხომ უნდა გამეგო რაში იყო პრობლემა. მილის გამო იყო დაზიანება თუ სხვა რამის, ხომ უნდოდა შესწავლა. მეც ადვილი მეგონა, მაგრამ ბევრი პროცედურა სჭირდება.

 

 

შს სამინისტროს ცნობით, გამოძიება 276-ე მუხლის პირველი ნაწილით მიმდინარეობს, რომელიც გულისხმობს ავტომობილის, ტრამვაის, ტროლეიბუსის, ტრაქტორის, ან სხვა მექანიკური ტრანსპორტის მოძრაობის უსაფრთხოების ან ექსპლუატაციის წესის დარღვევას იმის მიერ, ვინც ამ სატრანსპორტო საშუალებას მართავს, რამაც გამოიწვია ჯანმრთელობის ნაკლებად მძიმე დაზიანება. 

 

 

ისჯება ჯარიმით ან თავისუფლების შეზღუდვით სამ წლამდე ვადით, ან/და სამ წლამდე თავისუფლების აღკვეთით და თანამდებობის დაკავების, ან საქმიანობის უფლების ჩამორთმევით იმავე ვადით.

 

 

 

ღონისძიება ხორციელდება საქველმოქმედო აქციის ფარგლებში, რომელიც მიზნად ისახავდა მაკულატურის შეგროვებას და მის გადაცვლას ახალ წიგნებში.

 

 

სპექტაკლის რეჟისორია დავით მაცხონაშვილი; მხატვარი – თამარ ჭავჭანიძე; კომპოზიტორი – შალვა მაცხონაშვილი; რეჟისორის თანაშემწე – თეონა ლორთქიფანიძე.

სპექტაკლში მონაწილეობენ: ზურაბ ქავთარაძე, ანი ცეცხლაძე, დიმა მელია, ინგა ღირდალაძე, ნინო კვიტაიშვილი, მერი ნაკაშიძე, ნანა კიკვაძე და ქეთევან სამხარაძე.

სპექტაკლში გამოყენებულია სკოტ ჯოპლინის მუსიკა, ტერენტი გრანელისა და ტარიელ ჭანტურიას ლექსები.

 

როგორც საქართვლოს რკინიგზაში “ბათუმელებს” განუცხადეს  ღამის მატარებელი   15  აპრილამდე იმოძრავებს. კენტ რიცხვებში ბათუმიდან თბილისის მიმართულებით, ლუწ რიცხვებში კი პირიქით  თბილისიდან მახინჯაურის მიმართულებით.

პირველი კლასის ვაგონში ბილეთის ფასი 25 ლარია, მეორე კლასის ვაგონში კი 18 ლარი.

  

 

თემასთან დაკავშირებით, დღეს მედეა ვასაძემ ბრიფინგი გამართა, სადაც შემდეგი განაცხადა: “თემა პირდაპირ უკავშირდება აჭარის მთავრობის თავმჯდომარეს ხაბაძეს, მის მამას – სამინისტროს საწარმოთა მართვისა და სახელშეკრულებო მონიტორინგის განყოფილების უფროსს, თამაზ ხაბაძესა და ფინანსთა და ეკონომიკის მინისტრს – ბალაძეს.

გადაცემა, რომელიც უნდა გასულიყო 7 აპრილს, ანუ გუშინ, საინფორმაციო პროგრამა „მთავარის“ დასრულებისთანავე, მოხსნილი იქნა პროგრამიდან. სანდო წყაროს ინფორმაციით, დაანონსებული გადაცემა, მას შემდეგ, რაც ე.წ. ცენზურა გაიარა ბალაძესთან, მოიხსნა აჭარის მთავრობის თავმჯდომარის უშუალო მითითებით. ვგმობ ტელევიზიის სარედაქციო პოლიტიკაში უხეში ჩარევის ამ ფაქტს”.