Batumelebi | საიას აჭარის ფილიალის ყოფილი თავმჯდომარე აჭარის ტელევიზიის თანამშრომელი გახდა საიას აჭარის ფილიალის ყოფილი თავმჯდომარე აჭარის ტელევიზიის თანამშრომელი გახდა – Batumelebi
RU | GE  

საიას აჭარის ფილიალის ყოფილი თავმჯდომარე აჭარის ტელევიზიის თანამშრომელი გახდა

 

გია ქარცივაძე, რომელიც ახალგაზრდა იურისტთა ასოციაციის აჭარის ოფისიდან წამოსვლის შემდეგ ბათუმში სახალხო დამცველის აპარატში მუშაობდა, აჭარის საზოგადოებრივ მაუწყებელში ადამიანური რესურსების მართვის სამსახურის ხელმძღვანელად დაინიშნა. 

 

გია ქარცივაძე „ბათუმელებთან“ საუბარში აცხადებს, რომ ტელევიზიაში მუშაობა მას ჯერ კიდევ „საიადან“ წამოსვლის დროს შესთავაზეს.


„სახალხო დამცველის აპარატში კონტრაქტით ვმუშაობდი, რომელსაც პირველ სექტემბერს გასდის ვადა. ერთი თვეა რაც შევატყობინე, რომ კონტრაქტის გაგრძელებას აღარ ვაპირებ, რადგან ტელევიზიაში მუშაობა გადავწყვიტე“.


 გია ქარცივაძის თქმით, აღნიშნულ თანამდებობაზე მანამდე არავინ მუშაობდა: „ახალი სტრუქტურული ერთეული იქმნება. გაიყო საქმის წარმოების და ადამიანური რესურსების განყოფილება და ცალკე შეიქმნა ადამიანური რესურსების მართვის განყოფილება.“

 

გია ქარცივაძის თქმით, ამ განყოფილების ფუნქცია თანამშრომელთა მოტივაციის ამაღლება და საქმიანობაში წარმატების მიღწევაა.  

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე