ბათუმელები
დღეს, 12 მარტს, ბათუმში „დემოკრატიული ჩართულობის ცენტრში“ გაიმართება საჯარო დისკუსია ისტორიული ქალი მოღვაწების შესახებ. დისკუსიის თემაა – „უთქმელი ისტორიები“.
შეხვედრის მიზანია, საზოგადოებისთვის ინფორმაციის მიწოდება იმ ქალების შესახებ, რომლებმაც თავიანთი ცხოვრებით წვლილი შეიტანეს თავიანთი თემის, რაიონისა თუ მთლიანად ქვეყნის ან ქალთა მოძრაობის განვითარებაში.
შეხვედრას უძღვება ქალთა კლუბის წევრი, ნინო ტავლალაშვილი.
დღეს 12 მარტს, ბათუმში ლერმონტოვის ქუჩაზე ოთხი ჭადარი ამოიღეს. უფრო ადრე, 9 მარტს, ჭადრები გამსახურდიას და ზუბალაშვილის ქუჩების კვეთაშიც მოჭრეს და მის ნაცვლად პალმები დარგეს.
რატომ ჭრიან ჭადრებს ქალაქში? – ამ კითხვით ბათუმის მერიის გამწვანების სამსახურს მივმართეთ. სამსახურის უფროსის მოადგილის, შავლეგ ფხაკაძის განცხადებით, ხეები ქუჩის რეაბილიტაციას უშლიდა ხელს და ამიტომ მოხდა მისი ამოღება.
„სამი ჭადარი ამოვიღეთ, ამას ქუჩის რეაბილიტაციის პროექტი ითვალისწინებდა. ბორდიურების გაკეთებას უშლიდა ხელს. მის ნაცვლად სხვა მარადმწვანე ხეებს დავრგავთ“- აცხადებს ის „ბათუმელებთან“ საუბარში.
დღეს, 12 მარტს, ხულოს მუნიციპალიტეტში წაბლანა-ყინჩაურის გზის მონაკვეთი გადაკეტილია. სოფლის მოსახლეობა, მათივე თქმით, ჰესების მშენებლობის შედეგად მათი კერძო საკუთრების დაზიანებას აპროტესტებს.
სოფლის მცხოვრებთა განცხადებით, გვირაბის მშენებლობის შედეგად დაზიანდა მათი კერძო სავარგულები და საყანე ადგილები. მოსახლეობა როგორც ხელისუფლებას, ასევე ნორვეგიულ კომპანიას სთხოვს, რომ დაიცვან მათი უფლება და ზიანი არ მიაყენონ მათ საკუთრებას.
აქციის მონაწილეები ამბობენ, რომ ამ პრობლემასთან დაკავშირებით ადრეც მიმართეს კომპანიას და ხელისუფლებას, თუმცა მათგან არავინ გამოხმაურებია.
„ჩვენ გვაინტერესებს, რას მივიღებთ ჩვენი ქონების დაზიანების სანაცვლოდ და როგორ გადაწყდება ჩვენი საკითხი, შევძლებთ ამ სოფლებში ცხოვრებას, თუ ვერა,“ – ამბობენ აქციის მონაწილეები.
აქციის მონაწილეებმა ხულო-წაბლანის გზის მონაკვეთი გადაუკეტეს იმ ავტომანქანებს, რომლებიც გვირაბის მშენებლობაზე მუშაობენ.
როგორც „ბათუმელებს“ აქციის ერთ-ერთმა მონაწილემ უთხრა, საპროტესტო აქციაში 250 ადამიანი მონაწილეობს.
გიორგი ბაგრატიონი, სტუდენტი
ვფიქრობ, ყველა კარგად ვხდებით, თუ რა ხდება დღეს საუნივერსიტეტო სივრცეში. ეს არის ბრძოლა უნივერსიტეტსა და სახელისუფლებო ძალებს შორის, უნივერსიტეტიის დამოუკიდებლობისა და ავტონომიურობის დასაცავად. მიუხედავად ამისა, საზოგადოება მაინც ორად იყოფა: ისინი, ვინც აანალიზებენ და იცავენ უნივერსიტეტს და ისინი, ვინც გარკვეული არიან სიტუაციაში, მაგრამ ვერ აღიარებენ, შესაბამისად, უნივერსიტეტს ვერც იცავენ. სწორედ მეორე კატეგორიას შემიძლია მივაკუთვნო ბათუმის სახელმწიფო უნივერსიტეტის რექტორის მოვალეობის შემსრულებლის, მერაბ ხალვაშის გამოხმაურება დღეს, ბათუმის სახელმწიფო უნივერსიტეტში გამართულ სოლიდარობის აქციისადმი.
ვფიქრობ, არსებული ბიუროკრატიული სისტემის ახსნა [თუ როგორ შეიძლება უნივერსიტეტში ოფიციალურად იმყოფებოდეს “უშიშროების” წარმომადგენელი] მხოლოდ იმას გვანიშნებს, რომ რექტორს სურს ყურადღება გადაიტანოს მეორეხარისხოვან საკითხზე [ანუ სამართლებრივ ჩარჩოზე, თუ როგორ შეიძლება მიხდეს “უშიშროების” წამომადგენელი უნივერსიტეტში ოფიციალურად] და თავი აარიდოს მთავარს. მარტივია გავამართლოთ სისტემა ასე, ვინაიდან წმინდა ბიუროკრატიული თუ სამართლებრივი გზებით არ შეგვიძლია მივიდეთ იმ დასკვნამდე, რომ დღეს უნივერსიტეტის პოლიტიკაში დიდწილად ერევიან გარე ძალები, ამ კონკრეტულ შემთხვევაში – სახელმწიფო უსაფრთხოების სამსახური. მარტივი და მიღებული პრაქტიკაა, სამართლებრივ ჩარჩოებში მოვაქციოთ საკითხი, რათა ვერ გავცდეთ მას და ვერ მივიდეთ იმ რეალობასთან, რომელსაც ჩარჩოს გარეთ, არაფორმალურ სივრცეში ვხდებით.
მიუხედავად იმისა, რომ საუნივერსიტეტო პოლიტიკაში ერევიან არაფორმალურად, სტუდენტები კარგად ვხვდებით რასთანაც გვაქვს საქმე, სწორედ ამიტომ გამიჩნდა პროტესტი იმ განცხადების მიმართ, რაც დღეს რექტორის მოვალეობის შემსრულებელმა გააკეთა.
არ ვიცი რა ისაუბრა ბატონმა მერაბმა კადრს მიღმა, მაგრამ კარგად მახსოვს მისი ქმედება, როცა დილით აქციის დაწყებამდე მოვიდა ჩვენთან და ეცადა გაერკვია, თუ რაში იყო საქმე. როდესაც მე საუბარი დავიწყე იმ მნიშვნელოვან საკითხზე, რაც შეეხებოდა უნივერსიტეტის საქმიანობაში სუს-ის ჩარევას, უნივერსიტეტის დამოუკიდებლობას და როდესაც გაისმა ერთ-ერთი ჟურნალისტის ხმა – „კამერა მოამზადე”, მან თავი აარიდა საუბარს და უკომენტაროდ დატოვა ტერიტორია.
საინტერესოა, რატომ აარიდა თავი ბატონმა მერაბმა ამ საკითხზე საუბარს თუკი იცის, რომ უნივერსიტეტი სრულიად დამოუკიდებელია?
მინდა რექტორს შევახსენო ერთი ფაქტი – რამდენიმე თვის წინ, ისევე როგორც თსუ-ში, ბათუმის სახელმწიფო უნივერსიტეტშიც იყო მცდელობა კანცლერის უალტერნატივოდ დანიშვნისა და ეს მცდელობა წარმატებით შესრულდა, თუმცა საინტერესო ის ფაქტებია, რაც ამ მოვლენას უსწრებდა.
ერთ დღეს უნივერსიტეტის ეზოში ვხედავთ თუ როგორ შემოდის უშიშროების წარმომადგენელი [რომელიც დიდი ხანია კაბინეტიდან კაბინეტში შეიარაღებული დაიარება, მინდა სახელიც ვაცნობო რექტორს, ეს პიროვნება არის სახელად ენრიკო], რომელიც დემონსტრაციულად, დიდი ხნის განმავლობაში საუბრობს ყოფილ კანცლერთან, ხოლო მეორე დღით ვიგებთ ინფორმაციას, რომ კანცლერი განცხადებას წერს თანამდებობის დატოვების შესახებ, მაშინ როცა ჯერ კიდევ 7 თვე აქვს ვადა. ამ საკითხის განხილვას ხმაური მოყვა წარმომადგენლობით საბჭოზეც, თუმცა მან მაინც დატოვა თანამდებობა და გამოცხადდა არჩევნები, სადაც ტრადიციულად უალტერნატივო კანტიდატმა „გაიმარჯვა“… ცხადია, ყოფილი კანცლერი უნივერსიტეტიდან არ გაუშვეს და შეუქმნეს შტატი [კანცლერის მოადგილე, თუ არ ვცდები] მაღალი ანაზღაურებით. სამწუხაროა, რომ ამ რეალობას ვერ შეეწინააღმდეგა ორგანიზებული სტუდენტური ძალა, მაგრამ საინტერესოა, რას ფიქრობს და რა პოზიცია აქვს რექტორს ამასთან დაკავშირებით.
რაც შეეხება იმ საკითხს, იცის თუ არა რექტორმა ამ პიროვნების ეგრეთ წოდებული “ოდერის” არსებობის შესახებ? – რამდენიმე დღის წინ თავად ვნახე, თუ როგორ მიიწევდა ზემოთაღნიშნული პიროვნება ორმაგი კარებით შენიღბული კაბინეტისაკენ, რომლის უკანაც თავად რექტორი იმყოფება.
აღარაფერს ვამბობ თვითმმართველობის იმ წარმომადგენლებზე, რომლებიც სხვადასხვა შეხვედრის, აქციის, შიდა დაპირისპირების შემდეგ უშიშროების წარმომადგენელებს ხვდებიან. დღესაც გვქონდა ნათელი მაგალითი იმისა, რომ ისინი ინფორმაციას აგროვებდნენ, როცა აქციის მიმდინარეობისას, ჩვენს წინ შეჩერდა თვითმმართველობის ერთ-ერთი წარმომადგენლის, მინურ პაქსაძის ავტომობილი და გარკვეული დროის განმავლობაში გვაკვირდებოდა მობილურზე საუბრის პარალელურად. [ეს პიროვნება შემჩნეულია სხვა აქციების დროს აქტიურობაშიც].
მინდა მივმართო ყველას, ვისაც რეალურად აღელვებს დღეს საუნივერსიტეტო სივრცეში მიმდინარე პროცესები, იქნება ეს ადმინისტრაციის წარმომადგენელი, პროფესორი თუ სტუდენტი. დღეს თსუ-ში მიმდინარე პროცესები არის ბრძოლა უნივერსიტეტის ავტონომიურობისა და დამოუკიდებლობისათვის, ეს არის ბრძოლა არა მხოლოდ თსუ-ს დამოუკიდებლობისთვის, არამედ ზოგადად, უნივერსიტეტის დამოუკიდებლობისთვის და, შესაბამისად, ყველა ჩვენთაგანის ინტერესში შედის, ჩვენ მხოლოდ მეტი პრინციპულობა გვჭირდება, იმისათვის, რომ განვსაზღვროთ, თუ სად დგას პირადი ინტერესები მაშინ, როცა უნივერსიტეტზე გვაქვს საუბარი.
და ბოლოს მინდა ბათუმის სახელმწიფო უნივერსიტეტის, რექტორის მოვალეობის შემსრულებელს, ბატონ მერაბ ხალვაშს გავაცნო ჩემი მოკრძალებული პოზიცია.
დღეს, თსუ-ში, ის სტუდენტები, რომლებიც იბრძვიან კონკრეტული იდეისთვის, რომლებიც იბრძვიან უნივერსიტეტის დამოუკიდებლობისთვის, ისინი, რომლებსაც შეიძლება არანაირი შეხება არ ჰქონდეთ ბათუმის უნივერსიტეტთან, უფრო მეტად იცავენ ჩვენი უნივერსიტეტის დამოუკიდებლობას, ვიდრე თავად ბათუმის სახელმწიფო უნივერსიტეტის წარმომადგენლები და ამ კონკრეტულ შემთხვევაში თავად რექტორი.
რისთვის იყენებს ბათუმის მუნიციპალიტეტი ა(ა)იპ-ებს? – თემაზე დისკუსია დღეს დემოკრატიული ჩართულობის ცენტრში შედგა. ვინაიდან ა(ა)იპ-ებს არ აქვთ კონკურსის ჩატარების ვალდებულება, წლების განმავლობაში ფიქსირდება ეჭვი, რომ ა(ა)იპ-ებს მმართველი პოლიტიკური ძალა აქტივისტებისა და ახლობლების დასასაქმებლად იყენებს. „საერთაშორისო გამჭვირვალობა საქართველოს“ კვლევის მიხედვით, 2014 წლის თვითმმართველობის არჩევნების შემდეგ, ბათუმის ა(ა)იპ-ებში საშტატო ერთეულების რაოდენობა 122-ით გაიზარდა.
„საშტატო ერთეულები გაიზარდა იმიტომ, რომ ამის საჭიროება იყო,“ – თქვა დისკუსიაზე ირაკლი მიქელაძემ, რომელიც საკრებულოს ფრაქცია „ქართული ოცნების“ თავმჯდომარეა. მან აქცენტი გააკეთა იმაზე, რომ შტატები ძირითადად საბავშვო ბაღებში გაიზარდა.
საკრებულოს წევრი „ერთიანი ნაციონალური მოძრაობიდან“ ჯუმბერ კახიძე შეხვედრაზე დაჯამებული ციფრებით მოვიდა. მან დღევანდელი მოცემულობა 2013 წელს შეადარა, რომლის მიხედვითაც, ბოლო სამ წელიწადში მუნიციპალიტეტის ა(ა)იპ-ებსა და შპს-ებში დასაქმებულთა რაოდენობა 927-ით გაიზარდა. ამ მაჩვენებლბით, ა(ა)იპ-ებში დასაქმებულთა რაოდენობა ძირითადად 2013 წელს გაიზარდა.
„მაგ დროს უმრავლესობაში თქვენ იყავით და იმიტომ. ჯერ კიდევ 2012 წელს თქვენ მოადგილეების შტატებიც დაუმატეთ ა(ა)იპ-ების დირექტორებს,“ – თქვა მონაცემების საპასუხოდ ირაკლი მიქელაძემ. „თუ გასაუქმებელი იყო, რატომ არ გააუქმეთ?“ – იკითხა ჯუმბერ კახიძემ. „არ გავაუქმეთ იმიტომ, რომ ჩვენთვის ადამიანია მთავარი,“ – თქვა რეპლიკის სახით ნატალია ზოიძემ, საკრებულს წევრმა „ქართული ოცნებიდან“.
„მთავარი არის ის, რომ არავინ ასაბუთებს, რისთვის ჩნდება ახალი ვაკანსიები, რა საჭიროება არსებობს და როგორ ხდება თანამშრომლების შერჩევა“ – ეს დისკუსიის კიდევ ერთმა მომხსენებელმა, კობა ჩხეიძემ თქვა. ის საკრებულოს ფრაქცია „თავისუფალი დემოკრატების“ ხელმძღვანელია.
დისკუსიის დასასრულს, ფრაქცია „ქართული ოცნების“ ხელმძღვანელმა ირაკლი მიქელაძემ აღნიშნა, რომ მექანიზმები ა(ა)იპ-ებში დასაქმებაზე შესამუშავებელია. „კონკურსს ვერ ჩავატარებთ. ეს მუნიციპალიტეტის უფლებამოსილება არ არის“ – თქვა მიქელაძემ. „ამის უფლება მერიას აქვს,“ – თქვა დარბაზში მყოფმა საკრებულოს იურიდიული კომისიის თავმჯდომარემ, ლევან კინწურაშვილმა.
დღევანდელ დისკუსიას მოუცლელობის მიზეზით არ დაესწრო ბათუმის მერი – გიორგი ერმაკოვი, ასევე მერიის ადმინისტრაციის რომელიმე წარმომადგენელი. დისკუსიაზე 14 ა(ა)იპ-დან მხოლოდ ერთის ხელმძღვანელი მოვიდა – ალეკო თევზაძე, რომელიც მერის მრჩევლად მუშაობდა და ამჟამად ა(ა)იპ „ბათუმის ტურისტული ობიექტების მართვის სააგენტოს“ ხელმძღვანელია.
დისკუსიის ორგანიზატორი „თავისუფალ ჟურნალისტთა სახლია“, რომლის მიზანია საზოგადოების ჩართულობისა და ხელისუფლების ანგარიშვალდებულბის გაზრდა.
აჭარის ტურიზმისა და კურორტების დეპარტამენტის ცნობით, საქართველოს სტენდი ბერლინის საერთაშორისო ტურისტულ გამოფენაზე „ITB Berlin -2016“ სპეციალური პრიზით – „ღვინის ტურიზმის საუკეთესო მიმართულება“ -დაჯილდოვდა. აჭარის ტურიზმისა და კურორტების დეპარტამენტი გამოფენაზე ტურიზმის ეროვნულ ადმინისტრაციასთან ერთადაა წარდგენილი.
დეპარტამენტის ცნობით, გამოფენის ფარგლებში, რეგიონის პოპულარიზაციისა და უცხოური გამოცდილების გაზიარების მიზნით, ბერლინში საქმიან შეხვედრებს მართავს დეპარტამენტის თავმჯდომარე მამია ბერძენიშვილი. ის უკვე შეხვდა მეკლენბურგის ოლქის (ქალაქი როსტოკი) ტურიზმის დეპარტამენტის, ტურიზმის საერთაშორისო ასოციაციის Skal, მაკედონიის, ქვემო ბავარიისა და ვალონიის რეგიონის (ბელგია) ტურიზმის სახელმწიფო სამსახურების წარმომადგენლებს. დეპარტამენტის თავმჯდომარე ასევე შეხვდა TAV holding–ს, პოლონეთისა და ლიტვის მსხვილ ტურ ოპერატორებს Sun and Fun და Novaturas წარმომადგენლებს აჭარაში ფრენების დაწყებით დაინტერესების მიზნით.
ბერლინის საერთაშორისო ტურისტული გამოფენა 9 მარტს დაიწყო და 13 მარტს დასრულდება.
ბერლინის საერთაშორისო ტურისტული გამოფენა ყოველწლიურად 170 ათასამდე დამთვალიერებელს ითვლის. გამოფენაზე საკუთარ პროდუქციას 180 ქვენის 11 ათასამდე ორგანიზაცია წარადგენს. ტურიზმის სფეროში იგი ერთ-ერთი ყველაზე მასშტაბურია მსოფლიოში.
დღეს ბათუმში სახალხო დამცველის რეგიონული დეპარტამენტის უფროსმა თეიმურაზ ქორიძემ რეგიონული მედიის წარმომადგენლებს სახალხო დამცველის აპარატის რეგიონული დეპარტამენტის აჭარის სამმართველოს უფროსი ციალა ქათამიძე წარუდგინა.
თეიმურაზ ქორიძის განმარტებით, სამმართველოს შექმნა რეგიონალური ოფისების გაძლიერებას ისახავს მიზნად. კერძოდ, ცვლილების შედეგად, სახალხო დამცველის რეგიონული წარმომადგენლობები ადგილზე განიხილავენ შემოსულ ინდივიდუალურ განცხადებებს. აჭარის ოფისთან ერთად, ცვლილებები განხორციელდა იმერეთის, რაჭა-ლეჩხუმისა და ქვემო სვანეთისა და სამეგრელო-ზემო სვანეთის სამმართველოებში.
„ჩვენ ვმუშაობთ სამოქმედო გეგმაზე, რომელსაც საზოგადოებას უახლოეს პერიოდში გავაცნობთ. ოფისი გააგრძელებს მიმდინარე თემებზე მუშაობას – პენიტენციური დაწესებულებების მონიტორინგს, სოციალური თემატიკის შესწავლას, ინდივიდუალურ საჩივრების განხილვას და სხვა. ადამიანის უფლებების კუთხით არსებული გამოწვევების დასაძლევად ჩვენთვის მნიშვნელოვანია არასამთავრობო სექტორთან, ჟურნალისტებთან და ადგილობრივ ხელისუფლებასთან თანამშრომლობა,“ – თქვა ციალა ქათამიძემ.
ციალა ქათამიძე სახალხო დამცველის აპარატში კონკურსის წესით შეირჩა. მას რამდენიმეწლიანი გამოცდილება აქვს არასამთავრობო სექტორში, უფლებათა დაცვის კუთხით მუშაობისა.
ამავე თემაზე:
ბათუმში ახლა პირველი საათია – ყოველ შემთხვევაში ამ დროს უჩვენებს ერას მოედანზე დამონტაჟებული საათის ისრები. ქალაქში, სადაც ტურისტის მოსაზიდად ბიუჯეტიდან მილიონობით ლარს ხარჯავენ, ტურისტულ ადგილებში დამონტაჟებული საათები გაუმართავია. ბათუმის მერია, რომელიც ქალაქის მართვაზეა პასუხისმგებელი, ტურისტულ ადგილებში საათების გამართვასაც კი ვერ უზრუნველყოფს.
კითხვაზე – უხერხული ხომ არ არის ბათუმში ტურისტების თავშეყრის ადგილებზე დამონტაჟებული საათის ისრები არარეალურ დროს რომ უჩვენებს? – აჭარის ტურიზმის დეპარტამენტის საზოგადეობასთან ურთერთობის სამსახურის ხელმძღვანელი, მერი ემირიძე პასუხობს, რომ უხერხულია და მის შესახებ ტურიზმის დეპარტამენტში არ იცოდნენ: „ჩვენი კომპეტენცია არ არის, თუმცა შეგვიძლია რეკომენდაცია მივცეთ მერიას ამაზე.“
გაჩერებულ საათებთან დაკავშირებით განცხადება დღეს, ევროპის მოედანზე ენმ-ის ბათუმის ქალთა ორგანიზაციის თავმჯდომარემ მანანა ილურიძემ გააკეთა. მისი შეფასებით, ქალაქში საათების დროის გაჩერებას სიმბოლური დატვირთვაც აქვს.
„ბათუმელები“ მერიასაც დაუკავშირდა. პრესსამსახურის ინფორმაციით, საათების გამართვის უზრუნველყოფა ევალება კომპანიას, რომელთანაც მერიას ხელშეკრულება აქვს გაფორმებული. რატომ ვერ ახერხებს ეს კომპანია მოვალეობის შესრულებას და ვისი კომპეტენციაა ნაკისრი ვალდებულებების შესრულებაზე კონტროლი? – ამ კითხვებზე პასუხები “ბათუმელებს” ჯერჯერობით არ მიუღია.
გუშინ უსკოს თავმჯდომარეობის კანდიდატობისა და წევრობის მსურველთა განაცხადებების მიღება დასრულდა და დღეს აჭარის მთავრობამ სიები გამოაქვეყნა.
აჭარის უმაღლესი საარჩევნო კომისიის თავმჯდომარის თანამდებობის დასაკავებლად, 2016 წლის 25 თებერვალს გამოცხადებულ ღია კონკურსში მონაწილე კანდიდატთა სია შემდეგია:
აჭარის ავტონომიური რესპუბლიკის უმაღლესი საარჩევნო კომისიის წევრის თანამდებობის დასაკავებლად, 2016 წლის 25 თებერვალს გამოცხადებულ ღია კონკურსში მონაწილე კანდიდატთა სია კი ასე გამოიყურება:
“ბათუმელები” დამატებით ინფორმაციას აპლიკანტთა შესახებ, მოგვიანებით გამოაქვეყნებს.
12 მარტს, 10:00-დან 17:00 საათამდე, ბათუმში მცხოვრები II ტიპის შაქრიანი დიაბეტის მქონე პაციენტთათვის, ბათუმის მერიის ორგანიზებით უფასო კონსულტაცები ჩატარდება.
კონსულტაციას ენდოკრინოლოგი, პროფესორი ელენე გიორგაძე ჩაატარებს.
პაციენტთა წინასწარი რეგისტრაცია დღეს მთავრდება. მსურველებმა რეგისტრაციისთვის უნდა დარეკონ ტელეფონზე: 29 29 31.
უფასო კონსულტაცია “ენდოკრინოლოგიის ეროვნულ ინსტიტუტის” ბათუმის ფილიალში ჩატარდება, რომელიც ხიმშიაშვილის ქუჩის #2-ში (საცხოვრებელ კომპლექს “მაგნოლიაში”) მდებარეობს.
ფიჭვნარის ანტიკური ხანის სამაროვნები ბოლო რამდენიმე წელია სახელმწიფოს მხრიდან დაუცველია. სპეციალისტთა შეფასებით, სამხრეთ კავკასიაში ეს ერთადერთი და უნიკალური არქეოლოგიური ძეგლი უყურადღებობით ნადგურდება. სტატუსის გარეშე დარჩენილი რამდენიმე ჰექტარი ტერიტორია ქობულეთის მუნიციპალიტეტში ის „ცხელი წერტილია“, საიდანაც უკანონოდ ხშირად გააქვთ ინერტული მასალა.
„ტყიდან, გზიდან შემოდიან მანქანებით და მიაქვთ სილა. გუშინაც იყვნენ შემოსულები. აზიანებენ აქ არქეოლოგების მიერ გათხრილ და მონიშნულ ადგილებს. ფართობი დიდია და ახლა ისეთი ადგილებიდანაც გააქვთ, ადრე რომ არ გაჰქონდათ. სახელმწიფომ ალბათ მკაცრად უნდა გააკონტროლოს ეს პროცესი, დაიცვას ეს ადგილები. გარემოს დაცვის ინსპექცია ხშირად აჯარიმებს აქ ხალხს, მაგრამ ეტყობა ჯარიმებს არ იხდიან, ან არ ახდევინებენ. წერეთ რამდენიც გინდათ ოქმებიო – ეუბნებიან. მეც და ჩემს შვილსაც გვეჩხუბებიან, თქვენ ვინ რას გეკითხებათო… კერძო პირები არიან, ეტყობა თავისთვის ან გასაყიდად გააქვთ სილა,“ – ამბობს „ბათუმელებთან“ დარეჯან გურგენაძე, რომელიც იქვე ცხოვრობს და ტერიტორიაზე არსებულ არქეოლოგიურ ბაზას იცავს.
ადრე ბაზის გარდა დარაჯი/მცველი მთლიან ტერიტორიასაც ჰყოლია, თუმცა მას შემდეგ, რაც ამ ადგილს ძეგლის სტატუსი მოუხსნეს, უპატრონოდაა დატოვებული. მას რამდენიმე წელია დარეჯან გურგენაძე ყოველგვარი გასამრჯელოს გარეშე შეძლებისდაგვარად იცავს.
„გარემოს დაცვის ინსპექცია რეგულარულად ახდენს აღნიშნული ტერიტორიის პატრულირებას, რათა ინერტული მასალა უკანონოდ არ გაიტანონ. შესაბამისი რეაგირება არის, ოქმები შედგენილია არაერთგზის. ჩვენ ვართ უფლებამოსილი, გამოვავლინოთ კონკრეტული სამართალდარღვევა და შემდეგ საგამოძიებო უწყებაში ან სასამართლოში გადავაგზავნოთ მასალები. შემდეგ – ჯარიმას დააკისრებენ თუ არა, და გადაიხდის თუ არა – ამ ნაწილს ჩვენ ვეღარ მივსდევთ,“ – უთხრეს „ბათუმელებს“ საქართველოს გარემოსა და ბუნებრივი რესურსების დაცვის გარემოსდაცვითი ზედამხედველობის დეპარტამენტში. დეპარტამენტი დაგვპირდა, რომ ფიჭვნარში და მთლიანად ქობულეთის მუნიციპალიტეტის ტერიტორიაზე მათ მიერ გამოვლენილი დარღვევების შესახებ დეტალურ ინფორმაციას უახლოეს დღეებში მოგვაწვდის.
მეცნიერთა აზრით, ფიჭვნარის დაცვის საუკეთესო მექანიზმი მისთვის სტატუსის მინიჭება და ოფიციალური დაცვის დაწესებაა.
„ამჟამად ფიჭვნართან დაკავშირებით სააგენტოში საკითხი არ განიხილება. არქეოლოგების მიერ რამდენიმე წლის წინ იყო შემოტანილი არქეოლოგიური ზონის დადგენაზე დოკუმენტები, მაგრამ მაშინ შეისწავლეს გარკვეული ტერიტორია, სადაც მშენებლობა დაიწყო და შემდეგ რატომღაც დღის წესრიგში აღარ დადგა სტატუსის საკითხი. თუმცა, თუ იქნება შესაბამისი მომართვა და დაინტერესება, თუნდაც აჭარის კულტურული მემკვიდრეობის დაცვის სააგენტოს მხრიდან, ჩვენ ვიშუამდგომლებთ მთავრობასთან, რომ ფიჭვნარში არქეოლოგიური ზონა დადგინდეს,“ – უთხრეს „ბათუმელებს“ საქართველოს ძეგლთა დაცვის ეროვნულ სააგენტოში.
აჭარის კულტურული მემკვიდრეობის დაცვის სააგენტოს ხელმძღვანელის, მირანდა ჩარკვიანის განცხადებით, ცოტა ხნის წინ დასრულდა მუშაობა ქობულეთის სივრცითი მოწყობის გეგმაზე, რომელშიც გათვალისწინებულია ფიჭვნარის არქეოლოგიური ზონის არსებობა: „ახლა მოსამზადებელია დოკუმენტი, რათა ეროვნულ სააგენტოს მივმართოთ. არქეოლოგებთან ერთად საჭიროა განისაზღვროს ტექნიკური საკითხები, მაგალითად, იქ არის სამაროვანი ადგილები, რომლებიც არ არის მონუმენტური და შესწავლის შემდეგ შეიძლება მიიღოს სხვა დანიშნულება, ანუ წარიმართოს მშენებლობას ან სხვა ტიპის განვითარება. ამიტომ მცოცავი საზღვრების დადგენა იქნება საჭირო. თუ რაიმე მონუმენტური აღმოჩნდება, ის ხელშეუხებელი უნდა დარჩეს. შესაბამისი დოკუმენტაციის მოსამზადებლად 2-3 კვირა იქნება საჭირო, არქეოლოგებთან ერთად მოვამზადებთ და ამის შემდეგ მივმართავთ ეროვნულ სააგენტოს სტატუსის მინიჭების მოთხოვნით“.
ფიჭვნარის ნამოსახლარებს [სამაროვნებს] უძრავი ძეგლის სტატუსი 1976 წლიდან ჰქონდა – დაცული ტერიტორია იყო. წინა ხელისუფლებამ ყველა ძეგლს სტატუსი გაუუქმა და მათი ხელახალი აღიარება-რეგისტრაცია დაიწყო. მიუხედავად იმისა, რომ შედგა ფიჭვნარის ნამოსახლარის, როგორც უძრავი ძეგლის პასპორტიც, არქეოლოგებმა მისთვის სტატუსის მინიჭებას ვერ მიაღწიეს [აღსანიშნავია, რომ ასეთი ორი ძეგლია აჭარაში: გონიო-აფსაროსი და პეტრას ციხე].
არქეოლოგ ნინო ინაიშვილის განცხადებით, ჯერ კიდევ 2012 წელს დასრულდა აჭარის სივრცითი მოწყობის სქემაზე მუშაობა, სადაც საუბარი იყო ასევე ქობულეთ-ფიჭვნარის ტერიტორიის მნიშვნელობაზეც: „აღსანიშნავია, რომ 2012 წელს, როგორც კი შეიცვალა მთავრობა, არქეოლოგებმა მოვითხოვეთ ქობულეთ–ფიჭვნარისთვის არქეოლოგიური ზონის სტატუსის მინიჭება. სააგენტოს უფროსის მოადგილე, თენგიზ ცინცაძე უშუალოდ იყო ჩართული ამ პროცესში. მან მოამზადა სათანადო დოკუმენტაცია სხვადასხვა სამთავრობო უწყებებთან შესათანხმებლად, მაგრამ როგორც ჩანს, გააჩერეს ეს საქმე, ალბათ, ეკონომიკური სექტორის წარმომადგენლებმა…“
ნინო ინაიშვილის თქმით, ფიჭვნარის არქეოლოგიურ ძეგლს, მეცნიერული ღირებულების გარდა, უდიდესი მნიშვნელობა აქვს ასევე ქობულეთ-ფიჭვნარის ტერიტორიაზე კულტურული ტურიზმის განვითარებისთვის, რომელიც ტურიზმის სფეროს ერთ-ერთი ყველაზე მზარდი სექტორია.
„დღეს შემორჩენილია სამი დიდი სამაროვანი – კოლხური, ბერძნული და ელინიზმის ეპოქის. შესწავლილია 1300-ზე მეტი სამარხი და აღმოჩენილია უნიკალური ნივთები… ფიჭვნარის ნეკროპოლი [მკვდართა ქალაქი] უნიკალური ძეგლია არა მარტო ჩვენი ქვეყნისთვის, არამედ შავიზღვისპირეთისთვის. მთავარი ისაა, რომ სამხრეთ კავკასიაში სხვა ნეკროპოლი, რომელიც ბერძნებთან/ელინებთან იქნება დაკავშირებული, არ გვაქვს. იქ საერთაშორისო ცენტრის შექმნა შეიძლება, მაგრამ ვერა და ვერ მოხერხდა სტატუსის მინიჭება, რომ დავნიშნოთ ოფიციალური პირი და დაიცვას ეს ადგილები. გააქვთ სილა, ზიანდება სამარხები, გაუხსნელ ფართობში იჭრებიან უკვე, ძალიან რთული სიტუაციაა,“ – ამბობს ბათუმის არქეოლოგიური მუზეუმის დირექტორი ამირან კახიძე.
ადგილი, რომელზედაც ფიჭვნარის ნამოსახლარებია, 2010 წლის მონაცემებით სახელმწიფო საკუთრება იყო. ამავე წელს იმ ტერიტორიის ნაწილი, სადაც სამაროვნები იყო, ხელისუფლებამ თავისუფალ ტურისტულ ზონად გამოაცხადა, სასტუმროების აშენების მიზნით.
საჯარო რეესტრის 2013 წლის 31 დეკემბრის ამონაწერის მიხედვით, ეს ტერიტორია [ამჟამად 43 540 კვ/მ] აჭარის ავტონომიური რესპუბლიკის საკუთრებაშია.
გარემოსდაცვითი ზედამხედველობის დეპარტამენტის მიერ მოწოდებული ინფორმაციით 2015 წლის იანვრიდან დღემდე ჩოლოქის [ძირითადად ფიჭვნარის] ტერიტორიაზე ინერტული მასალის უკანონოდ მოპოვების 53 ფაქტზეა ოქმები შედგენილი. მთლიანობაში კი ქობულეთის მუნიციპალიტეტის ტერიტორიაზე ამავე პერიდში სულ ანალოგიური სამართალდარღვევის 158 ფაქტია გამოვლენილი. სამართალდამრღვევები ძირითადად 1500 ლარით არიან დაჯარიმებულები
ბათუმის სახელმწიფო უნივერსიტეტის სტუდენტები სოლიდარობას უცხადებენ თბილისის ივანე ჯავახიშვილის სახელობის უნივერსიტეტის სტუდენტებს, რომლებიც უკვე ერთი კვირაა აპროტესტებენ თსუ-ში კანცლერის თანამდებობაზე გიორგი გაფრინდაშვილის დანიშვნას. თსუ-ს სტუდენტები აცხადებენ, რომ მისი საქმიანობის პერიოდში, 2011 წელს, სტუდენტური მოძრაობა “თარგმნეს” მიერ დაგეგმილი პრეზენტაციისას, თვითმმართველობის წევრები ფიზიკურად გაუსწორდნენ მოძრაობის აქტივისტებს. ჟურნალისტების ადგილზე მისვლის შემდეგ გიორგი გაფრინდაშვილმა მათ განუცხადა, რომ არავინ არავის სცემდა.
სოლიდარობის აქციის მონაწილე ბათუმელმა სტუდენტებმა შემდეგი შინაარსის განცხადება გაავრცელეს: „ბათუმის შოთა რუსთაველის სახელმწიფო უნივერსიტეტის სტუდენტები ვაპროტესტებთ თბილისის სახელმწიფო უნივერსიტეტში ბოლო დღეების განმავლობაში განვითარებულ მოვლენებს და მიგვაჩნია, რომ უნივერსიტეტი არის დამოუკიდებელი, ავტონომიური საგანმანათლებლო სივრცე, რომელიც თავისუფალი უნდა იყოს ყოველგვარი გარე ძალების ზეწოლისაგან. დაუშვებლად მიგვაჩნია უნივერსიტეტში მიმდინარე პროცესებში ძალოვანი სტრუქტურების წარმომადგენლების ჩარევა.
ასევე მხარს ვუჭერთ და სრულიად ვიზიარებთ აქტივისტების შემდეგ მოთხოვნებს:
* კანცლერის პოზიციაზე გიორგი გაფრინდაშვილის კანდიდატურის მოხსნა.
* ამავე აქციის მონაწილეთა შეხვედრა სენატის წარმომადგენლებთან.
პრობლემები და მოთხოვნები, რომელთა ირგვლივაც დაიწყო საპროტესტო აქციები არ ატარებს ლოკალურ სახეს და წარმოადგენს სისტემურ პრობლემას, რომელიც მთელი ქვეყნის მასშტაბით არსებულ უმაღლეს საგანმანათლებლო დაწესებულებებში წლებია დგას”.
აქციაზე მყოფ სტუდენტებთან მივიდა ბსუ-ს რექტორის მოვალეობის შემსრულებელი მერაბ ხალვაში და სტუდენტებს ჰკითხა, რა უნდათ. რაზეც სტუდენტებმა უპასუხხეს, რომ „უშიშროება უნდა მოცილდეს უნივერსიტეტს“.
დღეს ასევე ცნობილი გახდა, რომ თსუ-ს სტუდენტებს სოლიდარობა გამოუცხადეს ილიას უნივერსიტეტის სტუდენტებმაც.
6 თვის ბარბარე ხელვაჩაურის მუნიციპალიტეტში, სოფელ ზედა წინსვლაში რვაწევრიან ოჯახში ცხოვრობს. ამ ოჯახს სოციალური შემწეობა იმის გამო მოუხსნეს, რომ ბავშვის მამა დასაქმდა, მაგრამ ის მალევე ისევ უმუშევარი, ხოლო ოჯახი შემწეობის გარეშე დარჩა. ოჯახი ბარბარეს ფქვილსა და წყალზე დამზადებული ფაფით კვებას. გოგონამ წონაში დაიწყო კლება. ბარბარესა და მის ოჯახზე სტატია თავდაპირველად გამოქვეყნდა „გაზეთ ბათუმელების“ ბეჭდურ ვერსიაში, ხოლო შემდეგ – ვებგვერდზე.
ბარბარეს მხარდასაჭერად სოციალურ ქსელებში მოქალაქეებმა კამპანია წამოიწყეს. მაგალითად, ერთ-ერთი ჯგუფი თბილისში აგროვებს ბარბარესთვის საკვებს, რომლებიც წერენ, რომ კვირას, 11 საათზე თბილისში, დიდუბის მეტროსთან იკრიბებიან. გაზეთი “ბათუმელები” გააშუქებს ამ სოციალურ აქტივობას, ახლა კი გთავაზობთ სოციალური ქსელების რეაქციას ბარბარეს შიმშილობაზე.
1 წლის გოგიტა აბაშიძის შიმშილისგან გარდაცვალება არ მავიწყდება:( Madona Mariami Beridze რა ხდება, ხომ არ იცი? რითი დავეხმაროთ?
Posted by Nino Lomjaria on Monday, March 7, 2016
პრემიები არ მოიკლოთ, ბლიად!გიული ამბობს, რომ ანიტა, უმცროსი დისგან განსხვავებით, შეესაბამება თავისი ასაკის წონას. ბავშ…
Posted by David Mchedlidze on Monday, March 7, 2016
Naira Bedukadzeესენი ნორმალურები არიან ?.. ამდენი უსახლკარო , მშიერი გაუბედურებული ხალხისთვის ვერ მიუხედიათ, ახალშობილი ბავშვები აკვნებში შიმშილით ეხოცებათ და ემიგრანტებს ეპატიჟებიან?..
Posted by Naira Sharubanashvili on Thursday, March 10, 2016
სამაგიეროდ ანაფორიანები ხო გყავთ მაძღრები
Posted by Tea Shermadini on Tuesday, March 8, 2016
ამ დროს #შავჯიპებში #მინისტრებიბანაობეენ..
Posted by Ninuka Borchkhadze on Monday, March 7, 2016
ბათუმში, ვაჟა-ფშაველას #13-ში მიმდინარე უკანონო მშენებლობის შესახებ საქართველოს ახალგაზრდა იურისტთა ასოციაცია განცხადებას ავრცელებს, რომელსაც უცვლელად გთავაზობთ:
გვსურს გამოვეხმაუროთ ბათუმში ვაჟა-ფშაველას #13 მდებარე კულტურული მემკვიდრეობის ძეგლის ირგვლივ განვითარებულ მოვლენებს და აღვნიშნოთ შემდეგი:
ზემოთ აღნიშნულ საკითხებთან დაკავშირებით საიას მნიშვნელოვნად მიაჩნია, რომ:
არასამთავრობო ორგანიზაციები, ბათუმში, ვაჟა-ფშაველას 13-ში განვითარებულ მოვლენებთან დაკავშირებით პრემიერ-მინისტრ გიორგი კვირიკაშვილს განცხადებით მიმართავენ. არასამთავრობო ორგანიზაციები პრემიერს სთხოვენ, დაინტერესდეს ადგილობრივი სამთავრობო სტრუქტურების მიერ გატარებული პოლიტიკით, რომელიც უკავშირდება კულტურული მემკვიდრეობის ძეგლების ნგრევას ბათუმში. საქმე იმაშია, რომ ვაჟა-ფშაველას 13-ში არსებული კულტურული მემკვიდრეობის ძეგლი კომპანია „სლავა 2015“-მა ჯერ დაანგრია, ახლა კი იქ უკანონო მშენებლობას ეწევა. ძეგლის ტერიტორიაზე საძირკველი კომპანიამ 8 მარტს ჩამოასხა, თუმცა ამ პროცესის შეჩერება ვერც ერთმა სახელმწიფო უწყებამ ვერ „მოახერხა“. არასამთავრობოების პრემიერმინისტრისადმი მიმართვის ტექსტს უცვლელად გთავაზობთ:
„ბოლო დროს ქალაქ ბათუმში კულტურული მემკიდრეობის, ურბანული განვითარების პოლიტიკა სრულად ეწინააღმდეგება კანონის უზენაესობის, სამართლიანობისა და გამჭვირვალობის პრინციპებს.
კერძოდ, ბათუმში ვაჟა-ფშაველას #13-ში, კომპანია „სლავა 2015“ შვიდი თვის მანძილზე ახორციელებდა კულტურული მემკვიდრეობის ძეგლის უნებართვო დემონტაჟს. ამ ხნის განმავლობაში პროცესი ვერ აღკვეთა ვერც ერთმა სახელმწიფო ინსტიტუტმა.
მიმდინარე წლის 8 მარტს კომპანიამ ძეგლის ადგილას უკანონოდ დაიწყო მრავალსართულიანი კორპუსის მშენებლობის პროცესი, რაზეც მოქალაქეთა მიერ უკანონო მშენებლობის შეწყვეტის მოთხოვნით თვითმმართველი ქალაქ ბათუმის მუნიციპალიტეტის მერიაში, აჭარის კულტურული მემკვიდრეობის სააგენტოსა და საპატრულო პოლიციის განყოფილებაში არაერთი შეტყობინება შევიდა. თუმცა ადმინისტრაციული ორგანოს წარმომადგენლებმა ვერ „მოახერხეს“ უკანონო მშენებლობის აღკვეთა.
ეს არ არის კანონის უგულვებელყოფის ერთადერთი ფაქტი: ძველი ბათუმის ტერიტორიაზე სამშენებლო რეგულაციების დარღვევამ სისტემური ხასიათი მიიღო. უნებართვო მშენებლობებია მაზნიაშვილის 35/37-ში, ვახტანგ გორგასლის 17-ში, მაზნიაშვილის 31-ში, ზუბალაშვილის 9-ში. შესაბამისი სამსახურები ამ დარღვევების შესახებ ინფორმაციას ფლობენ, მაგრამ უკანონო მშენებლობის დემონტაჟის შესახებ გადაწყვეტილებას არ იღებენ. საეჭვო ვითარებაში გაიცა დემონტაჟისა და მშენებლობის ნებართვა ბარათაშვილის N 24-ში. არსებული ვითარება კორუფციის ეჭვს ბადებს.
ბოლო წლებში ძველი ბათუმის იერსახე მკვეთრად შეიცვალა. ქალაქი კარგავს ისტორიულ ღირებულებას. კულტურული მემკვიდრეობის ძეგლები ე.წ. ინვესტორების ინტერესებს ეწირება, რომელთა დანაშაულებრივი ქმედებები უმეტეს შემთხვევაში ხელისუფლების მიერაა წახალისებული.
ბატონო პრემიერო, ბათუმისთვის სასიცოცხლოდ მნიშვნელოვანია მისი ისტორიის შენარჩუნება და გადარჩენა. ძეგლების მიმართ ასეთი დამოკიდებულება უპირისპირდება სახელმწიფოს კონსტიტუციით განსაზღვრულ ვალდებულებას კულტურული მემკვიდრეობის ძეგლთა დაცვისა და შენარჩუნების შესახებ.
ვთვლით, რომ სახელისუფლებო ორგანოების მხრიდან მსგავსი უმოქმედობა აუცილებლად მიგვიყვანს სახელმწიფო ინსტიტუტების ფუნქციონირების მოშლამდე და საზოგადოების მხრიდან კანონისადმი ნიჰილისტურ დამოკიდებულებამდე, გამომდინარე აქედან დაუყოვნებლივ მოვითხოვთ:
არსამთავრობო ორგანიზაციები:
ბათომი,
თავისუფალ ჟურნალისტთა სახლი,
სამოქალაქო საზოგადოების ინსტიტუტის ბათუმის ფილიალი
დღეს, 10 მარტს, ბათუმის დემოკრატიული ჩართულობის ცენტრში საქართველოს ოკუპირებული ტერიტორიებიდან იძულებით გადაადგილებულ პირთა და ლტოლვილთა სამინისტროს წარმომადგენლებმა არასამთავრობო ორგანიზაციებთან შეხვედრა გამართეს. შეხვედრაზე წარმოდგინეს დაწვრილებითი ინფორმაცია აღნიშნული სამინისტროს , “საქართველოში დაბრუნებულ მიგრანტთა სარეინტეგრაციო დახმარების” 2016 წლის პროგრამის მიზნებისა და პროგრამის ფარგლებში გამოცხადებული საგრანტო კონკურსში მონაწილეობის პირობების შესახებ.
აღნიშნული საგრანტო კონკურსისთვის 2016 წლის სახელმწიფო ბიუჯეტში 600 000 ლარია გამოყოფილი და 6 საგრანტო მიმართულებაზე ნაწილდება: სამედიცინო დახმარება და მედიკამენტებით უზრუნველყოფა, სოციალური პროექტების დაფინანსება, სამუშაოს მაძიებელთა პროფესიული მომზადება-გადამზადება და კვალიფიკაციის ამაღლების პროგრამაში ჩართვის ხელშეწყობა, დროებითი საცხოვრებლით უზრუნველყოფა, იურიდიული დახმარების გაწევა და სახელმწიფო სარეინტეგრაციო პროგრამის შესახებ საზოგადოების ინფორმირების მიზნით სხვადასხვა ღონისძიების განხორციელება.
შეხვედრას ესწრებოდა საქართველოს ოკუპირებული ტერიტორიებიდან იძულებით გადაადგილებულ პირთა და ლტოლვილთა მინისტრის პირველი მოადგილე გრიგოლ გიორგაძე.
„მეორე წელია, რაც ეს პროგრამა სახელმწიფოს მხრიდან ხორციელდება, მანამდე ხორციელდებოდა მიგრაციის საერთაშორისო ორგანიზაციის მხრიდან და სხვადასხვა რეგიონებში ახლაც მიმდინარეობს [მიგრაციის საერთაშორისო ორგანიზაციის მიერ]. 2017 წლიდან ჩვენ სრულად გადავიბარებთ ყველა რეგიონში მიმდინარე პროგრამებს და ვფიქრობ, რომ ძალიან წარმატებული და ეფექტური იქნება ეს პროგრამები”, – აღნიშნა გრიგოლ გიორგაძემ.
საგრანტო კონკურსი 7 მარტს გამოცხადდა და 21 მარტამდე გაგრძელდება.
დღეს, 10 მარტს ბათუმის საკრებულოს “ერთიანი ნაციონალური მოძრაობის” ფრაქციის თავმჯდმოარემ გიორგი კირთაძემ განცხადება გააკეთა.
მისი თქმით დღეს ჩანიშნული საკრებულოს სხდომა ჩაიშალა: „რადგან საკრებულოს თავმჯდომარემ [ჭეიშვილმა] ვერ მოუყარა თავი 13 დეპუტატს ვინც მხარს დაუჭერდა ბიუჯეტში ცვლილებას“, – ცვლილებები ბათუმის 2016 წლის ბიუჯეტში, ფეხბურთის განვითარების მხარდაჭერისთვის განკუთვნილი თანხის ა(ა)იპ − ქართული ფეხბურთის განვითარების ფონდში გადარიცხვას შეეხებოდა.
გიორგი კირთაძის თქმით, პრემიერ-მინისტრის დადგენილება წარმოადგენდა თხოვნას / რეკომენდაციას, რომელიც ბათუმის მერმა გიორგი ერმაკოვმა პირდაპირ ბრძანებად მიიღო და ბიუჯეტში ცვლილების კანონპროექტი წარადგინა.
„მინდა მოვუწოდო უმრავლესობის დეპუტატებს, რომ მომავალ სხდომაზე, როდესაც ჩატარდება ის, მხარი არ დაუჭირონ ამ ცვლილებას“, – განაცხადა გიორგი კირთაძემ და აღნიშნა, რომ ამ ცვლილებით ზარალდება ბათუმის დინამო, რომელიც ცვლილების შემდეგ მიიღებს განახევრებულ დაფინანსებას და გარდა ამისა აღნიშნული ცვლილება თვითმმართველობის იდეასთან სრულ წინააღმდეგობაშია.
„ჩვენ ბათუმის დინამოსთვის გამოვყევით ფული და დავაკელით ჭაობის რეაბილიტაციას, ახლა კი გამოდის, რომ ჩვენ ამ ფულით ვაფინანსებთ არა ბათუმის დინამოს, არამედ სამტრედიის ჩიხურას, ბატონი სპორტის მინისტრის პირად კლუბს – საბურთალოს, თბილისის დინამოს და ა.შ.“, – თქვა გიორგი კირთაძემ და დასძინა, რომ თვითმმართველობის იდეის მიხედვით თვითმმართველმა ერთეულმა უნდა განკარგოს საკუთარი ბიუჯეტი.
საკრებულოს სხდომა 16 მარტისთვისაა დანიშნული, დღის წესრიგს კი ბიუჯეტში ცვლილების გარდა სხვა საკითხებიც დაემატა.
რონი სოლბერგი კომპანია „აჭარისწყალი ჯორჯიას“ (AGL) აღმასრულებელი დირექტორია. უკვე ერთი წელია ბათუმში ცხოვრობს, მეუღლესთან ერთად და საოცრად მოსწონს ეს ქალაქი, განსაკუთრებით არატურისტულ სეზონზე. დატვირთული სამსახურებრივი გრაფიკის პარალელურად, მაქსიმალურად ცდილობს კარგად გაიცნოს საქართველო, მისი მოგზაურობა მწვანე ტბიდან, აჭარის მაღალმთანეთიდან დაიწყო და მთელი საქართველოს მასშტაბით გაგრძელდა.
მოსწონს ქართული ღვინო. ხშირად სტუმრობს საქართველოს სხვადასხვა რეგიონს. შემოდგომაზე კახეთი მოინახულა, ყვარლის ტბამ წარუშლელი შთაბეჭდილება დატოვა მასზე და გადაწყვიტა, რომ გაზაფხულზე თავის უცხოელ მეგობრებსაც უმასპინძლოს. მოგზაურობის კულმინაცია, ბუნებრივია, აჭარა იქნება – რეგიონი, რომელიც განსაკუთრებით უყვარს და მისთვის მეორე სახლია. უყვარს მხატვრობა, აქტიურად ეცნობა ქართველი მხატვრების ნამუშევრებს, შერჩევის პროცესშია და სულ მალე რამდენიმე ქართველი მხატვრის ნამუშევრის შეძენას გეგმავს.
რონი სოლბერგს ჰყავს მეუღლე და სამი შვილი. უფროსი ვაჟი ინჟინერია, ქალიშვილი საინჟინრო ფაკულტეტზე სწავლობს და მამის მსგავსად ჰიდროენერგო სექტორში აპირებს მუშაობას. უმცროსი 19 წლის არის, სერფინგის სკოლაში სწავლობს და გადაწყვეტილების მიღების პროცესშია, თუ რა პროფესიის არჩევა სურს სამომავლოდ. უმცროსი შვილისგან განსხვავებით რონი სოლბერგის გატაცება თხილამურებზე სრიალი და მოტოციკლეტია (ასპარეზობების 11-ჯერ გამარჯვებული). სულ ახლახანს მოინახულა გოდერძის უღელტეხილი და თვლის, რომ ერთ-ერთი საუკეთესო ადგილია, რომელსაც განვითრების დიდი პოტენციალი გააჩნია.
რონი სოლბერგი ნორვეგიის ქალაქ ოსლოსთან ახლოს, ტყის პირას ცხოვრობს. სახლში ცოტა დროს ატარებს, რადგან თვისი საქმიანობიდან გამომდინარე, ძირითადად, საზღვარგარეთ უწევს ცხოვრება. უყვარს სახლში ლუდის მოხარშვა და მეგობრების გამასპინძლება.
რონი სოლბერგი ენერგოკომპანია აჭარისწყალი ჯორჯიას 2015 წლიდან ჩაუდგა სათავეში, AGL-ი ქვეყანაში ერთ-ერთ უმსხვილეს საინვესტიციო-ინფრასტრუქტურულ პროექტს, შუახევიჰესის კასკადს აშენებს. პროექტის განხორციელებაზე ის ქართველ და უცხოელ კოლეგებთან ერთად მუშაობს.
მის სახელს წარმატებული ჰიდროენერგო პროექტების განხორციელება უკავშირდება. ახლა საქართველოში ერთ-ერთი ყველაზე დიდ, კომპანია „აჭარისწყალი ჯორჯიას“ საინვესტიციო-ინფრასტრუქტურულ პროექტს, შუახევიჰესის მშენებლობას ხელმძღვანელობს. ამ ინვესტიციის ჯამური მოცულობა 416 მილიონი დოლარია. რონი სოლბერგი წარმოშობით ნორვეგიელია, საქართველოში ჩამოსვლამდე არაერთი კომპანიის აღმასრულებელ გუნდს ხელმძღვანელობდა. ინტერვიუში რონი სოლბერგი თავის ქართულ გამოცდილებაზე საუბრობს.
ბატონო რონი, როგორია გუნდი, რომელსაც საქართველოში ხელმძღვანელობთ?
ეს არის გუნდი, რომელსაც ნებისმიერი გამოწვევის დაძლევა შეუძლია. AGL-ის გუნდის უმეტეს ნაწილს, როგორც იცით, ქართველები შეადგენენ. როცა პროექტს უცხო ქვეყანაში ახორციელებ, მნიშვნელოვანია კარგად იცნობდე ამ ქვეყნის ტრადიციებს, კულტურას, გარემოს, სხვაგვარად წარმატებული კომუნიკაცია ვერ შედგება. საქართველოში რომ ჩამოვედი, პირველი რაც გვაკეთე, დავიწყე ამ ქვეყნის გაცნობა. ეს არის საოცარი ქვეყანა, სადაც ცხოვრობენ: ემოციური, საინტერსო, ღრმა, განსაკუთრებული ადამიანები. ქართველი თანამშრომლების ცოდნა, განათლება, გამოცდილება, პროფესიონალიზმი, მნიშვნელოვნად განსაზღვრავს პროექტის წარმატებას.
თქვენი საქმიანობა მეტწილად ტექნიკურ პროცესთან ასოცირდება, რამდენად არიან ქალები წარმოდგენილი თქვენს კომპანიაში?
სიამაყით მინდა ვთქვა, რომ კომპანიის ქართველი თანამშრომლების 60% ბათუმში, ხოლო 100% თბილისში სწორედ ქალები შეადგენენ, ნაწილს მენეჯერული პოზიციები უჭირავთ, ნაწილი კი კომპანიის მმართველ გუნდშია წარმოდგენილი. აღსანიშნავია, რომ, როგორც საქართველოს ენერგეტიკის სამინისტროში, ასევე, ზოგადად, სექტორში, მრავლად არიან წარმოდგენილი ქალბატონები, რომლებიც სიღრმისეულად ფლობენ ტექნიკურ დეტალებსაც კი, რაც უაღრესად მისასალმებელია, რადგან, უფრო ხშირად ამ სფეროსადმი მეტ ინტერსს მამაკაცები ამჟღავნებენ. ვისურვებდი მეტი და მეტი ქალი მეხილა ენერგეტიკით დაინტერესებული.
საქართველო განვითარებადი ქვეყანაა. კომპანიებში თანამედროვე მართვის მეთოდები თანდათან ფუძნდება და ვითარდება. თქვენ მენეჯერულ პოზიციებზე მუშაობის მრავალწლიანი გამოცდილება გაქვთ. თქვენი აზრით, რა არის პირველი ნაბიჯი რასაც მენეჯერი დგამს, როცა კომპანიის სათავეში დგება?
უპირველეს ყოვლისა სწავლობ კომპანიის საჭიროებებს, მაგრამ ზოგადი შეფასებიდან გამოვყოფდი ერთ მნიშვნელოვან ფაქტორს, რომელიც ნებისმიერი კომპანიისთვის უმთავრესია წარმატების მისაღწევად – დიდ კომპანიას ხელმძღვანელობ თუ პატარას, საშუალო რგოლის მენეჯერი ხარ თუ მმართველ რგოლს მართავ, პირველი ნაბიჯია – ააშენო გუნდი, სადაც ყველას საკუთარი შესაძლებლობის მაქსმალურად გამოვლენის საშუალება მიეცემა, უნდა დაინახო, შეისწავლო და მისცე შენი გუნდის ყველა წევრს საშუალება აკეთოს ის, რაც ყველაზე უკეთ გამოსდის.
ეს, რასაკვირველია, არ არის მარტივი პროცესი, თუმცა წარმატებული და მოტივირებული გუნდის გარეშე შეუძლებელია წარმატებული პროექტები განხორციელდეს.
ჯერ კიდევ ბევრი მენეჯერი არ მიჩნევს მნიშვნელოვნად კომპანიის შიდა საკომუნიკაციო არხების დანერგვას ან გაუმჯობესებას. თქვენ კომპანიაში რამდენად განვითარებულია ეს მიმართულება?
ეს არის პროცესი, რომელიც მუდმივად საჭიროებს დახვეწა-განვითარებას ტექნოლოგიური პროგრესის კვლადაკვალ. ძალიან მნიშვნელოვანია შიდა საკომუნიკაციო არხების საშუალებით თანამშრომლები მუდმივად იყვნენ ინფორმირებული კომპანიაში მიმდინარე პროცესების შესახებ, დაუშვებელია გარე არხების საშუალებით იგებდნენ კომპანიის მიღწევების ან გამოწვევების შესახებ. ჩვენ ამ მხრივ თითქმის ყველა ტექნოლოგიურ საშუალებას ვიყენებთ. გარდა ამისა, მე მიმაჩნია, რომ პირისპირ კომუნიკაცია ყველაზე ეფექტურია ამ პროცესში. სწორედ ამიტომ ძალიან ხშირად ამ ხერხს მივმართავთ.
რა იქნება თქვენი, როგორც მრავალწლიანი გამოცდილების მქონე CEO-ს რჩევა ქართველი მენეჯერებისთვის?
მე მიმაჩნია, რომ კომპანიის მმართველს მუდმივად უნდა ჰქონდეს იმის შეგრძნება, რომ კომპანიის როგორც წარმატება, ასევე მარცხი, შენი პასუხისმგებლობის ნაწილია და ვერ იქნება ის ცალკეული თანამშრომლის ან განყენებულად გუნდის ბრალი. კომპანიის თითოეული თანამშრომელი უნდა გრძნობდეს თავს კომპანიის ნაწილად და მუდმივად უნდა ჰქონდეს განცდა, რომ კომპანიის წარმატების მონაწილეა. მიეცით თანამშრომლებს საშუალება იგრძნონ პასუხისმგებლობა და მიიღონ გადაწყვეტილებები თავისი კომპეტენციის ფარგლების შესაბამისად.
და რაც ყველაზე მნიშვნელოვანია ყოველთვის გამონახეთ დრო და მოუსმინეთ თქვენს თანამშრომლებს.
ბათუმში, ხიმშიაშვილის ქუჩაზე, მაკდონალდსთან ახალაშენებულ კორპუსში სასწრაფოდ იყიდება სტუდიოს ტიპის ოროთახიანი, 53 კვ.მ ბინა ყველა პირობით. ფასი: 48 000 დოლარი. შესაძლებელია შეთანხმება გადახდის ვადებზე.
ბათუმში იყიდება ბინა 103 კვ. მ. (სადარბაზოში 5 კვ.მ სათავსო). აქვს 2 საძინებელი, სტუდიო, აივანი ზღვის ხედით, ზალა, შესასვლელი. სამზარეულოს ავეჯი რჩება. ბუნებრივი გაზი გაყვანილია აივანზე (საჭიროების შემთხვევაში). ფასი: 85 000 დოლარი.
ბათუმში, ხიმშიაშვილის ქუჩაზე, ქირავდება ერთოთახიანი ბინა ახალაშენებულ კორპუსში, უზრუნველყოფილი ევრორემონტით, გათბობით, აივნით, ავეჯით, სიგნალიზაციით, ცხელი წყლით, ინტერნეტით, კონდიციონერით, უმაღლესი ხარისხის ტექნიკით. ფასი: 350დოლარი.
ე.წ. ყვითელი 50-თეთრიანი მონეტების ყიდვა-გაყიდვაზე სოციალურ ქსელებში დაწყებულმა აჟიოტაჟმა მოსახლეობაშიც გადაინაცვლა. ამ ინფორმაციების მიხედვით, თითქოს ერთ მონეტაში 10 ლარიდან 100 დოლარამდეც კი იხდიან. ყველაზე უფრო გავრცელებული ვერსიით, მონეტა შეიცავს ღირებულ ლითონს და ის გასაყიდად საქართველოდან თურქეთში გააქვთ.
საქართველოს ეროვნული ბანკის ინფორმაციით, აღნიშნული მონეტები მოჭრილია 1993 წელს, მიმოქცევაშია 1995 წლიდან, წონა – 2,5 გრ, დიამეტრი – 19 მმ, სისქე 1,4 მმ. მონეტის შემადგენლობა – სპილენძის შენადნობი ოქროსფერი და ის სხვა რაიმე ღირებულ ლითონს არ შეიცავს.
„ეს შეიცავს სპილენძის შენადნობს, რომელსაც სამონეტო მეტალს უწოდებენ ზოგადად და ბევრი ქვეყანა იყენებს. რაიმე განსაკუთრებული ღირებულება მას არ გააჩნია. ნუმიზმატიკური თვალსაზრისითაც, იქედან გამომდინარე, რომ ძალიან დიდი რაოდენობით არის თავის დროზე მიმოქცევაში გაშვებული, ალბათ ამ კუთხითაც არ არის ღირებული თუ საინტერესო“, – განაცხადა „ბათუმელებთან“ ეროვნული ბანკის თანამშრომელმა ნანა კობერიძემ.
ეროვნულ ბანკში ამბობენ, რომ მონეტების ყიდვა-გაყიდვის შესახებ მათაც სოციალური ქსელებიდან იციან და ფიქრობენ, რომ ეს, უბრალოდ, რაღაც პანიკა და აჟიოტაჟია ვიღაცის მხრიდან ატეხილი და კონკრეტულად თუ რა ხდება, ამისი თქმა არ შეუძლიათ: „თუმცა, ისიც დაიწერა ქსელში, რომ იმ ნომრებზე, რაც მითითებული აქვთ, იმათ, ვინც თითქოს შეისყიდდა მონეტებს, არ პასუხობენ ან გათიშულია“.
ოქროსფერი 50-თეთრიანი მონეტები 2017 წლის ბოლომდე დარჩება მიმოქცევაში. ეროვნული ბანკის ინფორმაციით, მისი მიმოქცევიდან ამოღების მიზეზი მხოლოდ ისაა, რომ 2006 წელს მოიჭრა ახალი, ვერცხლისფერი მონეტები.
ეროვნულ ბანკში აცხადებენ, რომ ოქროსფერი მონეტების ამოღება გრძელდება და ამოღებული მონეტების ბედს ბანკი მას შემდეგ გადაწყვეტს, რაც ამ მონეტების მიმოქცევაში ყოფნის ვადა ამოიწურება.
ოქროსფერ, სამონეტო მეტალს ასევე შეიცავს 2-ლარიანი მონეტები – შიდა რკალის შემადგენლობა: სპილენძი-ალუმინი-ნიკელი-ოქროსფერი; ასევე 10-ლარიანი [ქრისტეშობის 2000 წლისადმი და საქართველოს სახელმწიფოებრიობის 3000 წლისადმი მიძღვნილი ბიმეტალური] მონეტები -გარეთა რკალი: სპილენძი-ნიკელი-თუთია–ოქროსფერი.
ბათუმის შოთა რუსთაველის სახელმწიფო უნივერსიტეტის თვითმმართველობასთან ურთიერთთანამშრომლობის ფარგლებში, საერთაშორისო ახალგაზრდული ორგანიზაცია “AIESEC”-ის ორგანიზებით, ბსუ-ს სტუდენტებისთვის ჩატარდება ექვსკვირიანი უფასო ტრენინგ-კურსი ინგლისურ ენაში.
პროექტის მიზანს სამეტყველო ინგლისურის გაუმჯობესება და ლიდერული უნარ-ჩვევების განვითარება წარმოადგენს.
როგორც ბსუ-ს თვითმმართველობის მიერ გავრცელებულ ინფორმაციაში ვკითხულობთ, ტრენინგ-კურსს გაუძღვება უცხოელი სტაჟიორი.
პროექტში მონაწილეობის აუცილებელი წინაპირობა ინგლისური ენის ელემენტარულ დონეზე ფლობაა. მონაწილეობის მსურველებს, დღეს, 10 მარტს, 18:00 საათზე, უნივერსიტეტის 238-ე აუდიტორიაში შეუძლიათ გასაუბრების გავლა.
შინაგან საქმეთა სამინისტროს აჭარის პოლიციის დეპარტამენტის ბათუმის საქალაქო სამმართველოს თანამშრომლებმა, განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით, 1990 წელს დაბადებული, თურქეთის რესპუბლიკის მოქალაქე დორუქან ქ. ბათუმში დააკავეს.
სამართალდამცველებმა დაკავებულის პირადი ჩხრეკისას 49 აბი „ექსტაზი“ და 1,4134 გრ გამომშრალი მარიხუანა ამოიღეს. შსს-ს ინფორმაციით ბრალდებული აღიარებს ჩადენილ დანაშაულს.
გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს (საქართველოს სსკ-ის 260-ე მუხლის მე-6 ნაწილის „ა“ ქვეპუნქტით).
11 მარტს, 19:00 საათზე, გამომცემლობა მაღაზიაში – „წიგნები ბათუმში“ სამი ახალი წიგნის – შერონ მ. დრეიპერის რომანი „გონების მიღმა“, სარა შეფარდის “პატარა საყვარელი მატყუარები” და ისააკ მერიონის “თბილი სხეულები” – პრეზენტაცია გაიმართება.
მკითხველებს შესაძლებლობა ექნებათ, გაესაუბრონ ერთ-ერთი წიგნის, „თბილი სხეულების” მთარგმნელ დავით ბალიაშვილს.
პრეზენტაციის განმავლობაში 30%-იანი ფასდაკლებით გაიყიდება ეს და სხვა, ექვსი დასახელების წიგნი.
11 მარტს 18:00 საათზე ბათუმში NIMD-ის დემოკრატიის სკოლაში „ადამიანის უფლებების სწავლებისა და მონიტორინგის ცენტრი” [EMC] დისკუსიას გამართავს, თემაზე – საჯარო სივრცის ლიბერალურ-დემოკრატიული მოდელი: პერსპექტივა და გამოწვევები.
დისკუსიაზე მოხესენებას გააკეთებენ კასელის უნივერსიტეტის დოქტორანტი ბაია ჯანელიძე, „სოციალური და კულტურის კვლევების ინსტიტუტის“ მკვლევარ-ასისტენტი და მთარგმნელი თორნიკე ჭუმბურიძე და EMC-ის პოლიტიკური უფლებების პროგრამის დირექტორი, თამთა მიქელაძე.
დისკუსია იმართება პროექტის „მარგინალიზებული ჯგუფების უფლებების დაცვის მხარდაჭერა სამოქალაქო განათლებისა და საჯარო დისკუსიების წახალისების გზით“ ფარგლებში, რომელიც ხორციელდება კანადის საელჩოს ადგილობრივი ინიციატივების ფონდის მხარდაჭერით.
„ჩვენმა ხალხმა დაამარცხა კომუნიზმი, დაამარცხა ფაშიზმი და დაამარცხებს ლიბერალიზმსაც“, – განაცხადა ბიზნესმენმა ლევან ვასაძემ პარლამენტში, განათლების კომიტეტში ახალი სახელმძღვანელოს მოდელის „მე და საზოგადოებას“ განხილვის დროს. ის და მისი თანამოაზრეები ეწინააღმდეგებიან სკოლაში ისეთი ცნებების შეტანას, როგორიცაა: ლიბერალური ღირებულებები, ტოლერანტობა და გენდერული იდენტობა. რას ნიშნავს ლიბერალიზმის დამარცხება განათლებაში და რას მიიღებს ამით საზოგადოება. ამ თემაზე „ბათუმელები“ ბათუმის მე-2 საჯარო სკოლის პედაგოგს ქეთი პაპავას ესაუბრა.
ქალბატონო ქეთი, განათლების სისტემაში მიმდინარე პროცესების დროს, თუნდაც „მე და საზოგადოებას“ განხილვა ავიღოთ, ყველაზე ნაკლებად ისმის პედაგოგების ხმა. ხოლო ის ძალები, რომლებიც ყველაზე მეტად აქტიურობენ, აცხადებენ, რომ დაამარცხებენ ლიბერალიზმს განათლებაში. თქვენ როგორც პედაგოგი, ხედავთ თუ არა საფრთხეს ამაში და როგორი იქნება განათლება ლიბერალიზმის გარეშე?
ლიბერალიზმის ფაშიზმთან შედარება არის მომაკვდინებელი რამ, რადგან ევროპული ღირებულებები სხვა არაფერია, თუ არა ის ღირებულებები, რაც ქართველს ოდითგანვე ჰქონდა. იგივე აღმაშენებელი ავიღოთ, ვისითაც მოგვაქვს ხოლმე თავი, მისი პოლიტიკაც იმაში მდგომარეობდა, რომ ქვეყანა სახელმწიფოებრივად ყოფილიყო ძლიერი, განათლებული და ადამიანებს ჰქონოდათ იმის განცდა, რასაც დღეს სამოქალაქო თვითშეგნებას ვეძახით. ამიტომ, ეს საგანი სკოლებში გაცილებით ადრე უნდა შემოგვეტანა. გული მწყდება იმაზე, როცა ქვეყანაში გვყავს პოლიტიკოსები თუ საზოგადო მოღვაწეები, რომლებიც მსგავსი განცხადებებით გამოდიან. დარწმუნებული ვარ, მათ კარგად იციან რაში მდგომარეობს ამ საგნის როლი, მაგრამ მაინც პოლიტიკური ქულების დაწერის მიზნით ლაპარაკობენ ასე.
ის მწერლები, ვისითაც ქართული საზოგადოება ამაყობს, იქნება ეს ილია ჭავჭავაძე, ვაჟა-ფშაველა თუ მიხეილ ჯავახიშვილი, სწორედ ლიბერალურ ღირებულებებს ეფუძნებიან. ლიბერალიზმთან ბრძოლა ნიშნავს თუ არა ამ ადამიანების იდეებთან ბრძოლას?
სწორედ ამის თქმა მინდოდა, ჩვენ ვასწავლით მოზარდებს „ვეფხისტყაოსანს, „ალუდა ქეთელაურს, „სტუმარ-მასპინძელს“, ამათ აფორიზმებზე ვზრდით თაობას. ის ფასეულობები, რასაც ჩვენი საამაყო მწერლები გვასწავლიან, სხვა არაფერია თუ არა ლიბერალური ფასეულობები. თუ ჩვენ ამის გვეშინია, მაშინ გამოდის, რომ ჩვენ ერი უნდა მოვკლათ. 21-ე საუკუნეში ვერ ვასწავლით ბავშვებს იმას, რასაც გვასწავლიდნენ ჩვენ. მე-3, მე-4 კლასი ის საფეხურია, რომელსაც დიდი მნიშვნელობა აქვს შემდგომში ზრდასრული ადამიანის ჩამოყალიბებაში.
ლიბერალიზმი, ტოლერანტობა და ა.შ. ეს არის სიახლე, თუ იმის გახსენება, რაც დაგვავიწყა საბჭოთა კავშირმა, საბჭოთა განათლებამ?
ხშირად, რასაც ჩვენ ქართულ ტრადიციას ვეძახით, არის 70-წლიანი მანკიერი საბჭოთა პოლიტიკის შედეგი, რომელსაც ძლივს დავაღწიეთ თავი, თუმცა საზოგადოების რაღაც ნაწილში ამის ნოსტალგია ჩაბუდებულია. რის სწავლაზე მიდის საუბარი? მშობლისა და შვილის, მასწავლებლისა და მოსწავლის ურთიერთობაზე, თანატოლებთან ურთიერთობაზე, როგორი უნდა იყოს სხვადასხვა ინსტიტუციასთან ურთიერთობა, რა სახელმწიფო სიმბოლოები არსებობს, რა საგზაო ნიშნებით უნდა ისარგებლონ ბავშვებმა, როგორ უნდა გამოიყენონ საინფორმაციო ტექნოლოგიები და ა.შ. ამას ეძახიან ჩვენი ოპონენტები გარყვნას? ჩვენ უნდა ვუთხრათ ბავშვებს რა არის სიმართლე. თუ ტაბუირებულს გავხდით თემას, ეს უფრო მიმზიდველი გახდება მათთვის. თუ მივაწვდით რეალურ ინფორმაციას, უფრო დაცულები იქნებიან. მოზარდებმა არ უნდა იცოდნენ მათი სხეული რა ცვლილებას განიცდის სხვადასხვა ეტაპზე? „არ გვასწავლიდნენ, მაგრამ ვიცოდითო“ რომ გვეუბნებიან, სწორედ ამას იმკის ჩვენი თაობა. დავაკვირდეთ როგორია ნაადრევად ოჯახების შექმნის და შემდეგ ნგრევის სტატისტიკა. რამდენად მაღალია ოჯახში ძალადობა, გაუცხოება. ეს ყველაფერი გადაჯაჭვულია ერთმანეთს. დღეს ყველა კარგ მასწავლებელს ინტეგრირებული აქვს გაკვეთილი. მეც ინგლისურის სპეციალისტი ვარ, მაგრამ ათიდან ცხრა გაკვეთილი ინტეგრირებული მაქვს სამოქალაქო განათლების საკითხებთან. განათლების სისტემაში ჩადებულია სწავლა-სწავლების პრინციპი, რაც არის განსხვავებულობა, მრავალფეროვნება, მომავალი პროფესიის არჩევანი და ა.შ. რა არის ამ ყველაფრის სწავლებაში ცუდი?
ბავშვები პატარაობიდანვე სარგებლობენ ინტერნეტით, ფილმებს უყურებენ და ბევრი კითხვა შეიძლება გაუჩნდეთ ადრეულ ასაკში. იმის თქმა, რომ მეოთხეკლასელთან სამოქალაქო თემებზე საუბარი ნაადრევია ან გარყვნილებისკენ ვუბიძგებთ, რეალობაა თუ დემაგოგია?
ჩვენი ერი არ გადაგვარებულა კომუნიზმის დროს, როცა მართლა მიზანმიმართულად მუშაობდნენ, მით უმეტეს ახლა არ მოხდება ეს. თანამედროვე ბავშვი ინფორმაციით იბადება და განსხვავებულად ვითარდება. მათთვის „პლანშეტის“, ინტერნეტის გარეშე ყოფნა იგივეა, რაც ჩვენთვის 90-იანებში შუქის გათიშვა იყო. ამიტომ აუცილებელია ამ პროცესის სწორად წარმართვა და არა სირაქლემას პოზაში დგომა.
ხომ არ გაიხსენებთ კონკრეტულ კითხვებს, რასაც ბავშვები ხშირად სვამენ და რის განმარტებასაც ეწინააღმდეგებიან დღეს ცალკეული პირები?
ბავშვები კითხვებს სვამენ ხშირად ბიოლოგიურ პროცესებთან დაკავშირებით. დღეს იმდენად სწრაფად მიმდინარეობს აქსელერაცია მოზარდებში, რომ აუცილებელია ამ ტემპს მშობლებმა და პედაგოგებმაც ავუღოთ ალღო. თუ მე მსგავს საკითხებზე კითხვები მიჩნდებოდა 14-15 წლის ასაკში, დღეს უკვე 8-9 წლის ასაკში აქვთ მსგავსი კითხვები. ვფიქრობ, გოგონამაც და ბიჭმაც უნდა იცოდეს რა ცვლილებები ხდება ადამიანის ორგანიზმში სხვადასხვა ეტაპზე და რა სირთულეები ახლავს ამას. რას განიცდის დედა შვილის დაბადებისას და რა შეიძლება მოჰყვეს დაუცველ სექსუალურ ურთიერთობას.
გენდერი, სექსუალური უმცირესობა, ლიბერალიზმი, ტოლერანტობა, – როდის უნდა განვუმარტოთ ბავშვებს ამ სიტყვების მნიშვნელობა, როცა კითხვები ჩნდება, თუ კონკრეტულ ასაკს უნდა დაველოდოთ?
შეკითხვა უპასუხოდ არ უნდა დავტოვოთ, რა ასაკშიც არ უნდა გაჩნდეს ის. რა ფორმით ავუხსნით, ეს მეთოდიკაზეა დამოკიდებული. ჩემმა შვილებმა იციან, რომ შვილი შეიძლება ჰყავდეთ ერთი და იმავე სქესის ადამიანებსაც, რადგან არსებობს ხელოვნური განაყოფიერება. ჩვენი შვილები უსმენენ მუსიკას, უყურებენ ფილმებს, მათი საყვარელი მომღერლების, მსახიობებისა თუ მწერლების ცხოვრებას ეცნობიან და ასეთი კითხვები აუცილებლად გაჩნდება. თუ ჩვენ გვინდა ბავშვების სწორად აღზრდა, უნდა მივცეთ მათ ზუსტი ინფორმაცია. აღზრდა ეს არის მოდელირება. ცნობილი ფორმულაა განათლებაში: მითხარი – გავიგონებ, მაჩვენე – დავიმახსოვრებ, გამაკეთებინე – სამუდამოდ ჩაჯდება ჩემს უნარ-ჩვევებში. ჩვენ თუ კარგი მოდელები არ ვიქნებით, რაც არ უნდა ვიძახოთ – პატივი უნდა სცეს შვილმა მშობელს ან ქმარმა ცოლს, არაფერი გამოვა. სკოლას დიდი როლი აქვს პიროვნების ფორმირებაში. „თქვენი უფრო სჯერა“, – ხშირად გვესმის მშობლებისგან. თუ არ განვავითარეთ უნარები, სრულფასოვან მოქალაქეს ვერ გავზრდით. სკოლა ასწავლის თანადგომას, მოთმინებას და ამით ვზრდით მდგრად სოციალურ ფენას, რომელიც მზად იქნება დაიცვას ის ღირებულებები, რაც სახელმწიფოს უნდა ჰქონდეს.
თქვენი აზრით, რა შეცდომებს უშვებს განათლების სამინისტრო ამ თემების განხილვისას?
მომწონს, რომ განათლების სამინისტრო არის ღია და სირთულეების მიუხედავად მიმდინარეობს დისკუსია, მაგრამ სამინისტროს არ უნდა დაავიწყდეს, რომ განათლების პოლიტიკის გამტარებელი არის თვითონ. ვფიქრობ, შეძლებს დაუმტკიცოს ყველა ოპონენტს, რატომ არის „მე და საზოგადოებას“ სწავლება აუცილებელი სკოლაში.
მასწავლებლები რატომ არჩევენ დუმილს? იმიტომ ხომ არა, რომ მათაც არ აქვთ ბოლომდე ჩამოყალიბებული ფასეულობათა სისტემა?
სკოლა, პედაგოგები, მმართველი გუნდი უნდა იყოს ერთიანი ამ საკითხებზე. როცა ერთი მასწავლებელი ამბობს, „ეს არის შავი“, მეორე – „ნაცრისფერი“, თავისთავად იხლიჩება ფასეულობები, ამიტომ პედაგოგები საერთო ღირებულებებით უნდა საზრდოობდნენ. ასევე, სკოლა მთლიანად უნდა დაიცალოს პოლიტიკური და რელიგიური გავლენებისგან, – არასწორი და ზედმეტი ჩარევით რელიგიის დემონიზაციასაც ვახდენთ და ადამიანებს რწმენის ნაცვლად საპირისპიროსკენ ვუბიძგებთ. სკოლა უნდა იყოს მედიატორი, უნდა ვასწავლოთ მოსწავლეებს, რომ ჩვენს ქვეყანაში არსებობენ განსხვავებული მრწამსის, აზრის, კანის ფერისა და ფიზიოლოგიურად განსხვავებული ადამიანები.
ბათუმის მუნიციპალიტეტის ა(ა)იპ-ებში დასაქმებულთა რაოდენობა 218 საშტატო ერთეულით გაიზარდა. აქ დასაქმებისთვის კონკურსის გამოცხადება სავალდებულო არ არის. წლების განმავლობაში ა(ა)იპ-ები მმართველი პოლიტიკური ძალის პოლიტიკური აქტივისტების დასაქმების ადგილად სახელდება. სასამართლო პროცესებს იგებენ ა(ა)იპ-ებიდან გათავისუფლებული თანამშრომლებიც, რომლებიც ამბობენ, რომ ისინი პოლიტიკური ნიშნით გაათავისუფლეს.
რისთვის იყენებს ა(ა)იპ-ებს ბათუმის მუნიციპალიტეტი – ამ თემაზე პარასკევს, 5 საათზე, ბათუმის დემოკრატიული ჩართულობის ცენტრში გაიმართება პოლიტიკური დისკუსია, რომლის მომხსენებლები იქნებიან: ირაკლი მიქელაძე – ბათუმის საკრებულოს ფრაქცია „ქართული ოცნების“ თავმჯდომარე, კობა ჩხეიძე – ბათუმის საკრებულოს ფრაქცია „თავისუფალი დემოკრატების“ თავმჯდომარე და ჯუმბერ კახიძე – ბათუმის საკრებულოს წევრი, ფრაქცია „ერთიანი ნაციონალური მოძრაობა“.
დისკუსიის ორგანიზატორია „თავისუფალ ჟურნალისტთა სახლი“. დისკუსიაზე დასწრება თავისუფალია.
სარფში მიმდინარე სამუშაოები ავტომაგისტრალის სავალი ნაწილის 5 მეტრით ზღვისკენ გაფართოვებას ითვალისწინებს. 342 მეტრ სიგრძეზე აშენდება ბეტონის ტალღამრიდი კედელი გზის დასაცავად. ამ კედელსა და ზღვას შორის პლაჟზე კი დამატებით ამ ბოლოს შეტანილია 92 300 კუბ/მ ბალასტი [ქვიშა].
ბალასტის შეტანა სასაზღვრო გამშვები პუნქტის შენობასთან გამაგრებითი სამუშაოების ჩატარებისთვისაც გახდა საჭირო – პლაჟზე გაკეთდა დროებითი გზა, შენობასთან მისასვლელად. მშენებელ კომპანიაში აცხადებენ, რომ ეს გზა დარჩება პლაჟზე და ზღვის შტორმის დროს ამ ქვიშის ხარჯზე პლაჟიც გაფართოვდება.
„სარფში გზის გაფართოვების პროექტი უკვე დამტკიცებულია, ველოდებით ლიცენზიის გაგრძელებას ინერტული მასალების მოსაპოვებლად, შემოტანილი იქნება საჭირო სამშენებლო მასალებიც და სადღაც ერთ კვირაში სამუშაოები განახლდება“ – განაცხადა „ბათუმელებთან“ სამშენებლო უბნის უფროსმა ზვიად სანიკიძემ. მისივე თქმით, ზღვის სეზონის დაწყებამდე სამუშაოები აუცილებლად დასრულდება.
ტალღამრიდი კედელი იქნება 9,3 მეტრი სიმაღლის, აქედან 2,5 მეტრი ზღვის დონეზე დაბლა, ხოლო მაგისტრალის სავალი ნაწილიდან პარაპეტის დონეზე. პარალელურად გაგრძელდება ბეტონის ტეტრაპოდების ჩაწყობა ზღვის სანაპიროზე კვარიათის მიმართულებით.
კვარიათსა და სარფში ზღვის სანაპირო ზოლის გასწვრივ აღდგენა-გამაგრების, ქვის ცვენისგან დაცვისა და ფერდობების გამაგრების სამუშაოებს, საქართველოს რეგიონული განვითარებისა და ინფრასტრუქტურის სამინისტროს დაკვეთით, შპს „სახელმწიფო სამშენებლო კომპანია“ ახორციელებს, რომლის 100% წილის მფლობელიც სახელმწიფოა. მთლიანობაში, გზის აღნიშნულ მონაკვეთზე შესრულებული და დაგეგმილი სამუშაოებისთვის, პროექტით 58 758 920 ლარია გათვალისწინებული.
ორივე ფოტო ბათუმში, კ. გამახურდიასა და ზუბალაშვილების ქუჩების კვეთაშია გადაღებული. განსხვავება დროშია. დღეს ზუბალაშვილის 17-ში მდებარე სახლი სიმაღლეში იზრდება, ჭადრები კი პალმებმა ჩაანაცვლა.
„მოსახლეობის კოლექტიური განცხადება იყო შემოსული და მოითხოვეს ხეების მოჭრა. მანამდეც გვქონდა ეს ხეები მონიშნული, რადგან ძალიან დაზიანებული იყო,“ – გვითხრა ბათუმის მერიის გამწვანების სამსახურის უფროსმა ეთერ მაჭუტაძემ.
იგივე დაგვიდასტურეს ზუბალაშვილის 17-ში. მოსახლეობის თქმით, ჭადრები შემაწუხებელი იყო, ხოლო პალმები თავად დარგეს მას შემდეგ, რაც გამწვანების სამსახურისგან ნეკერჩხლის პატარა ნერგების დარგვის შეთავაზება მიიღეს.
რატომ აღმოჩნდა გადამწყვეტი კონკრეტულ მისამართზე მცხოვრები ადამიანების აზრი, როცა ხე საზოგადოებრივ სივრცეში, ტროტუარზე უნდა დარგულიყო? „არც აქვთ უფლება, მაგრამ როცა იქ ნეკერჩხლის ნერგები მივიტანეთ, გამოვიდა 15-20 კაცი და უარი გვითხრა. ჩვენც კონფლიქტს ავარიდეთ თავი,“ – ამბობს „ბათუმელებთან“ ეთერ მაჭუტაძე.
არის თუ არა განსაზღვრული, რა უნდა დაირგოს ბათუმის ქუჩებში? ბათუმის მერიის გამწვანების სამსახურის უფროსი ირწმუნება, რომ რეგულაცია არსებობს და ნარგავებიც ერთ სისტემაში ეტაპობრივად მოექცევა: „მაგ ქუჩაზე ბევრი რამაა შესაცვლელი გამწვანების კუთხით. აუცილებლად ჩავანაცვლებთ ამ პალმებსაც“
გამწვანების სამსახურის ინფორმაციით, წელს მერიაში სულ 36 განცხადებაა შესული ხეების მოჭრაზე. აქედან 6 არ დაკმაყოფილდა, ხოლო 12 შემთხვევაში კერძო საკუთრება დადგინდა. ამავე სამსახურის ინფორმაციით, გასულ წელს, ბათუმის ტერიტორიაზე 151 განცხადება დაიწერა ხის მოჭრის მოთხოვნით და აქედან მხოლოდ შვიდს ეთქვა უარი. „მოჭრილი ხეების დიდი ნაწილი გონიო-სარფის, ასევე მახინჯაურში მდებარეობდა,“ – უთხრა „ბათუმელებს“ გამწვანების სამსახურის თანამშრომლემა ავთანდილ ტარიელაძემ.
9 მარტს, საქართველოში თურქეთის საკონსულოს ინიციატივით, აჭარაში მომუშავე თურქ მეწარმეებს საგადასახადო კანონმდებლობაზე, ასევე საბაჟოდა მცირე ბიზნესთან დაკავშირებულ რეგულაციებზე განმარტებები მიაწოდეს.
სასტუმრო „ლეო გრანდში“ ბიზნესმენებს შემოსავლების სამსახურის უფროსის მოადგილე ვახტანგ ლაშქარაძე, საბაჟო დეპარტამენტის უფროსი ვლდიმერ ხუნდაძე და მომსახურების დეპარტმენტის უფროსი გიორგი ბუბუტეიშვილი შეხვდათ.
თურქეთის საკონსულოს განმარტებით, შეხვედრის მიზანი თურქი ბიზნესმენების საგადასახადო ინფორმირებულობის ამაღლებაა, თუმცა რამდენიმე ბიზნესმენმა პრობლემაზეც გაამახვილა ყურადღება.
მაგალითად, კომპანია „ჯეო ფაბრიკის“ ხელმძღვანელმა, საინ მიშიდმა თქვა, რომ ვერ იღებს ევრო სერთიფიკატს ძაფზე, რომელსაც საქართველოში აწარმოებს. ამ სერთფიკატის გარეშე კი პროდუქტი ვერ გადის ევროპის ეკონომიკურ ზონაში.
„სერთიფიკატს მიიღებს ის მწარმოებელი, ვისაც ნედლეული შემოაქვს ევროკავშირის ქვეყნებიდან, ან ეს ნედლეული საქართველოშია შექმნილი“ – განმარტა შემოსავლების სამსახურის უფროსის მოადგილე ვახტანგ ლაშქარაძემ. მისი შეფასებით, ამ შეხვედრაზე არ დასმულა ისეთი საკითხი, რამაც სისტემური ხარვეზი, ან პრობლემა გამოავლინა. „ბიზნესმენებს ამომწურავად განვუმარტეთ მათთვის საინტერესო საკითხები“ – ამბობს ვახტანგ ლაშქარაძე.
10 მარტს ბათუმის 26-ე საჯარო სკოლაში შეზღუდული შესაძლებლობის მქონე ჯგუფებისათვის შემოქმედებითი სახელოსნოები გაიხსნება.
სკოლაში სარეაბილიტაციო სამუშაოები აჭარის განათლების სამინისტრომ ჩაატარა. საკლასო ოთახები, სახელოსნოები, სამედიცინო კაბინეტი, შესაბამისი სველი წერტილი ადაპტირებულია. სამუშაოების ღირებულებამ 150 095 ლარი შეადგინა. ინვენტარის შეძენისთვის კი 40 000 ლარი დაიხარჯა.
„ამ პერიოდისათვის ბათუმის 26-ე საჯარო სკოლაში, სპეციალური საგანმანათლებლო საჭიროების მქონე 33 მოსწავლე სწავლობს. სახელოსნოში მოქმედებს თიხის დამუშავების საამქრო, სადაც ბავშვები თიხის დამუშავების ტექნოლოგიას და გაფორმებას ისწავლიან. ასევე, კვილინგზე და ბატიკაზე მუშაობას. იგეგმება სამკერვალო ჯგუფის გახსნაც,“-ნათქვამია სამინისტროს ინფორმაციაში.
განათლების სამინისტროს დაფინანსებით, სახელოსნოში მომუშავე ბავშვები უზრუნველყოფილნი იქნებიან ორჯერადი კვებით, „რაც საშუალებას აძლევს მოსწავლეებს სახელოსნოებში ხუთ საათამდე იმუშაონ.
მოსწავლეების ტრანსპორტირებას უზრუნველყოფს სპეციალური მიკროავტობუსი, რომელიც 150 000 ლარად ელექტრონული ტენდერის მეშვეობით იქნა შეძენილი. სამინისტროს ინფორმაციით, მიკროავტობუსი ბავშვებს მაისიდან მოემსახურება.
საერთაშორისო გამჭვირვალობა საქართველო, ისე როგორც საქართველოს ახალგაზრდა იურისტთა ასოციაცია მოუწოდებს აჭარის უმაღლეს საბჭოს, ნუ შეიტანს უმაღლესი საარჩევნო კომისიის თავმჯდომარის არჩევის წესში ცვლილებებს იმ ფორმით, რასაც ითვალისწინებს უმაღლეს საბჭოში შესული კანონპროექტი, რომლის ინიცირებაც დეპუტატ ირაკლი (მაილო) ჯაშს ეკუთვნის.
საერთაშორისო გამჭვირვალობა საქართველოს მოსაზრებებს ამ საკუთხზე გთავაზობთ იმ ფორმით, რა ფორმითაც ორგანიზაციამ გაავრცელა: „აჭარის ავტონომიური რესპუბლიკის უმაღლესი საბჭოს არჩევნების შესახებ“ აჭარის ავტონომიური რესპუბლიკის კანონში 1 მარტს დარეგისტრირებული ცვლილებების პროექტი ითვალისწინებს ზემოაღნიშნული კანონის მე-13 მუხლის მე-13 და მე-14 პუნქტებში ცვლილებებს, რომლის მიზანიც განმარტებითი ბარათის მიხედვით არის: „ერთმანეთისგან გამიჯნოს უმაღლესი საარჩევნო კომისიის თავმჯდომარისა და უსკოს კომისიის წევრების არჩევის საკითხი. უფრო ნათელი გახადოს უსკოს არჩევის პროცედურა“.
განმარტებით ბარათში დეკლარირებული მიზნის მიღწევა ლეგიტიმურ ინტერესს წარმოადგენს, რადგან მოქმედი კანონი ამ თვალსაზრისით საჭიროებს დახვეწას და უფრო ნათლად დარეგულირებას. თუმცა, კანონპროექტის ტექსტის ანალიზისას ცხადი ხდება, რომ კანონპროექტით ხარვეზების გასწორების გარდა ასევე იცვლება სხვა უაღრესად მნიშვნელოვანი საკითხი, კერძოდ, მცირდება უსკოს წევრთა ასარჩევად უმაღლესი საბჭოს წევრთა ხმების მინიმალური რაოდენობა.
მოქმედი კანონდებლობით, უსკოს წევრის ასარჩევად აუცილებელია უმაღლესი საბჭოს სიითი შემადგენლობის უმრავლესობა, ცვლილების თანახმად კი საკმარისი გახდება დამსწრე წევრთა უმრავლესობა, მაგრამ არანაკლებ სრული შემადგენლობის ერთი მესამედისა. ეს იმას ნიშნავს, რომ ცვლილების შედეგად უსკოს წევრის ასარჩევად საკმარისი იქნება უმაღლესი საბჭოს 18 წევრიდან 7-ის მხარდაჭერა, მაშინ როდესაც მოქმედი კანონით ამისთვის მინიმუმ 11 წევრის ხმა არის აუცილებელი. ეს უსკოს დაკომპლექტების წესის არსებითი ცვლილებაა, ხდება უსკოს წევრებისა და თავმჯდომარის ლეგიტიმაციის ხარისხის შემცირება. გაუგებარია, თუ რა აუცილებლობით არის ნაკარნახები ამ გადაწყვეტილების მიღება, განმარტებითი ბარათის მიხედვით, სადაც კანონპროექტის მიზნები არის აღწერილი, ამ ცვლილების შესახებ არაფერია ნახსენები და მხოლოდ მოქმედი კანონის ხარვეზების გასწორებაზეა საუბარი. მხოლოდ განმარტებით ბარათის იმ ნაწილში, სადაც კანონპროექტის არსზეა საუბარი ნახსენებია, რომ „…უსკოს თავმჯდომარის და წევრის არჩევის საკითხი იცვლება და შესაბამისობაში მოდის აჭარის ავტონომიური რესპუბლიკის კონსტიტუციასთან. უსკოს თავმჯდომარის არჩევა მოხდება უმაღლესი საბჭოს სრული შემადგენლობის არანაკლებ ერთი მესამედისა.“ თუმცა ასევე სრულიად გაუგებარია თუ რა იგულისხმება ამ წინადადებაში, რადგან მოქმედი კანონიც შესაბამისობაში არის აჭარის ავტონომიური რესპუბლიკის კონსტიტუციასთან.
მოკლედ რომ შევაჯამოთ, ცვლილებები მოქმედ კანონში ხარვეზების გასწორების გარდა ითვალისწინებს უსკოს წევრის არჩევის კვორუმის დაწევას, რაც არსებითი ცვლილებაა და შეამცირებს უსკოს წევრის/თავმჯდომარის ლეგიტიმაციას. კანონპროექტში არ არის მოყვანილი ამ ცვლილების აუცილებლობის დასაბუთება, განმარტებით ბარათში ფაქტობრივად მხოლოდ ხარვეზების გასწორებაზეა საუბარი. აქედან გამომდინარე „აჭარის ავტონომიური რესპუბლიკის უმაღლესი საბჭოს არჩევნების შესახებ“ კანონში ამ ცვლილების შეტანა არ მიგვაჩნია მიზანშეწონილად.
ბათუმის სამშობიარო სახლი ხელისუფლებას იჯარის ხელშეკრულების გახანგრძლივებას სთხოვს – მოთხოვნა სამშობიაროს ექიმებმა დღეს კლინიკაში მისულ ჯემალ ფუტკარაძეს გააცნეს, აჭარის უმაღლესი საბჭოს ჯანმრთელობის და სოციალური დაცვის კომისიის თავმჯდომარეს. საუბარია სამშობიარო სახლის შენობაზე, რომელიც სახელმწიფო საკუთრებად რჩება. 2013 წლიდან სამედიცინო დაწესებულება აქ მომუშავე 188 ექიმის საკუთრება გახდა, მაგრამ სამშობიარო აჭარის მთავრობას ყოველთვიურად 20 ათასს ლარს უხდის შენობის იჯარისთვის. ხელშეკრულების ვადა 2018 წლის იანვარს იწურება.
შეხვედრაზე სამშობიარო სახლის ექიმებმა, რომლებიც ამავდროულად სამშობიაროს მესაკუთრეებიც არიან, ამ სფეროში გააქტიურებულ კონკურენციაზე გაამახვილეს ყურადღება. ისინი ისტორიული სამშობიაროს გადარჩენას ინვესტორების დაინტერესებაში ხედავენ.
„ამჟამად დამფუძნებლები მოგებაზე ვერ ვმუშაობთ. რასაც ვშოულობთ, განვითარებაში ვდებთ. ჩვენ გვინდა გავაფართოვოთ სამედიცინო საქმიანობის პროფილი“ – ამბობს ბათუმის სამშობიარო სახლის დირექტორი, ნუკრი ბეჟანიძე. ექიმები ხელისუფლებას სთხოვენ, მინიმუმ 10 წლიანი იჯარის ხელშეკრულება დაიდოს, რაც ინვესტორის დაინტრესებას გამოიწვევს.
ჯემალ ფუტკარაძე სამშობიარო სახლის ინიციატივას ეთანხმება და უმაღლესში საბჭოსთან შეთანხმების შემდეგ, მთავრობისთვის მიმართვას აპირებს.
