მთავარი,სიახლეები

შშმ ბავშვებისთვის ბათუმის 26-ე სკოლაში ახალი სახელოსნო გაიხსნება

09.03.2016 • 1822
შშმ ბავშვებისთვის ბათუმის 26-ე სკოლაში ახალი სახელოსნო გაიხსნება

10 მარტს ბათუმის 26-ე საჯარო სკოლაში შეზღუდული შესაძლებლობის მქონე ჯგუფებისათვის შემოქმედებითი სახელოსნოები გაიხსნება.

სკოლაში სარეაბილიტაციო სამუშაოები აჭარის განათლების სამინისტრომ ჩაატარა. საკლასო ოთახები, სახელოსნოები, სამედიცინო კაბინეტი, შესაბამისი სველი წერტილი ადაპტირებულია.  სამუშაოების ღირებულებამ  150 095 ლარი შეადგინა. ინვენტარის შეძენისთვის კი 40 000 ლარი დაიხარჯა.

„ამ პერიოდისათვის ბათუმის 26-ე საჯარო სკოლაში, სპეციალური საგანმანათლებლო საჭიროების მქონე 33 მოსწავლე  სწავლობს. სახელოსნოში  მოქმედებს  თიხის დამუშავების საამქრო, სადაც ბავშვები თიხის დამუშავების ტექნოლოგიას და გაფორმებას ისწავლიან. ასევე, კვილინგზე და ბატიკაზე მუშაობას. იგეგმება სამკერვალო ჯგუფის გახსნაც,“-ნათქვამია სამინისტროს ინფორმაციაში.

 

5180cc0a-10b6-438a-8aab-c5dbb6d039a7

 

განათლების სამინისტროს დაფინანსებით, სახელოსნოში მომუშავე ბავშვები უზრუნველყოფილნი იქნებიან ორჯერადი კვებით, „რაც საშუალებას აძლევს მოსწავლეებს სახელოსნოებში ხუთ საათამდე იმუშაონ.

მოსწავლეების ტრანსპორტირებას უზრუნველყოფს სპეციალური მიკროავტობუსი, რომელიც 150 000 ლარად ელექტრონული ტენდერის მეშვეობით იქნა შეძენილი. სამინისტროს ინფორმაციით, მიკროავტობუსი ბავშვებს მაისიდან მოემსახურება.

გადაბეჭდვის წესი


ასევე: