ბათუმის ბულვარში ამ წუთებში მიმდინარეობს აქცია – „არ დავთმობთ ბულვარს“. აქციის ორგანიზატორია საზოგადოება „ბათომი“. აქციის მონაწილეები ბულვარში მიმდინარე თუ დაგეგმილ მშენებლობეს აპროტესტებენ. ისინი სოლიდარობას უცხადებენ ასევე ნამახვანი ჰესის მშენებლობის საწინააღმდეგო აქციას.
აქცია ბათუმის ბულვარის დასაცავად / ბათუმი, 18.04.2021
აქცია ბათუმის ბულვარის დასაცავად / ბათუმი, 18.04.2021
ბათუმის ბულვარი კულტურული მემკვიდრეობის ძეგლია, 18 აპრილი კი, ძეგლებისა და ისტორიული ადგილების საერთაშორისო დღეა. მოქალაქეები ბათუმის ძველ ბულვარში კოლონადებთან არიან შეკრებილები.
აქცია ბათუმის ბულვარის დასაცავად / ბათუმი, 18.04.2021
აქცია ბათუმის ბულვარის დასაცავად / ბათუმი, 18.04.2021
აქცია ბათუმის ბულვარის დასაცავად / ბათუმი, 18.04.2021
—
„ვიკრიბებით ბულვარისა და სამოქალაქო ღირსების დასაცავად.
ბულვარი არის საქართველოს თითოეული მოქალაქის საკუთრება და არა ფულიანი ხალხის, რომლებმაც მიიტაცეს ჩვენი საგანძურის უნიკალური ტერიტორიები, დგამენ იქ ცათამბჯენებს და სახინკლეებს, ღობავენ სანაპიროებს და იზომავენ უნიკალურ მწვანე სივრცეებს საკუთარ ეზოდ. ამის წინააღმდეგ მებრძოლი ბულვარის დირექტორი კი სამსახურიდან უსამართლოდ გაუშვეს. რითაც თითოეული ბათუმელის ღირსება და თავისუფლება შელახეს! შეწყდეს ბულვარის განადგურება და ადამიანების უსამართლოდ ჩაგვრა! ბათუმი აღარ ითმენს უკიდურეს უსამართლობას და უკანონობას,“ – ვკითხულობთ ფეისბუქზე, ღონისძიების გვერდზე.
ბათუმის ბულვარში მშენებლობებისა და პლაჟის გასხვისების წინააღმდეგ, ასევე, ბათუმის ბულვარის ყოფილი დირექტორის, ირაკლი ჯინჭარაძის მხარდასაჭერად აქცია 14 აპრილსაც გაიმართა აჭარის მთავრობასთან.
