აშშ-მ საჯაროდ დაადასტურა, რომ შეამსუბუქა შეზღუდვები უკრაინისთვის აშშ-ის მიერ მიწოდებული შორი დისტანციის ბალისტიკური ტაქტიკური რაკეტების, ATACMS-ის გამოყენების შესახებ.
ATACMS-ი არის შორ დისტანციაზე მოქმედი რაკეტა, რომლებსაც „ჰაიმარსი“ და M270 MLRS სისტემები ისვრის.
ამის შესახებ თეთრი სახლის ეროვნული უშიშროების საბჭოს სტრატეგიული კომუნიკაციების კოორდინატორმა, ჯონ კირბიმ განაცხადა 25 ნოემბერს.
კირბის თქმით, აშშ-მ უკრაინულ მხარეს დართო რაკეტების კონკრეტული ტიპის სამიზნეებზე დარტყმის უფლება რუსეთის ტერიტორიაზე.
„ახლა მათ შეუძლიათ გამოიყენონ ATACMS-ი თავდაცვისთვის საგანგებო შემთხვევაში და ახლა, გასაგები მიზეზების გამო, ეს ხდება კურსკში,“ – განაცხადა კირბიმ.
გასულ კვირას უკრაინამ შეუტია ბრიანსკის რეგიონს ამერიკული წარმოების ATACMS-ის ექვსი რაკეტით, ხოლო შემდეგ გამოიყენა ბრიტანული რაკეტა Storm Shadow და ამერიკული HIMARS სისტემები კურსკის რეგიონში სამიზნეებზე დასარტყმელად.
პასუხად რუსეთის პრეზიდენტმა, ვლადიმერ პუტინმა სატელევიზიო მიმართვაში თქვა, რომ შეერთებული შტატების და ნატოს მოკავშირეების ნებართვის საპასუხოდ [უკრაინამ გამოიყენოს ამ ქვეყნებში წარმოებული იარაღი რუსეთის ტერიტორიაზე დარტყმისთვის], მოსკოვმა დაარტყა დნეპრის სარაკეტო ქარხანას არაბირთვული ჰიპერბგერითი ბალისტიკური რაკეტით.
___________
ფოტო: ვიკიპედია
