მთავარი,სიახლეები • •

ბათუმის მერია კიდევ 3 მილიონი ლარის ვიდეო-სათვალთვალო კამერებს შეიძენს

21.11.2026
ბათუმის მერია კიდევ 3 მილიონი ლარის ვიდეო-სათვალთვალო კამერებს შეიძენს

ბათუმის მერია 3 მილიონი ლარის ღირებულების ვიდეო-სათვალთვალო კამერების შეძენა-მონტაჟის სამუშაოებს შეისყიდის. გარდა ამისა, მერიამ ბიუჯეტში 2380 ვიდეოსათვალთვალო კამერის მოვლა-პატრონობის ხარჯის სახით ბიუჯეტში 2 მილიონამდე ლარი გაითვალისწინა [1 965 100] 2027 წლის ბიუჯეტის პროექტში.

375 ვიდეო-სათვალთვალო კამერის შეძენაზე მერიამ ტენდერში 2026 წლის სექტემბერშიც გამოაცხადა. შესყიდვის ბიუჯეტი 1 მილიონ 993 450 ლარი იყო. ხელშეკრულება ტენდერში გამარჯვებულ კომპანიასთან შპს „დელტა კონსალტინგთან“ 20 ოქტომბერს გააფორმეს.

ბათუმის მერიის საქალაქო და ინფრასტრუქტურის სამმართველომ 2 მილიონამდე ღირებულების [1 972 300] ვიდეო სათვალთვალო კამერები იყიდა გასულ წელსაც, მიმწოდებელი ამ შემთხვევაშიც იგივე კომპანია, შპს „დელტა კონსალტინგი“ იყო.

ამ კომპანიისგან ბათუმის მერიას 2021-2024 წლებში ჯამში 7 მილიონამდე ლარის ღირებულების ხელშეკრულებები გაუფორმებია იგივე მომსახურებაზე.

შპს „დელტა კონსალტინგი“ 2014 წელს დაფუძნებული კომპანიაა, კომპანიის წილებს დავით გიორგაძე [20%] გიორგი მიროტაძე [20%] და დავით ჯალიაშვილი ფლობენ [60%].

2027 წელს 1 მილიონ 124 420 ლარის ღირებულების ვიდეო-სათვალთვალო კამერების შეძენა-მონტაჟის სამუშაოების შესყიდვას გეგმავს ასევე ქობულეთის მუნიციპალიტეტის მერია.

გადაბეჭდვის წესი

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ. ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას. დღეს შენი მხარდაჭერა გვჭირდება _ ამისთვის შევქმენით მარტივი და უსაფრთხო პლატფორმა: შეგიძლია აირჩიო შენთვის მისაღები თანხა, რომლის გადახდასაც შეძლებ, თუნდაც თვეში 1 ლარი, და გახდე „ბათუმელებისა“ და „ნეტგაზეთის“ მხარდამჭერი. ჩვენ არ გვინდა დამატებით ფინანსურ ტვირთად ვიქცეთ ვინმესთვის. ჩვენთვის საზოგადოების მხარდაჭერა არა თანხის ოდენობით, არამედ ჩვენი მკითხველისა და გულშემატკივრის სიმრავლით იზომება.
უფრო მეტ ინფორმაციას, ასევე, წესებსა და პირობებს შეგიძლია გაეცნო მხარდაჭერის პლატფორმაზე.

ასევე: