აჭარის ჯანდაცვის სამინისტროს ინფორმაციით, რეგიონში ამ დროისთვის წითელას მხოლოდ ორი შემთხვევა დაფიქსირდა, თუმცა დაავადების პრევენციის მიზნით სამედიცინო დაწესებულებები უქმე დღეებშიც მუშაობენ.
აჭარის ჯანდაცვის სამინისტრო მოსახლეობას მოუწოდებს წითელას საწინააღმდეგო ვაქცინაციის ჩასატარებლად მიმართონ თავიანთ ოჯახის ექიმებს, ვაქცინაცია 15 წლამდე ასაკი ბავშვებში ტარდება აცრის სტატუსის გათვალისწინებით, ხოლო 15 წლის ზემოთ სტატუსის მიუხედავად, ვაქცინაცია ნებისმიერი ასაკის პირისათვის უფასოა.
წითელას საწინააღმდეგო აცრას ექვემდებარებიან რისკ-ჯგუფის წარმომადგენლები – სამედიცინო პერსონალი, დაავადებულთან კონტაქტში მყოფი და იმუნიტეტის არმქონე პირები.
აჭარაში აცრის ჩატარება, მათ შორის შაბათ-კვირის ჩათვლით, შესაძლებელია შემდეგ სამედიცინო დაწესებულებებში:
ბათუმში:
[checklist]
- შპს “ქ. ბათუმის N1 პოლიკლინიკა”, მის: ტბელ აბუსერიძის ქ. N2
- შპს “საოჯახო მედიცინის რეგიონული ცენტრი”, მის: ბარათაშვილის ქ. N30
- სს “სამედიცინო კორპორაცია ევექსი – ბათუმის პოლიკლინიკა”, მის: ს. ხიმშიაშვილის ქუჩა N 20.
[/checklist]
ხელვაჩაურში:
[checklist]
- შპს “ხელვაჩაურის სამედიცინო ცეტრი”, მის: ფრ. ხალვაშის გამზირი, მე–7 შესახვევი, N3
[/checklist]
ქობულეთში:
[checklist]
- შპს “კორპორაცია ევექსი-ქობულეთის რეგიონული საავადმყოფო”, მის: ქ. ქობულეთი, მ.აბაშიძის ქ. N18
[/checklist]
ქედაში:
[checklist]
- შპს “კორპორაცია ევექსი – ქედის სამედიცინო ცენტრი”, მის: დაბა ქედა, რუსთაველის ქ. N14
[/checklist]
შუახევში:
[checklist]
- შპს “კორპორაცია ევექსი – შუახევის სამედიცინო ცენტრი”, მის: დაბა შუახევი, რუსთაველის ქ. N32
[/checklist]
ხულოში
[checklist]
- შპს “კორპორაცია ევექსი – ხულოს სამედიცინო ცენტრი”, მის: დაბა ხულო, აღმაშენებლის ქ. N3
[/checklist]
აჭარის ჯანდაცვის სამინისტროს განცხადებით, „წითელა მწვავე ვირუსული დაავადებაა, გადაეცემა ჰაეროვანი გზით ან ინფიცირებული ადამიანის ცხვირ-ხახის სეკრეტთან პირდაპირი ან არაპირდაპირი კონტაქტით და გამოირჩევა მაღალი კონტაგიოზურობით (გადამდებლობით). კლინიკურად წითელა ხასიათდება ცხელებით, მაკულოპაპულოზური [არავეზიკულური] გამონაყრით და სიმპტომებით ზედა სასუნთქი გზების მხრივ (ხველება, რინიტი ან კონიუნქტივიტი) და სერიოზულ გართულებებს იწვევს. ვირუსთან კონტაქტის შემდეგ ავადდება იმუნიტეტის არმქონე ინდივიდების 90%-ზე მეტი“.
ამ თემაზე:
მოგიწოდებთ, ჩაიტაროთ წითელას საწინააღმდეგო აცრა – აჭარის ჯანდაცვის სამინისტრო
