აჭარის ჯანდაცვის მინისტრის მოადგილედ დანიშნეს „ოცნების“ ყოფილი მაჟორიტარი საქართველოს პარლამენტში კობა ნაკაიძე. ის 2021 წლიდან ამავე სამინისტროში მინისტრის მრჩევლის თანამდებობაზე მუშაობდა.
კობა ნაკაიძე 2016-2020 წლებში საქართველოს მე-9 მოწვევის პარლამენტის წევრი იყო.
კობა ნაკაიძე პროფესიით ექიმია. სხვადასხვა დროს იყო ასევე აჭარის საზოგადოებრივი ჯანდაცვის ცენტრის დირექტორი [2015-2016 წწ ], აჭარის დასაქმების სააგენტოს დირექტორი [2012-2015 წწ] და ქობულეთის მუნიციპალიტეტის საავადმყოფოს მთავარი ექიმი [1995-2005 წწ].
აჭარის ჯანდაცვის მინისტრს კობა ნაკაიძის ჩათვლით ხუთი მოადგილე ჰყავს.
კობა ნაკაიძე „ოცნების“ ერთ-ერთ შეხვედრაზე 2022 წელს
