Category Archives: სიახლეები

დღეს ბათუმში, გონიოში მუსლიმური მარხვის, რამადანის დაწყებასთან დაკავშირებით, „ქართველ მუსლიმთა კავშირის“, თურქეთის ქალაქ ინეგოლის მერიის და „ინეგოლის ქართული დიასპორის“ ორგანიზებით  იფთარი (ვახშამი) იმართება.

საქართველოს პრემიერ-მინისტრმა დღეს, 3 ივლისს გამართულ პრესკონფერენციაზე, აჭარის რეგიონის ტურისტულ პოტენციალზე ისაუბრა.

„ხელისუფლება აბსოლიტურად კარგად აცნობიერებს რომ ტურიზმი უნდა იყოს ეკონომიკის წამყვანი არ ვიტყოდი, მაგრამ ერთ-ერთი მნიშვნელოვანი შემადგენელი. მათ რიცხვში ბათუმი და  აჭარა არის ძალიან საინტერესო ტურიზმისთვის.  ამ მხრივ ჩვენ ყველაფერს გავაკეთებთ. უფრო კონკრეტულად რომ ჩვენ კონკრეტული გეგმა გვქონდეს გაწერილი გარდა ვთქვათ იმისა რომ ინფრასტრუქტურა განვავითაროთ. უსაფრთხოებას მაქსიმალურად უნდა მივაქციოთ ყურადღება, რომ უსაფრთხო იყოს ჩვენი ქვეყანა ტურისტებისთვის. საინვესტიციო გარემო განვავითაროთ, სასტუმროების მშენებლობა უშუალოდ აჭარაში. მხოლოდ იქ [აჭარაში] მოახერხა არჩილ ხაბაძემ  და ნაწილობრივ მაინც შეუმსუბქა მოსახლეობის იმ ნაწილს პრობლემები რომლებმაც იქ სასტუმროები ააშენეს, კრედიტები აიღეს და შემდგომ ცუდ დღეში ჩავარდნენ.  იპოთეკური კრედიტები მაქვს მხედველობაში. დაახლოებით ესე მთელ საქართველოში ვცდილობთ. აჭარა ძალიან საინტერესოა და ბათუმი განსაკუთრებით, რომ მომავალში ის მიმზიდველი იყოს ტურისტებისთვის,“ – განაცხადა ბიძინა ივანიშვილმა.

ბათუმის დრამატულ თეატრში მიმდინარე წლის ივლისის ბოლოდან სარემონტო სამუშაოები იწყება. დასი დროებით საზაფხულო  თეატრში გადავა და სპექტაკლებს იქ გამართავს.

„სახურავიდან დაწყებული   სავენტილაციო, გათბობის სისტემებით დამთავრებული აბსოლიტურად ყველაფერი შეიცვლება.  კაპიტალური რემონტი ტარდება. დაახლოებით წელიწადნახევარს გაგრძელდება სარემონტო სამუშაოები,“ – განუცხადა „ბათუმელებს“ ბათუმის დრამატული თეატრის მმართველმა თეიმურაზ კეჟერაძემ.

მისივე თქმით შეიცვლება თეატრის რამდენიმე  წლის წინ გარემონტებული ფასადიც.

„ორი წლის წინ ბათუმის თეატრის ფასადი გადაიღება და კაპიტელები მოაოქროვეს. ამავე დროს წინა ფასადზე ძალიან უსახური ბარელიეფი დაამონტაჟეს. ეს ყველაფერი უნდა მოცილდეს თეატრს. თეატრმა უნდა მიიღოს პირვანდელი სახე.  ახლა თეატრის  შენობა ჰგავს კულტურის სახლს. მე მახსოვს ჩემს ახალგაზრდობაში რაიონებში მეჩაიეების სახლი იყო, ასეთ სახლებს ჰგავს კლასიკური სტილის ძალიან კარგი შენობა ახლა,“- აცხადებს თეიმურაზ კეჟერაძე.  

ბათუმის დრამატული თეატრის რემონტისთვის 6 მილიონ ლარამდე დაიხარჯება, რომელსაც ფონდი „ქართუ“ გაიღებს.

გასულ კვირას აჭარის ფინანსთა და ეკონომიკის სამინისტრომ გასაყიდი ობიეტების ნუსხა დამატებით კიდევ სამი ობიექტით შეავსო. სამინისტრომ ელექტრონულ აუქციონზე ქობულეთის სანაპიროზე არსებული პირსის შენობა, ბათუმის ზღვისპირა პარკში მდებარე კაფე „რვაფეხა“  და  ჯავახიშვილის ქუჩაზე არსებული არასაცხოვრებელი ფართი გამოიტანა. 

ყოველ ზაფხულს ათეულობით ბავშვი აჭარიდან საზაფხულო ბანაკებში მიდის დასასვენებლად. წელს ბავშვებს აჭარიდან სხვადასხვა არჩევანი აქვთ.  არაერთი კერძო თუ სახელმწიფო ორგანიზაცია მათ უფასოდ სთავაზობს საზაფხულო ბანაკში დასვენებას. 

ბათუმელი ჟურნალისტები მირზა ცეცხლაძის დასახმარებლად ფულს აგროვებენ.

„რამდენიმე კვირაღა დარჩა, ამიტომ ყველანი უნდა გავვერთიანდეთ, რომ გადავარჩინოთ პატარა მირზას სიცოცხლე,“ – ამბობს აჭარის რადიოს პროდიუსერი  დავით ტრაპაიძე. დღეს ის სხვა ჟურნალისტებთან ერთად მირზა ცეცხლაძის დასახმარებლად თანხას ბათუმის ქუჩებში აგროვებდა. აჭარის ტელევიზიის გადაცემა „დილის ტალღის“ წამყვანის გიორგი მოისწრაფიშვილის თქმით ამ დროისთვის მოქალქეების მხრიდან აქტივობა მირზას დასახმარებლად მაღალია.

 0901500513 – ეს მირზას ნომერია.  თუ მაგთის, ბილიანის ან ჯეოსელი-ლაილაის ტელეფონებიდან ამ ნომერზე ზარს გაუშვებთ, 1 ლარი მირზას ანგარიშზე ჩაირიცხება. აქვე ვწერ მირზას დედის ტელეფონის ნომერსაც – ვისაც 1 ლარზე მეტით შეგიძლიათ შეეწიოთ, მას დაუკავშირდით ტელეფონზე – 593 42 70 55

ასევე გახსნილია ანგარიში “საქართველოს ბანკში” GE61BG0000000285946400

დღეს ბათუმში ადვოკატების, სამედიცინო კლინიკების იურისტებისა და ექიმებისათვის სემინარი ჩატარდა. შეხვედრის ორგანიზატორი  კოალიცია „ადამიანის უფლებები ჯანმრთელობის დაცვის სფეროში“ იყო.  კოალიცია  ფონდ „ღია საზოგადოება საქართველოს“ მხარდაჭერით ახორციელებს პროექტს, რომელიც ეხება ჯანდაცვის სფეროში დავების ალტერნატიული გადაწყვეტის  მეთოდის (მედიაციის) დანერგვას და მედიაციის განვითარებს ხელშეწყობას.

დღეს ბათუმის საავტორო ფილმების მე-8 საერთაშორისო კინოფესტივალზე დაგეგმილი მუსიკალური ფილმების შესახებ ფესტივალის ორგანიზატორებმა ჟურნალისტებს ინფორმაცია მიაწოდეს.

პრეზენტაციაზე ბათუმის კინოფესტივალზე დაგეგმილი მუსიკალური ფილმების ანონსი წარმოადგინეს. მუსიკალური დოკუმენტური ფილმების ჩვენება ფესტივალზე ცალკე სექციის  „მუსიკალური ფილმების“ სახით მოხდება.

ასევე ბათუმის კინოფესტივალზე სპეცალური სტუმრის სტატუსით  Joe Boyd იქნება  მოწვეული. Joe Boyd  ლეგენდარული ბრიტანული ჯგუფის PINK FLOYD-ის პირველი სინგლების პროდიუსერი და  ლეგენდარული კლუბის UFO CLUB (ლონდონის ფსიქოდელიური ანდეგრაუნდის ცნობილი კლუბი) დამაარსებელი და მენეჯერი.

დღევანდელ პრეზენტაციას  რეჟისორი და მუსიკალური პროდიუსერი ევგენი გორინი ესწრებოდა. რეჟისორმა ახალი ფილმის „მუსიკის მასწავლებლის სიზმრების“ შესახებ ისაუბრა, რომლის ნაწილიც აჭარაში გასული წლის  ზაფხულში გადაიღეს. მასში  ცნობილი ქართული ბენდის „ინსაიტის“ გიტარისტი გოჩა ყაჭეიშვილი მონაწილეობდა. ფილმის პრემიერა სექტემბერში,  ბათუმის კინოფესტივალზე გაიმართება.

<!** Image 1 align="middle" width="400" height="2848" >

ციხისძირში მცხოვრებ რევაზ დავითაძემ საწარმოო ტრავმის შედეგად ფეხის ამპუტაცია ჩაუტარდა, მას მოტეხილი აქვს მეორე ფეხიც, თუმცა სამშენებლო კომპანიამ მისი მკურნალობის ხარჯები არ აანაზღაურა.

2013 წლის 15 ივნისს, აჭარის ავტონომიური რესპუბლიკის ჯანმრთელობისა და სოციალური დაცვის სამინისტროსა და „ჩემი ოჯახის კლინიკის“ ინიციატივით ხულოს მუნიციპალიტეტის რაიონულ საავადმყოფოში ჩატარდება უფასო სამედიცინო კონსულტაციები და გამოკვლევები.

დღეს, ბათუმის პირველ საჯარო სკოლაში,  სახელმწიფოს მინისტრის პირველი მოადგილე ევროპულ და ევროატლანტიკურ სტრუქტურებში ინტერგრაციის საკითხებში დავით დუნდუა და  ნატო-ს სამეკავშირეო ოფისის ხელმძღვანელის უილიამ ლაჰიუ  სკოლის მოსწავლეებს შეხვდა. შეხვედრაზე, რომელიც ნატოს კვირეულის ფარგლებში შედგა, საუბარი იყო საქართველოსა და ნატოს ურთიერთობებზე, ორგანიზაციის შექმნის ისტორიასა და მთავარ მიზნებზე.

უილიამ ლაჰიუმ შეხვედრის აქტიურ მონაწილეებს საჩუქრად ნატო-ს მაისურები და ქუდები გადასცა.

<!** Image 2 align="" alt="მე-3 საჯარო სკოლის დირექტორი, იანა ჩადუნელი" sub="მე-3 საჯარო სკოლის დირექტორი, იანა ჩადუნელი" width="360" height="360" >

რას სთავაზობს სახელმწიფო სკოლებს განვითარებისთვის და რამდენად დამოუკიდებელია დირექტორი სკოლის მართვის პროცესში? რა ქმნის ბარიერებს და რა ხარვეზებს ხედავენ დირექტორები  ზოგადი განათლების  შესახებ კანონში? ამ და სხვა პრობლემებზე „ბათუმელებთან“ ბათუმის მესამე და მეხუთე საჯარო სკოლის დირექტორებმა ისაუბრეს.

<!** Image 3 align="" alt="მე-5 საჯარო სკოლის დირექტორი, გენო გოგიბერიძე" sub="მე-5 საჯარო სკოლის დირექტორი, გენო გოგიბერიძე" width="360" height="360" >