სიახლეები

„მუსიკალური ფილმები” ბათუმის კინოფესტივალზე

19.06.2013 • 1318
„მუსიკალური ფილმები” ბათუმის კინოფესტივალზე

დღეს ბათუმის საავტორო ფილმების მე-8 საერთაშორისო კინოფესტივალზე დაგეგმილი მუსიკალური ფილმების შესახებ ფესტივალის ორგანიზატორებმა ჟურნალისტებს ინფორმაცია მიაწოდეს.

პრეზენტაციაზე ბათუმის კინოფესტივალზე დაგეგმილი მუსიკალური ფილმების ანონსი წარმოადგინეს. მუსიკალური დოკუმენტური ფილმების ჩვენება ფესტივალზე ცალკე სექციის  „მუსიკალური ფილმების“ სახით მოხდება.

ასევე ბათუმის კინოფესტივალზე სპეცალური სტუმრის სტატუსით  Joe Boyd იქნება  მოწვეული. Joe Boyd  ლეგენდარული ბრიტანული ჯგუფის PINK FLOYD-ის პირველი სინგლების პროდიუსერი და  ლეგენდარული კლუბის UFO CLUB (ლონდონის ფსიქოდელიური ანდეგრაუნდის ცნობილი კლუბი) დამაარსებელი და მენეჯერი.

დღევანდელ პრეზენტაციას  რეჟისორი და მუსიკალური პროდიუსერი ევგენი გორინი ესწრებოდა. რეჟისორმა ახალი ფილმის „მუსიკის მასწავლებლის სიზმრების“ შესახებ ისაუბრა, რომლის ნაწილიც აჭარაში გასული წლის  ზაფხულში გადაიღეს. მასში  ცნობილი ქართული ბენდის „ინსაიტის“ გიტარისტი გოჩა ყაჭეიშვილი მონაწილეობდა. ფილმის პრემიერა სექტემბერში,  ბათუმის კინოფესტივალზე გაიმართება.

გადაბეჭდვის წესი