Category Archives: კვირის ამბები

ნათელა შაინიძე 57 წლისაა. ის აჭარის ერთ-ერთ ყველაზე მაღალ სოფელში, თხილვანაში ცხოვრობს. მარტოა მას შემდეგ, რაც მეუღლე გარდაეცვალა. ნათელას შვილები არ ჰყავს, მას ოჯახის წევრები ვერ გამოუცვლიან სახლის სახურავს, რომელიც ყავრითაა გადახურული და უკვე იმდენად არის მომპალი, რომ „როგორც გარეთ, ისე წვიმს შიგნით“. მართალია, ჰყავს მეზობლები, მაგრამ მათ ხარჯზე რომ იცვამს და იკვებება, ესეც ძალიან აწუხებს და სახურავის გამოცვლა ვის უნდა სთხოვოს?! ეგეც რომ არ იყოს, სოფელში ყველა უჭირს თავის გატანა. 

ბათუმი ჯადოსნური ქალაქია და მთელი ამბავიც ისაა, რომ შესაძლოა, ამას შორიდან ვერასოდეს მიხვდე. მაშინ რომ გეკითხათ, რა გაინტერესებსო, გულწრფელად გეტყოდით, ზღვამეთქი და მეტს ალბათ ვერც ვერაფერს გიპასუხებდით. ანდა რა ჭკუა მომეკითხებოდა თხუთმეტი წლის გაჩხიკულ ბიჭს, რომელიც ზღვიდან შორს, ქვეყნის მეორე ბოლოში დაიბადა და ზღვა კი სულ პატარაობიდან უღიტინებდა თავში და ყოველთვის ისეთი სქელტანიანი წიგნები იზიდავდა, სადაც ზღვა და მასთან მიმყოლი ამბები იყო მთავარი. ასეთ წიგნებს რა გამოლევდა საოჯახო ბიბლიოთეკაში. დავიწყე ჟიულ ვერნის წყალქვეშა ამბებით, განვაგრძე „რობინზონ კრუზოთი“ და რობერტ ლუის სტივენსონის „განძის კუნძულით“, ბოლოს კი „მობი დიკს“, ამ სქელტანიანსა და იშვიათი ოსტატობით დაწერილ წიგნს მივადექი.

გუშინ, 17 აპრილს მომხდარ ტრაგედიასთან დაკავშირებით კომპანია ,,აგე ბათუმის“ განცხადება ავრცელებს. გუშინ, ხულოში, ჰესის მშენებლობაზე ორი ადამიანი დაიღუპა, მათ შორის ერთ-ერთი საქართველოს მოქალაქე, ხულოში, სოფელ ღურტაში მცხოვრები 25 წლის პაატა იაკობაძეა. მეორე გარდაცვლილი თურქეთის მოქალაქეა. ,,აგე ბათუმი“ ჰესების მშენებარე კომპანია „აჭარისწყალი ჯორჯიას“ კონტრაქტორი კომპანიაა. „აგე ბათუმის“ განცხადებას უცვლელად გთავაზობთ: