ბათუმი,მთავარი,მთიანი აჭარა,სიახლეები

დაუცველი სანაპირო ბათუმში და დამცავი კედელი, რომელსაც ზღვა შლის | ფოტო

03.12.2023 • 1264
დაუცველი სანაპირო ბათუმში და დამცავი კედელი, რომელსაც ზღვა შლის | ფოტო

ბათუმში 27 ნოემბერს შტორმმა ახალ ბულვართან სანაპირო ზოლი კიდევ ერთხელ დააზიანა.

ამ შტორმის დროს კიდევ ერთხელ გამოჩნდა, რომ ნაპირის ნგრევა ზღვის მიერ ძველი ბულვარის მიმართულებით ისევ გრძელდება. რა მდგომარეობა იყო უშუალოდ სანაპიროზე შტორმის მეორე დღეს, შეგიძლიათ ნახოთ ამ ბმულზე:

ამჯერად კი, ფოტოებით გვინდა გაჩვენოთ ის დამცავი ნაგებობა, რომელსაც ზღვა შლის; ასევე ადგილები, სადაც ხრეშის ხელოვნურად შეტანამ სანაპირო ზოლი და იქ არსებული ინფრასტრუქტურა მეტ-ნაკლებად დაიცვა დაზიანებისგან:

ნაპირდამცავი ნაგებობა ბათუმში, რომელსაც ზღვა შლის/ 2.12.2023

ნაპირდამცავი ნაგებობა ბათუმში, რომელსაც ზღვა შლის/ 2.12.2023

ნაპირდამცავი ნაგებობა ბათუმში, რომელსაც ზღვა შლის/ 2.12.2023

ნაპირდამცავი ნაგებობა ბათუმში, რომელსაც ზღვა შლის/ 2.12.2023

ნაპირდამცავი ნაგებობა ბათუმში, რომელსაც ზღვა შლის/ 2.12.2023 / ამ კონსტრუქციის აგებაში 50 მილიონზე მეტი ლარი დაიხარჯა.

ნაპირდამცავი ნაგებობიდან ზღვის მიერ მიტაცებული ლოდი/ 2.12.2023

ნაპირდამცავი ნაგებობა ბათუმში, რომელსაც ზღვა შლის/ 2.12.2023

ნაპირდამცავი ნაგებობა ბათუმში, რომელსაც ზღვა შლის/ 2.12.2023 / ამ ზოლში ხელოვნური პლაჟი მაშინაც მოაწყვეს, როცა ლოდებით დამცავი ნაგებობა ააშენეს, თუმცა ეს ხელოვნური პლაჟი ზღვამ 2020 წელს წარეცხა.

ნაპირდამცავი ნაგებობა ბათუმში, რომელსაც ზღვა შლის/ 2.12.2023

სანაპირო ზოლში, სადაც ზღვა ლოდებით მოწყობილ კონსტრუქციას შლის, პლაჟი წარეცხილია და ამ ტერიტორიაზე ხელოვნურად ხრეში არ შეუტანიათ. ხრეშის ის რაოდენობა, რომელიც აეროპორტის ასაფრენი ზოლის მიმდებარედ შეიტანეს, როგორც ჩანს, საკმარისი არ აღმოჩნდა.

იმ მონაკვეთში კი, სადაც ხრეში ხელოვნურად შეიტანეს და პლაჟი მოაწყვეს,  ლოდების კონსტრუქციას ზღვა ჯერჯერობით ვერ შლის:

ახალი ბულვარის გაგრძელება აეროპორტის ბულვარისკენ – ხელოვნური პლაჟი და დამცავი კედელი 27 ნოემბრის შტორმის შემდეგ / 2.12.2023

ლოდებით სანაპიროს გამაგრებას ზოგიერთი სპეციალისტი ადრეც ეწინააღმდეგებოდა და ამბობდნენ, რომ ლოდების მოწყობის შემდეგ ზღვა ნაპირის ნგრევას ძველი ბულვარის მიმართულებით გააგრძელებდა.  ეს პროგნოზი გამართლდა.

ლოდების ნაგებობა მოაწყვეს, პროექტი ზღვის ხელოვნურ კვებასაც ითვალისწინებდა, თუმცა ხრეში დროულად არ შეიტანეს, შეტანილი მასა არასაკმარისი აღმოჩნდა და ზღვამ ნაპირის ნგრევა ახალი ბულვარის პირსიდან ძველი ბულვარის მიმართულებით გააგრძელა. 2023 წლის 27 ნოემბრის შტორმის დროს დანგრეული სანაპირო ზოლის სიგრძე აკვაპარკის მიმდებარე ტერიტორიას გასცდა.

ზღვის ხელოვნური კვების გარეშე კი, მხოლოდ ხელოვნური დამცავი ნაგებობების მოწყობით, ბათუმი შესაძლოა პლაჟის გარეშე დარჩეს. მეტიც, დანგრევის საფრთხე ამ ნაგებობებსაც ემუქრება, რაც ბათუმისთვის კატასტროფა იქნება.

ზღვა პარალელურად ახალ ბულვარში უკვე მდინარე მეჯინისწყლის კალაპოტსაც ანგრევს:

ზღვა ახალ ბულვარში უკვე მდინარე მეჯინისწყლის კალაპოტსაც ანგრევს შესართავთან / 2.12.2023

ზღვა ახალ ბულვარში უკვე მდინარე მეჯინისწყლის კალაპოტსაც ანგრევს და აზიანებს ხიდსაც / ფოტოზე: ხიდი მდინარე მეჯინისწყალზე, რომელზეც ახალი ბულვარის პრომინადი და ველობილიკი გადის / 2.12.2023

ზღვა ლოდებით ადრე მოწყობილ ნაგებობასაც შლის ბათუმში, გამწმენდი ნაგებობის მიმდებარე ზოლში [აეროპორტის ასაფრენი ზოლის მიმდებარე ტერიტორიიდან მდინარე ჭოროხის შესართავის მიმართულებით]. ზღვა 27 ნოემბერს ნაპირზე აქაც გადმოვიდა:

ზღვა ლოდებით ადრე მოწყობილ ნაგებობასაც შლის ბათუმში, გამწმენდი ნაგებობის მიმდებარე ზოლში / ზღვა 27 ნოემბერს ნაპირზე აქაც გადმოვიდა / 2.12.2023

ზღვა ლოდებით ადრე მოწყობილ ნაგებობასაც შლის ბათუმში, გამწმენდი ნაგებობის მიმდებარე ზოლში / ფოტოზე ჩანს, რომ ამ მონაკვეთში ნაპირსამაგრი კონსტრუქცია ფაქტობრივად დარღვეული და მოშლილია / 2.12.2023

ზღვა ლოდებით ადრე მოწყობილ ნაგებობასაც შლის ბათუმში, გამწმენდი ნაგებობის მიმდებარე ზოლში / 2.12.2023

სანაპირო ზოლი ახალ ბულვარში 2023 წლის ნოემბრის დასაწყისში [მარცხნივ] და იგივე ადგილი 27 ნოემბრის შტორმის შემდეგ – 2 დეკემბერს [მარჯვნივ]

ბოლო წლებში სანაპირო ზოლში სხვადასხვა კონსტრუქცია ისე მოაწყვეს ან ახლა აწყობენ, რომ ზღვისგან დაცვის სტრატეგია სახელმწიფოს არ გააჩნდა და არც დღეს აქვს. ამას ემატება მშენებლობები ზღვასთან ახლოს.

„ახლო მომავალში აუცილებლად უნდა შემუშავდეს [ბათუმის] სანაპიროს ექსპლოატაციის და ზღვისგან დაცვის ახალი სტრატეგია. წინააღმდეგ შემთხვევაში კატასტროფული მოვლენები გარდაუვალია, ვინაიდან ამოწურულია ზღვის სანაპიროს ბუნებრივი დინამიკის აღდგენის ყველა შესაძლებლობა“, – აღნიშნულია დოკუმენტში, რომელიც აჭარის მთავრობის დაკვეთით მომზადდა.

ამ თემაზე:

ზღვის ხელოვნური კვება ისევ საჭიროა, მაგრამ მდინარეებში აღარაა ინერტული მასალა – ინტერვიუ

გადაბეჭდვის წესი


ასევე: