მთავარი,სიახლეები

„ბათუმელების“ 12 სტატია, რომლებსაც წელს ყველაზე მეტი მკითხველი ჰყავდა

31.12.2021 • 1367
„ბათუმელების“ 12 სტატია, რომლებსაც წელს ყველაზე მეტი მკითხველი ჰყავდა

ამ სტატიებს 2021 წელს ყველაზე მეტი მკითხველი ჰყავდა „ბათუმელებზე“. წელს batumelebi.ge-ს მკითხველები არაერთი სტატიის გმირს დაეხმარნენ, რიცხავდნენ თანხას, აწვდიდნენ საკვებ პროდუქტსა და ტანსაცმელს, ერთ-ერთი სტატიის გმირმა მკითხველების გადარიცხული თანხით ბინის შეძენაც კი შეძლო.

„ბათუმელები“ ტრადიციულად, წლის ყველაზე ხშირად წაკითხულ სტატიებს გაგაცნობთ.

ლაგოდეხის ნაკრძალში გადაღებულმა ფოტოებმა, სადაც ჩანს, როგორ ესხმის თავს მგელი ჯიხვს, „ბათუმელების“ მკითხველის დიდი ინტერესი გამოიწვია. სტატიაში ფოტოგრაფი და ველური ბუნების მკვლევარი ნიკა ქერდიყოშვილი ჰყვება, როგორ გადაიღო უნიკალური კადრები.

სტატია 5 ძმის და 1 დის შესახებ, რომლებიც იმერეთიდან, ზედა ბაღდათიდან არიან.

მოკლე ინფორმაცია იმის შესახებ, როგორ გაჭირდა მდინარე ბახვისწყლიდან სამაშველო მანქანის ამოყვანა.

28 წლის მამუკა ფოცხორაია მარტვილის ცენტრში ცეკვავდა, დედისთვის აუცილებელი გულის სარქვლის ოპერაციისა და სახლისთვის თანხა რომ შეეგროვებინა. სტატიის გამოქვეყნების შემდეგ „ბათუმელების“ მკითხველმა მამუკას 42 ათასზე მეტი ლარი  გადაურიცხა და მან ბინა იყიდა.

ახალგაზრდა ქალის, 4 შვილის დედის ისტორია, რომელიც წლების განმავლობაში ოჯახში ძალადობის მსხვერპლი იყო.

თურქეთის მოქალაქის მკვლელობის საქმე, რომელსაც ბათუმის საქალაქო სასამართლო განიხილავდა.

8 ოქტომბერს, ბათუმში, ჩამონგრეულ კორპუსთან, 29 საათის განმავლობაში „ბათუმის წყლის თანამშრომელი“ მაშველად იქცა და ადამიანების სიცოცხლის გადასარჩენად იბრძოდა.

ბათუმელი ტაქსის მძღოლის, ელენე მჟავანაძის ისტორია, რომელიც ემიგრაციიდან დაბრუნდა.

33 წლის ემიგრანტი ქალის ისტორია, რომელიც ოჯახის დასახმარებლად იძულებული გახდა ემიგრაციაში წასულიყო.

ბინის გაქირავებასთან დაკავშირებული პრობლემების გამო მოქალაქემ სასამართლოს მიმართა.

სტატია ვაქცინაციასთან დაკავშირებულ ცრუ წარმოდგენებზე კორონავირუსის პანდემიის პირობებში ბევრი მკითხველისთვის საინტერესო აღმოჩნდა.

რეპორტაჟი საქართველოს საზღვართან ახლო მდებარე ქალაქიდან, ქემალფაშადან, რომელიც ათასობით საქართველოსა და თურქეთის მოქალაქისთვის სამუშაო და სავაჭრო ადგილი იყო პანდემიამდე.

 

გადაბეჭდვის წესი