იმ ქვეყნების ჩამონათვალს, რომელთა მოქალაქეებს და რეზიდენტებს საქართველოს საზღვრის კვეთა ბოლო 72 საათში ჩატარებული PCR-ტესტის უარყოფითი პასუხით შეეძლებათ, ემატება იაპონია, კანადა, ქუვეითი, ჩინეთი, სამხრეთ კორეა, მოლდოვა და ომანი.
ამის შესახებ, უწყებათაშორის საკოორდინაციო საბჭოსთან არსებული ოპერაციული შტაბის უფროსმა, გიორგი ღიბრაძემ, მთავრობის ადმინისტრაციაში გამართულ ბრიფინგზე, დღეს, 25 მაისს, განაცხადა.
პირველი ივნისიდან საქართველო სახმელეთო საზღვარს ხსნის და საზღვრის კვეთა შესაძლებელი იქნება მათთვის, ვისაც სრული ვაქცინაციის დამადასტურებელი დოკუმენტი და PCR უარყოფითი ტესტის პასუხი ექნება;
ასევე ქვეყანაში შემოსვლა ასევე შეეძლებათ იმ პირებს, რომლებსაც მხოლოდ ბოლო 72 საათში ჩატარებული PCR ტესტის უარყოფითი პასუხი ექნებათ. ამ შემთხვევაში, აღნიშნული პირები ვალდებულნი იქნებიან საქართველოში შემოსვლიდან მომდევნო 72 საათის განმავლობაში განმეორებით ჩაიტარონ PCR ტესტი.
მხოლოდ ბოლო 72 საათში ჩატარებული PCR ტესტის უარყოფითი პასუხით საქართველოში შემოსული პირები, გარდა იმისა, რომ ვალდებულნი იქნებიან მომდევნო 72 საათის განმავლობაში განმეორებით ჩაიტარონ PCR ტესტი, „აქვე, რეკომენდაცია არის გაცემული, რომ ყველა ვიზიტორს თან ჰქონდეს ჯანმრთელობის დაზღვევა, რომელიც ასევე ფარავს კოვიდთან დაკავშირებულ შემთხვევებსაც,“ – აღნიშნა გიორგი ღიბრაძემ.
ევროკავშირის წევრი სახელმწიფოების, ისრაელის, თურქეთის, შვეიცარიის, ნორვეგიის, აშშ-ის, დიდი ბრიტანეთისა და ჩრდილოეთ ირლანდიის გაერთიანებული სამეფოს, საუდის არაბეთის, კატარის, არაბთა გაერთიანებული საამიროების, ბაჰრეინის, სომხეთის, აზერბაიჯანის, უკრაინის, ყაზახეთის, უზბეკეთის, ტაჯიკეთის, ყირგიზეთის, თურქმენეთის, რუსეთის, ბელარუსის, იაპონიის, კანადის, ქუვეითის, ჩინეთის, სამხრეთ კორეის, მოლდოვისა და ომანის მოქალაქეებსა და ამავე ქვეყნების ბინადრობის (ცხოვრების) უფლების მქონე პირებს, რომლებიც საქართველოში მოემგზავრებიან ამავე ქვეყნებიდან (მათ შორის, ტრანზიტული მგზავრობისათვის მესამე ქვეყნების გამოყენების შემთხვევაშიც).
ამ ქვეყნების მოქალაქეებს საქართველოში შემოსვლა 2021 წლის პირველ ივნისამდე მხოლოდ საჰაერო გზით შეუძლიათ.
„არ არის გამორიცხული, რომ აგვისტოში, აგვისტოს ბოლოსკენ, ისევ დაიწყოს როგორც ევროპაში, ისე გლობალურად შემთხვევების ზრდა ძირითადად ახალი, მუტირებული შტამების ხარჯზე,“ – განაცხადა დღეს, 25 მაისს, საკოორდინაციო საბჭოს სხდომის შემდეგ ამირან გამყრელიძემ, დაავადებათა კონტროლის ეროვნული ცენტრის ხელმძღვანელმა:
ამირან გამყრელიძე: გამორიცხული არაა აგვისტოში კოვიდის შემთხვევების ზრდა
