საქართველოს მთავრობის ცნობით პირველი ივნისიდან სახმელეთო საზღვრები იხსნება – ამის შესახებ დღეს, 25 მაისს, განაცხადეს უწყებათაშორისი საბჭოს სხდომაზე.
საზღვრის კვეთა შესაძლებელი იქნება სრული ვაქცინაციის დამადასტურებელი დოკუმენტით და PCR ტესტის უარყოფითი პასუხით ან მხოლოდ ბოლო 72 საათში ჩატარებული PCR ტესტის უარყოფითი პასუხით. ამ შემთხვევაში პირები, რომლებიც საქართველოში შემოვლენ, ვალდებულნი იქნებიან მომდევნო 72 საათის განმავლობაში განმეორებით ჩაიტარონ PCR ტესტი.
საქართველოს მთავრობის რეკომენდაციაა, რომ ყველა ვიზიტორს ჰქონდეს ჯანმრთელობის დაზღვევა, რომელიც ფარავს კოვიდთან დაკავშირებულ შემთხვევებსაც.
