საქართველოში არ შემოუშვეს ლიეტუველი უფლებადამცველი, რომელიც აქ 15 წელია ოჯახთან ერთად ცხოვრობს.
რეგინა ეგოროვა-ასკეროვა ქალთა უფლებების დამცველი შვედური ორგანიზაციის Kvinna till Kvinna-ს („ქალები ქალებისათვის“) სამხრეთ კავკასიის რეგიონული დირექტორი და ყოფილი ჟურნალისტია.
ინფორმაციას ამის შესახებ რეგინა ეგოროვა-ასკეროვა ფეისბუქგვერდზე ავრცელებს, მისთვის საზღვარზე გადაცემული დოკუმენტის ფოტოსთან ერთად, რომელშიც საქართველოს საზღვრის კვეთაზე უარის თქმის მიზეზი არ არის დაკონკრეტებული.
„არ აკმაყოფილებს საქართველოს კანონმდებლობით განსაზღვრულ სხვა მოთხოვნებს” – მონიშნულია გრაფაში.
„ჩემს საყვარელ საქართველოში ცხოვრებიდან ზუსტად 15 წლის შემდეგ, ქვეყანაში შესვლის უფლება არ მომცეს! ახსნა-განმარტების გარეშე გამაძევეს „სხვა მიზეზების გამო“… ეს ნათლად გვიჩვენებს, თუ სად არის დღეს ქვეყანა”, – წერს რეგინა ეგოროვა-ასკეროვა.
