Batumelebi | ტრაქტორი ადიდებულ მდინარეში, დოლოგანთან [ფოტო] ტრაქტორი ადიდებულ მდინარეში, დოლოგანთან [ფოტო] – Batumelebi
RU | GE  

ტრაქტორი ადიდებულ მდინარეში, დოლოგანთან [ფოტო]

მდინარე აჭარისწყლის ადიდების შედეგად სოფელ დოლოგნის მიმდებარედ ტრაქტორი წყალში აღმოჩნდა. როგორც „ბათუმელებმა“ გაარკვია, მდინარე წვიმის გამო გუშინ, 22 მარტს, საღამოს ადიდდა.

„ტრაქტორი ინერტული მასალების ამოღებაზე მუშაობდა. ეს არის ქედისა და ხელვაჩაურის ადმინისტრაციულ საზღვართან ახლოს. როგორც ვიცი, მათ არხი ჰქონდათ გაკეთებული და წყალი არხს აქეთ არ უნდა გადმოსულიყო, თუმცა ადიდებულმა მდინარემ მთელი კალაპოტი დაფარა. სამუშაო პროცესი არ მიმდინარეობდა და არც არავინ დაშავებულა. როგორც ამბობენ, ტრაქტორს რაღაც დეტალი გაუფუჭდა და კალაპოტიდან ამოტანა გუშინ ვერ მოახერხეს“, – გვითხრა ერთ-ერთმა ინფორმირებულმა პირმა.

„ბათუმელებისთვის“ უცნობია, რომელ კომპანიას ეკუთვნის ეს ტექნიკა.

ტრაქტორი ადიდებულ აჭარისწყალში / 23.03.2021

ტრაქტორი ადიდებულ აჭარისწყალში / 23.03.2021

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com