ბათუმი,მთავარი,მთიანი აჭარა,სიახლეები

აჭარაში, სამ მაჟორიტარულ ოლქში, 360 საარჩევნო უბანი იქნება

19.07.2020 • 3073
აჭარაში, სამ მაჟორიტარულ ოლქში, 360 საარჩევნო უბანი იქნება

2020 წლის საპარლამენტო არჩევნებისთვის აჭარის 6 მუნიციპალიტეტის ტერიტორიაზე 3 მაჟორიტარული საარჩევნო ოლქი იქნება, რომლებშიც ცესკოს მონაცემებით, ჯამში 360 საარჩევნო უბანი გაიხსნება.

  • N28 მაჟორიტარულ ოლქში იქნება 104 საარჩევნო უბანი [ეს ოლქი მოიცავს ქალაქ ბათუმს];
  • N29 მაჟორიტარულ ოლქში იქნება 76 საარჩევნო უბანი [აქედან 65 – ქობულეთის მუნიციპალიტეტში, ხოლო 11 – მახინჯაურის ადმინისტრაციულ ერთეულში / ეს ოლქი მოიცავს ქობულეთის მუნიციპალიტეტს და ხელვაჩაურის მუნიციპალიტეტის მახინჯაურის ადმინისტრაციულ ერთეულს [ამ ერთეულში შედის სოფლები: მახინჯაური, შუა მახინჯაური, განთიადი];
  • N30 მაჟორიტარულ ოლქში იქნება 180 საარჩევნო უბანი [აქედან 46 უბანი ხელვაჩაურის ტერიტორიაზე, 31 – ქედის, 49 – შუახევის და 54 ხულოს მუნიციპალიტეტის ტერიტორიაზე / ეს ოლქი მოიცავს ხელვაჩაურის (მახინჯაურის ადმინისტრაციული ერთეულის გარდა, ხელვაჩაურის ყველა დანარჩენ სოფელს), ქედის, შუახევისა და ხულოს მუნიციპალიტეტებს].

—–

უკვე ცნობილია „ქართული ოცნების“ სამივე მაჟორიტარი – მმართველი პარტია ბათუმში [N28 საარჩევნო ოლქში] რესან კონცელიძეს, ქობულეთში [N29 საარჩევნო ოლქი] ზაალ მიქელაძეს, ხოლო ხელვაჩაური-ქედა-შუახევი-ხულოში [N30 საარჩევნო ოლქი] ანზორ ბოლქვაძეს წარადგენს.

„ოცნება“ მაჟორიტარ კანდიდატებს ოფიციალურად ხვალ, 20 ივლისს წარადგენს, ასევე ჩვენი ინფორმაციით, ხვალ არ დასახელდებიან მოჟორიტარი კანდიდატები, რომლებსაც მმართველი პარტია აჭარის უმაღლესი საბჭოს არჩევნებისთვის დაასახელებს: „ეს ჯერ გადაწყვეტილი არ არის.“

 

მთავარ ფოტოზე: ამომრჩევლის თანმხლები ბავშვი სპაიდერმენის ფორმით ბათუმში ერთ-ერთ საარჩევნო უბანში. ფოტო „ბათუმელების“ 2016 წლის არქივიდან. 

გადაბეჭდვის წესი


ასევე: