ორშაბათს, 20 ივლისს, „ქართული ოცნება“ პარტიის მაჟორიტარი დეპუტატობის კანდიდატებს დაასახელებს. „ბათუმელების“ ინფორმაციით, ბათუმიდან მმართველი პარტიის ერთ-ერთი კანდიდატი აჭარის პოლიციის დეპარტამენტის დირექტორის მოადგილე, რესან კონცელიძე იქნება. ის არჩევნების მოგებას „ოცნების“ სახელით ბათუმში შეეცდება.
ამის შესახებ ინფორმაცია „ბათუმელებს“ „ქართულ ოცნების“ რამდენიმე წარმომადგენელმა დაუდასტურა.
ქობულეთის მაჟორიტარ კანდიდატად კი მმართველი პარტია აჭარის ჯანდაცვის მინისტრს, ზაალ მიქელაძეს წარადგენს. ზაალ მიქელაძე აჭარის ჯანდაცვის მინისტრია 2016 წლიდან.
ოცნების მესამე მაჟორიტარი კანდიდატი აჭარაში მოქმედი დეპუტატი ანზორ ბოლქვაძე იქნება. ის ისევ თავის სამაჟორიტარო ოლქში იყრის კენჭს, ანზორ ბოლქვაძე უკვე სამი მოწვევის პარლამენტის დეპუტატია.
საპარლამენტო არჩევნები 2020 წლის ოქტომბერში შერეული საარჩევნო სისტემით ჩატარდება. პარლამენტი დაკომპლექტდება 120 პროპორციული და 30 მაჟორიტარული მანდატით.
