Batumelebi | ერთი-ორი კვირა გვეყოფა. რეზერვი არაა საკმარისი – ცერცვაძე სამედიცინო პერსონალის ეკიპირებაზე ერთი-ორი კვირა გვეყოფა. რეზერვი არაა საკმარისი – ცერცვაძე სამედიცინო პერსონალის ეკიპირებაზე – Batumelebi

ერთი-ორი კვირა გვეყოფა. რეზერვი არაა საკმარისი – ცერცვაძე სამედიცინო პერსონალის ეკიპირებაზე

თენგიზ ცერცვაძე, ინფექციური საავადმყოფოს დირექტორი ამბობს, რომ სამედიცინო სფეროს წარმომადგენლებს ამჟამად უსაფრთხოების ეკიპირების პრობლემა არა აქვთ, თუმცა რეზერვები საკმარისი არ არის.

მან ამის შესახებ 3 აპრილს TV პირველის ეთერში ისაუბრა:

„რა გითხრათ… ჯერჯერობით საკმარისია, მაგრამ რეზერვი არ არის საკმარისი. თუ ვერ შევავსეთ ის რეზერვი, შესაძლოა ხვალ დადგეს ის დღე, რასაც თქვენ ამბობთ [როცა პრობლემა გვექნება ეკიპირების].

მაგრამ რას ვიზამთ, ეტყობა ესეც ობიექტური რეალობაა, იმიტომ, რომ ამერიკას გაუჭირდა.  ამხელა ამერიკამ ვერ გარდაქმნა თავისი მრეწეველობა ისე, რომ თვითონ დაიკმაყოფილოს თავი ამ კომბინიზონებით და პირბადეებით.  ევროპის ქვეყნებიც ამ დღეშია.

საქართველოში რაღაც ადგილობრივი მრეწველობა გაჩნდა, პირბადეები გაჩნდა, კომბინიზონები არ გაჩენილა… მაგრამ ჯერ ამის გამო პრობლემა არ შექმნილა. ასე ვიცი მე, რომ კიდევ ერთი-ორი კვირა გვეყოფა. თუ ვერ შეავსეს, მერე დადგება პრობლემა. მაგრამ ჯერ არ არის“, – განაცხადა თენგიზ ცერცვაძემ.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.