76 წლის ასაკში თენგიზ ცერცვაძე გარდაიცვალა. იგი იყო საქართველოში აივ/შიდსის სამსახურის ფუძემდებელი. ბოლო რამდენიმე წლის განმავლობაში მუშაობდა ინფექციური პათოლოგიის, შიდსისა და კლინიკური იმუნოლოგიის ცენტრის გენერალურ დირექტორად.
თენგიზ ცერცვაძე იყო ნიუ იორკის მეცნიერებათა აკადემიის წევრი 1992 წლიდან, ამერიკის ინფექციურ დაავადებათა საზოგადოების წევრი 1999 წლიდან
2020 წელს თენგიზ ცერცვაძეს COVID19-ის პანდემიასთან მებრძოლ რვა ექიმთან ერთად თბილისის საპატიო მოქალაქის წოდება მიენიჭა.
ოჯახის ინფორმაციით, თენგიზ ცერცვაძე ბოლო დროს ავადმყოფობდა.
