აჭარის მთავრობის სახლის წინ მიმდინარე აქციის მონაწილეებთან საპატრულო პოლიციის თანამშრომლები მივიდნენ და მათ გზის სავალი ნაწილის გათავისუფლება მოსთხოვეს.
სამართალდამცავების თქმით, აქციის მონაწილეები კანონს არღვევენ – მათ ქუჩის გადაკეტვის ნებართვა არ აქვთ.
ამ წუთებში ბათუმში, აჭარის მთავრობის სახლთან, „ერთიანი ნაციონალური მოძრაობის“ აქცია მიმდინარეობს. აქციის მონაწილეები საქართველოს ყოფილი პრემიერ-მინისტრის, ბიძინა ივანიშვილის მიერ მრავალწლოვანი ხეების ამოთხრას აპროტესტებენ.
საპატრულო პოლიცია აქციის მონაწილეებს გზის სავალი ნაწილის გათავისუფლებას სთხოვს / 27.02.2018 / ცაგო კახაბერიძის ფოტოები
მთავრობის სახლთან მიმდინარე აქციის გამო საპატრულო პოლიციამ კ. გამსახურდიას ქუჩა გადაკეტა / 27.02.2018 / ცაგო კახაბერიძის ფოტო
სამართალდამცავები აჭარის მთავრობის სახლთან მიმდინარე აქციაზე / 27.02.2018 / ცაგო კახაბერიძის ფოტო
